ទាហានអាមេរិកឈរជើងនៅកូរ៉េខាងត្បូងម្នាក់ឆ្លងវីរុស COVID-19

យោធាសហរដ្ឋអាមេរិកនិយាយថា ទាហានប្រុសម្នាក់អាយុ ២៣ឆ្នាំ ដែលឈរជើងនៅប្រទេសកូរ៉េខាងត្បូងបានឆ្លងវីរុស COVID-19 ។ ប្រភព NHK បាននិយាយថា​ បុរសនោះជាបុគ្គលិករបស់មូលដ្ឋានយោធាអាមេរិកនៅជិតទីក្រុង Daegu ភាគខាងត្បូង ដែលជាចំណុចកណ្តាលនៃការផ្ទុះឡើងនៃវីរុសនេះនៅក្នុងប្រទេសកូរ៉េខាងត្បូង។ ពួកគេបាននិយាយថា គាត់នៅឯមូលដ្ឋានចាប់ពីថ្ងៃសុក្រសប្តាហ៍មុន រហូតដល់ថ្ងៃអង្គារ។ លោកក៏បានចុះទៅមូលដ្ឋានក្បែរនោះកាលពីថ្ងៃចន្ទផងដែរ។

យោធាម្នាក់នោះពេលនេះកំពុងព្យាយាមកំណត់អត្តសញ្ញាណមនុស្សដែលមានទំនាក់ទំនងជាមួយគាត់។ នេះជាលើកទីមួយហើយដែលទាហានអាមេរិកឈរជើងនៅកូរ៉េខាងត្បូង ត្រូវបានបញ្ជាក់ថាបានឆ្លងវីរុសនេះ។ កាលពីដើមសប្តាហ៍នេះរដ្ឋមន្រ្តីក្រសួងការពារជាតិអាមេរិកលោក Mark Esper និងរដ្ឋមន្រ្តីការពារជាតិកូរ៉េខាងត្បូងលោក Jeong Kyeong-doo បានបង្ហើបឱ្យដឹងថា ពួកគេកំពុងពិចារណាធ្វើឱ្យប្រសើរឡើងនូវសមយុទ្ធយោធារួមគ្នាមួយចំនួននៅរដូវផ្ការីកនេះ ដោយសារតែមានការព្រួយបារម្ភអំពី COVID-19 នេះ៕

អត្ថបទ៖ លីដា