បុណ្យមាឃបូជា នៅវត្តសិរីមង្គលខ្យោក ខេត្តព្រៃវែង នឹងមានការបូជាប្រទីប ៥០០០ដួង បង្ហោះគោមចំនួន១០០
- February 7, 2020
សម្រាប់ថ្ងៃសៅរ៍ ១៥កើត ខែមាឃ ឆ្នាំកុរ ឯកស័ក ពុទ្ធសករាជ ២៥៦៣ ត្រូវនឹងថ្ងៃសៅរ៍ ទី០៨ ខែកុម្ភៈ ឆ្នាំ២០២០ ស្អែកនេះ គឺមានពិធីសាសនាដ៏ធំ មួយគឺបុណ្យ “មាឃបូជា” គឺរំឭកទៅដល់ថ្ងៃដែលព្រះសម្មាសម្ពុទ្ធទ្រង់ដាក់អាយុសង្ខារ។ យ៉ាងណាមិញក៏មានពុទ្ធសាសនិកជាច្រើននាំយកចង្ហាន់ទៅប្រគេនព្រះសង្ឃ ជាពិសេសស្អែកនេះនៅវត្តសិរីមង្គលខ្យោក ខេត្តព្រៃវែង នឹងរៀបចំពិធីបុណ្យមហាមាឃបូជា ហើយក៏មានការបូជាប្រទីប ៥០០០ដួង បង្ហោះគោមចំនួន១០០ ផងដែរ។
ដោយព្រះចៅអធិការវត្ត ព្រះនាម ព្រះគ្រូសីរីមង្គលញាណ រិទ្ធ សារ៉ុម បានឲ្យដឹងថា៖ “ជិតដល់ថ្ងៃហើយ ញោមញាតិ បុណ្យមាឃបូជា បូជាប្រទីប ៥០០០ដួង បង្ហោះគោម១០០គោម វត្តសិរីមង្គលខ្យោក ស្ថិតក្នុងភូមិខ្យោកកណ្ដាល ឃុំពពឺស ស្រុកស្វាយអន្ទរ ខេត្តព្រៃវែង កម្មវិធីប្រព្រឹត្តទៅនៅថ្ងៃសៅរ៍ ១៥កើត ខែមាឃឆ្នាំកុរ ឯកស័កព,ស២៥៦៣ ត្រូវនឹងថ្ងៃទី០៨ ខែកុម្ភៈ ឆ្នាំ២០២០”៕
- Share This Post: