Thuy Trang កើតនៅថ្ងៃទី១៤ ខែធ្នូ ឆ្នាំ១៩៧៣ ជាតារាសម្ដែងជនជាតិអាមេរិកដើមកំណើតវៀតណាម។ នាងត្រូវបានគេស្គាល់ថាជាតួ Trini Kwan ដែលជា Power Ranger ពណ៌លឿង ក្នុងរឿងភាគទូរទស្សន៍ Mighty Morphin Power Rangers ឆ្នាំ១៩៩៣ ។ ឪពុករបស់ Trang គឺជាមន្ត្រីកងទ័ពវៀតណាម បន្ទាប់ពីការដួលរលំនៃទីក្រុងសៃហ្កន Trang និងក្រុមគ្រួសារត្រូវបានបង្ខំឱ្យចាកចេញពីស្រុកកំណើតរបស់ពួកគេនៅពេលនាងមានអាយុ២ឆ្នាំ ដោយបានជិះកប៉ាល់ដឹកទំនិញទៅកាន់ទីក្រុងហុងកុងដោយសម្ងាត់ជាមួយប្រជាជនវៀតណាមរាប់រយនាក់ផ្សេងទៀតក្នុងគោលបំណងទៅដល់សហរដ្ឋអាមេរិក។ Trang និងគ្រួសាររបស់នាងបានរស់នៅក្នុងជំរុំនៅហុងកុង ហើយទីបំផុតបានទៅដល់រដ្ឋកាលីហ្វ័រញ៉ាក្នុងឆ្នាំ១៩៨០។ នាងបានចុះឈ្មោះចូលរៀននៅសកលវិទ្យាល័យ California ដើម្បីសិក្សាផ្នែកវិស្វកម្មសំណង់ស៊ីវិល ប៉ុន្តែនាងក៏បានងាកចាប់អាជីពទៅការសម្ដែង។

តុលាការកូរ៉េខាងត្បូងបានចេញដីកាចាប់ខ្លួនលោក Do Kwon ដែលជាអ្នកបង្កើតរូបិយប័ណ្ណគ្រីបតូ ឬហៅថាកាក់ Luna និងជាស្ថាបនិកនៃវេទិកា Blockchain Terraform Labs (TERRA)។ អ្នកនាំពាក្យរបស់រដ្ឋអាជ្ញាបានប្រាប់រ៉យទ័រថា៖«ដីកាចាប់ខ្លួនមួយ ត្រូវបានចេញសម្រាប់មនុស្សសរុបចំនួន ៦នាក់ រួមទាំងលោក Do Kwon ដែលបច្ចុប្បន្នកំពុងរស់នៅក្នុងប្រទេសសិង្ហបុរី»។

ថៃ៖ យោងតាមរយៈគេហៈទំព័រ​ហ្វេស​ប៊ុក​របស់​មជ្ឈមណ្ឌល​ហ្សែន​វេជ្ជ​សា​ស្រ្ត នៃមន្ទីរពេទ្យ​រ៉ា​ម៉ា​ធិ​បូ​ឌី បាន​បង្ហោះ​សារ​អំពី​ការ​តាមដាន​ជំងឺ​កូ​វី​ដ​១៩ “ជំនាន់​ទី​៣” Omikron “BA.2.75.2” ដែល​វិទ្យាស្ថាន​ហ្សែ​ន​ប្រទេស​ឥណ្ឌា​បាន​ព្រមាន​ថា Omicron BA.2.75 ដែល​បាន​ចាប់ផ្តើម​ក្នុង ប្រទេសឥណ្ឌាចាប់តាំងពីខែឧសភា មានចំនួន ៨២.៩% នៃករណីថ្មីរបស់មេរោគប្រភេទ BA.2.75 ដែលមានឈ្មោះមិនទាន់ផ្លូវការគឺ Centaurus ឬពាក់កណ្តាលមនុស្សពាក់កណ្តាលសេះនៅក្នុងទេវកថារបស់ក្រិក។ ហើយវាថែមទាំងមានសក្ដានុពលបំផុតសម្រាប់ការបំលែងថ្មី បើប្រៀបធៀបទៅនឹងមេរោគប្រភេទកូរ៉ូណា ២០១៩ ដែលធ្លាប់ជាមេរោគបំលែងថ្មី ដែលបានផ្ទុះកាលពីមុន ប៉ុន្តែឥឡូវនេះមេរោគ Omicron BA.2.75 ត្រូវបានផ្លាស់ប្តូរឬបំលែងថ្មីជាបន្តបន្ទាប់ ដោយមួយក្នុងចំនោមប្រភេទរងដែលបានផ្លាស់ប្តូរគឺ “BA.2.75.2” ដែលត្រូវបាន គេស្គាល់ក្រៅផ្លូវការថា “Centaurus 2.0”

(ភ្នំពេញ)៖ នៅថ្ងៃនេះមានការចែករំលែកនូវវីដេអូដែលបង្ហាញសកម្មភាពលោក ម៉ម សុធានី នាយកសាលាវិទ្យាល័យ ហ៊ុនសែន សេរីភាព ក្រុងតាខ្មៅ បានវាយសិស្សស្រី២នាក់ ដោយមានការជជែកវែកញែកខុសត្រូវពីសំណាក់មហាជន។ ក្នុងនោះផងដែរ នៅរសៀលថ្ងៃទី១៤ ខែកញ្ញា ឆ្នាំ២០២២ អ្នកនាំពាក្យក្រសួងអប់រំ យុវជន និងកីឡា លោក រស់ សុវាចា បានថ្លែងប្រាប់សារព័ត៌មានក្នុងស្រុកមួយថា ក្រសួងកំពុងបើកការស៊ើបអង្កេតលើបញ្ហានេះ។

សិង្ហបុរី៖ អាជ្ញាធរសុខាភិបាលនៃប្រទេសសិង្ហបុរីបានប្រកាសកាលពីការរកឃើញករណីមានក្មេងស្រីអាយុ ៣ឆ្នាំបានស្លាប់បាត់បង់ជីវិតដោយជំងឺកូវីដ-១៩ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia កាលពីយប់ថ្ងៃពុធ ទី១៤ ខែកញ្ញាម្សិលមិញនេះ។ ការស្លាប់របស់ក្មេងស្រីរូបនេះត្រូវបានគេចាត់ទុកថា ជាករណីកម្របំផុតមួយរាប់ចាប់តាំងពីពេលដែលជំងឺកូវីដ-១៩ចាប់ផ្តើមរាតត្បាតមក ហើយវាក៏ជាករណីទី ៣សម្រាប់សិង្ហបុរីផងដែរក្នុងការកត់ត្រាមានជនរងគ្រោះអាយុក្រោម ១២ឆ្នាំបានស្លាប់ដោយសារតែជំងឺកូវីដ-១៩។

តុលាការ​ធម្មនុញ្ញ​របស់ប្រទេសថៃ បាន​ប្រកាស​នៅថ្ងៃ​ពុធនេះ​ថា ខ្លួន​នឹង​ចេញ​សេចក្តី​សម្រេច​ លើតួនាទីក្នុងនាមជានាយករដ្ឋមន្ត្រីរបស់ឧត្តមសេនីយលោក ប្រាយុទ្ធ ចាន់អូចា ​នៅ​ថ្ងៃ​ទី៣០ ខែ​កញ្ញា ខាងមុខនេះ។ តុលាការបានបើកកិច្ចប្រជុំនៅថ្ងៃពុធនេះ ដើម្បីពិចារណាលើឯកសារទាំងអស់ដែលខ្លួនទទួលបាន ហើយបានរកឃើញថា វាមានព័ត៌មានគ្រប់គ្រាន់ ដើម្បីធ្វើការសម្រេចចិត្តក្នុងសំណុំរឿង ដែលត្រូវបានលើកឡើងដោយសមាជិកសភាបក្សប្រឆាំង។ តុលាការបានប្រកាសថា ខ្លួនមិនទាន់បញ្ចប់ដំណើរការស៊ើបសួរនោះទេ ហើយនឹងឱ្យចៅក្រមទាំង ១០ នាក់ ប្រកាសការសម្រេចរបស់ពួកគេទៅតុលាការធម្មនុញ្ញ នៅម៉ោង ៣រសៀល ថ្ងៃទី៣០ ខែកញ្ញា។​ សាលដីកាផ្លូវការរបស់តុលាការនឹងចងក្រងពី យោបល់របស់ចៅក្រមម្នាក់ៗ។

រាជធានីភ្នំពេញ៖​​ នៅថ្ងៃទី១៥ ខែកញ្ញា ឆ្នាំ២០២២ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានចេញសារសំឡេងថ្មីមួយជូនជនរួមជាតិ បញ្ជាក់ពីមូលហេតុនៃការផ្អាកព្រះរាជពិធីបុណ្យអុំទូកនៅក្នុងរាជធានីភ្នំពេញ។

នាយករដ្ឋមន្ត្រីរបស់ប្រទេសស៊ុយអែត គឺលោកស្រី Magdalena Andersson ដែលមកពីគណបក្សប្រជាធិបតេយ្យសង្គម បានទទួលយកបរាជ័យរបស់គាត់កាលពីថ្ងៃពុធ បន្ទាប់ពីការបោះឆ្នោតដ៏ប្រកៀកប្រកិតមួយ នេះបើតាមការចុះផ្សាយរបស់សារព័ត៌មាន CGTN។ នៅក្នុងការបូកសរុបលទ្ធផលមួយ ដែលមិនទាន់ជាលទ្ធផលផ្លូវការ វាបានបង្ហាញថា ក្រុមប្រឆាំងស្តាំនិយមដែលមានសម្ព័ន្ធដៃគូចំនួន ៤ គណបក្ស គឺជាអ្នកទទួលជ័យជម្នះ និងជាលើកដំបូងបំផុត ដើម្បីឈានទៅរកការបង្កើតរដ្ឋាភិបាលថ្មីមួយ។

រាជធានីភ្នំពេញ៖ យោងតាមការចុះផ្សាយរបស់ អគ្គិសនីកម្ពុជា នៅថ្ងៃទី១៥ ខែកញ្ញា ឆ្នាំ២០២២ បានចេញសេចក្តីជូនដំណឹងស្តីពីការអនុវត្តការងារជួសជុល ផ្លាស់ប្តូរ តម្លើងបរិក្ខារនានា និងរុះរើគន្លងខ្សែបណ្តាញអគ្គិសនីរបស់អគ្គិសនីកម្ពុជា ដើម្បីបង្កលក្ខណៈងាយស្រួលដល់ការដ្ឋានពង្រីកផ្លូវ ចាប់បីថ្ងៃនេះ ដល់ថ្ងៃទី១៨ ខែកញ្ញា ឆ្នាំ២០២២ នៅតំបន់មួយចំនួនទៅតាមពេលវេលា និងទីកន្លែងដូចសេចក្តីជូនដំណឹងលម្អិតខាងក្រោម។

(ភ្នំពេញ)៖ ស្ថានទូតបារាំងប្រចាំកម្ពុជានឹងបើកទ្វារទទួលសាធារណជនឱ្យចូលទស្សនាដោយសេរីជាថ្មីម្តងទៀតនៅថ្ងៃទី១៧ ខែកញ្ញា ខាងមុខ បន្ទាប់ពីខកខានមិនបានប្រារព្ធកាលពីឆ្នាំកន្លងទៅដោយសារស្ថានភាពកូវីដ១៩។ នេះបើយោងតាមការចុះផ្សាយរបស់វេបសាយផ្លូវការរបស់ ស្ថានទូតបារាំង។ ស្ថិតក្រោមប្រធានបទ«បេតិកភណ្ឌប្រកបដោយចីរភាព» ទិវានេះនឹងអនុញ្ញាតឱ្យសាធារណជនស្វែងយល់អំពីអគារនានាដែលបង្កប់ដោយប្រវត្តិសាស្រ្ត ក៏ដូចជាឧទ្យានដ៏ស្រស់បំព្រងរបស់ស្ថានទូត។ មានទំហំ៤,៧ហិចតា ឧទ្យានស្ថានទូតបារាំងស្ថិតក្នុងចំណោមលំហបៃតងធំជាងគេមួយនៅរាជធានីភ្នំពេញ ដោយមានផ្ទុកនូវជីវៈចម្រុះដ៏មានតម្លៃ ដូចជាដើមឈើ២០០ដើមដែលស្ថិតក្នុង៥០ប្រភេទផ្សេងៗគ្នា និងសត្វមួយចំនួនដែលបច្ចុប្បន្នស្ថានទូតកំពុងចុះបញ្ជី។ ស្ថានទូតបានធ្វើស្លាករៀបរាប់អំពីដើមឈើមានតម្លៃ ដែលស្ថិតនៅក្នុងឧទ្យានស្ថានទូត។