ម៉ាឡេស៊ីរកឃើញអ្នកឆ្លងវីរុស COVID-19 ចំនួន ៧ករណីបន្ថែមទៀត នាំឱ្យចំនួនសរុបកើនដល់ ៣៦ករណី
ករណីថ្មីនៃវីរុស COVID-19 ត្រូវបានរាយការណ៍នៅប្រទេសម៉ាឡេស៊ី កាលសម្រាប់ថ្ងៃអង្គារ ទី៣ ខែមីនា ឆ្នាំ២០២០ ដែលធ្វើឱ្យចំនួនអ្នកឆ្លងនៅក្នុងប្រទេសនេះកើនឡើងដល់ ៣៦ករណី។ ក្រសួងសុខាភិបាលបាននិយាយនៅក្នុងរបាយការណ៍ថ្មីមួយថា បច្ចុប្បន្នមាន ១៤ករណី កំពុងត្រូវបានព្យាបាលនៅមន្ទីរពេទ្យ Sungai Buloh និងមន្ទីរពេទ្យ Kuala Lumpur ខណៈ ២២ករណីផ្សេងទៀតត្រូវបានរំសាយចេញ។ ក្រសួងបានបន្ថែមថា៖“អ្នកជំងឺទាំងអស់ស្ថិតក្នុងស្ថានភាពល្អ”។
គិតត្រឹមថ្ងៃអង្គារនេះ មានមនុស្សជាង ៩០.០០០នាក់ បានឆ្លងវីរុសនេះ ដោយមានអ្នកស្លាប់ជិត ៣,០០០នាក់។ វីរុសនេះបានកើតឡើងជាលើកដំបូងនៅក្នុងខែធ្នូ ចុងឆ្នាំ២០១៩ នៅទីក្រុង Wuhan រដ្ឋធានី Hubei មុនពេលរីករាលដាលដល់ប្រទេសជាង ៦០ ទូទាំងពិភពលោក។ ករណីថ្មីៗ កំពុងតែកើនឡើងនៅទូទាំងពិភពលោក ប៉ុន្តែវាបន្តធ្លាក់ក្នុងប្រទេសចិន៕
Terkini #COVID19 di Malaysia, 3 Mac 2020.
Terdapat tujuh (7) kes baru positif menjadikan 36 kes setakat ini.
Ini menjadikan 14 kes sedang dirawat di Hospital Sg Buloh dan HKL manakala 22 discaj.
Kesemua mereka dalam keadaan stabil.
Kenyataan penuh KKM menyusul.
— KKMPutrajaya (@KKMPutrajaya) March 3, 2020
អត្ថបទ៖ លីដា