អ៊ីតាលីប្រកាសបិទគ្រប់ហាងទាំងអស់ លើកលែងតែឱសថស្ថាន និងកន្លែងលក់អាហារ ខណៈករណីស្លាប់កើនពី ១៩៦ ដល់ ៨២៧នាក់ ត្រឹមរយៈពេលតែ ២៤ម៉ោង

នាយករដ្ឋមន្រ្តីអ៊ីតាលីលោក Giuseppe Conte បានប្រកាសនៅថ្ងៃពុធនេះថា រាល់ហាងនិងភោជនីយដ្ឋានទាំងអស់នៅអ៊ីតាលី ត្រូវតែបិទទ្វារព្រោះការឆ្លងនៃវីរុស COVID-19 កំពុងតែរីករាលដាលយ៉ាងឆាប់រហ័ស។ ប៉ុន្តែលោកបានបន្ថែមថា ឱសថស្ថាននិងហាងលក់គ្រឿងទេស ដែលទាក់ទងនឹងតម្រូវការប្រចាំថ្ងៃនឹងត្រូវបើកធម្មតា។ សេវាកម្មដឹកជញ្ជូនតាមភោជនីយដ្ឋាន និងប្រតិបត្តិការរោងចក្រនឹងត្រូវបានអនុញ្ញាតឱ្យបើកដូចគ្នា។ សេវាដឹកជញ្ជូនអ៊ីមែល និងសេវាដឹកជញ្ជូនសាធារណៈនឹងនៅតែបន្ត។ អ៊ីតាលីក៏បានស្នើសុំឱ្យប្រជាជននៅទូទាំងប្រទេស បញ្ឈប់ការចេញទៅក្រៅប្រសិនបើមិនចាំបាច់ចាប់ពីថ្ងៃអង្គារតទៅ។

ចំនួនអ្នកឆ្លងបានឡើងដល់ ១២,១៤៩នាក់ កាលពីថ្ងៃពុធ ហើយមនុស្ស ៨២៧នាក់បានស្លាប់។ ការព្រួយបារម្ភកំពុងកើនឡើងថា ប្រសិនបើការឆ្លងរាលដាលបន្តរាលដាល សេវាកម្មវេជ្ជសាស្ត្រអាចនឹងដួលរលំ។ ពោលគឺប្រសិនក្នុងករណីមានការខ្វះខាតគ្រែ និងតម្រូវឱ្យមានការអនុវត្តដែនកំណត់គ្រែ មានន័យថាអ្នកជំងឺជាចាស់ជរាដែលមិនបានបង្ហាញសញ្ញាធូរស្រាលពីវីរុស ពួកគេនឹងត្រូវដកចេញពីគ្រែ ICU ដើម្បីទុកកន្លែងឱ្យអ្នកជំងឺក្មេងៗដែលមានសង្ឃឹមរស់បន្តច្រើនជាង។ គួរឱ្យដឹងដែរថា COVID-19 ពេលនេះមានការថយចុះនៅក្នុងប្រទេសចិនពិតមែន ប៉ុន្តែវាមានករណីជាច្រើនបានកំពុងតែកើនឡើងនៅជុំវិញពិភពលោក ហើយ WHO កាលពីយប់មិញនេះបានប្រកាសជាផ្លូវការថា COVID-19 ជាការរាតត្បាតជាសកល (pandemic) ៕

អត្ថបទ៖ លីដា