រថយន្តអគ្គិសនីប្រើថាមពលអាគុយ (EV) របស់ នីសាន់ (Nissan) គឺរថយន្តនីសាន់ LEAF បានទៅដល់ទីផ្សារប្រទេសម៉ាឡេស៊ី។

រីឯនៅក្នុងប្រទេសហ្វីលីពីន ក្រុមហ៊ុននីសាន់ បានបង្កើតស្ថានីយ៍បញ្ចូលភ្លើងរថយន្តចំនួន 7 កន្លែងតាមរយៈក្រុមហ៊ុនតំណាងចែកចាយរថយន្តរបស់ខ្លួន។ នេះជាការបង្កើតស្ថានីយ៍បញ្ចូលភ្លើងរថយន្តអគ្គិសនី (EV) ធំជាងគេបង្អស់នៅក្នុងប្រទេសហ្វីលីពីន ។

រថយន្តនីសាន់ LEAF គ្មានផ្សែងត្រូវបានបង្កើតឡើងជាមួយនិងប្រព័ន្ធរថយន្តវៃឆ្លាតរបស់នីសាន់ ដែលជាប្រព័ន្ធថ្មីក្នុងការផ្លាស់ប្ដូរវិធីសាស្រ្តបើកបរ និងបង្កើនថាមពល។ រថយន្តនីសាន់ LEAF ស្ដែងឲ្យឃើញនូវទស្សនៈនេះ តាមរយៈទិដ្ឋភាពចំនួនបី: ថាមពលវៃឆ្លាត ការបើកបរវៃឆ្លាត និង សមាហរណកម្មវៃឆ្លាត។

ថាមពលវៃឆ្លាត
ក្នុងនាមជារថយន្តដែលបង្កើតឡើងជាមួយប្រព័ន្ធវៃឆ្លាត រថយន្តនីសាន់ LEAF តំណាងឱ្យការបង្កើតថ្មីនៅក្នុងវិស័យរថយន្តបញ្ចូលភ្លើង។ រថយន្តនីសាន់ LEAF មានអាគុយលីញ៉ូមអីយ៉ុង 40-kWh ដែលអាចរត់បានចម្ងាយរហូតដល់ 311 គីឡូម៉ែត្រក្នុងពេលអាគុយបញ្ចូលភ្លើងពេញ បើយោង តាម បទដ្ឋានថ្មីស្ដីពីវត្តនៃការប្រើប្រាស់រថយន្តក្នុងតំបន់អឺរ៉ុប (NEDC)។

ប្រព័ន្ធផ្ដល់ថាមពលរបស់នីសាន់ LEAF គឺជាប្រព័ន្ធបង្កើតថាមពលក្នុងរថយន្តដើរដោយភ្លើងអគ្គិសនីទាំងស្រុង ជាប្រព័ន្ធបដិវត្តន៍ថ្មីមួយ ដែលអាចបង្កើតថាមពលបានរហូតដល់ 110kw ឬ 150ps ជាអតិបរមា និង 320 Nm សម្រាប់ការបង្កើតថាមពលភ្លាមៗ ។ រថយន្តនីសាន់ LEAF អាចបង្កើនល្បឿនពី សូន្យទៅ 100 km/h ត្រឹមតែ 7.9 វិនាទីប៉ុណ្ណោះ ដោយល្បឿនលឿនបំផុតនោះគឺ 140 km/h.
ការបញ្ចូលភ្លើងរថយន្តនីសាន់ LEAF មានភាពងាយស្រួល ដោយម្ចាស់រថយន្តមានជម្រើសច្រើនក្នុងការបញ្ចូល។ នីសាន់ LEAF អាចបញ្ចូលភ្លើងពេញពី 15 ដល់ 18 ម៉ោងនៅតាមផ្ទះ។ ម្ចាស់រថយន្តក៏អាចទៅស្ថានីយបញ្ចូលភ្លើងរថយន្តលឿនរហ័សដែលមានតាមការកំណត់របស់ក្រុមហ៊ុននីសាន់ ហើយអាចបញ្ចូលភ្លើងពេញបានលឿនត្រឹមតែពី 40 ទៅ 60 នាទីប៉ុណ្ណោះ។

ការបើកបរវៃឆ្លាត
ប្រព័ន្ធរថយន្តនីសាន់ LEAF’s e-Pedal ។ ប្រព័ន្ធនេះបង្កលក្ខណៈងាយស្រួលដល់អ្នកបើកបរដូចជា បញ្ឆេះរថយន្ត បង្កើនលឿន បន្ថយល្បឿន និង បញ្ឈប់រថយន្តដោយប្រើតែឈ្នាន់មួយប៉ុណ្ណោះ ដោយបង្កើន ឬ បន្ថយសម្ពាធទៅលើ ឈ្នាន់នោះតែម្ដង ។ នៅពេលដកជើងចេញពីឈ្នាន់ ឬ រំកិលទីតាំងជើងនៅលើឈ្នាន់ ប្រព័ន្ធហ្វ្រាំងនិងដំណើរការដោយស្វ័យប្រវត្តិ នាំឲ្យរថយន្តត្រូវឈប់ទាំងស្រុង ។ ទាំងនេះបានធ្វើឲ្យរថយន្តនីសាន់ LEAF មានភាពឥតខ្ចោះសម្រាប់ការធ្វើចរាចរណ៍ក្នុងទីក្រុងដែលត្រូវឈប់ជាបន្តបន្ទាប់ ដោយសារមិនចាំបាច់ត្រូវដកជើងចុះឡើងៗពីឈ្នាន់ ដូចនេះវាធ្វើឲ្យការបើកបរកាន់តែមានលក្ខណៈងាយស្រួលខ្លាំងឡើង។

រថយន្តនីសាន់ LEAF ក៏បានបំពាក់ប្រព័ន្ធជំនួយក្នុងការបើកបរ ធ្វើឲ្យអ្នកបើកបរ កាន់តែមានទំនុកចិត្ត និង គ្រប់គ្រងអារម្មណ៍បានល្អ ។ ប្រព័ន្ធនេះរួមមាន ការគ្រប់គ្រងការបើកបរ ប្រព័ន្ធតាមដានទិដ្ឋភាពជុំវិញរថយន្ត ប្រព័ន្ធជំនួយដល់អំពូលភ្លើងឲ្យភ្លឺច្បាស់ និង ប្រព័ន្ធជំនួយដល់ការបើកឡើងភ្នំ ។ ល ។ ប្រព័ន្ធនេះក៏មាន ប្រព័ន្ធចាប់ហ្វ្រាំងក្នុងគ្រាអាសន្ន ប្រព័ន្ធផ្ដល់សញ្ញាពេលឆ្លងភ្លើងសញ្ញាចរាចរណ៍ ប្រព័ន្ធផ្តល់សញ្ញាពេលរថយន្តដទែមកក្បែរ ប្រព័ន្ធផ្ដល់សញ្ញាពេលមានវត្ថុមានចលនានៅក្បែររថយន្ត ប្រព័ន្ធព្រមានពេលចេញពីគន្លងផ្លូវ ប្រព័ន្ធប្រកាសពីការបំពានគន្លងផ្លូវ និង ប្រព័ន្ធទប់លំនឹងកង់រថយន្តកុំអោយរអិល ដែលប្រព័ន្ធទាំងនេះនឹងជួយធានាសុវត្ថិភាពដល់ ទាំងអ្នកបើកបរ និង អ្នកធ្វើដំណើរ។

សមាហរណ៍កម្មវៃឆ្លាត
ជារថយន្តដែលលើសពីរថយន្តធម្មតារថយន្តនីសាន់ LEAF បានបំពាក់ដោយបច្ចេកវិទ្យា (vehicle-to-everything (V2X)) ដោយផ្ដល់ថាមពលភ្លើងទាំងពីរខាងមុខ ក្នុងការប្រើភ្លើងចេញពី អាគុយរថយន្តសម្រាប់ប្រើប្រាស់ក្នុងផ្ទះ និង ឧបករណ៍នានា ឬ បញ្ចូលភ្លើងទៅកន្លែងបញ្ចូលភ្លើងវិញ។

លោក Isao Sekiguchi អនុប្រធានក្រុមហ៊ុននីសាន់ ប្រចាំតំបន់អាស៊ាន បានថ្លែងថា “ការដាក់ដំណើរការរថយន្ត នីសាន់ LEAF ក្នុងប្រទេសហ្វីលីពីន គឺជារបត់ដ៏ធំមួយនៅក្នុង យុទ្ធសាស្រ្តប្រើប្រាស់ថាមពលអគ្គិសនីក្នុងតំបន់ អាស៊ានរបស់យើង ។ វាជាផ្នែកមួយនៃអត្តសញ្ញាណរបស់នីសាន់ ដែលត្រូវហ៊ានធ្វើនូវអ្វីដែលអ្នកដទៃមិនហ៊ាន ដោយយើងត្រូវតែផ្ដល់ការប្រើប្រាស់រថយន្តអគ្គិសនីកាន់តែច្រើនដល់ប្រជាជនក្នុងតំបន់”

អត្ថបទចុះផ្សាយនេះ នាំមកជូនលោកអ្នកជាពិសេសដោយក្រុមហ៊ុន Tan Chong Motor Cambodia.

សម្រាប់ព័ត៌មានបន្ថែមអំពី ម៉ូឌែលរថយន្ត Nissan នៅប្រទេសកម្ពុជា សូមចូលទៅកាន់គេហទំព័ររថយន្ត Nissan ប្រទេសកម្ពុជា www.nissan.com.kh/ ឬ ចូលតាមដានទំព័រហេ្វសប៊ុក Nissan Cambodia’s Facebook។