យោងតាមការបញ្ជាក់ពីមន្ទីរទេសចរណ៍ខេត្តក្រចេះ បានឲ្យដឹងថា នៅថ្ងៃទី១៤ ខែ​ធ្នូ​ ឆ្នាំ​២០១៩​ ម្សិលមិញនេះ ក្រុម​ការងារ​មន្ទីរ​ទេសចរណ៍​ខេត្ត ក្រចេះ បានចុះដាក់ស្លាកសញ្ញា​ “ហាមយកស្រាដបចូល” ក្នុង​រមណីយដ្ឋាន​ទឹកជួរទន្លេមេគង្កកាំពី ដើម្បី​បង្កា​គ្រោះ​ថ្នាក់​ដែល​កើតឡើងពីការសំបកដបក្នុងទឹក និងដាក់ស្លាកសញ្ញាហាម “ចោលសម្រាម” ដើម្បី​សោភ័ណ​ភាព​រមណីយដ្ឋាន​ផងដែរ​។ ដូច្នេះសូមចូលបងប្អូនប្រជាពលរដ្ឋ ដែលមកលេងកម្សាន្តនៅរមណីយដ្ឋាននេះ សូមរួមអនុវត្តទាំងអស់គ្នា ដើម្បីសុខសុវត្ថិភាព និងបរិស្ថានមានភាពស្រស់បំព្រងផងដែរ៕

នៅថ្ងៃទី ១៤ ខែធ្នូ ឆ្នាំ២០១៩ វេលាម៉ោង ០២ និង ០០នាទី រំលងអាធ្រាត្រ កម្លាំងជំនាញផែននគរបាលព្រហ្មទណ្ឌ បានចេញល្បាតតាមដងផ្លូវ ពេលដល់ចំណុចផ្លូវកាស៊ីណូ ជីយូវនីសិន ស្ថិតនៅ ភូមិ៣ សង្កាត់៣ ក្រុង-ខេត្តព្រះសីហនុ ក៏ប្រទះឃើញជនជាតិចិន ០២នាក់ ជិះម៉ូតូ ០១គ្រឿង ម៉ាក ស្មាស់ ពណ៌ក្រហម មានពាក់មួកបិទមុខជិត និងពាក់ម៉ាស់ គួរអោយសង្ស័យទើបឃាត់សួរនាំ និងធ្វើការឆែកឆេររកឃើញ កាំភ្លើងខ្លី ០១ដើម ព្រមទាំងសម្ភារៈវត្ថុតាងមួយចំនួនទៀត ទើបឃាត់ខ្លួនជនសង្ស័យទាំង ០២នាក់ យកមកការិយាល័យនគរបាលព្រហ្មទណ្ឌកម្រិតស្រាលតែម្តង

ថ្មីៗនេះក៏មានការចែករំលែកនូវវីដេអូដែលមានបុរសជនជាតិបរទេសមួយរូបឈ្មោះ James FT ដែលបានបង្ហោះវីដេអូដាក់ចំណងជើង “Why you should not visit Cambodia” ដែលបង្ហោះកាលពីថ្ងៃទី១៤ ខែសីហា ឆ្នាំ២០១៩ ដោយជនបរទេសរូបនេះបានរិះគន់ចំពោះបញ្ហាបរិស្ថាននៅទីក្រុងភ្នំពេញ និងនិយាយថាគ្មានកន្លែងឲ្យខ្លួនស្វែងរកសេវាផ្លូវភេទដូចនៅប្រទេសថៃ ធ្វើឲ្យបងប្អូនខ្មែរយើងមានការរិះគន់ជាខ្លាំង ហើយបងប្រុស Uriah Lyford ដែលជាជនបរទេសដែរ បានសម្តែងការមិនពេញចិត្ត ដោយគាត់បានសរសេរនៅលើបណ្តាញសង្គមហ្វេសបុកគាត់ថា៖ បរទេសចេញវីដេអូមើលងាយនិយាយបង្កាច់បង្ខូចកិត្តិយសនៃប្រទេសកម្ពុជាដោយសារនារីខ្មែរមិនងាយបោកប្រាស់ដូចនារីផ្សេង 1) សូមសរសើរនារីខ្មែរដែលអត់បានចេញល្បិចរបស់គាត់ 2) សូមអំពាវនាវដល់មន្ត្រីរាជការចាត់វិធានការជាមួយនឹងបុគ្គលម្នាក់នេះ 3) សូមបន្តក្នុងការអនុញ្ញាតឱ្យមានសេរីភាពក្នុងនិយាយតែបើយើងនិយាយអ្វីមួយដែលខុសច្បាប់គឺប្ដឹងបាន (បើសិនជាម្ចាស់ផ្ទះសំណាក់ឬសណ្ឋាគារដែលគាត់បានស្នាក់នៅចងចាំមុខគាត់សូមទាក់ទងប៉ូលីសដូច្នេះអាចស៊ើបអង្កេតបានសូមអរគុណ)។

ប្រិយមិត្តនៅលើបណ្តាញសង្គមច្បាស់ជាស្គាល់នូវតារាហ្វេសប៊ុក ម៉ូនីកា ហៅ Kaka Kh Australia ដែលតែងតែធ្វើការបង្ហោះវីដេអូឬធ្វើការ live បញ្ចេញមតិទាក់ទងរឿងរ៉ាវនៅក្នុងសង្គម។ យ៉ាងណាមិញថ្មីៗនេះក៏មានការចែករំលែកនូវវីដេអូដែលមានបុរសជនជាតិបរទេសមួយរូបឈ្មោះ James FT ដែលបានបង្ហោះវីដេអូដាក់ចំណងជើង “Why you should not visit Cambodia” ដែលបង្ហោះកាលពីថ្ងៃទី១៤ ខែសីហា ឆ្នាំ២០១៩ ដោយជនបរទេសរូបនេះបានរិះគន់ចំពោះបញ្ហាបរិស្ថាននៅទីក្រុងភ្នំពេញ និងនិយាយថាគ្មានកន្លែងឲ្យខ្លួនស្វែងរកសេវាផ្លូវភេទដូចនៅប្រទេសថៃ ជាហេតុធ្វើឲ្យតារាហ្វេសប៊ុក Kaka Kh Australia បានឆ្លើយតបទៅនឹងការរិះគន់របស់ជនបរទេសរូបនោះ។ Kaka Kh បានសរសេររៀបរាប់ថា៖ “មានអ្នកSubscribeមិនដល់ 600

ភ្នំពេញ៖ រថយន្តហ៊ីយ៉ាន់ដាយស៊េរីថ្មី ២០២០ ត្រូវបានសម្ពោធជាផ្លូវការនូវកម្ពុជា ជាមួយ នឹងការ បំពាក់ នូវបច្ចេកវិទ្យាឆ្លាតវៃ និងសុវត្ថិភាពខ្ពស់ ដែលកាន់តែផ្តល់នូវ ភាពងាយស្រួល ដល់ អ្នក បើក បរ និងធ្វើដំណើរគ្រប់សា្ថនភាពផ្លូវ ជាមួយនឹងរថយន្តលក្ខណៈគ្រួសារ Hyundai Palisade 2020 ដោយរថយន្តនេះ ត្រូវបានរំពឹងថា នឹងទទួលបាន កំណើន លក់ ច្រើនក្នុងទីផ្សារ។ ក្នុងពិធីបើកសម្ភោធជាផ្លូវការរថយន្ត The All-New Palisade ឆ្នាំ 2020 នៅសណ្ឋាគារសុខា នារាត្រីថ្ងៃទី១៣

ថ្មីៗនេះមានការចែករំលែកពេញបណ្តាញសង្គមក្រោយប្រជាពលរដ្ឋបានប្រទះឃើញសត្វភេ២ក្បាល នៅខ្លោងទ្វាទន្លេអ៊ុំ ផ្នែកកសិណខាងកើតនៃរាជធានីអង្គរធំ ។ ដោយយោងតាមការបង្ហោះរបស់គណនីហ្វេសប៊ុកឈ្មោះ Kim Thonn បានសរសេររៀបរាប់ថា៖ “ដំណឹងល្អ!!សត្វភេដែលជាសត្វកម្រត្រូវបានប្រទះឃើញនៅខ្លោងទ្វាទន្លេអ៊ុំ ឬ ខ្លោងទ្វាខាងត្បូង ផ្នែកកសិណខាងកើត (ខាងអសុរៈ)​ នៃរាជធានីអង្គរធំ កាលពីថ្ងៃទី ១៣ ខែធ្នូ ឆ្នាំ២០១៩! សូមចូលរួមអភិរក្សទាំងអស់គ្នាដើម្បីទុកឲ្យកូនចៅជំនាន់ក្រោយបានស្គាល់ផង”៕ ប្រភព៖ Phally Lon/Kim Thonn

ខេត្តបាត់ដំបង៖ បុរសម្នាក់រងរបួសធ្ងន់ និងខូចខាតត្រាក់ទ័រភ្ជួរដីមួយគ្រឿង ដោយសារផ្ទុះមីនតោន ពេលកំពុងភ្ជួរដីចំការពោត។ ហេតុការណ៍នេះបានកើតឡើង នៅចំណុចខាងត្បូងភ្នំហេងដាន ស្ថិតក្នុងភូមិហុងទឹក ឃុំបារាំងធ្លាក់ ស្រុកភ្នំព្រឹក ខេត្តបាត់ដំបង កាលពីរសៀលថ្ងៃទី១៣ ខែធ្នូ ឆ្នាំ២០១៩ម្សិលមិញនេះ។ សមត្ថកិច្ចបញ្ជាក់ថា ជនរងគ្រោះឈ្មោះ គ្រី ប្រុស ភេទប្រុស អាយុ២៩ឆ្នាំ មុខរបរធ្វើចំការ មានទីលំនៅភូមិចក្រី ឃុំបារាំងធ្លាក់ ស្រុកភ្នំព្រឹក ក្រោយកើតហេតុត្រូវបានបញ្ជូនទៅសង្គ្រោះនៅមន្ទីរពេទ្យបង្អែកស្រុកសំពៅលូន ៕ ប្រភព៖ Huy Bunleng

ក្រុមហ៊ុន ISUZU បានកំពុងបន្តភាពជាអ្នកនាំមុខគេ និង ដឹកនាំ “ឆ្ពោះទៅមុខប្រកបដោយឧត្តមភាព” ហើយបានប្រកាសជាផ្លូវការអគ្គរដ្ឋទូតសុឆន្ទៈប្រចាំក្រុមហ៊ុន ISUZU ដែលលោកនឹងតំណាងអោយរថយន្ត Isuzu D-Max Blue Powe ដែលជាប្រភេទរថយន្ត ភីកអាប់ ដែលមានការច្នៃប្រឌិតថ្មីលំដាប់ថ្នាក់ពិភពលោក នៅឯពិធីជប់លៀង “ណែនាំអគ្គរាជទូតសុឆន្ទៈប្រចាំក្រុមហ៊ុនអ៊ីស៊ូហ៊្យុ” កាលពីយប់មិញនេះ ដើម្បីបង្កើនការយល់ដឹងពីម៉ាកយីហោនេះកាន់តែខ្លាំងថែមទៀត។ បើយោងតាមប្រសាសន៍របស់លោក Shuichiro Mori ប្រធានក្រុមហ៊ុន Tri Petch Isuzu Sales Cambodia Co. , Ltd ដែលជាអ្នកតំណាងចែកចាយរថយន្ត Pickup

អបអរសាទរខួប២៧ឆ្នាំ (១៤ ធ្នូ ១៩៩២ – ១៤ ធ្នូ ២០១៩) នៃការដាក់រមណីយដ្ឋានអង្គរបញ្ចូលក្នុងបញ្ជីបេតិកភណ្ឌពិភពលោករបស់អង្គការយូណេស្កូ។ តាមរយៈការដាក់រមណីយដ្ឋានអង្គរចូលជាបេតិកភណ្ឌពិភពលោក បានធ្វើឱ្យទេសចរគ្រប់ជាតិសាសន៍បានស្គាល់ និងមកទស្សនាអង្គរកើនឡើងជាប្រចាំ ជាកត្តាបង្កើនសេដ្ឋកិច្ចដល់ប្រជាជននិងជាតិគួរឱ្យកត់សម្គាល់។ បន្ថែមពីនោះដែរ តាមរយៈយន្តការអាយស៊ីស៊ី-អង្គរ ដែលមានប្រទេសជប៉ុននិងបារាំងជាសហប្រធាន បានគៀងគរថវិការនិងប្រមូលផ្តុំអ្នកជំនាញអន្តរជាតិជុំវិញពិភពលោក មកស្រាវជ្រាវ ជួសជុល ផ្លាស់ប្តូរបទពិសោធន៍ផ្នែកបច្ចេកទេស និងបណ្តុះបណ្តាលធនធានមនុស្សរបស់អាជ្ញាធរជាតិអប្សរាទាំងក្នុងប្រទេសនិងក្រៅប្រទេសបានយ៉ាងច្រើន ដែលអាចជួយសង្គ្រោះអង្គរពីមួយឆ្នាំទៅមួយឆ្នាំឱ្យកាន់តែមានភាពល្អប្រសើរ។ ភាពរឹងមាំ ស្រស់ស្អាតឡើងវិញនៃសំណង់បុរាណដ្ឋានក្នុងរមណីយដ្ឋានអង្គរនាបច្ចុប្បន្ននេះ ប្រជាពលរដ្ឋកម្ពុជាមិនអាចបំភ្លេចបានឡើយនូវស្នាព្រះហស្ថរបស់ព្រះបរមរតនកោដ្ឋ ថ្នាក់ដឹកនាំគ្រប់ជាន់ថ្នាក់នៃអាជ្ញាធរជាតិអប្សរា និងអ្នកជំនាញជាតិ-អន្តរជាតិដែលបានធ្វើមរណៈកាលទៅហើយ ក្នុងបុព្វហេតុជួយសង្គ្រោះ ស្រោចស្រង់អង្គរឱ្យរួចផុតពីគ្រោះភ័យ និងប្រឹងប្រែងអស់កម្លាំងព្រះកាយពល ព្រះបញ្ញាញាណ ស្មារតី ក្នុងការដាក់បញ្ចូលរមណីយដ្ឋានអង្គរជាបេតិកភណ្ឌពិភពលោកដោយអង្គការយូណេស្កូជាគម្រប់២៧ឆ្នាំនៅថ្ងៃនេះ៕ ប្រភព៖

បូស​អន្ទង់ ជា​បូស​ដែល​កើត​នៅ​ម្តុំ​ទ្វារ​លាមក ឬ​រន្ធ​គូទ ដោយ​ការ​ស៊ី​ចាក់​រូង​កកើត​ជា​ខ្ទុះ ចេញ​ពី​ក្នុង​រន្ធ​បាត​មក​ក្រៅ ដែល​ភាគ​ច្រើន​​កើត​លើ​មនុស្ស​ពេញ​វ័យ ហើយ​ក៏​អាច​កើត​មាន​លើ​កូន​ក្មេង​ដែរ នេះ​បើ​តាម​ប្រភព​​មន្ទីរពេទ្យ​កាល់ម៉ែត។ ១. រោគសញ្ញាបូសអន្ទង់ – មាន​ដុំ​ពក​ហើម – ឈឺ​នៅ​តំបន់​រន្ធគូទ និង​ក្នុង​រន្ធគូទ – មាន​ហូរ​ខ្ទុះ​នៅ​រន្ធគូទ – សើម​ជាប់​ជា​ប្រចាំ​នៅ​រន្ធគូជ – រមាស់​រន្ធគូទ។ ២. មូលហេតុ​កើត​បូស​អន្ទង់ ជា​ធម្មតា​នៅ​ខាង​ក្នុង​រន្ធគូទ​របស់​មនុស្ស​យើង​គ្រប់​គ្នា មាន​ក្រពេញ​ធម្មជាតិ​តូចៗ​ជា​ច្រើន។ គេសន្និដ្ឋាន​ថា​ជំងឺ​បូស​អន្ទង់​បណ្ដាល​មក​ពី​ការ​ស្ទះ​រន្ធ​នៃ​ក្រពេញ​តូចៗ​ទាំង​នោះ ដែល​បង្ក​ឲ្យ​មាន​ខ្ទុះ​ស៊ី​ចាក់​រូង​ចេញ​មក​ខាង​ក្រៅ។ ៣. វិធី​ព្យាបាល​បូស​អន្ទង់ ជំងឺ​បូស​អន្ទង់​មិន​មាន​វិធី​ផ្សេង​សម្រាប់​ព្យាបាល​ឲ្យ​ជា​សះ​ស្បើយ​ទេ ក្រៅ​ពី​ការ​វះកាត់​នោះ​ទេ។ ការ​វះបូស​អន្ទង់​មាន​២​ប្រភេទ គឺ​ការ​វះ​បង្ហូរ​ខ្ទុះ​បន្ធូរ​បន្ថយ​ការ​ឈឺ​ចាប់ និង​ការ​វះ​ឲ្យ​ជា​សះ​ស្បើយ។