ក្រុមហ៊ុននីសាន់ ដាក់លក់ជាផ្លូវការនូវរថយន្ត Note Aura របស់ខ្លួននៅក្នុងទីផ្សារប្រទេសជប៉ុន
នៅពាក់កណ្ដាលខែមិថុនា ឆ្នាំ 2021 ក្រុមហ៊ុនរថយន្តនីសាន់ បានបញ្ចេញរថយន្តស៊េរីថ្មីប្រភេទ Compact SUV ដ៏ល្អប្រណិតនៅក្នុងប្រទេសជប៉ុន គឺរថយន្ត Note Aura ជាមួយនិងគម្រោងដាក់លក់ក្នុងរដូវស្លឹកឈើជ្រុះឆ្នាំនេះ។
រថយន្តនីសាន់ Note Aura ស៊េរីថ្មីបំពាក់ជាពិសេសដោយ អាគុយប្រើថាមពលអគ្គិសនី e-POWER របស់នីសាន់ និងភ្ជាប់មកដោយបច្ចេកវិទ្យាការពារសុវត្ថិភាពដ៏ទំនើប ជាមួយទំនុកចិត្តពីប្រព័ន្ធ Note e-POWER ដែលបានដាក់ដំណើរការកាលពីឆ្នាំមុន ដោយបន្ថែមឧបករណ៍កាន់តែល្អ និង ប្រព័ន្ធត្រូវបានកែលម្អកាន់តែល្អប្រសើរ។
រូបរាងខាងក្រៅរថយន្ត ផ្នែកខាងមុខបានរចនាឡើងយ៉ាងទាក់ទាញ ដំបូលរថយន្តមានរាងកោង និងទ្រវែងទៅក្រោយ ។ របាំងភក់នៃកង់រថយន្តខាងក្រោយ និង បន្ទះដែកការពាររថយន្ដផ្នែកខាងក្រោយថ្មីនៅសងខាងនៃកង់រថយន្ត រួមផ្សំនឹងប្រព័ន្ធទប់លំនឹងដ៏ល្អ ធ្វើឲ្យរថយន្តកាន់តែមានលំនឹងខ្លាំង។ អំពូលភ្លើង LED ខាងមុខ និងក្រោយបញ្ចេញពន្លឺភ្លឺច្បាស់បង្កើតបាននូវភាពទាក់ទាញដ៏ទំនើប និង រស់រវើក។
កៅអីគ្មានទំនាញ មានពីរប្រភេទ កៅអីពូកស្បែកសុទ្ធគុណភាពខ្ពស់ ឬ ស្បែករាងដូចស្រកាត្រី ជាមួយនិងការរចនាជាក្រឡា ដើម្បីងាយស្រួលអង្គុយជាប់មិនរអិល ។ តាបឡូបឈ្ឈរ និងតាបឡូកណ្តាលនៃរថយន្តស្រោបដោយសាច់ឈើ ចំណែកទ្វារ បង្កាន់ដៃកៅអីមុខ និងប្រអប់ឥវាន់នៅចន្លោះកៅអីទាំងពីរ ត្រូវបានរចនាឡើងជាក្រណាត់ដែលមានរាងដូចស្រកាត្រី។
អំពូលភ្លើងខាងមុខមានរាងអក្សរ V ជាប្រភេទអំពូល LED ភ្លឺ ដែលធ្វើឲ្យរថយន្តកាន់តែមានសម្រស់ស្រស់ស្អាត ។ អំពូលដ៏ស្រស់ស្អាត និងតូចស្ដើងនេះមានតួនាទីភ្លឺដោយស្វ័យប្រវត្តិ ប្រកបដោយគុណភាពខ្ពស់។ កង់រថយន្តអាលុយមីញ៉ូមទម្ងន់ស្រាល 17 អ៊ិញ រចនាឡើងបែបទាន់សម័យ ដែលបង្កើតបានជារូបរាងប្រកបដោយថាមពល និងច្នៃប្រឌិតខ្ពស់។
អាគុយប្រើថាមពលអគ្គីសនី e-POWER ជំនាន់ទីពីររបស់រថយន្តនីសាន់ Note Aura ត្រូវបានបង្កើនសមត្ថភាពដើម្បីផ្ដល់ថាមពលអតិបរមាដល់ ប្រព័ន្ធនៃរថយន្តរហូតដល់ 100 kW និង កម្លាំងរង្វិលជុំបានរហូតដល់ 300 Nm ។ ចំណុចទាំងនេះ បានផ្ដល់ថាមពលដល់រថយន្តបង្កើនល្បឿនកាន់តែខ្លាំង និងទទួលបានបទពិសោធន៍ការបើកបរកាន់តែមានផាសុកភាព ដែលចេញពីថាមពលអគ្គីសនីនេះ។
អត្ថបទចុះផ្សាយនេះ នាំជូនលោកអ្នកជាពិសេសដោយ Tan Chong Motor Cambodia.
សម្រាប់ព័ត៌មានបន្ថែមអំពី ម៉ូឌែលរថយន្ត Nissan នៅប្រទេសកម្ពុជា សូមចូលទៅកាន់គេហទំព័ររថយន្ត Nissan ប្រទេសកម្ពុជា www.nissan.com.kh/ ឬ ចូលតាមដាន ទំព័រហេ្វសប៊ុក Nissan Cambodia’s Facebook Page តាម fb.com/CambodiaNissan/.