គ្រាន់តែក្រុមហ៊ុន Apple បង្ហាញកំពូល iPhone ជំនាន់ថ្មីរបស់ខ្លួនមិនបានប៉ុន្មានផង ក្រុមហ៊ុន Huaweiមិនចាំយូរឡើយគឺចាប់ផ្ដើមបង្ហាញនូវវីដេអូខ្លីបែបឌឺដង ដែលត្រៀមប្រកាសស្មាតហ្វូនកំពូលរបស់ខ្លួន Mate 20Pro តែអ្វីដែលគេកត់សម្គាល់យ៉ាងច្បាស់នោះ គឺរូបនិមិត្តសញ្ញា ដែលមានរូបកងរង្វង់ដូចទៅនឹងរូបសញ្ញារបស់ក្រុមហ៊ុន Apple ដែលក្រុមហ៊ុន Apple ប្រើសម្រាប់តំណាងឲ្យស្នាក់ការកណ្ដាលរបស់ខ្លួន។ ការប្រកាសមិនទាន់បាត់ចំហាយផង ក្រុមហ៊ុន Huawei ក៏បង្ហាញនូវរូបភាព ឆ្ពោះទៅកាន់ព្រឹត្តិការណ៍បង្ហាញខ្លួន Mtae 20 Pro នៅថ្ងៃទី 16 ខែតុលា ខាងនេះ។ ដោយក្នុងវីដេអូគេឃើញមានរូបមនុស្សរត់នៅក្នុងរង្វង់សំដៅទៅមុខ ហើយមានបង្ហាញអក្សរនៅខាងចុងវីដេអូថា “អរគុណ” ជាអក្សរយ៉ាងធំ និងអក្សរមួយជួរខាងក្រោមទៀត

យោងតាមការចុះផ្សាយរបស់សារពត៌មាន Le10sport បានឲ្យដឹងថា៖ ក្លឹបអធិរាជសរ Real Madrid នឹងត្រលប់មករក Neymar ម្ដងទៀតក្នុងរដូវកាលក្រោយ បន្ទាប់ពីក្លឹបយក្សអេស្ប៉ាញមួយនេះបរាជ័យក្នុងការទិញ Neymar ពីក្លឹប PSG នៅក្នុងទីផ្សារដោះដូរកីឡាកររដូវក្ដៅនេះ។ ខ្សែប្រយុទ្ធសញ្ជាតិប្រេស៊ីលវ័យ 26 ឆ្នាំរូបនេះមានទំនាក់ទំនងជាមួយនឹងក្លឹបអធិរាជសរ Real Madrid យ៉ាងស្អិតរមួតហើយក្លឹបយក្សអេស្ប៉ាញមួយនេះកំពុងទាក់ទងជាមួយនឹងឪពុករបស់ Neymar ដើម្បីពិភាក្សាក្នុងការផ្ទេរ Neymar ចេញពីក្លឹប PSG នៅក្នុងទីផ្សារដោះដូរកីឡាកររដូវក្ដៅឆ្នាំ 2019 ខាងមុខនេះ។ ទោះបីជាមានកិច្ចព្រមព្រៀងរវាងក្លឹបនិង Neymar យ៉ាងណាក៏ដោយ ក៏មិនទាន់ប្រាកដថា Neymar អាចចាកចេញពី

អតីតគ្រូបង្វឹករបស់ក្លិប Real Madrid Zinedine Zidane បានបង្ហើបឱ្យដឹងថាគាត់ចង់បន្តអាជីពជាគ្រូបង្វឹករបស់គាត់ក្នុងពេលឆាប់ៗនេះ ហើយ Old Trafford អាចនឹងក្លាយជាគោលដៅបន្ទាប់របស់គាត់។ លោកបានប្រាប់ទូរទស្សន៍ RTVE របស់អេស្ប៉ាញថា “ខ្ញុំនឹងធ្វើជាគ្រូបង្វឹកម្តងទៀតក្នុងពេលឆាប់ៗនេះ។ វាជាអ្វីដែលខ្ញុំចូលចិត្តធ្វើហើយវាជាអ្វីដែលខ្ញុំបានធ្វើអស់មួយជីវិតរបស់ខ្ញុំ»។ ក្នុងរយៈពេលបីខែក្រោយពីលោកបានដឹកនាំ Real Madrid ទទួលពានរង្វាន់ក្របខ័ណ្ឌ Champions League ជាបន្តបន្ទាប់ជា3 លើកជាប់ៗគ្នាដែលជាសមិទ្ធផលដែលមិនធ្លាប់មានពីមុនមកនៅក្នុងសម័យកាលបាល់ទាត់លោកក៏ត្រៀមខ្លួនរួចជាស្រេចសម្រាប់ការវិលត្រលប់មកកាន់ការងារជាគ្រូបង្វឹកម្តងទៀត។ អត្ថបទ៖ ប៊ុនហួរ ប្រភព៖ Goal

បើតាមលោក Joko Widodo ប្រធានាធិបតីនៃប្រទេសឥណ្ឌូនេស៊ីបានប្រាប់ក្រុមអ្នកសារព័ត៌មានថា ប្រទេសដែលជាសមាជិក អាស៊ានទាំងអស់បានត្រៀមខ្លួនរួចជាស្រេចក្នុងការទប់ស្កាត់សង្គ្រាមពាណិជ្ជកម្មពិភពលោក។ លោកបានធ្វើការប្រៀបធៀបស្ថានភាពនៃសង្គ្រាមពាណិជ្ជកម្មពិភព ដែលកំពុងកើតមានសព្វថ្ងៃនេះទៅនឹងខ្សែភាពយន្ត Avengers: Infinity War ថា ប្រសិនបើអាមេរិកតំណាងដោយតួអង្គ Marvel supervillain Thanos នោះ ប្រទេសសមាជិកអាស៊ានទាំងអស់នឹងតំណាងឲ្យតួអង្គជាក្រុម Avengers ដែលធ្វើការរួមគ្នាដើម្បីទប់ស្កាត់មិនឲ្យមានសង្គ្រាមក្នុងពិភពលោកកើតមានឡើង។ គួរម្លឹកជូនថា អាមេរិក និងបណ្តាប្រទេសមួយចំនួនទៀតដូចជាចិន កាណាដា និងបណ្តាប្រទេសជាសមាជិកសហភាពអឺរ៉ុបមួយចំនួន ត្រូវបានគេមើលឃើញថា កំពុងតែធ្វើសង្គ្រាមពាណិជ្ជកម្មជាមួយគ្នា។ ជាក់ស្តែងការពីពេលថ្មីៗ នេះ អាមេរិកបានសម្រេចដំឡើងពន្ធនាំចូលចំពោះផលិតផលរបស់ចិនដែលនាំមកលក់ក្នុងអាមេរិក ហើយចិនក៏បានដំឡើងពន្ធលើ ផលិតផលអាមេរិកដែលត្រូវនាំយកមកលក់ក្នុងប្រទេសចិនដូចគ្នាដែរ៕ អត្ថបទ៖ ភក្តី

ប្រធានក្លឹប Palermo លោក Maurizio Zamparini ដែលជាអ្នកលក់ Dybala ឲ្យមកកាន់ Juventus នោះបានអះអាងថាខ្សែបម្រើប្រយុទ្ធវ័យក្មេងសញ្ជាតិអាហ្សង់ទីនរូបនេះនឹងចាកចេញពីក្លឹបសេះបង្កង់ Juventus នៅទីផ្សារដោះដូរកីឡាករខែមករាខាងមុខនេះ បន្ទាប់ពី Dybala ត្រូវបានក្លឹបនៅអេស្ប៉ាញនិងអង់គ្លេសដាក់សំណើរសុំទិញ។ លោក Zamparini ដែលជាអ្នកឲ្យ Dybala ទៅកាន់ Juventus កាលពីឆ្នាំ 2015 នោះចង់ឲ្យ Dybala ចាកចេញពី Juventus ហើយផ្ទេរទៅកាន់លីគកំពូល Laliga នៅក្នុងខែមករាខាងមុខនេះ។ នៅក្នុងបទសំភាសន៍ជាមួយនឹងសារពត៌មាន RMC Sport ប្រធានក្លឹប Palermo លោក

ការប្រកួតថតរូប Huawei Photo Contest រដូវកាលទី៤ បានបញ្ចប់ជាស្ថាពរបន្ទាប់ពីការប្រកួតប្រជែងយ៉ាងស្វិតស្វាញរបស់បេក្ខជនជាង៤០០នាក់មកពីទូទាំងប្រទេសកម្ពុជាកន្លងមក។ សម្រាប់បេក្ខជនដែលជាប់ចំណាត់ថ្នាក់លេខ១​ លោក សេង លូន និងលេខ ២ លោក គីម បូរិន កាលពីថ្ងៃ ១៨ ខែ សីហា ២០១៨ កន្លងទៅនេះ មានឱកាសទទួលបានដំណើរកំសាន្តទៅថតរូបនៅប្រទេសសឹង្ហបូរី​  ២ យប់ ៣ ថ្ងៃ ពីថ្ងៃ ០៧-០៩​ ខែ ០៩ ឆ្នាំ ២០១៨!! តោះទស្សនារូភាពដ៏ត្រជាក់ភ្នែកពីបេក្ខជនជាប់ចំណាត់ថ្នាក់លេខ១ និង លេខ ២ នៅសិង្ហបុរីទាំងអស់គ្នា៖ ១. រូបថតទាំង៥ន្លឹករបស់បេក្ខជនជាប់ចំណាត់ថ្នាក់លេខ១ ​ លោក សេង លូន បានប្រើប្រាស់ស្មាតហ្វូន Huawei P20 Pro ដែលសហការណ៌បច្ចេកវិទ្យាជាមួយក្រុមហ៊ុន Leica បំពាក់បច្ចេកវិទ្យា Master AI។ លក្ខណៈ​សម្បត្តិ​ពិសេសៗរបស់កាមេរ៉ា P20 Pro:

កាលពីយប់រំលងអធ្រាត្រឈានចូលថ្ងៃទី១៣ ខែកញ្ញា ក្រុមហ៊ុន Apple បានប្រកាសធ្វើការប្រកាសជាផ្លូវការនូវបងប្អូនត្រកូល X ទាំង៣ម៉ូដែលរបស់ iPhone ដែលមាន iPhone Xs, Xs Max និង Xr ។ សម្រាប់ iPhone ទាំង៣ម៉ូដែលមានរូបរាងខុសគ្នាបន្តិចបន្តួច ហើយតម្លៃក៏រាងធូរថ្លៃដូចអ្វីដែល Apple បានប្រកាសកាលពីពេលកន្លងមកដែរ។ លក្ខណៈពិសេសរបស់ iPhone Xs និង Xs Max បំពាក់ដោយអេក្រង់ប្រភេទ Super Retina OLED មានដង់ស៊ីតេ 458ppi

យោងតាមសេចក្តីជូនដំណឹងរបស់អគ្គិសនីកម្ពុជាចុះផ្សាយថ្ងៃទី១២ ខែកញ្ញា ឆ្នាំ២០១៨ ម្សិលមិញនេះបានឲ្យដឹងថា អគ្គិសនីកម្ពុជានឹងធ្វើការផ្អាកការផ្គត់ផ្គង់ចរន្តអគ្គិសនី ដើម្បីធ្វើការជួសជុល ផ្លាស់ប្តូរ តម្លើងបរិក្ខារនានាមួយចំនួន ចាប់ពីនៅថ្ងៃទី១៣ ដល់ថ្ងៃទី១៦ ខែសីហា ឆ្នាំ២០១៨ នៅតំបន់មួយចំនួនទៅតាមពេលវេលា និងទីកន្លែងដូចខាងក្រោម៖

វៀតណាម៖ អាជ្ញាធរទីក្រុងហាណូយប្រទេសវៀតណាមបានអំពាវនាវឲ្យប្រជាជនខ្លួនឈប់ទទួលទានសាច់ឆ្កែ ដើម្បីការពារការរីក រាលដាលនៃជំងឺឆ្កែឆ្កួត។ ការអំពាវនាវខាងលើនេះបានធ្វើឡើងក្រោយពីមានប្រជាជនវៀតណាមចំនួន៣នាក់បានស្លាប់ ដោយសារតែជំងឺឆ្កែឆ្កួត ចាប់តាំងពីដើមឆ្នាំ ២០១៨ មកទល់នឹងពេលនេះ។ ម្យ៉ាងទៀតការឈប់ទទួលទានសាច់ឆ្កែក៏ជាការរក្សាកិត្តិយសឲ្យទីក្រុងហាណូយជាទីក្រុងស៊ីវីល័យ និងទំនើបក្នុងក្រសែភ្នែកភ្ញៀវទេសចរណ៍អន្តរជាតិផងដែរ ព្រោះកន្លងមកភ្ញៀវទេសចរណ៍អន្តរជាតិមួយចំនួន ដែលស្រលាញ់ឆ្កែ និងតែងតែចិញ្ចឹមឆ្កែដូចសមាជិកគ្រួសារនោះ តែងរិះគន់ចំពោះការកាប់សម្លាប់ និងបរិភោគសាច់ឆ្កែក្នុងទីក្រុងមួយនេះយ៉ាងខ្លាំង។ សូមបញ្ជាក់ជូនថា សម្រាប់ប្រជាជនវៀតណាមភាគច្រើនការបរិភោគសាច់ឆ្កែជាប្រពៃណីមួយ ហើយសាច់ឆ្កែត្រូវបានគេដាក់លក់តាមហាងដូចជាការលក់សាច់ធម្មតាអីចឹងដែរ។ ហើយបើតាមតួលេខបានបង្ហាញថា នៅក្នុងទីក្រុងហាណូយមានហាងលក់សាច់ឆ្កែប្រមាណជា ១ ០០០ កន្លែង៕ អត្ថបទ៖ ភក្តី ប្រភព៖ channelnewsasia

ចិន៖ អ្នកគ្រូបង្រៀនម្នាក់បើករថយន្តជ្រុលចង្កូតបុកចូលហ្វូនក្មេងៗសិស្សសាលា ដែលកំពុងតែដើរឈរតម្រង់ជួរចូលសាលា បណ្តាលឲ្យរងរបួសជាច្រើននាក់ និងបង្កភាពភ្ញាក់ផ្អើលយ៉ាងខ្លាំង។ ហេតុការណ៍នេះបានកើតឡើងនៅក្នុងសាលាបឋមសិក្សាមួយកន្លែងក្នុងក្រុង Fuyang  ខេត្ត Henan ប្រទេសចិន។ រថយន្តបង្កហេតុនោះជាប្រភេទរថយន្តទំនើបម៉ាក BMW ពណ៌ខ្មៅ ដែលទើបនឹងត្រូវបានអ្នកគ្រូបង្រៀនខាងលើទិញមកប្រើប្រាស់។ តាមសំដីរបស់អ្នកគ្រូបង្រៀនបានឲ្យដឹងថា គាត់គ្មានចេតនាចង់បុកក្មេងៗទាំងនោះទេ ជាក់ស្តែងគាត់ចង់ជាន់ហ្វ្រាំង តែបែរជាច្រលំជាន់បន្ថែមល្បឿនទៅវិញ ទើបបណ្តាលឲ្យជ្រុលចង្កូតបុកកូនសិស្សតែម្តង។ យ៉ាងណាក្តី ក្នុងហេតុការណ៍នេះមិនបានបង្កឲ្យអ្នកណាម្នាក់ស្លាប់នោះទេ តែបង្កឲ្យមានក្មេងៗរងរបួសចំនួន ៦ នាក់។ អ្នកអាចទស្សនាហេតុការណ៍គ្រោះថ្នាក់នេះ ដូចក្នុងវីដេអូខាងក្រោម៖ អត្ថបទ៖ ភក្តី ប្រភព៖ shanghaiist