ឥណ្ឌា៖ យោងតាមទីភ្នាក់ងារសារព័ត៌មាន Thairath បានរាយការណ៍កាលពីថ្ងៃ ពុធ ទី៧ខែកញ្ញាថា មានស្ត្រីជនជាតិឥណ្ឌាម្នាក់ ដែលមានឈ្មោះថា Archana Chowdari បាននៅជាមួយកូនប្រុសអាយុទើបតែ ១៥ខែ នៅក្នុងវាលស្រែមួយ ក្នុងភូមិមួយ ដែលស្ថិតនៅគែមឧទ្យានជាតិ Bandhavgarh ក្នុងរដ្ឋ Madhya Pradesh ដោយកាល​ពី​ថ្ងៃ​អាទិត្យមុនមានសត្វ​ខ្លា​មួយ​ក្បាល​បាន​រត់ចេញមកពីគុម្ពឈើហើយរត់សំដៅមកកាន់កូនប្រុសនាង។ ដោយសត្វខ្លានេះបាន​ខាំ​ក្បាល​កូនប្រុសរបស់នាង ហើយ​ព្យាយាម​ទាញ​វា​ចេញទៅ ប៉ុន្តែ​ម្តាយ​បាន​ស្ទុះ​ទៅ​សង្កត់ពីលើខ្លាក៏ដូចជាតស៊ូជាមួយវា ហើយក៏បាន​ស្រែក​ឲ្យ​គេ​ជួយ លុះប៉ុន្មាននាទីក្រោយមក មានអ្នក​ភូមិ​ក្បែរ​នោះ​មួយ​ក្រុម​បាន​មក​ជួយ​សង្គ្រោះ​ព្រមទាំងកាន់​ឈើ​មួយ​ដុំ​នៅ​ក្នុង​ដៃ ហើយក៏​អាច​ដេញ​ខ្លា​បានដោយ​ជោគជ័យ។

កាលពីថ្ងៃទី ៧ ខែកញ្ញា សារព័ត៌មាន CNN បានរាយការណ៍តាមរយៈទីភ្នាក់ងារសារព័ត៌មាន RIA ដែលជាប្រព័ន្ធផ្សព្វផ្សាយរដ្ឋរុស្ស៊ីបានរាយការណ៍ថា៖ ឧត្តមសេនីយ Min Aung Hlaing មេដឹកនាំរដ្ឋាភិបាលយោធាមីយ៉ាន់ម៉ា បានបញ្ជាក់ក្នុងជំនួបជាមួយប្រធានាធិបតីវ្ល៉ាឌីមៀ ពូទីននៃប្រទេសរុស្ស៊ីថា «រដ្ឋាភិបាលមីយ៉ាន់ម៉ាកំពុងចាប់ផ្តើមទិញប្រេងឥន្ធនៈពីរុស្ស៊ី ហើយបង់ជាប្រាក់រូពី» ដោយនាវាដឹកប្រេងម៉ាស៊ូតដំបូងគេពីប្រទេសរុស្ស៊ី នឹងមកដល់ប្រទេសមីយ៉ាន់ម៉ាក្នុងរយៈពេល ២ទៅ៣ ថ្ងៃខាងមុខនេះ។

(ភ្នំពេញ)៖ កាលពីយប់ថ្ងៃទី០៧ ខែកញ្ញា ឆ្នាំ២០២២ បេក្ខភាព TOP4 នៃកម្មវិធី Cambodian Idol រដូវកាលទី៤ មាន លីម តិចម៉េង ដែលជាម្ចាស់ពាន, ថុល សុភិទិ, ស៊ឹម ច័ន្ទពន្លឺ​ និងនាង ដាវីន បានធ្វើកម្មវិធីជួបជុំអ្នកគាំទ្រ នៅមុខអគារវឌ្ឍនៈ ដោយមានការចូលរួមពីមហាជនយ៉ាងច្រើនកុះករ។ ក្រោយពីការច្រៀង អ្នកទាំង៤ ក៏ធ្វើការអង្គុយជជែកគ្នាជាមួយនឹងអ្នកគាំទ្រនៅលើឆាក ដែលញុាំងឱ្យបរិយាកាសកាន់តែរីករាយ។

ណាក់ ស្រីណា តារាសម្តែង ដែលបងប្អូនភាគច្រើនស្គាល់ច្បាស់ថាមានរូបសម្រស់ស្រស់ស្អាត ចូលចិត្តតុបតែងខ្លួនបែបសាមញ្ញស្អាតតាមបែបធម្មជាតិ។ គេសង្កេតឃើញថាតារាស្រីរូបនេះហាក់មមាញឹកជាខ្លាំងជាមួយអាជីពសិល្បៈ ដោយនាងបានចេញថតសម្តែងជាច្រើនទាំងខ្សែភាពយន្តភាគទូរទស្សន៍ កាយវិការចម្រៀង និងឃោសនាផលិតផលផ្សេងៗ។

ប្រព័ន្ធផ្សព្វផ្សាយរដ្ឋរបស់ប្រទេសចិនបាននិយាយថា រដ្ឋាភិបាលកណ្តាលនឹងចាប់ផ្តើមបញ្ចេញសាច់ជ្រូកបម្រុងរបស់ខ្លួន ចាប់ពីថ្ងៃព្រហស្បតិ៍តទៅ ដើម្បីធានាបាននូវការផ្គត់ផ្គង់ស្ថិរភាពក្នុងអំឡុងពេលថ្ងៃឈប់សម្រាកនាពេលខាងមុខ។ តម្រូវការសាច់ជ្រូកជាធម្មតាកើនឡើងក្នុងកំឡុងពេលនេះជារៀងរាល់ឆ្នាំ ដោយសារវាជាធាតុសំខាន់នៅក្នុងម្ហូបចិន។ ការផ្លាស់ប្តូរនេះបានកើតឡើងនៅមុនថ្ងៃឈប់សម្រាកនៃបុណ្យសែនព្រះខែ ដែលនឹងចាប់ផ្តើមនៅថ្ងៃសៅរ៍សប្ដាហ៍នេះ។ ទីភ្នាក់ងារព័ត៌មានស៊ីនហួររាយការណ៍ថា អាជ្ញាធរមូលដ្ឋាននៅតាមបណ្តាខេត្តមួយចំនួន បានចាប់ផ្តើមបញ្ចេញស្តុកសាច់ជ្រូកជាបណ្ដើរៗហើយ។

នារសៀលថ្ងៃទី៧ ខែកញ្ញា កម្មវិធីសន្និសីទសារព័ត៌មាន Miss Grand Vietnam 2022 ប្រារព្ធឡើងនៅទីក្រុងហូជីមិញ ប្រទេសវៀតណាម ដោយគេសង្កេតឃើញមានបវកញ្ញាជាច្រើននាក់បានបង្ហាញខ្លួនលើកម្រាលព្រំក្រហម។

រាជធានីភ្នំពេញ៖ យោងតាមសេចក្ដីប្រកាសព័ត៌មានរបស់ រដ្ឋបាលខណ្ឌមានជ័យ នៅថ្ងៃទី០៧ ខែកញ្ញា ឆ្នាំ២០២២ បានចេញសេចក្ដីជូនដំណឹង លើកទី២ ស្ដីពីការរៀបចំសណ្ដាប់ធ្នាប់ របៀបរៀបរយសាធារណៈ តាមបណ្ដោយផ្លូវសំខាន់ៗ ក្នុងភូមិសាស្ត្រ ខណ្ឌមានជ័យ រាជធានីភ្នំពេញ។

ម៉ាឡេស៊ី៖ ប្រទេសម៉ាឡេស៊ីនៅថ្ងៃពុធ ទី៧ ខែសីហានេះបានសម្រេចលុបចោលកាតព្វកិច្ចតម្រូវឲ្យពលរដ្ឋពាក់ម៉ាស់នៅក្នុងអាគារឬទីកន្លែងបិទជិតហើយ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia ។ បើតាមអាជ្ញាធរសុខាភិបាលម៉ាឡេស៊ីបានបញ្ជាក់ថា ការសម្រេចលើកលែងកាតព្វកិច្ចពាក់ម៉ាស់នៅក្នុងអាគារឬទីកន្លែងបិទជិតនៅពេលនេះគឺត្រូវបានធ្វើឡើងក្រោយករណីឆ្លងនៅតាមទីតាំងទាំងនេះមានការធ្លាក់ចុះខ្លាំងគួរឲ្យកត់សម្គាល់ ពោលគឺប្រភពនៃការចម្លងមេរោគនៅតាមទីតាំងទាំងអស់នេះលែងជាក្តីព្រួយបារម្ភខ្លាំងរបស់អាជ្ញាធរទៀតហើយ។

ថៃ៖ លោកយាយអាយុ ៨១ឆ្នាំម្នាក់ត្រូវបានគេចាត់ទុកថាជាមនុស្សមានអាយុថ្លៃបំផុត ក្រោយរូបគាត់បានរអិលជើងធ្លាក់ចូលទៅក្នុងទឹកទន្លេអស់រយៈពេល ៤ម៉ោងនិងបានហូរតាមទឹកក្នុងចម្ងាយ ២០គីឡូម៉ែត្រ តែរូបគាត់នៅមានសំណាងអាចនៅរស់មានជីវិត។ យោងតាមការចុះផ្សាយរបស់បណ្តាញសារព័ត៌មាន បាងកកប៉ុស្តិ៍ បានឲ្យដឹ​ងថា លោកយាយដែលមានសំណាងខ្ពស់រូបនេះមានឈ្មោះថា Ree រស់នៅក្នុងតំបន់ Ban Pom ក្រុង Phra Nakhon Si Ayutthaya ដែលតំបន់ដែលនៅជាប់នឹងមាត់ទន្លេចៅប្រាយ៉ាក្នុងប្រទេសថៃ។

ដូចដែលយើងបានដឹងរួចមកហើយថា ឱ្យតែកៀកដល់រដូវកាលបុណ្យភ្ជុំបិណ្ឌផលិតកម្ម Galaxy Navatra តែងចេញនូវបទចម្រៀងពីរោះៗដើម្បអបអរសាទរពិធីបុណ្យ ក៏ដូចជាបម្រើអារម្មណ៍បងប្អូនទស្សនិកជនរាំលេងកម្សាន្ត។ យ៉ាងណាមិញ នៅថ្ងៃស្អែកនេះ ផលិតកម្មនឹងបញ្ចេញបទចម្រៀងថ្មីមួយ របស់កំពូលតារាចម្រៀង គឺលោក ព្រាប សុវត្ថិ និងកញ្ញា តន់ចាន់សីម៉ា ដែលមានចំណងជើងថា “ខ្លាចខ្មោច” នេះបើយោងតាមការបង្ហោះរបស់អ្នកឧកញ៉ា ឡេង ណាវ៉ាត្រា។