កាលពីខែធ្នូ ឆ្នាំ ២០២១ ក្រុមហ៊ុន Nissan Motor Co., Ltd. បានបង្ហាញរូបគំរូដើមនៃយានរុករកលើឋានព្រះច័ន្ទដែលជាកម្មវិធីអភិវឌ្ឍន៍រួមគ្នាជាមួយ ទីភ្នាក់ងារស្រាវជ្រាវទីអវកាសរបស់ប្រទេសជប៉ុន (JAXA) ក្នុងព្រឹត្តិការណ៍នីសាន់ក្នុងថ្ងៃអនាគត (Nissan Futures) នៅប្រទេសជប៉ុន។

មជ្ឈមណ្ឌលបច្ចេកវិទ្យាស្រាវជ្រាវទីអវកាសរបស់ JAXA (JAXA Space Exploration Innovation Hub Center) កំពុងធ្វើការស្រាវជ្រាវលើយានរុករកលើឋានព្រះច័ន្ទ — ជាបច្ចេកវិទ្យាសំខាន់មួយសម្រាប់ស្រាវជ្រាវទីអវកាស ។ នីសាន់ កំពុងសហការណ៍ជាមួយ JAXA លើការគ្រប់គ្រងការបើកបររបស់ យានរុករកនេះចាប់តាំងពីខែមករា ឆ្នាំ ២០២០។

យានរុករកនៅឋានព្រះច័ន្ទ ត្រូវតែមានសមត្ថភាព និងថាមពលគ្រប់គ្រាន់ក្នុងការបើកបរឆ្លងកាត់សណ្ឋានដីដែលមានរាងទឹករលក ផ្ទាំងថ្ម និង ជាដីហុយ ។ បន្ថែមពីនេះ ប្រភពថាមពលសម្រាប់ដំណើរការយាននៅទីអវកាស ស្ថិតក្នុងដែនកំណត់មួយ។

ផ្នែកស្រាវជ្រៀវរបស់នីសាន់ បានអនុវត្តនូវបច្ចេកវិទ្យា គ្រប់គ្រងកម្លាំងម៉ូទ័រ ដែលបានបង្កើតឡើងតាមរយៈការផលិតរថយន្តអគ្គិសនីដែលបានចែកចាយនៅលើទីផ្សារដ៏ច្រើនសន្ធឹកសន្ធាប់ ដូចជា រថយន្តនីសាន់ LEAF រួមទាំងបច្ចេកវិទ្យាគ្រប់គ្រងកង់ទាំងអស់ដោយប្រើថាមពលអគ្គិសនី e-4ORCE ដែលបំពាក់នៅលើ រថយន្តអគ្គិសនី Ariya ស៊េរីថ្មី ។

ក្រុមហ៊ុននីសាន់ (Nissan) តែងផ្ដោតលើការអភិវឌ្ឍន៍ដំណើរការបើកបរដ៏មានស្ថេរភាពមួយ ដែលធ្វើឲ្យអតិថិជនបើករថយន្តជាមួយនិងទំនុកចិត្តកាន់តែខ្ពស់ ។ បច្ចេកវិទ្យា e-4ORCE របស់នីសាន់ បានគ្រប់គ្រងលើកង់ទាំងអស់របស់រថយន្ត ដាច់ៗពីគ្នាបានល្អឥតខ្ចោះ ដែលចំណុចនេះវាធ្វើឲ្យអតិថិជនមានទំនុកចិត្តកាន់តែខ្លាំងឡើងក្នុងការបើកបរគ្រប់ស្ថានភាពផ្លូវ។

អត្ថបទចុះផ្សាយនេះ នាំមកជូនលោកអ្នកជាពិសេសដោយ ក្រុមហ៊ុនតាន់ចុងម៉ូធ័រខេមបូឌា (Tan Chong Motor Cambodia)

សម្រាប់ព័ត៌មានបន្ថែមអំពី ម៉ូឌែលរថយន្ត Nissan នៅប្រទេសកម្ពុជា សូមចូលទៅកាន់គេហទំព័ររថយន្ត Nissan ប្រទេសកម្ពុជា www.nissan.com.kh/ ឬ ចូលតាមដាន ទំព័រហេ្វសប៊ុក Nissan Cambodia’s Facebook Page តាម fb.com/CambodiaNissan/