ថ្ងៃប្រឡងបាក់ឌុប កុំយករបស់អីផ្សេង ក្រៅពីរបស់ទាំងនេះចូលបន្ទប់ប្រឡង បើមិនចង់មានបញ្ហា

ខណៈនៅពេលតែជិត១ខែទៀតប៉ុណ្ណោះ ការប្រឡង​សញ្ញាបត្រ​មធ្យមសិក្សា​ទុតិយភូមិ នឹងមកដល់ ដែលប្រព្រឹត្តិធ្វើឡើងនៅថ្ងៃទី១៩ ខែសីហា ឆ្នាំ២០១៩ ហើយយើងសង្កេតឃើញប្អូនៗសិស្សានុសិស្សគ្រប់គ្នា កំពុងតែប្រឹងប្រែងរៀនសូត្រឥតឈប់ឈរ។ ថ្មីៗនេះ ក្រសួងអប់រំ យុវជន និងកីឡា បានធ្វើការប្រកាសអំពីសម្ភារៈ ដែលត្រូវបានអនុញ្ញាតឲ្យចូល​​ក្នុង​បន្ទប់​ប្រឡង​​មាន​ដូច​ជា៖

+ ប៊ិច​ពណ៌ខៀវ
+ ខ្មៅដៃ
+ បន្ទាត់
+ ដែកឈាន
+ និង​រ៉ាបព័រទ័រ។

ក្រៅពីសម្ភារៈខាងលើនេះ សម្ភារៈផ្សេងទៀតមិនត្រូវបានអនុញ្ញាតឲ្យចូលក្នុងបន្ទប់ប្រឡងឡើយ ឬអនុរក្សនឹងធ្វើការខកហូតរក្សាទុកបណ្តោះអាសន្ន រហូតដល់ប្រឡងចប់ទើបប្រគល់ឲ្យវិញ៕

អត្ថបទ៖ សេម