សង្គម

រដ្ឋបាលរាជធានីភ្នំពេញប្រកាស មិនអនុញ្ញាតឲ្យសាធារណជនលក់ដូរ ទិញ និងស្លៀកពាក់ឯកសណ្ឋានបែបនេះ អំឡុងពិធីបុណ្យឯករាជ្យ និងបុណ្យអុំទូកឡើយ

BY: Khmernote Media

: November 5, 2019

ភ្នំពេញ ៖ រដ្ឋបាលរាជធានីភ្នំពេញ នៅថ្ងៃទី៥ ខែវិច្ឆិកា ឆ្នាំ២០១៩នេះ រដ្ឋបាលរាជធានីភ្នំពេញ បានចេញសេចក្តីជូនដំណឹងដល់សាធារណជន និងបងប្អូនអាជីវករទាំងអស់នៅក្នុងរាជធានីភ្នំពេញ មិនអនុញ្ញាតឲ្យមានការលក់ដូរ ការទិញ និងប្រើប្រាស់នូវសម្លៀកបំពាក់មានលក្ខណៈប្រហាក់ប្រហែលនឹងឯកសណ្ឋានកងកម្លាំងប្រដាប់អាវុធ ដែលមានអក្សរ POLICE PM ARMY ជាដើម និងវិទ្យុទាក់ទងមិនប្រក្រតី ក្នុងអំឡុងពេលបុណ្យឯករាជ្យជាតិ ៩ វិច្ឆិកា និងព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ឆ្នាំ២០១៩នេះ ក្នុងន័យដើម្បីរក្សាសន្តិសុខ សុវត្ថិភាព សណ្តាប់ធ្នាប់សាធារណៈ និងរបៀបរៀបរយសង្គមឲ្យបានល្អប្រសើរ។

រដ្ឋបាលរាជធានីភ្នំពេញក៏បានស្នើឲ្យអាជ្ញាធរមានសមត្ថកិច្ច ជួយពិនិត្យតាមដានករណីខាងលើនេះ ប្រសិនបើពិនិត្យឃើញមានសកម្មភាពនេះកើតឡើង ត្រូវមានវិធានការអប់រំណែនាំឲ្យបញ្ឈប់ការលក់ដូរ ការទិញ និងការប្រើប្រាស់ជាបន្ទាន់ ។ ក្នុងករណីទង្វើនេះបង្កជាបទល្មើសជាក់ស្តែង ត្រូវឃាត់ខ្លួន និងបញ្ជូនទៅតុលាការដើម្បីចាត់ការតាមនីតិវិធី ៕

Share This Post:

SPONSOR

អត្តបទទាក់ទង

អាណិតណាស់! ប្អូនស្រីម្នាក់ រស់នៅជាមួយសំរាម បីកូនទើបកើតបាន ១០ថ្ងៃ ដើរសុំគេហូបតាមផ្លូវ ទាំងមេឃក្តៅហួតហែង

អ្នកផលិតមាតិកា ឃុន គឹមហៃ ឆក់យកចិត្តអ្នកលេងបណ្ដាញសង្គម តាមរយៈការផលិតវីដេអូធ្វើម្ហូបប្លែកៗ!