ខណៈនេះមានករណីអគ្គិភ័យឆាបឆេះផ្ទះប្រជាពលរដ្ឋលក់ហ្គាសមួយកន្លែងយ៉ាងសន្ធោសន្ធៅ

ខណៈនេះអគ្គិភ័យកំពុងឆាបឆេះផ្ទះលក់ហ្គាសមួយកន្លែង នៅតាមបណ្ដោយផ្លូវបេតុង សង្កាត់ទួលសង្កែទី២ ខណ្ឌឫស្សីកែវ រាជធានីភ្នំពេញ។ យោងតាមព័ត៌មានបឋមបានរាយការណ៍ថា នៅវេលាប្រមាណជា ១២ថ្ងៃត្រង់ មានករណីអគ្គិភ័យកំពុងឆាបឆេះចេញពីផ្ទះប្រជាពលរដ្ឋដែលប្រកបរបរលក់ហ្គាសយ៉ាងសន្ធោសន្ធៅតែម្តង។

ខណៈនេះក្រុមកម្លាំងជំនាញ និងសមត្ថកិច្ចបានកំពុងធ្វើការពន្លត់ ក្នុងនោះក៏ពុំទាន់ដឹងពីមូលហេតុដែលបណ្តាលឲ្យមានអគ្គិភ័យមួយនេះ និងចំនួននៃការខូតខាតទ្រព្យសម្បត្តិដែលត្រូវបានអគ្គិភ័យលេបត្របាក់។ ព័ត៌មានលម្អិតនឹងជម្រាបជូនពេលក្រោយ៕

ដោយ៖ ណារ៉ែន