ថ្មីៗនេះផ្ទុះការចែករំលែកពេញបណ្តាញសង្គមថៃ ក្រោយពេលដែលរូបពិធីភ្ជាប់ពាក្យរបស់ក្មេងៗសិស្សវិទ្យាល័យមួយគូត្រូវបានចែករំលែកចូលក្នុងបណ្តាញសង្គម។ អ្វីដែលគួរឲ្យភ្ញាក់ផ្អើលសម្រាប់រឿងមួយនេះ នោះគឺក្មេងៗប្រុសស្រីមួយគូនេះទើបតែស្គាល់គ្នារយៈពេល១៦ថ្ងៃតែប៉ុណ្ណោះ។ ដើមហេតុនៃរឿងភ្ញាក់ផ្អើលមួយនេះកើតឡើងក្រោយពេលក្មេងស្រីដែលជាអនាគតកូនក្រមុំរូបនេះ បានបង្ហោះរូបពិធីភ្ជាប់ពាក្យរបស់ខ្លួនជាមួយសារអរគុណទៅដល់គូស្នេហ៍។ ដោយនារីវ័យក្មេងរូបបានសរសេររៀបរាប់ថា៖ «អរគុណដែលបានធ្វើតាមការសន្យា! ថ្ងៃ១៤ ខែ០៧ ឆ្នាំ២០១៩ ជាថ្ងៃដែលយើងស្គាល់គ្នា ថ្ងៃ៣០ ខែ០៧ ឆ្នាំ២០១៩ ជាថ្ងៃដែលយើងភ្ជាប់ពាក្យ ការដែលយើងបានជួបបានស្គាល់បានភ្ជាប់និស្ស័យនឹងគ្នាមិនមែនជារឿងងាយនោះឡើយ។ នេះគឺជាសេចក្តីសុខរបស់អូនក្នុងជីវិតនេះ»៕ អត្ថបទ៖ មេសា

ទោះ​មក​ដល់​បច្ចុប្បន្ន​បច្ចេកទេស​ពេទ្យ​​ជឿនលឿន​យ៉ាង​ណា​ក្ដី តែ​ប្រជាជន​ខ្មែរ​ខ្លះ​នៅតែ​មាន​ជំនឿ​តាម​បែប​បុរាណ​។ ក្នុង​នោះ​ការ​ថែទាំ​កូន ៦ បែប​នេះ ពេទ្យ​ហាម​ដាច់​ខាត ព្រោះ​វា​អាច​ធ្វើឲ្យ​កូន​ទៅ​ជា​ឈឺ​ថែម​ទៀត​ផង។ ទាំងនេះជាការ​លើកឡើង​របស់​លោក​វេជ្ជបណ្ឌិត ចាន់ ស៊ីណេត ឯកទេស​ជំងឺ​ទូទៅ។ ១- ហាម​បន្តក់​ទឹកដោះ​លើ​ភ្នែក​កូន ម៉ាក់​ៗ​ដែល​កើត​កូន​តាម​ធម្មជាតិ អាអូន​មាន​បញ្ហា​ភ្នែក​ច្រើន​ជាង​សម្រាល​ដោយ​វះកាត់ តែ​ទោះ​យ៉ាង​ណា យើង​មិន​ត្រូវ​បន្តក់​ទឹកដោះ​លើ​ភ្នែក​កូន​នោះ​ទេ ព្រោះ​រឹតតែ​ធ្វើ​ឲ្យ​ភ្នែក​ស្អិត ហើម និង​រលាក​ភ្នែក និងកញ្ចក់ភ្នែក ។ ភ្នែក​កូន​តូច​ឈឺ គ្រូពេទ្យ​បាន​ណែនាំ​ឲ្យ​បន្តក់​សេរ៉ូម​ប្រៃ។ ២- កុំ​បំបៅ​កូន​ទាំង​ផឹក​ថ្នាំ​ឫស​ឈើ និង​ស្រា បើ​ម៉ាក់​ៗ​ផឹក​ស្រា​ថ្នាំ ឬឱសថបុរាណដើម្បី​ឲ្យ​សម្បូរ​ទឹកដោះ និង​ឆាប់​រឹង​សរសៃ​អាច​ប៉ះពាល់​ដល់​សុខភាព​ខ្លួនឯង ហើយ​ជាតិ​អាកុល​ក៏​ចូល​ទៅ​ក្នុង​ខ្លួន​កូន​តាមរយៈ​ទឹកដោះ​ធ្វើឲ្យ​កូន ហើមពោះ​ ប៉ោងពោះ និង​រាករូស។

នៅព្រឹកថ្ងៃទី ០២ ខែ សីហា ឆ្នាំ ២០១៩ វេលាម៉ោង ០៥:៣០នាទីព្រឹក​ ដល់ម៉ោង៦:៣០នាទី​ កម្លាំងសណ្តាប់ធ្នាប់បានសហការជាមួយគណៈកម្មការផ្សារដើមគរចុះរៀបចំសណ្តាប់ធ្នាប់នៅលើមហាវិថីព្រះមន្នីរ៉េតមុខផ្សារដើមគរដោយការលក់ដូរ ឈប់ចតរថយន្តនៅលើទ្រូងផ្លូវ​ និងម៉ោង ៦:៣0 ព្រឹក ដល់ម៉ោង ៨:00 នាទី បានចុះរៀបចំសណ្តាប់ធ្នាប់នៅផ្សារងិនអានហៅផ្សារទំនប់។ រួចនៅម៉ោង០៩ៈ០០នាទីដល់ម៉ោង១១ៈ០០បន្តចុះរៀបចំសណ្តាប់ធ្នាប់នៅលើមហាវិថីសហពន្ធ័រុស្សីពីស្ពានអាកាស៧មករាដល់មុខព្រលានយន្តហោះពោធិចិនតុង​ និងពេលល្ងាចនៅមុខណាហ្គាវើល ចំពោះរថយន្ដដែលឈប់ចតនៅលើផ្លូវដែលល្មើសនឹងគំនូសសញ្ញា បើកបរបញ្ច្រាស់ទិសឈប់ចតកន្លែងរថយន្តក្រុងដោយបញ្ជូនរថយន្តចំនួន០៥គ្រឿងទៅរក្សារទុកនៅការិយាល័យ៕ ប្រភព៖ ស្នងការដ្ឋាននគរបាលរាជធានីភ្នំពេញ

ម៉ាឡេស៊ី៖ តំបន់សំខាន់ៗមួយចំនួននៅក្នុងប្រទេសម៉ាឡេស៊ីកំពុងតែទទួលរងនូវផ្សែងអ័ព្ទយ៉ាងខ្លាំង ដែលបញ្ហាបានបង្កឡើង ដោយសារតែមានព្រៃជាច្រើនកន្លែងនៅក្នុងប្រទេសឥណ្ឌូនេស៊ីបានឆេះឡើងព្រមគ្នា ធ្វើឲ្យផ្សែងមិនល្អជះឥទ្ធិពលមកដល់ប្រទេសម៉ាឡេស៊ី។ តាមការបញ្ជាក់របស់មន្ទីរឧតុនិយមម៉ាឡេស៊ីបានឲ្យដឹងថា ព្រៃនៅក្នុងស្រុកចំនួន ៥ ក្នុងប្រទេសឥណ្ឌូនេស៊ីបានឆេះឡើងព្រមគ្នា ហើយឥទ្ធិពលនៃអគ្គិភ័យនោះនឹងបង្កឲ្យមានបញ្ហាផ្សែងអ័ព្ទនៅក្នុងប្រទេសម៉ាឡេស៊ីចំនួន ៧ ថ្ងៃ។ យ៉ាងណាក្តី បញ្ហានេះមិនបានកើតមានពេញប្រទេសម៉ាឡេស៊ីទាំងមូលនោះទេ ពោះគឺកើតមាននៅក្នុងក្រុងកូឡាឡាំពួ ក្រុង Penang រដ្ឋ Selangor និងរដ្ឋ Putrajaya តែប៉ុណ្ណោះ។ អាជ្ញាធរម៉ាឡេស៊ីបានចុះចែកម៉ាស់ចំនួន ១០,០០០ ដើម្បីឲ្យប្រជាពលរដ្ឋពាក់ការពារសុខភាព ខណៈសាលារៀន និងក្រុមហ៊ុនផ្សេងៗនៅបើកដំណើរការជាធម្មតា៕​ អត្ថបទ៖ ភក្តី

កាលពីពេលថ្មីៗនេះ​ ក្រសួងធនធានទឹក និងឧតុនិយម បានចេញសេចក្តីជូនដំណឹងពិសេសមួយឲ្យបងប្អូនប្រជាពលរដ្ឋបង្កើនការប្រុងប្រយ័ត្ន ដោយសារចាប់ពីថ្ងៃទី០៣ ដល់ថ្ងៃទី០៦ ខែសីហា ឥទ្ធពិលខ្យល់មូងសុងនិរតី ធ្វើឲ្យមានភ្លៀង និងខ្យល់ខ្លាំងនៅតំបន់មាត់សមុទ្រ ពិេសសខេត្តកោះកុង និងខេត្តព្រះសីហនុ ដែលជាហេតុអាចបណ្តាលឲ្យមានការលិចលង់ដល់ភូមិឋានរបស់បងប្អូនប្រជាពលរដ្ឋ និងហេដ្ឋារចនាសម្ព័ន្ធនានា ពិសេសកំណាត់ផ្លូវជាតិលេខ១ ហើយខ្យល់នោះផងដែរមានល្បឿនខ្លាំងពី ១៥-២០ម៉ែត្រក្នុងមួយវិនាទី រីឯរលកវិញមានកម្ពស់ពី ១-២ម៉ែត្រ។ ដូច្នេះសូមបងប្អូនប្រជាពលរដ្ឋត្រៀមលក្ខណៈជាមុន និងបង្កើនការប្រុងប្រយ័ត្នឲ្យបានខ្ពស់៕ អត្ថបទ៖ សេម

ខេត្តព្រះសីហនុ ៖ បន្ទាប់ពីមានភ្លៀងបានធ្លាក់តាំងពីព្រឹករហូតដល់រសៀលម៉ោង៣បណ្តាលឲ្យមានការលិចលង់នៅក្រុង គេក៏សង្កេតឃើញ ដុំកំផ្លោកស្រស់អណ្តែតមួយចំនួនទៀត បានរសាត់តាមទឹកសមុទ្រមកទើរលើឆ្នេរអូរឈើទាលជាថ្មីទៀតនៅល្ងាចថ្ងៃទី០២ ខែសីហា ឆ្នាំ២០១៩នេះ។ ទោះជាយ៉ាងក្តី ភ្លាមៗគេនៅមិនទាន់ដឹងថាតើដុំកំផ្លោកនេះ មានប្រភពមកពីកន្លែងណា និងមានរសាត់មកច្រើនបន្ថែមទៀតឬយ៉ាងណានៅឡើយ ។ ករណីនេះភ្លាមៗមន្ត្រីពាក់ពន្ធ័បានចុះទៅពិនិត្យដើម្បីកើបសម្អាត៕ ប្រភព ៖ លោក ហ៊ុយ ប៊ុនឡេង

បច្ចុប្បន្ននេះ ការព្យាបាល​ជំងឺមហារីក ធ្វើឡើង​តាមរយៈ​ការវះកាត់ ថ្នាំគីមី ឬវិទ្យុសកម្ម ដែល​វា​ជួយ​រារាំង និង​កម្ចាត់​កោសិកា​ដុំសាច់​មហារីក​ក៏ពិតមែន តែវាក៏ប៉ះពាល់​ដល់​កោសិកា​ផ្សេងៗ​ទៀត​ផងដែរ។ ដូច្នេះហើយ អ្នកវិទ្យាសាស្ត្រ បាន និងកំពុង​ស្រាវជ្រាវ​រក​មធ្យោបាយ​ព្យាបាល​ផ្សេងៗ​ទៀត ដែល​មាន​ប្រសិទ្ធភាព​ជាងមុន ហើយ​ប៉ះពាល់​តិចជាងមុន។ អ្នកវិទ្យាសាស្ត្រសិង្ហបុរី បាន​បង្កើតថ្នាំ PRL3-zumab ជាប្រភេទ​អង់ទីករ​ក្នុង​ខ្លួន​មនុស្ស។ ថ្នាំនេះ មាន​មុខងារ​កម្ចាត់​ប្រូតេអ៊ីន PRL-3 ជាអង់ទីហ្សែន​ដុំសាច់ ដែល​ជំរុញ​ឲ្យ​ជំងឺ​មហារីក​កើនឡើង ហើយ​ត្រូវ​រកឃើញ ៨០% ក្នុង​ជំងឺ​មហារីក ១១​ប្រភេទ។ ការព្យាបាល​ដោយ​ប្រើថ្នាំ PRL3-zumab មិន​សម្លាប់​កោសិកា​ល្អៗ ដែល​នៅ​ជុំវិញ​ប្រេតេអ៊ីន​បង្ក​ជំងឺ​មហារីក PRL-3 នោះទេ។ សាស្ត្រាចារ្យ

ភ្នំពេញថ្ងៃទី ០២ ខែសីហា ឆ្នាំ២០១៩៖ តាំងពីក្រុមហ៊ុនបច្ចេកវិទ្យាយក្ស សាមសុង បានបង្ហាញ វីដេអូ Teaser អំពី ស្តេចកំពូលស្មាតហ្វូនប៊ិច Samsung Galaxy Note 10 មកបានកំពុងតែធ្វើឱ្យពិភពលោកកក្រើក និងភ្ញាក់ផ្អើលខ្លាំងបំផុត។គួរបញ្ជាក់ផងដែរថាកាលពីពេលថ្មីៗនេះវីដេអូ Teaser ថ្មីមួយនៅក្នុងវេបសាយផ្លូវការរបស់ក្រុមហ៊ុន សាមសុង ដែលមានប៊ិចគូរជារង្វង់ ហើយក្លាយទៅជាកាមេរ៉ា ព្រមទាំងកាលបរិច្ឆេទនៃការបង្ហាញវត្តមានស្តេចស្មាតហ្វូនប៊ិចជំនាន់ថ្មីរបស់ត្រកូល Galaxy ស៊េរីទំនើបចុងក្រោយប្រចាំឆ្នាំ ២០១៩ នឹងបង្ហាញជាផ្លូវការនាពេលឆាប់ៗនេះនៅក្នុងទីក្រុង ញ៉ូវយក ( New York) រដ្ឋប្រ៊ូឃ្លីន (Brooklyn) សហរដ្ឋអាមេរិក

ម៉ាឡេស៊ី៖ ប្រឡាយទឹកដ៏កខ្វក់មួយនៅក្នុងទីក្រុង Penang ប្រទេសម៉ាឡេស៊ី ត្រូវបានគេកែច្នៃឲ្យក្លាយទៅជាប្រឡាយទឹកស្អាត និងមានត្រីអាចរស់នៅបានទៀតផង។ ការកែច្នៃប្រឡាយនេះត្រូវបានធ្វើឡើងដោយគំរូតាមប្រឡាយទឹកស្អាតនៅក្នុងប្រទេសជប៉ុនផងដែរ។ ប្រឡាយទឹកមួយខ្សែរនេះមានឈ្មោះថា ប្រឡាយ Prangin ហើយកន្លងមកវាគ្រាន់តែជាប្រឡាយទឹកកខ្វក់មួយ ដែលគ្មានអ្នកណាចាប់អារម្មណ៍ឡើយ។ យ៉ាងណាក្តី កាលពីពេលថ្មីៗនេះមានអង្គការមួយបានទទួលគម្រោងអភិវឌ្ឍន៍ប្រឡាយទឹកនេះឲ្យក្លាយទៅជាប្រឡាយទឹកស្អាត ហើយលទ្ធផលគឺមិនខកបំណងឡើយ ដោយពេលនេះប្រឡាយ Prangin បានក្លាយទៅជាប្រឡាយទឹកស្អាតមួយខ្សែនៅក្នុងទីក្រុង ដែលមានត្រីជាច្រើនរស់នៅ និងជាកន្លែងលំហែ ឬសម្រាប់ថតរូបរបស់ប្រជាពលរដ្ឋផងដែរ។ លោកអ្នកអាចទស្សនារូបភាពប្រលាយទឹកស្អាតរបស់ម៉ាឡេស៊ីដូចខាងក្រោមនេះ៖ អត្ថបទ៖ ភក្តី

កាលពីវេលាម៉ោង ៨និង៣០នាទីព្រឹក ថ្ងៃទី០២​ ខែសីហា​ ឆ្នាំ២០១៩​ នៅក្នុងការដ្ឋានសំណង់អូឡាំព្យា​ ដែលមានទីតាំងផ្លូវ២១៧ ភូមិ៧ សង្កាត់វាលវង់ ខណ្ឌ៧មករា​ មានករណីអគ្គិភ័យមួយកើតឡើងនៅចំណុចជាន់ក្រោមដី (សំណង់ស្ថិតត្រង់ទល់មុខវត្តព្រះពុទ្ធ) ។ ករណីនេះបានធ្វើឲ្យមានការភ្ញាក់ផ្អើលជាខ្លាំង ដោយបានឃើញមានផ្សែងចេញពីច្រកធំផ្សារ និងធ្វើឲ្យមានការយល់ច្រឡំ ដោយថាអគ្គិភ័យកំពុងតែឆាបឆេះផ្សារទំនើប ។ ដោយ The Olympia Mall បានចេញសេចក្តីជូនដំណឹងបដិសេធថា ៖ “ផ្សារទំនើប អូឡាំព្យា មានកិត្តិយសសូមគោរពជម្រាបជូនដំណឺងទៅកាន់អតិថិជនទាំងអស់អោយបានជ្រាបថា៖ ពុំមានអគ្គីភ័យណាមួយបានឆាបឆេះផ្សារទំនើបអូឡាំព្យាទ្បើយ ។ អគ្គីភ័យដែលបានឆាបឆេះកាលពីព្រឹកថ្ងៃសុក្រនេះគឺបានកើតទ្បើងនៅក្នុងឃ្លាំងផ្ទុកសម្ភារៈក្រោមដីតូចមួយនៅខាងក្នុងការដ្ឋានទីក្រុងអូឡាំព្យាតែប៉ុណ្ណោះ ហើយក៍បានបង្កទៅជាផ្សែងមកខាងក្រៅតាមចំណតក្រោមដី មកកាន់ច្រកធំ (C3) បង្កអោយមានការភ័ន្តច្រឡំទៅកាន់សាធារណៈជន