ឪពុកយុវតីរងគ្រោះ ថាសំណងជំងឺចិត្ត២,០០០ដុល្លារអាមេរិកនេះ វាគ្រាន់តែជាជំហានដំបូងប៉ុណ្ណោះ
- January 18, 2020
ខណៈដែលយុវតីរងគ្រោះមិនព្រមចំពោះសំណងជំងឺចិត្ត ព្រោះតែការធ្វើបាប ទាត់ធាក់យ៉ាងព្រៃផ្សៃពីសំណាក់យុវតីទំនើងទាំង៤នោះរួចមក កាលពីប៉ុន្មានម៉ោងមុននេះឪពុករបស់យុវតីជនរងគ្រោះមានគណនីហ្វេសប៊ុកឈ្មោះ Sophorn Chin បានឲ្យដឹងថាលោកសុំស្នើរឲ្យក្រសួងមានសមត្ថកិច្ចបន្តធ្វើតាមនីតិវិធីច្បាប់ ដោយលោកបានបញ្ជាក់ថាសំណងជំងឺចិត្ត២,០០០ដុល្លារអាមេរិកនេះ វាគ្រាន់តែជាជំហានដំបូង។
ដោយឪពុកជនរងគ្រោះបានសរសេររៀបរាប់ថា៖ “ក្នុងនាមខ្ញុំជាឪពុកជនរងគ្រោះ មរកត ខ្ញុំស្នើរសុំដល់ក្រសួងមានសមត្ថកិច្ច និងប្រព័ន្ធតុលាការជួយបន្តនីតិវិធីតាមផ្លូវច្បាប់ ហើយរឿងសំណងជំងឺចិត្ត 2000ដុល្លារ វាគ្រាន់តែជំហានដំបូង បន្ទាប់មកយកកូនខ្ញុំទៅពិនិត្យខាងផ្លូវអារម្មណ៏និងរាងកាយ បើសិនរកឃើញថាកូនខ្ញុំមានសភាពធ្ងន់ធ្ងរ ខ្ញុំនឹងទាមទារសំណងបន្ថែនទៀតចំពោះមុខតុលាការ”។
សូមរំលឹកថាសិស្សរងគ្រោះអាយុ១៦ឆ្នាំ សិក្សាថ្នាក់ទី៨ នៅវិទ្យាល័យផ្សារដើមថ្កូវ ចំណែកក្រុមជនបង្កមានគ្នា៤នាក់ ដោយជនបង្កម្នាក់បានហៅបក្ខពួកពីខាងក្រៅស្រីវិទ្យាល័យផ្សេងចំនួន ៣ទៀត មកព្រួតគ្នាទាត់ធាក់និងជេរប្រទេចដូចសត្វធាតុ។ ដោយសកម្មភាពនោះ កើតឡើងកាលពីរសៀលថ្ងៃទី២៥ ខែធ្នូ ឆ្នាំ២០១៩ នៅក្នុងវិទ្យាល័យផ្សារដើមថ្កូវ និងទើបតែបែកធ្លាយវីដេអូនៅថ្ងៃទី១៦ ខែមករា ឆ្នាំ២០២០៕
- Share This Post: