មិនដឹងយកអ្វីមកគិត តៃកុងឡានធំនេះ បើកបររេពេញផ្លូវ មហាជនឃើញហើយរិះគន់មិនពេញចិត្តជាខ្លាំង

ថ្មីៗនេះផ្ទុះការចែករំលែកពេញបណ្តាញសង្គមដោយមានករណីឡានដឹកទំនិញធុនធំមួយគ្រឿង បើកវេរពេញផ្លូវម្តងទៅឆ្វេងម្តងទៅស្តាំមិនខ្វល់ពីគ្រោះថ្នាក់។ ករណីនេះត្រូវបានចែករំលែកដោយគណនីហ្វេសប៊ុកឈ្មោះថា Arsenal Eric ដោយភ្ជាប់ជាមួយសារមួយឃ្លាថា «បងប៉ូលិសជួយពិនិត្យមើលអ្នកបើកឡានធំផងទាន លេងបើកឡានអញ្ចឹងៗវាគ្រោះថ្នាក់ណាស់ (ប្រហែលជាបែកថ្នាំទេដឹង?)»។

មហាជនក្នុងបណ្តាញសង្គមហ្វេសប៊ុកបានសម្តែងក្តីខឹងសម្បារជាខ្លាំង ព្រោះថាការបើកបរលេងសើចរបស់អ្នកបើកបរមួយចំនួននេះ អាចបណ្តាលឲ្យមានគ្រោះថ្នាក់ផ្សេងៗកើតឡើងជាញឹកញាប់។ យ៉ាងណាមិញក៏សំណូមពរប៉ូលីសដែលប្រចាំការក្នុងតំបន់មេត្តជួយពិនិត្យមើលផង ព្រោះវាគ្រោះថ្នាក់ខ្លាំងណាស់៕ អត្ថបទ៖ មេសា