WHO បញ្ជូនអ្នកជំនាញទៅកាន់ប្រទេសចិន ដើម្បីធ្វើការសិក្សាលើជំងឺផ្លូវដង្ហើមថ្មីដែលកំពុងផ្ទុះឡើង

អង្គការសុខភាពពិភពលោកនិយាយថា ខ្លួននឹងបញ្ជូនអ្នកជំនាញអន្តរជាតិទៅកាន់ប្រទេសចិនឱ្យបានឆាប់តាមដែលអាចធ្វើទៅបាន ដើម្បីធ្វើការជាមួយប្រទេសចិន ដើម្បីគ្រប់គ្រងការឆ្លងវីរុសនេះ។ អង្គការសុខភាពពិភពលោកបានចេញសេចក្តីថ្លែងការណ៍មួយ បន្ទាប់ពីលោក Tedros Adhanom Ghebreyesus អគ្គនាយករបស់ខ្លួនបានជួបជាមួយប្រធានាធិបតីចិនលោក ស៊ី ជិនពីង និងមន្ត្រីសុខាភិបាលនៅទីក្រុងប៉េកាំងកាលពីថ្ងៃអង្គារ។ ពួកគេបានព្រមព្រៀងធ្វើការរួមគ្នាដើម្បីទប់ស្កាត់ការរីករាលដាលនៃវីរុសថ្មីនៅវូហាន អនុវត្តវិធានការនៅក្នុងទីក្រុង និងខេត្តដទៃទៀត និងសិក្សាបន្ថែមទៀតអំពីការចម្លងមេរោគនេះ។

លោក Tedros បាននិយាយថា ការបញ្ឈប់ការរីករាលដាលនៃមេរោគនេះទាំងនៅក្នុងប្រទេសចិន និងនៅទូទាំងពិភពលោក គឺជាអាទិភាពខ្ពស់បំផុតរបស់អង្គការសុខភាពពិភពលោក។ លោកបានបន្ថែមទៀតថា អង្គការសុខភាពពិភពលោកសូមកោតសរសើរចំពោះប្រទេសចិនដែលខិតខំប្រឹងប្រែងនៅក្នុងកាលៈទេសៈនេះ។ អង្គការសុខភាពពិភពលោកនិយាយថា ខ្លួនកំពុងតាមដានការវិវត្តជាប្រចាំ ហើយលោក Tedros Adhanom Ghebreyesus ត្រូវផ្សះផ្សារគណៈកម្មាធិការគ្រាអាសន្ន ដើម្បីពិភាក្សាថាតើស្ថានការណ៍នេះអាចបង្កើតជាភាពអាសន្នផ្នែកសុខភាពសាធារណៈ ដែលជាការព្រួយបារម្ភរបស់អន្តរជាតិ ឬយ៉ាងណា។ ស្ថាប័នសុខាភិបាលនេះនិយាយថា ខ្លួនបានដាក់ចេញនូវវេទិកាមួយដែលអនុញ្ញាតឱ្យប្រទេសជាសមាជិក ចែកចាយទិន្នន័យគ្លីនិកដោយមិនបញ្ចេញឈ្មោះ ដើម្បីជួយដោះស្រាយជាមួយនឹងមេរោគថ្មីនេះ៕

អត្ថបទ៖ លីដា