(ភាពស្មោះត្រង់ សូមជួយចែករំលែក) ទិញដំឡូង និងសណ្តែកដីគាត់ គាត់អាប់លុយខ្វះ ៥០០៛ ,ខំរុញរទេះជាង កន្លះគីឡូ តាមយកឲ្យវិញ

ថ្ងៃនេះខ្មែរណូត សូមផ្សព្វផ្សាយពីភាពស្មោះត្រង់មួយ ចែករំលែកដោយគណនីលោក Ry Sotharith ដែលបានបង្ហោះឲ្យដឹងពីសកម្មភាពស្មោះត្រង់មួយរបស់បងប្រុសអ្នកលក់ដំឡូង និងសណ្តែកដី ដោយគាត់អាប់លុយខ្វះ ៥០០៛ តែគាត់សុខចិត្តរុញរទេះគាត់តាមរកឲ្យលុយទៅគាត់ ៥០០៛ដែលខ្វះវិញ។

បេះដូងអ្នកសៀមរាប រឿងលុយ ៥០០រៀល៖ ខ្ញុំទិញដំឡូង និងសណ្តែកដីគាត់ ហើយគាត់អាប់លុយខ្វះអោយខ្ញុំ៥០០រៀលខ្ញុំមិនដឹងក៏ដើរចេញមកជិតកន្លះគីឡូ តែមិននឹកស្មានថាគាត់រត់តាមខ្ញុំជាមួយរទេះគាត់ជាងកន្លះគីឡូគ្រាន់តែយកលុយអាប់ដែលខ្វះ៥០០រៀលអោយខ្ញុំវិញ។ តើមានប៉ុន្មានអ្នកនៅមានបេះដូងបែបនេះ? ភាពស្មោះត្រង់ របស់ប្អូននឹងនៅជាមួយខ្ញុំរហូត៕ ប្រភព៖Ry Sotharith