Nissan នឹងដាក់តាំងបង្ហាញរថយន្តទំនើបៗរបស់ខ្លួន ជាសាធារណៈ ចាប់ពីថ្ងៃទី ១៤ ដល់ ២៤ ខែវិច្ឆិកា នេះហើយ
- BY
- autoadmin
- November 15, 2019
ក្រុមហ៊ុន តាន់ចុងម៉ូធ័រ (Cambodia) Pty. Ltd. (“TCMC”) ដែលជាក្រុមហ៊ុននាំចូល និងចែកចាយផ្ដាច់មុខរថយន្តម៉ាកនីសាន់ និងជាបុត្រសម្ពន្ធរបស់ក្រុមហ៊ុន Tan Chong Motor Holdings Berhad (ម៉ាឡេស៊ី) នឹងធ្វើជាម្ចាស់ផ្ទះនៃយុទ្ធនាការ Nissan Roadshow ដែលនឹងធ្វើឡើងចាប់ពីថ្ងៃទី ១៥ ដល់ ២៤ ខែវិច្ឆិកា នៅតាមទីតាំងដូចជា៖
– ថ្ងៃទី១៥ ដល់ ១៧ ខែវិច្ឆិកា ឆ្នាំ២០១៩ នៅអូឡាំពិកម៉ល, ភ្នំពេញ
– ថ្ងៃទី១៤ ដល់ ១៦ ខែវិច្ឆិកា ឆ្នាំ២០១៩ នៅឡាក់គីម៉ល, ខេត្តបាត់ដំបង
– ថ្ងៃទី២២ ដល់ ២៤ ខែវិច្ឆិកា ឆ្នាំ២០១៩ នៅឡាក់គីម៉ល, សែនសុខ / ភ្នំពេញ
សាធារណជនត្រូវបានលើកទឹកចិត្តឱ្យមកចូលរួមកម្មវិធីជួបជុំដ៏គួរឱ្យចាប់អារម្មណ៍ Nissan Roadshow មួយនេះ ខណៈសាធារណជនក៏នឹងអាចជួបជាមួយអ្នកផ្តល់ប្រឹក្សាយោបល់របស់នីសាន់ (Nissan Sales Advisors) ដែលពោរពេញដោយភាពរួសរាយ និងអាចទុកចិត្តបាន ដើម្បីពិភាក្សាអំពីការផ្ដល់ Promotion ថ្មីៗ ឬអាចស្នើរសាកល្បងធ្វើតេស្តលើរថយន្តនីសាន់។ ចំណែកកុមារតូចៗក៏នឹងត្រូវស្វាគមន៍ដោយការលេងហ្គេមកម្សាន្តផ្សេងៗ នៅកន្លែងប្រារព្ធកម្មវិធី។
ចំពោះម៉ូដែលដែលនឹងត្រូវធ្វើការបង្ហាញជូនសាធារណជន ដើម្បីឱ្យពួកគាត់អាចមើលឃើញផ្ទាល់ និងទទួលបានបទពិសោធន៍ថ្មីគឺ៖
Nissan TERRA ៖ ជាប្រភេទ SUV 7កៅអីពេញ ដែលមានប៊ូតុង 1-Touch Remote Fold និង Tumble Seat ដែលអាចធ្វើឱ្យកៅអីជួរទី2 បត់ចូលគ្នាយ៉ាងរហ័ស ដើម្បីឱ្យងាយស្រួល ចេញ/ចូល ទៅជួរទី3។ រថយន្តនេះបាននាំយកជាមួយនឹងបច្ចេកវិជ្ជាច្នៃប្រឌិតថ្មីៗដូចជា៖ ច្រកឃ្លុបស្វ័យប្រវត្តិ Auto Tail Gate, ការព្រមាននៅពេលបើកបរ Lane Departure Warning, ជំនួយរូបភាព 360 ដឺក្រេ Intelligent Around View Monitor, ចាប់យកវត្ថុមានចលនា Moving Object Detection, ហ្វ្រាំងតាមឯកត្តាកង់ផ្សេងគ្នា 4-Wheel Active Brake Limited Slip, Electronic Locking Rear Differential រួមទាំងមុខងារពិសេសជាច្រើនទៀត។
Nissan X-TRAIL ៖ សមស្របសម្រាប់គ្រួសារដែលស្វែងរកតម្លៃសមរម្យ និងជារថយន្តមានកៅអី 5+2 គុណភាពប្រភេទរថយន្ត SUV ។ វាមានលក្ខណៈពិសេសសុវត្ថិភាពដូចជា៖ ចាប់យកចំណុចដែលពិបាកមើលនឹងភ្នែក Blind Spot Warning, ឱ្យដំណឹងផ្នែកខាងក្រោយពេលអាយែឡាន Cross Traffic Alert, អេក្រង់ទំហំ 8អ៊ីញ touchscreen ប្រភេទ LCD +កាមេរ៉ាក្រោយ, ជំនួយពេលមានផ្លូវរអិល Intelligent Trace Control, ជំនួយពេលឡើងទីខ្ពស់ Hill Start Assist និងមុខងារជាច្រើនទៀត។
Nissan NAVARA Premium Plus ៖ មានភ្ជាប់មកជាមួយនូវបច្ចេកវិទ្យា NISSAN INTELLIGENT MOBILITY (NIM) និងភ្ជាប់មកជាមួយនូវលក្ខណៈសុវត្ថិភាពល្អប្រសើរជាងម៉ូដែលផ្សេងដូចជា៖ ពោងសុវត្ថិភាព 7 SRS, រូបភាព 360 ដឺក្រេ Intelligent Around View Monitor, សោរឆ្លាតវៃ (i-Key), ចង្កៀង LED ជាមួយ Adaptive Driving Beam ជំនួយនៅពេលយប់, ពន្យាពេលអំពូលភ្លើងឱ្យភ្លឺបន្ត ២ ៣នាទី ក្រោយម៉ាស៊ីនរលត់ Follow-Me-Home headlamps, បន្ថយពន្លឺចាំង និងដឹងពីទិសដៅ Auto Dimming Rear View Mirror +ត្រីវិស័យ, មុខងារ Rear Differential Locking, ជំនួយពេលចុះចំណោត Hill Descent Control និងមុខងារជាច្រើនទៀត។
សម្រាប់ព័ត៌មានលំអិតទាក់ទងនឹងរថយន្ត Nissan គ្រប់ម៉ូដែល សូមទំនាក់ទំនងទៅកាន់គេហទំព័ររបស់ Nissan Cambodia ដែលមានអាសយដ្ឋាន www.nissan.com.kh ឬតាមរយៈទំព័រហ្វេសប៊ុក fb.com/CambodiaNissan ៕
- Share This Post: