យោងតាមផេកផ្លូវការរបស់រដ្ឋសភា បានផ្សព្វផ្សាយឲ្យដឹងពីសេចក្តីជូនដំណឹងស្តីពីការអញ្ជើញចូលរួមដេញថ្លៃសម្រាប់គម្រោងសាងសង់អាគាររដ្ឋបាលថ្មី នៃរដ្ឋសភា នៃព្រះរាជាណាចក្រកម្ពុជា ក្រោមជំនួយឥតសំណងចំនួន២៥លានដុល្លារសហរដ្ឋអាមេរិក​ ដែលជាជំនួយរបស់រដ្ឋាភិបាល នៃសាធារណរដ្ឋសង្គមនិយមវៀតណាម។ កាលបរិច្ឆេទឈប់ទទួលសំណើដេញថ្លៃ​ គឺនៅថ្ងៃទី២៧ ខែវិច្ឆិកា ឆ្នាំ២០២១ ឫឲ្យបានមុនថ្ងៃទី២៧ ខែវិច្ឆិកា ឆ្នាំ២០២១ នៅវេលាម៉ោង ៩:០០ ព្រឹក (ម៉ោងនៅប្រទេសកម្ពុជា)​ នៅបន្ទប់កោះកេរ នៃអគ្គលេខាធិការដ្ឋានរដ្ឋសភា៕  

ខេត្តក្រចេះ​៖ យោងតាមការចុះផ្សាយរបស់ ស្នងការដ្ឋាននគរបាលខេត្តក្រចេះ នៅថ្ងៃទី១៣ ខែវិច្ឆិកា ឆ្នាំ២០២១ បានឲ្យដឹងថា បុរសជាអ្នកបើកបរ និងរថយន្តដឹកថ្មមួយគ្រឿង ត្រូវបានកម្លាំងនរគបាលស្រុកចិត្របុរី សហការជាមួយនគរបាលស្រុកស្នួល ស្រាវជ្រាវឃាត់ចាប់ឃាត់បាន បន្ទាប់ពីបង្កហេតុបើករថយន្តដឹកថ្មធ្វេសប្រហែសធ្លាក់ដុំថ្មលើផ្លូវមកប៉ះជាមួយផាស់អាប់ ក្នុងទិសដៅបញ្ច្រាស់គ្នា បណ្តាលអោយមនុស្សប្រុស-ស្រី ពីរនាក់ដែលធ្វើដំណើរលើផាស់អាប់រងរបួសធ្ងន់និងស្រាល។ ហេតុការណ៍គ្រោះថ្នាក់នេះបានកើតឡើងកាលពីល្ងាចថ្ងៃទី១២ ខែវិច្ឆិកា នៅចំណុចផ្លូវ កោងភូមិអង្គ្រង ឃុំកន្ទួត ស្រុកចិត្របុរី លើផ្លូវជាតិលេខ7(ក្រចេះ-ស្នួល) ។ អ្នកបើកបរបានបើករថយន្ដគេចពីកន្លែងកើតហេតុ តែយ៉ាងណាត្រូវបាននគរបាលស្រាវជ្រាវតាមចាប់ឃាត់បានមកវិញ។ អ្នកបើកបរម៉ូតូផាស់អាប់ឈ្មោះ ខេង អី អាយុ ៣២ឆ្នាំ មានទីលំនៅភូមិក្បាលស្នួល ឃុំស្នួល ស្រុកស្នួល

រាជធានីភ្នំពេញ៖ យោងតាមការចុះផ្សាយរបស់ រដ្ឋបាលរាជធានីភ្នំពេញ បានចេញសេចក្ដីជូនដំណឹង ស្ដីពីការបន្តចាក់វ៉ាក់សាំងបង្ការជំងឺកូវីដ-១៩ ដូសជំរុញ ឬដូសទី៣ ជូនប្រជាពលរដ្ឋ ក្នុងភូមិសាស្ត្ររាជធានីភ្នំពេញ ដែលខកខានមិនបានមកទទួលវ៉ាក់សំាងដោយមូលហេតុ ជាប់អនុវត្តវិធានការចត្តាឡីស័ក មានបញ្ហាសុខភាព មានធុរៈចាំបាច់ ឬទើបគ្រប់រយៈពេលនៃគម្លាតពីការចាក់វ៉ាក់សាំងបង្ការជំងឺកូវីដ-១៩ ដូសមូលដ្ឋាន ចាប់ពីថ្ងៃជូនដំណឹងនេះរហូតដល់មានការជូនដំណឹងជាថ្មី នៅតាមទីតាំងដូចមានឧបសម្ព័ន្ធជូនភ្ជាប់មកជាមួយ។ រដ្ឋបាលរាជធានីភ្នំពេញ សូមក្រើនរំលឹក និងអំពាវនាវដល់បងប្អូនប្រជាពលរដ្ឋមេត្តារួសរាន់មកចាក់វ៉ាក់សាំងបង្ការជំងឺកូវីដ-១៩ ដូសជំរុញ ឬដូសទី៣ ឲ្យបានទាន់ពេលវេលា ដោយប្រកាន់ខ្ជាប់ឲ្យបានជាដាច់ខាតនូវការរក្សាគម្លាតសុវត្ថុភាពសង្គម ពាក់ម៉ាស តម្រង់ជួរ ចៀសវាសការឈរប្រជៀតគ្នា ហើយសូមចូលរួមអនុវត្តតាមការណែនាំរបស់ក្រសួងសុខាភិបាល និងត្រូវប្រកាន់ខ្ជាប់នូវវិធានការ “៣ការពារ និង៣កុំ” របស់សម្តេចអគ្គមហាសេនាបតីតេជោ ហ៊ុន សែន

យោងតាមលិខិតរបស់រដ្ឋបាលរាជធានីភ្នំពេញ បានធ្វើការសម្រេចកែសម្រួលចំពោះការអនុញ្ញាតឲ្យរៀបចំពិធីអាពាហ៍ពិពាហ៍ ពិធីបុណ្យប្រពៃណី ពិធីសាសនា ការជួបជុំ​ និងកម្មវិធីផ្សេងៗបែបសាសនា នៅរាជធានីភ្នំពេញ ដោយមិនកំណត់ចំនួនអ្នកចូលរួម ប៉ុន្តែអាស្រ័យទៅតាមទីតាំងប្រារព្ធពិធី ដែលអាចធានាបានការរក្សាគម្លាតសុវត្ថិភាពសង្គម-បុគ្គល និងវិធានសុខាភិបាល ចាប់ពីថ្ងៃទី១២ ខែវិច្ឆិកា ឆ្នាំ២០២១ នេះតទៅ។ សូមអានព័ត៌មានលំអិតខាងក្រោម៖

ខេត្តបន្ទាយមានជ័យ៖ យោងតាមការចុះផ្សាយរបស់ អគ្គស្នងការដ្ឋាននគរបាលជាតិ នៅថ្ងៃទី១២ ខែវិច្ឆិកា ឆ្នាំ២០២១ បានឲ្យដឹងថា ពលករខែ្មរដែលត្រលប់មកពីប្រទេសថៃចំនួន ២៥នាក់ ដែលកំពុងធ្វើចត្តាឡីស័កនៅមណ្ឌលកូបធំ ក្នុងសង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ បែកគំនិតយកអាល់កុលបាញ់ដៃ សំរាប់ធ្វើអនាម័យ លាយជាមួយទឹកតែអូអ៊ិឈិ និងទឹកក្រូច ផឹកត្រូវបានពុលស្លាប់និងកំពុងសង្គ្រោះជាច្រើននាក់។ យោងតាមរបាយការណ៍របស់ស្នងការដ្ឋាននគរបាលខេត្តបន្ទាយមានជ័យបានឲ្យដឹងថា៖ ពិតជាមានករណីពលករខ្មែរ ដែលកំពុងធ្វើចត្តាឡីស័កនៅមណ្ឌលកូបធំ សង្កាត់និមិត្ត ក្រុងប៉ោយប៉ែត ពុល និងស្លាប់ពិតប្រាដកមែន។ ដែលពលករ សរុបចំនួន ២៥នាក់ ក្នុងនោះបានបាត់បង់ជីវិតចំនួន ០៧នាក់ ត្រូវបានបញ្ជូនទៅកាន់មន្ទីរពេទ្យបង្អែកក្រុងប៉ោយប៉ែត សង្រ្គោះបន្ទាន់ចំនួន ១៨នាក់។ របាយការណ៍បានបញ្ជាក់ថា៖

នៅថ្ងៃទី12 ខែវិច្ឆិកា ឆ្នាំ2021នេះ ក្រសួងសុខាភិបាលកម្ពុជា បានចេញសេចក្តីជូនដំណឹងពី ការរកឃើញករណីវិជ្ជមានវីរុសកូវីដ១៩ថ្មី ចំនួន 63នាក់ (លទ្ធផលបញ្ជាក់ដោយ PCR) ខណៈអ្នកបានជាសះស្បើយថ្មីមានចំនួន 67នាក់ និងមានអ្នកបាត់បង់ជីវិតថ្មី 6នាក់(មិនបានចាក់វ៉ាក់សាំង 4នាក់) គិតមកទល់ពេលនេះ ករណីឆ្លងកូវីដ១៩ សរុបនៅក្នុងប្រទេសកម្ពុជា មានចំនួន 119,421នាក់, ករណីជាសះស្បើយសរុប 115,797នាក់ និងស្លាប់សរុប 2,856នាក់៕

នៅថ្ងៃអាទិត្យ ៩រោច ខែកត្តិក ឆ្នាំឆ្លូវ ត្រីស័ក ព.ស.២៥៦៥ ត្រូវនឹង ថ្ងៃទី២៨ ខែវិច្ឆិកា ឆ្នាំ២០២១ នាពេលខាងមុខ ដើម្បីអបអរសាទរ សម្បត្តិបេតិកភណ្ឌវប្បធម៌រូបីនិងអរូបីដែលត្រូវបានចុះក្នុងបញ្ជីបេតិកភណ្ឌពិភពលោក និងបេតិកភណ្ឌអរូបីនៃមនុស្សជាតិ ពិសេសអបអរសាទរខួប៣ឆ្នាំនៃការដាក់បញ្ជូលល្ខោនខោលកម្ពុជាចូលជាសម្បត្តិបេតិកភណ្ឌវប្បធម៌អរូបីនៃមនុស្សជាតិ។ ឯកឧត្តម ហ៊ឺ វីរៈ រដ្ឋលេខាធិការក្រសួងវប្បធម៌ និងវិចិត្រសិល្បៈ និងជាប្រធានក្រុមការងាររៀបចំព្រឹត្តិការណ៍នាឱកាសសំណេះសំណាលក្នុងពិធីហាត់សមនាពេលកន្លងមក បានមានប្រសាសន៍ថាព្រឹត្តិការណ៍សិល្បៈនេះ ក្រៅពីមានការសម្តែងនូវទស្សនីយភាពសិល្បៈចម្រុះទាំងបុរាណនិងសម័យ គឺមានការសម្តែង ល្ខោនខោល ក្នុងគោលបំណងចង់ឱ្យសាធារណជនជាតិនិងអន្តរជាតិ បានឃើញកាន់តែច្បាស់អំពីកិត្យានុភាពនៃវប្បធម៌ជាតិខ្មែរខណៈដែលល្ខោនខោលសហគមន៍វត្តស្វាយអណ្តែតតំណាងឱ្យល្ខោនខោលកម្ពុជា ត្រូវបានទទួលស្គាល់ដោយអង្គការ UNESCO អស់រយៈពេល៣ឆ្នាំកន្លងទៅ ក្នុងការចុះបញ្ជីជាសម្បត្តិបេតិកភណ្ឌវប្បធម៌អរូបីនៃមនុស្សជាតិ។ ឯកឧត្តមបន្តថាព្រឹត្តិការណ៍ដ៏មានសារៈសំខាន់នេះ នឹងមានការផ្សាយផ្ទាល់តាមរយៈផេកផ្លូវការរបស់ ក្រសួងវប្បធម៌

ខេត្តសៀមរាប៖ យោងតាមគណនីហ្វេស ប៊ុកផ្ទាល់របស់ លោក ឃឹម ហ្វីណង់ អភិបាលស្រុកបន្ទាយស្រី បានឲ្យដឹងថា «បេតុង+បៃតង»៖អ្នកភូមិរំចេកមានផ្លូវបេតុងនឹងគេហើយ! ពិតមែនតែតូចបន្តិច ហើយត្រូវប្រើពេលច្រើនឆ្នាំទើបអាចមានថវិកាធ្វើចប់ តែនេះគឺជាចំណុចចាប់ផ្តើមមួយដ៏សំខាន់ក្នុងការផ្លាស់គុណភាពជីវិតរបស់អ្នកភូមិនៅតាមជនបទ។ កន្លែងដែលធ្លាប់តែមានដីហុយ និងពិបាកសូម្បីតែដកដង្ហើមនោះ បានប្រែក្លាយទៅជាទៅជាផ្លូវដ៏ស្រស់ស្អាតមួយ ហើយរុក្ខជាតិបៃតងនៅតាមដងផ្លូវ ដែលធ្លាប់តែមានពណ៌ស្រអាប់ក៏កំពុងតែវិលទៅរកសភាពដើមនៃធម្មជាតិស្រស់បំព្រងរបស់ខ្លួនវិញដែរ។ ផ្លែផ្កានៃការរីកចម្រើន ដែលរាជរដ្ឋាភិបាលបានខិតខំប្រឹងប្រែងអស់ជាច្រើនឆ្នាំកន្លងមក បានធ្វើឱ្យគម្រោងបែបនេះអាចលេចចេញជារូបរាងបានជាលើកដំបូងនៅតាមទីជនបទ ជាពិសេស កំណើននៃកញ្ចប់ថវិកាអភិវឌ្ឍន៍ អនុញ្ញាតឱ្យអាជ្ញាធរមូលដ្ឋានចាប់ផ្តើមមានលទ្ធភាពកសាងហេដ្ឋារចនាសម្ព័ន្ធសាធារណៈដែលធន់នឹងការប្រែប្រួលអាកាសធាតុ អាចប្រើប្រាស់បានយូរអង្វែង និងមានភាពល្អប្រសើរជាងមុនដល់សុខភាពនៅក្នុងសហគមន៍ ក៏ដូចជាអំណោយផលដល់ការរៀបចំឱ្យមានបរិស្ថានស្អាតសម្រាប់បម្រើឱ្យវិស័យទេសចរណ៍ផងដែរ។ បូករួមទាំងឆ្នាំមុន ផ្លូវនេះមានប្រវែងប្រហែល១គីឡូម៉ែត្រហើយ មិនយូរទេនឹងអាចតភ្ជាប់ទៅកាន់ផ្លូវជាតិលេខ៦៦តែម្តង ដែលនឹងផ្តល់ឱកាសថ្មីទៀតទៅដល់ចរន្តសេដ្ឋកិច្ចរបស់ភូមិ និងឃុំទាំងមូល។ ខ្ញុំបានសំណូមពរឱ្យបងប្អូនប្រជាពលរដ្ឋរក្សាភាពបៃតងនៅក្នុងភូមិ កុំកាប់ដើមឈើនៅតាមដងផ្លូវ ព្រមទាំងត្រូវចេះកេងយកចំណេញពីភាពស្រស់ស្អាតថ្មីនៃផ្លូវបេតុងមួយខ្សែនេះ

រាជធានីភ្នំពេញ៖ យោងតាមការចុះផ្សាយរបស់ អគ្គ.ការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ នៅថ្ងៃទី១១ ខែវិច្ឆិកា ឆ្នាំ២០២១ បានឲ្យដឹងថា ដោយមានការសម្របសម្រួលពីស្ថាប័នអយ្យការ អមសាលាដំបូងរាជធានីភ្នំពេញ មន្ត្រីជំនាញ ក.ប.ប. សាខារាជធានីភ្នំពេញ និងនាយកដ្ឋានមន្ទីរពិសោធន៍ នៃអគ្គនាយកដ្ឋាន ក.ប.ប. បានចុះសហការជាមួយមន្រ្តីសាខាគយនិងរដ្ឋាករកំពង់ផែស្វយ័តភ្នំពេញ ដើម្បីត្រួតពិនិត្យ និងវាយតម្លៃគុណភាពទំនិញដែលបានស្កុកទុកចាប់ពីថ្ងៃទី១៤ ខែតុលា ឆ្នាំ២០១៨ ដល់ថ្ងៃទី០៨ ខែមិថុនា ឆ្នាំ២០២០ ចំនួន ៤៣កុងទឺន័រ។ យោងលទ្ធផលពិនិត្យទំនិញចំនួន ៣៤កុងទឺន័រមានគុណភាពអាចប្រើប្រាស់បាន ០៧កុងទឺន័របានហួសកាលបរិច្ឆេទប្រើប្រាស់ និង ០២ កុងទឺន័រត្រូវធ្វើការពិសោធន៍បន្ត ៕

ក្រសួងទេសចរណ៍ ប្រាប់អភិបាលរាជធានី-ខេត្ត អំពីការត្រៀមបេីកខារ៉ាអូខេ ក្លឹបកម្សាន្តឡើងវិញនៅក្រោយថ្ងៃទី៣០ ខែវិច្ឆិកា ឆ្នាំ២០២១។ ក្រសួងក៏បានដាក់ចេញនូវប្រកាសស្តីពីការដាក់ឱ្យអនុវត្តវិធានសុវត្ថិភាពទេសចរណ៍ និងនីតិវិធីប្រតិបត្តិស្តង់ដាអប្បបរមា (SOP) សម្រាប់អាជីវកម្មខារ៉ាអូខេ ក្លឹបកម្សាន្ត រង្គសាល ឌីស្កូតែក ដើម្បីទប់ស្កាត់ការរាលដាលនៃជំងឺកូវីដ-១៩ និងដើម្បីត្រៀមរៀបចំបើកដំណើរការអាជីវកម្មឡើងវិញ នៅពេលដែលរាជរដ្ឋាភិបាលអនុញ្ញាតនៅក្រោយថ្ងៃទី៣០ ខែវិច្ឆិកា ឆ្នាំ២០២១ ខាងមុខនោះ៕