ក្រុមហ៊ុន Mozilla បានផ្សព្វផ្សាយឱ្យអ្នកប្រើប្រាស់កម្មវិធី Firefox អាប់ដេត (update) កម្មវិធីនេះជាបន្ទាន់

ថ្មីៗនេះ ក្រុមហ៊ុន Mozilla បានផ្សព្វផ្សាយឱ្យអ្នកប្រើប្រាស់កម្មវិធី Firefox ធ្វើការអាប់ដេត (update) កម្មវិធីនេះជាបន្ទាន់ នេះបើយោងតាមការផ្សព្វផ្សាយរបស់ នាយកដ្ឋានប្រឆាំងបទល្មើសបច្ចេកវិទ្យា នៅព្រឹកថ្ងៃទី១៩ ខែមិថុនា ឆ្នាំ២០១៩។

នាយកដ្ឋានប្រឆាំងបទល្មើសបច្ចេកវិទ្យា បានឲ្យដឹងថា ប្រសិនបើលោកអ្នកកំពុងប្រើប្រាស់កម្មវិធី Firefox នៅលើប្រព័ន្ធកុំព្យូទ័រ Windows ឬ Mac លោកអ្នកគួរតែអាប់ដេត កម្មវិធីនេះទៅជំនាន់ ៦៧.០.៣ (Version 67.0.3) ជាបន្ទាន់។ បើតាមការផ្សព្វផ្សាយរបស់ក្រុមហ៊ុន Mozilla បានឱ្យដឹងថា នៅពេលដែលលោកអ្នក ប្រើប្រាស់កម្មវិធីជំនាន់មុននេះ hackers អាចបញ្ចូលកម្មវិធីផ្សេងៗតាមរយៈ JavaScript ដែលអាចធ្វើឱ្យកុំព្យូទ័រលោកអ្នកមានបញ្ហា (crashes)៕

ប្រភព៖ នាយកដ្ឋានប្រឆាំងបទល្មើសបច្ចេកវិទ្យា
ដោយ៖ ណារ៉ែន