ថ្មីៗនេះមានការចែករំលែកនូវកន្លែងកម្សាន្តមួយដែលស្ថិតនៅក្នុងខេត្តកំពត ជាពិសេសការកែច្នៃថ្មី ដោយមានការជិះរទេះរំអិល កន្លែងកម្សាន្តនេះមានឈ្មោះ ចំការដូងម្លិច ជាកន្លែងកំសាន្តថ្មី បែបធម្មជាតិព្រៃភ្នំ ដោយការជិះរទេះភ្លើងនេះទើបតែដាក់ឲ្យដំណើរការដោយអ្នកទាំងអស់គ្នាចូលលេងកម្សាន្តដោយសេរី ប៉ុន្តែតម្លៃក្នុងការជិះរទេះភ្លើងម្តង ១៥០០០រៀល។

កន្លែងកម្សាន្តឈ្មោះ ចំការដូងម្លិច មានទីតាំងខាងកើតទំនប់ ភូមិត្រពាំងឈើទាល ឃុំច្រេស ស្រុកជុំគីរី ខេត្តកំពត ៩០គីឡូម៉ែត្រពីភ្នំពេញ ចុះពីផ្លូវជាតិលេខ៣ ១គីឡូដី ត្រង់ព្រំប្រទល់ខេត្តតាកែវ និង កំពត ត្រង់ច្រមុះភ្នំនរាយន៍។ ដោយផេក រីស៊តចំការដូងម្លិច បានសរសេររៀបរាប់ថា៖ “មកដល់ហើយៗ ថ្មីប្លែកចំឡែកអារម្មណ៍ ចាប់ដំណើរការហើយក្នងឱកាសចូលឆ្នាំប្រពៃណីខ្មែរ ២០២០ខាងមុខនេះគឺមានការជិះកំសាន្ត រទះរំអិលនៅចំការដូងម្លិច! បន្ថែមពីលើការជិះខ្សែរ៉ក ជិះក្បូន ជិះទូក និង ស្ពានយោលផងដែរ”៕