យោងតាមការចុះផ្សាយរបស់ ក្រសួងព័ត៍មាន នាពីថ្ងៃទី ៣ ខែកក្កដា ឆ្នាំ ២០២៥ បានឱ្យដឹងថា លោកជំទាវ ឧត្តមសេនីយ៍ឯក ម៉ាលី សុជាតា អនុរដ្ឋលេខាធិការ និងជាអ្នកនាំពាក្យក្រសួងការពារជាតិ នាថ្ងៃទី០៣ ខែកក្កដា ឆ្នាំ២០២៥នេះ បានធ្វើការស្រាយបំភ្លឺការពិតជុំវិញឧបទ្ទវហេតុនៃការប៉ះទង្គិចសម្តីគ្នារវាងទាហានថៃ និងកងកម្លាំងកម្ពុជាកាលពីថ្ងៃទី២៧ ខែមិថុនា ឆ្នាំ២០២៥។ ថ្នាក់ដឹកនាំក្រសួងខាងលើ បានបញ្ជាក់ថា កម្ពុជាសូមធ្វើការគូសបញ្ជាក់ថា៖ ការអនុវត្តគោលការណ៍ម៉ឺងម៉ាត់របស់កងទ័ពកម្ពុជា គឺធានាថាមិនមានការប្រព្រឹត្តិនូវសកម្មភាពអ្វីដែលខុសប្រក្រតី ដោយមិនបានឆ្លងកាត់ការឯកភាពគ្នាជាមុន ពិសេសប្រាសចាកខុសពីខ្លឹមសារនៃកិច្ចព្រមព្រៀងរបស់ភាគីទាំងសងខាង។ តាមកិច្ចព្រមព្រៀង ប្រាសាទតាមាន់ធំត្រូវបិទការឡើងនៅវេលាម៉ោង ១៥:០០នាទីរសៀល។ ជាអកុសលនៅថ្ងៃនោះ វេលាម៉ោង១៥:១៥នាទី ក្រោយប្រាសាទតាមាន់ធំត្រូវបិទការឡើង

យោងតាមការចុះផ្សាយរបស់ ក្រសួងការបរទេស នាពីថ្ងៃទី ៣ ខែកក្កដា ឆ្នាំ ២០២៥ បានឱ្យដឹងថា ប្រទេសជប៉ុន ផ្តល់ហិរញ្ញប្បទានឥតសំណង ដែលមានទឹកប្រាក់ចំនួន ៤៤២.០០០.០០០ យ៉េន (ប្រមាណ ២.៩៤៧.០០០ ដុល្លារអាមេរិក) សម្រាប់ អនុវត្តគម្រោងអាហារូបករណ៍អភិវឌ្ឍន៍ធនធានមនុស្ស។ ក្នុងនោះ ជំនួយឥតសំណងនេះ ឆ្លុះបញ្ចាំងពីការប្តេជ្ញាចិត្តដ៏រឹងមាំរបស់ជប៉ុន ក្នុងការជំរុញការ អភិវឌ្ឍសង្គម-សេដ្ឋកិច្ចរបស់កម្ពុជា ខណៈពេលដែលពង្រឹងបន្ថែមទៀតនូវកិច្ចសហប្រតិបត្តិការ ទ្វេភាគីក្រោមភាពជាដៃគូយុទ្ធសាស្ត្រគ្រប់ជ្រុងជ្រោយរវាងកម្ពុជា-ជប៉ុន៕ ប្រភព៖ ក្រសួងការបរទេស

យោងតាមការចុះផ្សាយរបស់ អគ្គនាយកដ្ឋានវិទ្យុជាតិកម្ពុជា នាពីថ្ងៃទី ៣ ខែកក្កដា ឆ្នាំ ២០២៥ បានឱ្យដឹងថា សម្តេចមហាបវរធិបតីហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា នៅព្រឹកថ្ងៃទី៣ ខែកក្កដា ឆ្នាំ២០២៥នេះ បានសម្តែងការអបអរសាទរ ខួបលើកទី៧៤ ព្រះរាជាណាចក្រកម្ពុជា ចូលជាសមាជិកអង្គការយូណេស្កូ ( ៣ កក្កដា ១៩៥១ ~ ៣ កក្កដា ២០២៥ )។ តាមរយៈឆាណែលតេឡេក្រាមរបស់សម្តេចធិបតីបានឱ្យដឹងថា ចាប់តាំងពីកម្ពុជាបានចូលជាសមាជិករបស់អង្គការយូណេស្កូ កម្ពុជាបានចុះបញ្ជីនូវសម្បតិ្តបេតិកភណ្ឌរូបី ចំនួន ៤, សម្បតិ្តបេតិកភណ្ឌអរូបី ចំនួន៧

យោងតាមការផ្សព្វផ្សាយរបស់ ក្រសួងព័ត៍មាន នាពីថ្ងៃទី ២ ខែកក្កដា ឆ្នាំ ២០២៥ នេះបានឱ្យដឹងថា ក្រសួងការងារ និងបណ្ដុះបណ្ដាលវិជ្ជាជីវៈ គ្រោងដឹកនាំក្រុមហ៊ុនធំៗនៅក្នុងតំបន់សេដ្ឋកិច្ចពិសេសភ្នំពេញ(PPSEZ) តំបន់សេដ្ឋកិច្ចពិសេសចេជាង(Zhejiang) សមាគមវាយនភណ្ឌ សម្លៀកបំពាក់ ស្បែកជើង និងផលិតផលធ្វើដំណើរនៅកម្ពុជា(TAFTAC) និងរោងចក្រ Spot Tech ចុះមូលដ្ឋាន ដើម្បីចុះទៅសម្ភាសន៍ជ្រើសរើសកម្លាំងពលកម្មនៅតាមភូមិ ស្រុកក្នុងខេត្តចំនួន៥ ចាប់ថ្ងៃទី៦ ខែកក្កដា ឆ្នាំ២០២៥នេះតទៅ។ ឯកឧត្តម ស៊ុន មេសា អ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈបានថ្លែងថា មន្រ្តីជំនាញនៃក្រសួងការងារ និងបណ្ដុះបណ្ដាលវិជ្ជាជីវៈបានរៀបចំគម្រោងរួចរាល់ហើយ ដើម្បីដឹកនាំក្រុមហ៊ុនធំៗដែលស្ថិតនៅក្នុងតំបន់សេដ្ឋកិច្ចពិសេសភ្នំពេញ(PPSEZ) តំបន់សេដ្ឋកិច្ចពិសេសចេជាង(Zhejiang)

យោងតាមការផ្សព្វផ្សាយរបស់ ក្រសួងព័ត៍មាន នាពីថ្ងៃទី ២ ខែកក្កដា ឆ្នាំ ២០២៥ នេះបានឱ្យដឹងថា នៅខេត្តសៀមរាប អាជ្ញាធរជាតិអប្សរាបាននិងកំពុងជួសជុលពង្រឹងតួប៉មលេខ១៣​នៃប្រាសាទឥដ្ឋ លើភ្នំបាខែងអស់រយៈពេល២ខែមកហើយ។ អាជ្ញាធរជាតិអប្សរាបានឱ្យដឹងនៅថ្ងៃទី២ ខែកក្កដា ឆ្នាំ២០២៥នេះថា ក្រុមការងារ​នាយកដ្ឋានអភិរក្សប្រាសាទ និង​បុរាណ​វិទ្យានៃអាជ្ញាធរជាតិអប្សរា បាននឹងកំពុង​ជួសជុសពង្រឹងតួប៉មប្រាសាទឥដ្ឋ លេខ១៣ឬG13 នៅលើភ្នំបាខែង ដើម្បីឱ្យរចនា​សម្ព័ន្ធនៃប្រាសាទឥដ្ឋ មានកម្ពស់ជាង១០ម៉ែត្រមួយនេះ បានរឹងមាំឡើងវិញ។ លោកស្រី ឈុន រតនា មន្ត្រីនាយកដ្ឋានអភិរក្សប្រាសាទ និងបុរាណវិទ្យានៃអាជ្ញាធរ​ជាតិអប្សរាបាន​អធិប្បាយ​អំពី​ការងារមួយនេះថា ដោយពិនិត្យឃើញស្ថានភាព​គ្រោះថ្នាក់នៃតួប៉មG13 មានតាំងពីខឿន ជញ្ជាំងខាងក្នុង​និងខាង​ក្រៅ រហូត ដល់ផ្នែកដំបូល បើទោះបីធ្លាប់មានការទល់ទ្រដោយអង្គការWMFពីមុនមកក៏ដោយ នៅតែប្រឈម​និង​ហានិភ័យខ្ពស់

យោងតាមការចេញសេចក្តីប្រកាសរបស់ National Employment Agency កាលពីថ្ងៃទី ១ ខែកក្កដា ឆ្នាំ ២០២៥ នេះបានឱ្យដឹងថា នឹងមានវេទិកាការងារ និងឱកាសកម្មសិក្សាការងារ នៅក្នុងបរិវេណសាលាស្រុកកំពង់លែង ខេត្តកំពង់ឆ្នាំង ជាមួយនឹងឱកាសការងារដល់ទៅ ៧,៦១៩កន្លែង។ ក្នុងនោះ National Employment Agency បានបន្ថែមថា បងប្អូនពលករដែលទើបត្រឡប់មកពីប្រទេសថៃ និងអ្នកកំពុងស្វែងរកការងារ សូមត្រៀម CV និងឯកសារ មកជួបផ្ទាល់ជាមួយតំណាងក្រុមហ៊ុនធំៗ ទាំង ៥ ដែលផ្ដល់ឱកាសការងារចំនួន ៧,៦១៩ កន្លែង ក្នុងវេទិកាការងារ និងឱកាសកម្មសិក្សាការងារ

យោងតាមការផ្សព្វផ្សាយរបស់ នាយកដ្ឋានព័ត៍មាន នាពីថ្ងៃទី ២ ខែកក្កដា ឆ្នាំ ២០២៥ នេះបានឱ្យដឹងថា នៅព្រឹកថ្ងៃទី២ ខែកក្កដា ឆ្នាំ២០២៥ នេះ ឯកឧត្តម ឡរ៉ន ម៉ុង (Lawrence Wong) នាយករដ្ឋមន្ត្រី នៃសាធារណរដ្ឋសិង្ហបុរី និងលោកជំទាវ បានអញ្ជើញមកដល់ព្រះរាជាណាចក្រកម្ពុជា ដើម្បីបំពេញទស្សនកិច្ចណែនាំខ្លួន តបតាមការអញ្ជើញរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា។ ក្នុងឱកាសដំណើរបំពេញទស្សនកិច្ចនេះ ឯកឧត្តម ឡរ៉ន ម៉ុង នឹងមានព្រះរាជសាវនាការជាមួយព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា

យោងតាមការចេញសេចក្តីប្រកាសរបស់ រដ្ឋបាលព្រៃឈើ កាលពីថ្ងៃទី ១ ខែកក្កដា ឆ្នាំ ២០២៥ នេះបានឱ្យដឹងថា លោក ទ្រី ស៊ីថេង ជាបុគ្គលិករបស់អង្គការសម្ព័ន្ធមិត្តសត្វព្រៃ (Wildlife Alliance) មិនមែនជា មន្ត្រីរដ្ឋបាលព្រៃឈើ ឬមន្ត្រីជាប់កិច្ចសន្យាបម្រើការងារក្នុងអង្គភាពរដ្ឋបាលព្រៃឈើនោះឡើយ។ ក្នុងនោះ រដ្ឋបាលព្រៃឈើ បានបន្ថែមថា ថ្មីៗនេះ មានបណ្តាញសារព័ត៌មានជាច្រើន បានសរសេរមាតិកាពាក់ព័ន្ធនឹងដំរីឈ្មោះ ឡាក់គី ដែលគួរ ឱ្យអាណិត ក្រោយពីអ្នកមើលថែ (ហ្ម) ត្រូវបានលាឈប់ពីការងារ។ ករណីនេះ រដ្ឋបាលព្រៃឈើសូមធ្វើការជម្រាប ជូនសាធារណជនជ្រាបថា លោក ទ្រី

យោងតាមការផ្សព្វផ្សាយរបស់ ក្រសួងព័ត៍មាន នាពីថ្ងៃទី ១ ខែកក្កដា ឆ្នាំ ២០២៥ នេះបានឱ្យដឹងថា យុទ្ធនាការ “១ម៉ឺនរៀល ១ម៉ឺននាក់” ឆ្នាំ២០២៥ របស់មូលនិធិគន្ធបុប្ផាកម្ពុជា ក្រោមដឹកនាំដ៏ខ្ពង់ខ្ពស់របស់ លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ទទួលបានប្រាក់ប្រមាណ ៥,៥ លានដុល្លារ ពីសំណាក់សប្បុរសជនជិត ៣០ម៉ឺននាក់។ ក្នុងនោះ មូលនិធិគន្ធបុប្ផាកម្ពុជា បានបន្ថែមថា មូលនិធិគន្ធបុប្ផាកម្ពុជា មានកិត្តិយសសូមជម្រាបជូនសាធារណជនទាំងអស់ ឱ្យបានជ្រាបថា៖ ចាប់ពី ការប្រកាសបើកជាផ្លូវការ កាលពីថ្ងៃទី១ ដល់ថ្ងៃទី៣០ ខែមិថុនា

ថ្មីៗនេះ មានវីដេអូមួយដែលបានទាក់ទាញចំណាប់អារម្មណ៍យ៉ាងខ្លាំងពីមហាជន នៅលើអ៊ីនធើណិត ដែលបង្ហាញពីដំរីមួយក្បាលឈ្មោះ ឡាក់គី រត់តាមម្ចាស់របស់នាងគឺលោក ទ្រី ស៊ីថេង​ ក្នុងន័យឃាត់រូបលោក មិនឱ្យឈប់ពីការងារ និងឃ្លាតឆ្ងាយពីនាង ដោយ ឡាក់គី បានរត់តាមបណ្ដើរ ស្រែកបណ្ដើរ និងរត់ទៅបាំងផ្លូវ លោកថែមទៀត។ ក្នុងនោះ មានមហាជនជាច្រើនបានចូលទៅបញ្ចេញមតិខុសៗគ្នា ដោយខ្លះថា មនុស្សគ្រប់រូបមានការចាំបាច់​ និង​កាតព្វកិច្ចរៀងៗខ្លួន​ ទោះបីជាសោកស្តាយចំពោះ​ ការឈប់បម្រើការងាររបស់លោក ទ្រី ស៊ីថេង យ៉ាងណា ក៏សូមជូនពរលោកឱ្យលោកទៅបំពេញតួនាទី​ ភារកិច្ចថ្មី​ ប្រកបដោយជោគជ័យ​ និង​ដោយក្តីពេញចិត្ត​។ ដោយឡែកមានអ្នកខ្លះទៀត បានទទូចចង់ឱ្យលោកគិតសារជាថ្មី ក្នុងន័យនៅតែបម្រើការងារនៅសួនសត្វ