បិទចរាចរទាំង២ទិសនៅលើស្ពានអាកាសស្តុបផ្សារដីហុយ រយៈពេល១០ថ្ងៃចាប់ពីយប់នេះទៅ

បន្ទាប់ពីដាក់ឲ្យដំណើរការបណ្តោះអាសន្នមួយរយៈរួចមក ស្ពានអាកាសស្តុបផ្សារដីហុយបានបន្តការសាងសង់របស់ខ្លួនបន្ថែមទៀត។ យោងតាមការបញ្ជាក់ពីទំព័រហ្វេសប៊ុករបស់មន្ទីរសាធារណការ និងដឹកជញ្ជូនរាជធានីភ្នំពេញ បានឲ្យដឹងថា ចាប់ពីម៉ោង ១៩ និង០០យប់ថ្ងៃទី១ ខែឧសភា ឆ្នាំ២០១៨នេះ ដល់ថ្ងៃទី៨ ខែឧសភា ឆ្នាំ២០១៨ ការដ្ឋានស្ពានអាកាសស្តុបផ្សារដីហុយនឹងត្រូវបិទការធ្វើចរាចរលើស្ពានទាំងស្រុងទាំង២ទិស ដើម្បីសាងសង់តំណស្ពានចុងក្រោយ ហើយនៅថ្ងៃទី១០ ខែឧសភា ឆ្នាំ២០១៨ ខាងមុខ ការដ្ឋាននឹងបញ្ចប់រួចដាក់អោយដំណើរការជាធម្មតាឡើងវិញ៕

អត្ថបទ៖ សេម