K01 ត្រូវបាននាយកដ្ឋានព័ត៌មាននិងសោតទស្សន៍ កោះហៅ នៅព្រឹកមិញនេះ
- January 30, 2020
លោក ឃឿន សុឡា ដែលគេស្គាល់ឈ្មោះថា K01 ត្រូវបាននាយកដ្ឋានព័ត៌មាននិងសោតទស្សន៍ កោះហៅ នៅព្រឹកមិញនេះ ក្រោយពេលដែលបានធ្វើការ Live ផ្ទាល់បំពុលសង្គម ទាក់ទងនឹងជំងឺផ្លូវដង្ហើមថ្មី Coronavirus នៅមុខមន្ទីពេទ្ររូស្សុី កាលពីម្សិលមិញ។ ការកោះហៅពីសំណាក់ នាយកដ្ឋានព័ត៌មាននិងសោតទស្សន៍ គឺបានធ្វើការអប់រំណែនាំចំពោះលោក K01 អំពីការផ្សព្វផ្សាយព័ត៌មាន ហើយ K01 ក៏បានធ្វើការសុំទោសនិងសន្យាមិនអោយមានរឿងនេះកើតឡើងម្តងទៀតនោះទេ។
គួរបញ្ជាក់ផងដែរថា កាលពីព្រឹកមិញនេះដែរនៅក្នុងសន្និសីទសារព័ត៌មានអំពីជំងឺរលាកផ្លូវដង្ហើមថ្មីកូរ៉ូណា (Coronavirus) សម្តេចតេជោ ហ៊ុន សែន នាយករដ្ឋមន្រ្តី ក៏បានធ្វើការស្តីបន្ទោសខ្លាំងៗទៅកាន់ K01 ដែលធ្វើខ្លួនមិនសមជាអ្នកសារព័ត៌មានទាល់តែសោះ និងគ្មានវិជ្ជាជីវៈសូម្បីតែបន្តិច។ ទោះជាយ៉ាងណាក្តីសម្តេចតេជោ ក៏បានអំពាវនាវដល់អ្នកលេង Facebook ក៏ដូចជាអ្នកសារព័ត៌មាន សូមធ្វើការផ្សព្វផ្សាយព័ត៌មានពិត កុំបំពុលសង្គមដែលធ្វើអោយប្រជាពលរដ្ឋមានការភ័យខ្លាច និងចលាចល៕
ប្រភពរូបភាពដោយ៖ លោក យ៉ែម ណយ
- Share This Post: