ក្រុមហ៊ុនរថយន្ត Nissan បើកសម្ភោធដាក់លក់រថយន្ត Nissan Note Aura ស៊េរីថ្មីគ្រប់ម៉ូឌែលក្នុងប្រទេសជប៉ុន
Nissan Auto Tech August 30, 2021 Liny Chan

ក្នុងខែមិថុនា ឆ្នាំ2021 ក្រុមហ៊ុន Nissan ក្នុងប្រទេសជប៉ុនបានដាក់តាំងបង្ហាញរថយន្ត Note Aura ស៊េរីថ្មីគ្រប់ម៉ូឌែល ដែលបំពាក់មកយ៉ាងពិសេសជាមួយនិងម៉ាស៊ីនប្រើអគ្គីសនី e-POWER របស់ Nissan ជាមួយការតុបតែងផ្នែកខាងក្នុងរថយន្ត ល្អប្រណិតលំដាប់កំពូល និង បង្កើនប្រសិទ្ធភាពប្រព័ន្ធការពាររថយន្ត។

រូបរាងខាងក្រៅរថយន្ត នូវផ្នែកខាងមុខរចនាឡើងពីដែកប្រទាក់ក្រឡាគ្នាយ៉ាងសង្ហារ ដំបូលរថយន្តមានរាងកោង និង វែងទៅក្រោយ ។ របាំងភក់នៃកង់រថយន្តខាងក្រោយ និង បន្ទះដែកការពាររថយន្ដផ្នែកខាងក្រោយ ថ្មីនៅសងខាងនៃកង់រថយន្ត រួមផ្សំនឹងប្រព័ន្ធទប់លំនឹងដ៏ល្អ ធ្វើឲ្យរថយន្តកាន់តែមានលំនឹងខ្លាំង ។ អំពូលភ្លើង LED បញ្ចេញពន្លឺភ្លឺច្បាស់នៅក្រោយរថយន្ត បង្កើតបាននូវភាពទាក់ទាញដ៏ទំនើប និង រស់រវើកមួយ។

ប៉ាណាមុខរបស់រថយន្តមានរាងអក្សរ V និងអំពូល LED បញ្ជាក់នូវមុខងារដូចជាអំពូលស៊ីញ៉ូបត់ និង អំពូលថយក្រោយ ដែលធ្វើឲ្យរថយន្តមានរូបរាងកាន់តែទំនើប និង ស៊ីវិល័យ ។ អំពូលដ៏តូចស្ដើង និង រលើបរលោងនេះ ក៏មានតួនាទីជាអំពូល LED សម្របតាមពន្លឺថ្ងៃ ប្រកបដោយគុណភាពខ្ពស់ និង មុខងារល្អ។

កង់រថយន្តអាលុយមីញ៉ូមទម្ងន់ស្រាល 17 អ៊ិញ ដែលបង្កើតបានជារូបរាងប្រកបដោយថាមពល និង លក្ខណៈច្នៃប្រឌិតកម្រិតខ្ពស់។

អាគុយប្រើថាមពលអគ្គីសនី e-POWER ជំនាន់ទីពីររបស់រថយន្ត Note Aura ត្រូវបានបង្កើនសមត្ថភាពដើម្បីផ្ដល់ថាមពលអតិបរមាដល់ ប្រព័ន្ធនៃរថយន្តរហូតដល់ 100 kW និង កម្លាំងទាញរថយន្តរហូតដល់ 300 Nm ។ ចំណុចទាំងនេះ បានផ្ដល់ថាមពលដល់រថយន្តបង្កើនល្បឿនកាន់តែខ្លាំង និង ឆ្លងកាត់បទពិសោធន៍បើកបរកាន់តែមានផាសុកភាព ដែលចេញមកពីប្រព័ន្ធបើកបរដោយប្រើថាមពលអគ្គីសនី។

សម្រាប់ព័ត៌មានបន្ថែមអំពី ម៉ូឌែលរថយន្ត Nissan នៅប្រទេសកម្ពុជា សូមចូលទៅកាន់គេហទំព័ររថយន្ត Nissan ប្រទេសកម្ពុជា www.nissan.com.kh/ ឬ ចូលតាមដាន ទំព័រហេ្វសប៊ុក Nissan Cambodia’s Facebook Page តាម fb.com/CambodiaNissan/.