ខ្សែការពាររបស់ក្លឹប Inter Milan កីឡាករ Stefan de Vrij បាននិយាយថា៖ ការមកដល់របស់ Ronaldo បានជះឥទិ្ធពលយ៉ាងខ្លាំងមកដល់លីគកំពូល Italia Serie A របស់អ៊ីតាលី ប៉ុន្ដែខ្សែការពាររូបនេះថាខ្សែប្រយុទ្ធវ័យក្មេង Kylian Mbappe ល្អជាង Ronaldo ទៅវិញ។ ការមកដល់ក្លឹបសេះបង្កង់ Juventus របស់ខ្សែប្រយុទ្ធ Cristiano Ronaldo បានធ្វើឲ្យកក្រើកពេញទីផ្សារដោះដូរកីឡាកររដូវក្ដៅ ជាពិសេសនៅឯប្រទេសអ៊ីតាលីនេះតែម្ដង។ ខ្សែប្រយុទ្ធ Cristiano Ronaldo សម្រេចចិត្តចាកចេញពីក្លឹបអធិរាជសរ Real Madrid មកកាន់

ក្នុងពេលគំរប់ខួប 10ឆ្នាំដែលខ្សេបម្រើ Sergio Busquets ចូលរួមលេងជាមួយនឹងក្លឹបអ្នកមានបុណ្យ Barcelona ខ្សែបម្រើ Sergio Busquets ត្រូវបានគេចាត់ទុកជាកេរ្តិ៍ដំណែលដ៏អស្ចារ្យដែល Pep Guardiola បន្សល់ទុកនៅឯ Barcelona។ នៅក្នុងឆ្នាំ 2008 ខ្សែបម្រើ Sergio Busquets ត្រូវបានលោក Pep Guardiola ជំរើសយកចេញពីឈុត B របស់ Barcelona មកកាន់ឈុតធំ ដែលពេលនោះលោក Pep Guardiola នៅមានសក់នៅឡើយ ហើយក៏ជារជ្ជកាលដ៏អស្ចារ្យរបស់លោក Pep Guardiola ក្នុងការដឹកនាំក្លឹបអ្នកមានបុណ្យ Barcelona

ក្របខ័ណ្ឌ LaLiga បានប្រកាសពីកម្រិតប្រាក់បៀវត្សរ៍សម្រាប់ក្លឹបចំនួន 20 ដែលអាចចំណាយសម្រាប់រដូវកាល 2018/19។ ក្លឹប Barcelona គឺជាក្រុមដែលអាចចំណាយប្រាក់ច្រើនបំផុត 66,5 លានអឺរ៉ូច្រើនជាង Real Madrid។ ក្លឹបដែលមានចំនួនថវិកាតិចបំផុតគឺ Real Valladolid ។ ដែនកំណត់ប្រាក់ខែសំដៅទៅលើបរិមាណអតិបរមាដែលក្រុមនីមួយៗអាចចំណាយក្នុងរដូវកាលនេះទៅលើក្រុមរបស់ពួកគេដែលរួមមានកីឡាករនិងបុគ្គលិកហ្វឹកហាត់។ ប្រាក់ខែ ប្រាក់សម្រាប់សន្តិសុខសង្គម ប្រាក់រង្វាន់បន្ថែម ប្រាក់កម្រៃសម្រាប់ភ្នាក់ងារ និងប្រាក់ចំណាយផ្សែងៗ (អាស្រ័យលើចំនួនឆ្នាំនៅក្នុងកិច្ចសន្យារបស់កីឡាករ)។ អត្ថបទ៖ ប៊ុនហួរ ប្រភព៖ Marca

ឆ្នាំ 2018 ទៅហើយ iPhone ជំនាន់ថ្មីក៏បានបង្ហាញខ្លួន តែសម្រាប់ការសាកថ្មរបស់ iPhone នៅតែមិនមានឆ្នាំងសាកល្បឿនលឿនសម្រាប់ iPhone ដដែល ។ ក្រុមហ៊ុន Apple បានប្រកាសថា ស្មាតហ្វូនរបស់ខ្លួនអាចទ្រទ្រង់បានជាមួយកម្លាំងឆ្នាំងសាកល្បឿនលឿន តាំងពីជំនាន់ iPhone X និង 8 Plus មកម្លេះ ប៉ុន្តែ Apple មិនបានភ្ជាប់មកជាមួយឆ្នាំងសាកល្បឿនលឿនក្នុងប្រអប់នោះ ដោយនៅតែបន្តការប្រើប្រាស់ឆ្នាំង 5W ធម្មតាដដែល។ ស្មាតហ្វូនទាំងនេះអាចប្រើប្រាស់បានជាមួយនឹងឆ្នាំងសាករបស់ Macbook ដែលមានកម្លាំង 30W ប៉ុន្តែអ្នកត្រូវចំណាយដល់ទៅ $68

កាលពីពេលថ្មីៗនេះ មានការរិះគន់មួយបានកើតឡើងនៅក្នុងក្រុងព្រះសីហនុ ក្រោយទឹកសមុទ្រធ្លាប់តែខៀវស្អាត ប្រែជាល្អក់កករដូចដីភក់ ធ្វើឲ្យប៉ះពាល់ដល់តំបន់ទេសចរណ៍យ៉ាងខ្លាំង។ ទាក់ទងនឹងបញ្ហានេះក្រសួងបរិស្ថានបានអះអាងថា ស្ថានភាពល្អក់កករទឹកនៅតាមឆ្នេរសមុទ្រមួយចំនួន រួមទាំងឆ្នេរព្រែកត្រែងផងនោះ មិនបង្កជាបញ្ហាប៉ះពាល់ធ្ងន់ធ្ងរនោះឡើយ។ ការល្អក់កករនេះ ដោយសារតែសកម្មភាពអភិវឌ្ឍនៅខេត្តព្រះសីហនុកំពុងមានច្រើន ហើយប៉ុន្មានថ្ងៃនេះមានភ្លៀងធ្លាក់ច្រើនហូរនាំយកច្រោះដីមួយចំនួនចេញពីការដ្ឋានសាងសង់នានាហូរចូលទៅក្នុងសមុទ្រ ទើបនាំឲ្យមានបញ្ហាទាំងនេះតែម្តង។ បញ្ហានេះមិន មានអ្វីដែលព្រួយបារម្ភនិងប៉ះពាល់ដល់ទឹកសមុទ្រទេ៕ អត្ថបទ៖ សេម

យោងតាមការព្យាករណ៍របស់ក្រសួងធនធានទឹក និងឧតុនិយម បានឲ្យដឹងថា ព្យុះទី២២ ឈ្មោះ មង្ឃុត (Mungkhu) បាន និងកំពុងធ្វើដំណើរទៅដល់ភាគខាងជើងប្រទេសវៀតណាម និងព្យុះទី២៣ ឈ្មោះ បារីចាត (Barijat) និងថតឥទ្ធិពលនៅក្នុងសមុទ្រចិនខាងត្បូងត្រង់ភាគខាងជើងកោះហៃណាំ ហើយព្យុះទាំង២នេះនឹងធ្វើឲ្យព្រះរាជាណាចក្រកម្ពុជាបន្តទទួលការធ្លាក់ភ្លៀងរាយប៉ាយពីមធ្យមទៅច្រើនក្នុងក្របខ័ណ្ឌទូទាំងប្រទេសចាប់ពីថ្ងៃទី១៣ ដល់ថ្ងៃទី១៩ ខែកញ្ញា ពិសេសតំបន់ខ្ពង់រាបភាគឦសានជាប់ព្រំដែនកម្ពុជា-ឡាវ និងតំបន់វាលទំនាបតាមបណ្តោយព្រំដែនកម្ពុជា-វៀតណាម អាចនឹងមានភ្លៀងធ្លាក់ច្រើនជោកជាំ ដែលអាចបង្កជាជំនន់ទឹកភ្លៀង៕ អត្ថបទ៖ សេម

អូស្ត្រាលី៖ មាសមួយដុំធំទម្ងន់ជាង ៩០ គីឡូក្រាម ត្រូវបានគេរកឃើញនៅក្នុងការដ្ឋានជីកយករ៉ែមួយកន្លែងក្នុងប្រទេសអូស្ត្រាលី ហើយវាបានក្លាយទៅជាដុំមាសធំផុតក្នុងប្រវត្តិសាស្ត្រផងដែរ។ បើយោងតាមលោក Henry Dole ប្រធានក្រុមការងារនៅក្នុងអណ្តូងរ៉ែខាងលើបានប្រាប់ឲ្យដឹងថា ដុំមាសដ៏ធំនេះត្រូវការមនុស្ស៣នាក់ ដើម្បីលើកវាចេញមកពីក្នុងដី ហើយវាមានតម្លៃប្រមាណជា ៣ លានដុល្លារ។ បើគិតមកទល់នឹងពេលនេះ គេអាចជីយកដុំមាសសរុបប្រមាណជា ៤០ តោន ហើយពីក្នុងអណ្តូងរ៉ែមួយនេះ ដែលក្នុងនោះមានទាំងមាសល្អ មិនសូវល្អ តូច ធំ គ្រប់ប្រភេទ និងបើគិតជាទឹក​ប្រាក់វិញគឺមានតម្លៃ ប្រមាណជាជាង ១៣ លានដុល្លារ។ បើធ្វើការប្រៀបធៀបជាមួយនឹងអណ្តូងរ៉ែផ្សេងទៀត គេអាចមើលឃើញថា ​អណ្តូងរ៉ែខាងលើនេះហាក់ផ្តល់ទ្រព្យសម្បត្តិច្រើនបំផុតក្នុងរយៈពេលដ៏ខ្លីមួយ។ ពេលនេះ ក្រុមការងារក្នុងអណ្តូងរ៉ែខាងលើកំពុងដុតដៃដុតជើងធ្វើការជីកយករ៉ែបន្ថែមទៀត

ក្រុងព្រះសីហនុ៖ កាលពីថ្ងៃទី១៣ ខែកញ្ញា ឆ្នាំ២០១៨ ម្សិលមិញនេះ មានភ្លៀងមួយមេធំបានធ្លាក់ ដែលបណ្តាលអោយតំបន់ទំនាបមួយចំនួននៅក្នុងក្រុងព្រះសីហនុបានជន់លិច។ បន្ទាប់ពីភ្លៀងធ្លាក់មួយមេធំនោះមក ពលរដ្ឋបានរាយការណ៍មកថា តំបន់ខ្លះដូចជានៅអូរ២ជាដើម មានការបាក់ស្រុតដីផ្ទះ ធ្លាក់ទាំងរថយន្តផង និងក៍មានរថយន្តតូចៗខ្លះទៀតបានធ្លាក់លូតាមផ្លូវផងដែរ ប៉ុន្តែពុំមានមនុស្សរងគ្រោះថ្នាក់ទេ៕ https://www.facebook.com/huybunleng2017/videos/1079111265590260/

ខ្យល់ព្យុះកំណាចមួយ ដែលមានឈ្មោះថា Hurricane Florence បានកំពុងតែវាយប្រហារនៅតាមតំបន់ឆ្នេរសមុទ្រក្នុងរដ្ឋ Collision សហរដ្ឋអាមេរិក និងបង្កឲ្យប្រជាពលរដ្ឋនៅតាមតំបន់កើតហេតុខាងមួយនេះជាច្រើននាក់ត្រូវជម្លៀសខ្លួនទៅ កាន់កន្លែងដែលមានសុវត្ថិភាព។ បើយោងតាមទីភ្នាក់ងារគ្រប់គ្រងគ្រោះមហន្តរាយអាមេរិកបានឲ្យដឹងថា ខ្យល់ព្យុះកំណាចនេះ បោកបក់ក្នុងល្បឿន ២០១ គីឡូម៉ែត្រក្នុងមួយម៉ោង និងបង្កឲ្យមានជំនន់ទឹកភ្លៀងយ៉ាងខ្លាំងផងដែរ។ លោក Jeff Byard ប្រធានសហព័ន្ធគ្រប់គ្រងគ្រោះមហន្តរាយប្រចាំតំបន់កើតហេតុខាងលើបានប្រាប់អ្នកសារព័ត៌មានថា ខ្យល់ព្យុះនេះមានលក្ខណៈធ្ងន់ធ្ងរ ហើយល្បឿន និងទម្ងន់នៃការបោកបក់របស់វាប្រៀបដូចជា កណ្តាប់ដៃរបស់កីឡាប្រដាល់ពិភពលោក Mike Tyson វាយមកកាន់តំបន់ឆ្នេរអីចឹង។ គិតមទល់នឹងពេលនេះរដ្ឋាភិបាលអាមេរិកបានប្រកាសដាក់តំបន់កើតហេតុខាងលើស្ថិតនៅក្នុងការប្រកាសអាសន្ន និងបានត្រៀម ក្រុមសង្គ្រោះបន្ទាប់ជាច្រើននាក់ ដើម្បីរងចាំជួយសង្គ្រោះប្រជាពលរដ្ឋក្នុងករណីចាំបាច់៕ អត្ថបទ៖ ភក្តី ប្រភព៖ mirror

រយះពេល៣ឆ្នាំមកហើយដែលក្រុមហ៊ុន Apple បានប្រើប្រាស់រូបរាងដដែលនៅលើ Apple Watch ហើយពេលនេះសម្រាប់ Apple Watch Series 4 យើងក៏ឃើញមានការផ្លាស់ប្តូរមួយចំនួនផងដែរ។ រូបរាងរបស់វាមើលទៅគឺស្រដៀងគ្នាខ្លាំងមែនទែនទៅនឹង​ Apple Watch Series 3 ប៉ុន្តែវាបានផ្តល់បទពិសោធន៍ថ្មីដល់អ្នកប្រើបាស់ដោយផ្លាស់ប្តូរពី 38mm និង 42mm ទៅ 40mm និង 44mm សម្រាប់ Apple Watch Series 4 ដែលសម្រាប់ម៉ូឌែល 40mm គឺមានអេក្រង់ធំជាងមុន 35% និង