ខេត្តបន្ទាយមានជ័យ៖ យោងតាមការចុះផ្សាយរបស់ ស្នងការដ្ឋាននគរបាលខេត្តបន្ទាយមានជ័យ នៅថ្ងៃទី០៨ ខែកញ្ញា ឆ្នាំ២០២២ បានឱ្យដឹងថា ដោយអនុវត្តន៍តាមការណែនាំរបស់ លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ នៅព្រឹកថ្ងៃទី០៨ ខែកញ្ញា ឆ្នាំ២០២២ លោកវរសេនីយ៍ឯក សួង សៅ មេបញ្ជាការវរសេនាតូចនគរបាលការពារព្រំដែនគោកលេខ៨១៥ បានចាត់ លោកវរសេនីយ៍ទោ សួន ពេជ្រ មេបញ្ជាការរង ដឹកនាំកម្លាំងសរុប១៥ នាក់ ចុះជួយប្រជាពលរដ្ឋដែលរងគ្រោះដោយសារទឹកជំនន់ និងជម្លៀសមកទីទួលសុវត្ថិភាព នៅភូមិក្បាលទំនប់ ឃុំអូរសំព័រ ស្រុកម៉ាឡៃ ខេត្តបន្ទាយមានជ័យ។

បវកញ្ញាចក្រវាលកម្ពុជា ២០២២ ហង្ស ម៉ានីតា បានទៅដល់ប្រទេសហ្វីលីពីនកាលពីម្សិលមិញនេះ ដើម្បីធ្វើការហ្វឹកហាត់ និងចូលរួមកម្មវិធីនានានៅទីនោះផងដែរ។ តួយ៉ាងនៅល្ងាចថ្ងៃទី០៨ ខែកញ្ញា ឆ្នាំ២០២២នេះ បវកញ្ញាចក្រវាលកម្ពុជា ២០២២ ហង្ស ម៉ានីតា បានអញ្ជើញជាភ្ញៀវកិត្តិយសក្នុងកម្មវិធី Sashing Ceremony Mister International Philippines 2022 ដោយស្ថិតនៅក្នុងឈុតពណ៌ទឹកក្រូចពិតជាស្រស់ស្អាតខ្លាំងមែនទែន។

រដ្ឋបាលខេត្តសៀមរាប នៅយប់ថ្ងៃទី០៨ ខែកញ្ញា ឆ្នាំ២០២២នេះ បានចេញសេចក្តីប្រកាសច្រានចោលទាំងស្រុងចំពោះការចោទប្រកាន់របស់លោក ខឹម វាសនា ដែលបានបន្តផ្សព្វផ្សាយលើគណនីហ្វេសប៊ុករបស់ខ្លួន ដោយចោទប្រកាន់ថាមានការយកប្រាក់ចំនួន ១០ម៉ឺនទៅ២០ម៉ឺនរៀលសម្រាប់ការដឹកជញ្ជូនប្រជាពលរដ្ឋដែលស្ម័គ្រចិត្តចាកចេញពីទីតាំងប្រមូលផ្តុំទៅលំនៅឋាន និងមិនបានផ្តល់បាយទឹក។

យោងតាមសារព័ត៌មាន Reuters ដែលបានចុះផ្សាយកាលពីថ្ងៃទី០៨ កញ្ញា ថា៖ លោក Kwon Young-si រដ្ឋមន្ត្រីក្រសួងបង្រួបបង្រួមកូរ៉េខាងត្បូង ដែលទទួលខុសត្រូវលើកិច្ចការរវាងកូរ៉េទាំងពីរ បាននិយាយថារដ្ឋាភិបាលទីក្រុងសេអ៊ូលនឹងពិចារណាលើតម្រូវការរបស់កូរ៉េខាងជើងក្នុងការកំណត់កាលបរិច្ឆេទ ទីកន្លែង របៀបវារៈ និងទម្រង់នៃកិច្ចចរចា។ លោក Kwon ក៏បានបន្តថា កូរ៉េខាងត្បូងសង្ឃឹមថា មន្ត្រីពាក់ព័ន្ធក្នុងប្រទេសកូរ៉េទាំងពីរ នឹងជួបប្រជុំគ្នាឱ្យបានឆាប់តាមដែលអាចធ្វើទៅបាន ដើម្បីពិភាក្សាដោយបើកចំហលើបញ្ហាមនុស្សធម៌ផ្សេងៗ រួមទាំងបញ្ហាសមាជិកគ្រួសារកូរ៉េដែលត្រូវបែកចេញពីសង្គ្រាមកូរ៉េ។ គួរបញ្ជាក់អោយដឹងផងដែរថា៖ ទាំង​កូរ៉េខាងជើង និង​កូរ៉េខាងត្បូង​តែងតែ​រៀបចំ​ការជួបជុំ​គ្រួសារ​សម្រាប់​សមាជិក​គ្រួសារ​ដែល​បែក​គ្នា​ទៅ​ស្នាក់​នៅ​ក្នុង​ប្រទេស​កូរ៉េខាងជើង និង​កូរ៉េខាងត្បូង​ក្នុង​អំឡុង​ថ្ងៃ​បុណ្យ​ធំៗ ប៉ុន្តែភាគច្រើននៃពួកគេត្រូវបានប្រារព្ធឡើងនៅក្នុងប្រទេសកូរ៉េខាងត្បូង ដែលបានព្យាយាមបង្កើតទំនាក់ទំនងឡើងវិញជាមួយកូរ៉េខាងជើង ក៏ដូចជាមានពិធីជប់លៀងអាហារ និងការចែកចាយរបស់របរផ្សេងៗជាដើម។

ប្រព័ន្ធផ្សព្វផ្សាយរបស់ចក្រភពអង់គ្លេស បានរាយការណ៍ក្នុងពេលដំណាលគ្នាថាម្ចាស់ក្សត្រី Elizabeth II បានចូលទិវង្គតហើយក្នុងព្រះជន្ម៩៦ព្រះវស្សា។ នេះបើយោងតាមការចុះផ្សាយរបស់សារព័ត៌មាន CNN នៅថ្ងៃទី០៩ ខែកញ្ញា ឆ្នាំ២០២២។

កាលពីថ្ងៃទី ៧ ខែកញ្ញា សារព័ត៌មាន CNN បានរាយការណ៍តាមរយៈទីភ្នាក់ងារសារព័ត៌មាន RIA ដែលជាប្រព័ន្ធផ្សព្វផ្សាយរដ្ឋរុស្ស៊ីបានរាយការណ៍ថា៖ ឧត្តមសេនីយ Min Aung Hlaing មេដឹកនាំរដ្ឋាភិបាលយោធាមីយ៉ាន់ម៉ា បានបញ្ជាក់ក្នុងជំនួបជាមួយប្រធានាធិបតីវ្ល៉ាឌីមៀ ពូទីននៃប្រទេសរុស្ស៊ីថា «រដ្ឋាភិបាលមីយ៉ាន់ម៉ាកំពុងចាប់ផ្តើមទិញប្រេងឥន្ធនៈពីរុស្ស៊ី ហើយបង់ជាប្រាក់រូពី» ដោយនាវាដឹកប្រេងម៉ាស៊ូតដំបូងគេពីប្រទេសរុស្ស៊ី នឹងមកដល់ប្រទេសមីយ៉ាន់ម៉ាក្នុងរយៈពេល ២ទៅ៣ ថ្ងៃខាងមុខនេះ។

(ភ្នំពេញ)៖ កាលពីយប់ថ្ងៃទី០៧ ខែកញ្ញា ឆ្នាំ២០២២ បេក្ខភាព TOP4 នៃកម្មវិធី Cambodian Idol រដូវកាលទី៤ មាន លីម តិចម៉េង ដែលជាម្ចាស់ពាន, ថុល សុភិទិ, ស៊ឹម ច័ន្ទពន្លឺ​ និងនាង ដាវីន បានធ្វើកម្មវិធីជួបជុំអ្នកគាំទ្រ នៅមុខអគារវឌ្ឍនៈ ដោយមានការចូលរួមពីមហាជនយ៉ាងច្រើនកុះករ។ ក្រោយពីការច្រៀង អ្នកទាំង៤ ក៏ធ្វើការអង្គុយជជែកគ្នាជាមួយនឹងអ្នកគាំទ្រនៅលើឆាក ដែលញុាំងឱ្យបរិយាកាសកាន់តែរីករាយ។

កាលពីថ្ងៃទី ៧ ខែកញ្ញា សារព័ត៌មាន CNN បានរាយការណ៍តាមរយៈទីភ្នាក់ងារសារព័ត៌មាន RIA ដែលជាប្រព័ន្ធផ្សព្វផ្សាយរដ្ឋរុស្ស៊ីបានរាយការណ៍ថា៖ ឧត្តមសេនីយ Min Aung Hlaing មេដឹកនាំរដ្ឋាភិបាលយោធាមីយ៉ាន់ម៉ា បានបញ្ជាក់ក្នុងជំនួបជាមួយប្រធានាធិបតីវ្ល៉ាឌីមៀ ពូទីននៃប្រទេសរុស្ស៊ីថា «រដ្ឋាភិបាលមីយ៉ាន់ម៉ាកំពុងចាប់ផ្តើមទិញប្រេងឥន្ធនៈពីរុស្ស៊ី ហើយបង់ជាប្រាក់រូពី» ដោយនាវាដឹកប្រេងម៉ាស៊ូតដំបូងគេពីប្រទេសរុស្ស៊ី នឹងមកដល់ប្រទេសមីយ៉ាន់ម៉ាក្នុងរយៈពេល ២ទៅ៣ ថ្ងៃខាងមុខនេះ។

ថៃ៖ លោកយាយអាយុ ៨១ឆ្នាំម្នាក់ត្រូវបានគេចាត់ទុកថាជាមនុស្សមានអាយុថ្លៃបំផុត ក្រោយរូបគាត់បានរអិលជើងធ្លាក់ចូលទៅក្នុងទឹកទន្លេអស់រយៈពេល ៤ម៉ោងនិងបានហូរតាមទឹកក្នុងចម្ងាយ ២០គីឡូម៉ែត្រ តែរូបគាត់នៅមានសំណាងអាចនៅរស់មានជីវិត។ យោងតាមការចុះផ្សាយរបស់បណ្តាញសារព័ត៌មាន បាងកកប៉ុស្តិ៍ បានឲ្យដឹ​ងថា លោកយាយដែលមានសំណាងខ្ពស់រូបនេះមានឈ្មោះថា Ree រស់នៅក្នុងតំបន់ Ban Pom ក្រុង Phra Nakhon Si Ayutthaya ដែលតំបន់ដែលនៅជាប់នឹងមាត់ទន្លេចៅប្រាយ៉ាក្នុងប្រទេសថៃ។

អាមេរិក៖ យោងតាមទីភ្នាក់ងារព័ត៌មានចិនស៊ិនហួ ដែលបានចុះផ្សាយនៅថ្ងៃទី៧ ខែកញ្ញា ឆ្នាំ២០២២ តាមរយៈមជ្ឈមណ្ឌលគ្រប់គ្រង និងការពារជំងឺរបស់សហរដ្ឋអាមេរិក ឬហៅកាត់ថា (CDC) ដោយ អាជ្ញាធរអាមេរិកបានបញ្ជាក់អំពី ចំនួនសរុបនៃករណីជំងឺអុតស្វាដែលមានរហូតដល់ទៅ ២០,៧៣៣ ករណី គិតត្រឹមថ្ងៃអង្គារដោយមាន ៣,៨៣៣ ករណី ដែលជាករណីត្រូវបានរាយការណ៍នៅក្នុងរដ្ឋកាលីហ្វ័រញ៉ាបន្ទាប់មកដោយញូវយ៉កដែលមាន ៣,៥២៦ ករណី និងរដ្ឋផ្លរីដាចំនួន ២,១២៦ ករណី។