ថៃ៖ អ្នកជំនាញម្នាក់បានព្យាករណ៍ថា ការរាតត្បាតនៃជំងឺកូវីដ-១៩ ប្រភេទអូមីក្រុងនៅក្នុងប្រទេសថៃនឹងធ្លាក់ចុះនៅក្នុងអំឡុងខែមីនាខាងមុខ បើទោះជាក្នុងអំឡុងពេលនេះមេរោគបំប្លែងខ្លួនថ្មីនេះកំពុងតែរាតត្បាតយ៉ាងឆាប់រហ័សនៅទូទាំងប្រទេសថៃក៏ដោយ។ យោងតាមការចុះផ្សាយរបស់បណ្តាញសារព័ត៌មាន Nation Thailand បានបញ្ជាក់ថា អ្នកជំនាញដែលបានធ្វើការព្យាករណ៍នេះគឺលោកវេជ្ជបណ្ឌិត Manoon Leechawengwongs ដែលជាគ្រូពេទ្យឯកទេសផ្នែកផ្លូវដង្ហើម ហើយបច្ចុប្បន្នរូបគាត់កំពុងបម្រើការងារនៅក្នុងមន្ទីរពេទ្យ Vichaiyut ។ ឆ្លើយប្រាប់ទៅកាន់ក្រុមអ្នកសារព័ត៌មាន លោកវេជ្ជបណ្ឌិតរូបនេះបានអំពាវនាវកុំឲ្យពលរដ្ឋថៃទាំងអស់មានការភ័យស្លន់ស្លោជាមួយនឹងវត្តមាននៃវ៉ារ៉្យង់អូមីក្រុង បើទោះជាមេរោគប្រភេទនេះមានសមត្ថភាពអាចចម្លងបានយ៉ាងឆាប់រហ័សក៏ដោយ។ យ៉ាងណាក្តី លោកវេជ្ជបណ្ឌិតរូបនេះបានជម្រុញឲ្យពលរដ្ឋថៃប្រញាប់ទៅទទួលវ៉ាក់សាំងដូសជម្រុញឲ្យបានគ្រប់ៗគ្នាដើម្បីបង្កើតប្រព័ន្ធភាពស៊ាំនៅតាមសហគមន៍ ហើយសម្រាប់អ្នកដែលមិនធ្លាប់ចាក់វ៉ាក់សាំងសោះគឺវាដល់ពេលហើយដែលពួកគេត្រូវឈប់សង្ស័យជាមួយនឹងប្រសិទ្ធភាពវ៉ាក់សាំងទៀតនិងត្រូវប្រញាប់ទៅចាក់វ៉ាក់សាំងឲ្យបានគ្រប់ចំនួនដើម្បីការពារជីវិតខ្លួនពីមេរោគបំប្លែងខ្លួនអូមីក្រុង ឬមេរោគបំប្លែងខ្លួនផ្សេងៗទៀតដែលអាចនឹងកើតមាននៅពេលខាងមុខ៕ អត្ថបទ៖  ភក្តី ប្រភព៖ Nation Thailand

ថៃ៖ យោងតាមបណ្តាញសារព័ត៌មាន Sanook បានចុះផ្សាយនូវអត្ថបទដ៏គួររំជួលចិត្តមួយ និយាយអំពីនារីវ័យក្មេងម្នាក់ដែលបានធ្វើការបរិច្ចាគអវៈយវៈរបស់នាងឲ្យទៅខាងមន្ទីរពេទ្យ ក្រោយពេលនាងបាត់បង់ជីវិត ដោយសារជួបគ្រោះថ្នាក់ចរាចរណ៍ ហើយពេលនេះការបរិច្ចាគអវៈយវៈរបស់នាងទាំងនោះបានជួយសង្គ្រោះជីវិតមនុស្សរហូតដល់ ៦នាក់ផ្សេងទៀតផងដែរ។ នារីដែលបានបរិច្ចាគអវៈយវៈរូបនោះមានឈ្មោះថា Chalisa Wongsawadee អាយុ ២៩ឆ្នាំ រស់នៅក្នុងខេត្ត Phetchabun ភាគខាងជើងប្រទេសថៃ មានមុខរបរជាអ្នកដឹកជញ្ជូនអាហារឲ្យក្រុមហ៊ុន Foodpanda។ ប្រភពខាងលើបានបន្តថា នារីរូបនេះបានបាត់បង់ជីវិតកាលពីថ្ងៃទី ២១ ខែមករា ឆ្នាំ ២០២២ នេះនៅក្នុងគ្រោះថ្នាក់ចរាចរណ៍មួយនៅម៉ោង ២ រំលងអាធ្រាត ខណៈដែលរូបនាងកំពុងជិះម៉ូតូធ្វើដំណើរត្រលប់ទៅផ្ទះវិញក្រោយបញ្ចប់ការងារជាអ្នកដឹកជញ្ជូនរួច។ បើតាមអ្នកស្រ្តី Rapeeporn Wongsawadee អាយុ ៥៨ឆ្នាំត្រូវជាម្តាយរបស់នារីរងគ្រោះបានប្រាប់ឲ្យដឹងថា កាលពីថ្ងៃទី

ចិន៖ អាជ្ញាធរក្រុងប៉េកាំងបានសម្រេចកំណត់ឲ្យមានការធ្វើតេស្តរកជំងឺកូវីដ-១៩ ចំពោះគ្រប់ពលរដ្ឋណាដែលបានទៅទិញថ្នាំក្តៅខ្លួន ថ្នាំក្អក ឬថ្នាំបំបាត់ឈឺបំពង់កពីគ្រប់ឱសថស្ថាននៅទូទាំងទីក្រុង នេះបើយោងតាមការចុះផ្សាយរបស់បណ្តាញសារព័ត៌មាន Straits Times កាលពីថ្ងៃ ២៤ ខែមករានេះ។ វិធានការដ៏តឹងរឹងនេះគឺត្រូវបានដាក់ចេញដើម្បីកាត់ផ្តាច់ឬសគល់នៃការចម្លងជំងឺជំងឺកូវីដ-១៩នៅក្នុងទីក្រុងប៉េកាំង ដ្បិតទីក្រុងដ៏ធំរបស់ចិនមួយនេះនឹងត្រូវធ្វើជាម្ចាស់ផ្ទះរៀបចំព្រឹត្តិការណ៍កីឡាអូឡាំពិករដូវរងានៅសប្តាហ៍ក្រោយនេះហើយ។ បើតាមអាជ្ញាធរក្រុងប៉េកាំងបានបញ្ជាក់ថា ពលរដ្ឋដែលបានមកទិញថ្នាំក្នុងប្រភេទដូចបានជម្រាបជូនខាងលើនេះគឺត្រូវតែចុះឈ្មោះជាមួយឱសថស្ថាន ហើយពួកគេនឹងតម្រូវឲ្យធ្វើតេស្តរកជំងឺកូវីដ-១៩ ក្នុងរយៈពេល ៧២ ម៉ោងក្រោយពេញទិញថ្នាំដើម្បីបញ្ជាក់ថាពួកគេវិជ្ជមានជំងឺកូវីដ-១៩ ឬអត់។ ការធ្វើតេស្តនោះទៀតសោធត្រូវតែមានការទទួលស្គាល់ត្រឹមត្រូវ ហើយបន្ទាន់ពីទទួលបានលទ្ធផលតេស្តរួចពួកគេត្រូវតែរាយការណ៍ទៅកាន់អាជ្ញាធរឬឱសថស្ថានដែលពួកគេបានទិញថ្នាំតាមរយៈការប្រើប្រាស់កម្មវិធីក្នុងទូរស័ព្ទដៃដែលអាជ្ញាធរក្រុងប៉េកាំងបានបង្កើតទុករួចហើយ។ គួររម្លឹកជូនថា អាជ្ញាធរចិនបានអនុវត្តផែនការតឹងរឹងមួយមុនពេលព្រឹត្តិការណ៍កីឡាអូឡាំពិករដូវរងាចូលមកដល់នោះគឺវិធានការទប់ស្កាត់ការរាតត្បាតជំងឺកូវីដ-១៩ឲ្យស្ថិតនៅកម្រិតសូន្យ ហើយតាមការអនុវត្តវិធានការនេះអាជ្ញាធរចិនបានបិទទីក្រុងនិងលុបចោលកម្មវិធីជួបជុំនៅតាមបណ្តាទីក្រុងជាច្រើននាពេលកន្លងមក ខណៈដែលទីកន្លែងទាំងនោះមានការឆ្លងជំងឺកូវីដ-១៩ក្នុងចំនួនតិចតួចបំផុត បើធៀបទៅនឹងតួលេខឆ្លងនៅក្នុងប្រទេសផ្សេងៗទៀត៕ អត្ថបទ៖ ភក្តី ប្រភព៖ Straits Times

អង្គការសុខភាពពិភពលោកបានព្រមានសាជាថ្មីកាលពីថ្ងៃចន្ទ ទី២៤ ខែមករា កន្លងទៅថា វាគឺជាគ្រោះថ្នាក់ដ៏ធ្ងន់ធ្ងរមួយបើគេគិតថា ជំងឺកូវីដ-១៩នឹងត្រូវបិទបញ្ចប់ក្រោយពេលគេអាចយកឈ្នះលើការរាតត្បាតនៃវ៉ារ្យ៉ង់អូមីក្រុង ដែលកំពុងរាតត្បាតយ៉ាងខ្លាំងនៅជុំវិញពិភពលោកក្នុងពេលបច្ចុប្បន្ននេះ។ ការព្រមានជាថ្មីនេះត្រូវបានធ្វើឡើងក្រោយមានរបាយការណ៍ចំនួនបានព្យាករណ៍ថា ស្ថានភាពនៃរាតត្បាតវ៉ារ្យ៉ង់អូមីក្រុងអាចនឹងធូរស្រាលក្នុងរយៈប៉ុន្មានខែខាងមុខនេះ ខណៈពលរដ្ឋមួយចំនួនគិតថា ពួកគេអាចនឹងរួចផុតពីវិបត្តិនៃជំងឺកូវីដ​-១៩ នៅចុងឆ្នាំនេះ។ យ៉ាងណាក្តី បើតាមលោក Tedros Adhanom Ghebreyesus ដែលជាប្រធានអង្គការសុខភាពពិភពលោកបានបញ្ជាក់យ៉ាងច្បាស់ថា វាគឺជាគ្រោះថ្នាក់បំផុតដែលគេគិតថាវ៉ារ្យ៉ង់អូមីក្រុងគឺជាមេរោគបំប្លែងខ្លួនចុងក្រោយរបស់កូវីដ-១៩ និងគិតថា​ពិភពលោកកំំពុងស្ថិតក្នុងដំណាក់ក្រោយនៃការរាតត្បាតជំងឺកូវីដ-១៩។ លោកបានបន្តថា វ៉ារ្យ៉ង់ថ្មីនៃជំងឺកូវីដ-១៩ អាចនឹងបន្តកើតមានហើយបង្កគ្រោះថ្នាក់ធ្ងន់ធ្ងរបន្ថែមទៀត ដូចនេះគេមិនត្រូវភ្លេចខ្លួនចំពោះមេរោគដ៏គ្រោះថ្នាក់មួយនេះទេ តែត្រូវត្រៀមខ្លួនប្រឈមជាមួយវាក្នុងរយៈពេលដ៏វែងទៅមុខទៀត។ គួរបញ្ជាក់ជូនថា គិតត្រឹមពេលនេះពិភពលោកទាំងមូលបានរកឃើញអ្នកឆ្លងជំងឺកូវីដ-១៩ សរុបជាង​ ៣៥៤លាននាក់ និងស្លាប់ជាង ៥,៦​លាននាក់ផងដែរ៕ អត្ថបទ៖ ភក្តី ប្រភព៖

កូរ៉េខាងត្បូង៖ នៅព្រឹកថ្ងៃអង្គារ ទី២៥ ខែមករានេះ អាជ្ញាធរសុខាភិបាលនៃប្រទេសកូរ៉េខាងត្បូងបានប្រកាសពីការរកឃើញអ្នកឆ្លងជំងឺកូវីដ-១៩ ចំនួន ៨,៥៧១នាក់ ដែលនេះជាតួលេខអ្នកឆ្លងក្នុងរយៈពេល ២៤ម៉ោងចុងក្រោយ ហើយវាក៏ជាតួលេខអ្នកឆ្លងច្រើនបំផុតមិនធ្លាប់មានផងដែររាប់ចាប់តាំងពីមានការរាតត្បាតជំងឺកូវីដ-១៩ជាសកលមក។ គេនៅចាំបានថា នាពេលកន្លងមកប្រទេសកូរ៉េខាងត្បូងធ្លាប់កត់ត្រាចំនួនអ្នកឆ្លងជំងឺកូវីដ-១៩ប្រចាំថ្ងៃច្រើនបំផុតក្នុងចំនួន​ត្រឹម ៧,៨៤៨នាក់ប៉ុណ្ណោះកាលពីអំឡុងពាក់កណ្តាលខែធ្នូ ឆ្នាំ២០២១។ បើតាមទីភា្នក់ងារគ្រប់គ្រងនិងបង្ការជំងឺឆ្លងនៃប្រទេសកូរ៉េខាងត្បូងបានឲ្យដឹងថា ការបំបែកកំណត់រកឃើញអ្នកឆ្លងកូវីដ-១៩ក្នុងចំនួនដ៏ច្រើននេះបំផុតនេះគឺត្រូវបានកើតឡើងស្របពេលដែលមេរោគអូមីក្រុងកំពុងតែបង្កការរាតត្បាតយ៉ាងឆាប់រហ័សនៅតាមសហគមន៍​ ហើយភាគច្រើននៃករណីឆ្លងថ្មីនារយៈពេលចុងក្រោយនេះគឺជាការចម្លងមេរោគអូមីក្រុងនេះតែម្តង។ គួរបញ្ជាក់ជូនថា គិតត្រឹមពេលនេះប្រទេសកូរ៉េខាងត្បូងបានរកឃើញអ្នកឆ្លងជំងឺកូវីដ-១៩ សរុបជាង​ ៧៤ម៉ឺននាក់ ស្លាប់ជាង ៦,៥ ពាន់នាក់ ហើយចំពោះផែនការចាក់វ៉ាក់សាំងបង្ការជំងឺកូវីដ-១៩ វិញគឺគិតត្រឹមពេលនេះមានពលរដ្ឋកូរ៉េខាងត្បូង ៨៥%បានចាក់វ៉ាក់សាំងរួចរាល់ចំនួន ២ដូស និង ៤៨% បានចាក់រហូតដល់ដូសជម្រុញ ខណៈកូរ៉េខាងត្បូងមានពលរដ្ឋសរុប ៥២លាននាក់៕ អត្ថបទ៖

សិង្ហបុរី៖ អាជ្ញាធរសិង្ហបុរីនៅព្រឹកថ្ងៃចន្ទ ទី២៤ ខែមករានេះ បានសម្រេចចោទប្រកាន់ពលរដ្ឋចំនួន ៤នាក់ ថាបានធ្វើសកម្មភាពបំពាននឹងវិធានការទប់ស្កាត់ការរាត្បាតជំងឺកូវីដ-១៩របស់អាជ្ញាធរ ហើយពលរដ្ឋទាំង ៤នាក់នោះនឹងត្រូវទទួលការពិន័យទៅតាមច្បាប់ដែលបានកំណត់ដោយគ្មានការលើកលែងនោះដើម្បីទុកធ្វើជាគំរូសម្រាប់ពលរដ្ឋផ្សេងទៀត។ បើយោងតាមការចុះផ្សាយនៅក្នុងបណ្តាញសារព័ត៌មាន Channel News Asia បានបញ្ជាក់ថា ពលពលរដ្ឋសិង្ហបុរីទាំង​ ៤នាក់នោះមានអាយុចន្លោះពី ១៩ ដល់ ២២ ឆ្នាំ ហើយសកម្មភាពដែលពួកគាត់បានធ្វើខុសនោះគឺបានកើតឡើងកាលពីអំឡុងពេលនៃពិធីបុណ្យឆ្លងឆ្នាំ ២០២១ ចូលឆ្នាំ ២០២២ កន្លងមកនេះ។ តាមរយៈវីដេអូដែលអាជ្ញធរសិង្ហបុរីបានប្រើប្រាស់ជាភស្តុតាងនៅក្នុងការចោទប្រកាន់នេះ គឺបានបង្ហាញយ៉ាងច្បាស់ថាពលរដ្ឋទាំង ៤នាក់នោះបានធ្វើការប្រមូលផ្តុំគ្នានៅទីសាធារណៈដោយមិនបានពាក់ម៉ាស់តាមការណែនាំរបស់អាជ្ញាធរនោះទេ។ យោងតាមបទបញ្ជារបស់អាជ្ញាធរសិង្ហបុរីគឺពលរដ្ឋទាំងនាក់ ៤នាក់នេះនឹងត្រូវពិនិត្យជាប្រាក់ម្នាក់ៗចំនួន ១,០០០ ដុល្លារសិង្ហបុរី (៧៤៣ ដុល្លារអាមេរិក)។

ចិន៖ អ្នករៀបចំព្រឹត្តិការណ៍កីឡាអូឡាំពិកក្រុងប៉េកាំងបានឲ្យដឹង​កាលពីថ្ងៃអាទិត្យ ទី ២២ ខែមករា ម្សិលមិញថា គិតត្រឹមពេលនេះអាជ្ញាធរសុខាភិបាលបានចិនបានរកឃើញមនុស្សចំនួន ៧២នាក់ក្នុងចំណោមមនុស្ស ២,៥៨៦នាក់ ដែលជាអ្នកមានការពាក់ព័ន្ធជាមួយនឹងព្រឹត្តិការណ៍កីឡាដ៏ធំមួយនេះបានតេស្តវិជ្ជមានជំងឺកូវីដ-១៩។ យោងតាមការចុះផ្សាយនៅក្នុងបណ្តាញសារព័ត៌មាន Channel News Asia បានបញ្ជាក់ថា មនុស្សទាំងជាង ២ពាន់នាក់ខាងលើនេះបានធ្វើដំណើរមកកាន់ប្រទេសចិននៅចន្លោះពីថ្ងៃទី ៤-២២ ខែមករានេះ ហើយក្នុងនោះក៏មានក្រុមអត្តពលិកចំនួន ១៧១នាក់ផងដែរ តែគិតត្រឹមពេលនេះក្នុងចំណោមក្រុមអត្តពលិកទាំងនោះគ្មានអ្នកណាម្នាក់វិជ្ជមានជំងឺកូវីដ-១៩នោះទេ។គួររម្លឹកជូនថា ព្រឹត្តិការណ៍កីឡាំអូឡាំពិករដូវរងានៅក្នុងទីក្រុងប៉េកាំងនឹងត្រូវចាប់ផ្តើមពីថ្ងៃទី ៤-២០​ ខែកុម្ភៈខាងមុខនេះ ហើយព្រឹត្តិការណ៍កីឡាជាប្រវត្តិសាស្រ្តមួយនេះក៏ត្រូវបានរៀបចំស្របពេលដែលពិភពលោកកំពុងប្រឈមនឹងការរាតត្បាតខ្លាំងដោយជំងឺកូវីដ-១៩ ប្រភេទអូមីក្រុងផងដែរ។ ដើម្បីឆ្លើយតបទៅនឹងវិបត្តិសកលនេះ អាជ្ញាធរបានសម្រេចដាក់ចេញវិធានការតឹងរឹងជាច្រើននាពេលកន្លង ដូចជាអនុវត្តវិធានការទប់ស្កាត់ការចម្លងជំងឺកូវីដ-១៩នៅក្នុងសហគមន៍ឲ្យស្ថិតនៅកម្រិតសូន្យ ហើយតាមរយៈវិធានការនេះអាជ្ញាធរបានសម្រេចបិទក្រុងជាច្រើននិងដកមន្ត្រីជាន់ខ្ពស់មួយចំនួនដែលបណ្តោយឲ្យមានករណីរាតត្បាតជំងឺកូវីដ-១៩ក្នុងដែនដីគ្របគ្រង់របស់ក្រុមមន្ត្រីទាំងនោះ បើទោះជាករណីឆ្លងនៅទីនោះមិនច្រើនដូចនៅក្នុងប្រទេសផ្សេងៗក៏ដោយ៕ អត្ថបទ៖ ភក្តី

ការសិក្សាមួយបានរកឃើញថា ការចាក់វ៉ាក់សាំងបង្ការជំងឺកូវីដ-១៩ របស់ប្រទេសចិន Sinovac ជាដូសមូលដ្ឋានហើយបន្តចាក់វ៉ាក់សាំងប្រភេទផ្សេងទៀតនៅដូសជម្រុញ នោះវានឹងជួយបង្កើតប្រព័ន្ធការពាររាងកាយបានយ៉ាងរឹងមាំសម្រាប់ប្រឆាំងទល់នឹងវ៉ារ៉្យង់ដែលតានិងអូមីក្រុង។ ការសិក្សាមួយនេះត្រូវបានធ្វើឡើងដោយក្រុមអ្នកវិទ្យាសាស្រ្តមកពីប្រទេសប្រេស៊ីលសហការណ៍ជាមួយក្រុមអ្នកវិទ្យាសាស្រ្តមកពីសាកលវិទ្យាល័យ Oxford។ ក្នុងការសិក្សានោះគេបានពិសោធន៍ទៅលើពលរដ្ឋប្រេស៊ីលចំនួន ១,២៤០នាក់ ដែលមានអាយុលើសពី ១៨ ឆ្នាំឡើងទៅ ហើយលទ្ធផលនៃការសិក្សាត្រូវបានចុះផ្សាយបន្តដោយបណ្តាញសារព័ត៌មាន Straits Times ។ លទ្ធផលនៃការសិក្សាបានបង្ហាញថា សម្រាប់អ្នកជ្រើសរើសចាក់វ៉ាក់សាំង Sinovac ជាដូសជម្រុញ គឺប្រព័ន្ធការពាររាងកាយរបស់ពួកគេនឹងកើតឡើងក្នុងរយៈ ២៨ថ្ងៃក្រោយពីការចាក់រួច ហើយកម្រិតនៃការកើនឡើងហាក់មិនច្រើននោះទេ។ ផ្ទុយទៅវិញសម្រាប់អ្នកធ្លាប់ចាក់វ៉ាក់សាំង Sinovac នៅដូសមូលដ្ឋានហើយបន្តចាក់វ៉ាក់សាំងប្រភេទផ្សេងទៀតជាដូសជម្រុញដូចជា Pfizer, AstraZeneca, ឬ Johnson & Johnson នោះប្រព័ន្ធការពាររាងកាយរបស់ពួកគេនឹងកើនឡើងយ៉ាងឆាប់រហ័សនិងកើនឡើងក្នុងកម្រិតដ៏ខ្ពស់។ ការសិក្សាក៏បានបញ្ជាក់ទៀតថា

ថៃ៖ នៅក្នុងរបាយការណ៍របស់អាជ្ញាធរសុខាភិបាលថៃកាលពីថ្ងៃសុក្រ ទី២១ ខែមករា ម្សិលមិញនេះបានបង្ហាញថា អាជ្ញាធរថៃបានរកឃើញអ្នកស្លាប់ដោយជំងឺកូវីដ-១៩ ចំនួន ១៣នាក់ ដែលចំនួននេះមានការថយចុះច្រើនបើធៀបទៅនឹងរយៈពេលកន្លងមក។ យ៉ាងណាក្តី​ នៅក្នុងថ្ងៃដដែលនោះតួលេខអ្នកឆ្លងជំងឺកូវីដ-១៩ថ្មីមានរហូតដល់ ៨,៦៤០នាក់ ដែលតួលេខនេះមានការកើនឡើងគួរឲ្យកត់សម្គាល់បើធៀបទៅនឹងតួលេខប្រចាំថ្ងៃចាប់តាំងពីដើមសប្តាហ៍មក។ ក្នុងចំណោមអ្នកឆ្លងថ្មីទាំងអស់នោះគឺមានអ្នកឆ្លងចំនួន ៨,៤២៥នាក់ជាពលរដ្ឋថៃ អ្នកឆ្លងចំនួន ២០នាក់ជាអ្នកទោស និងករណីឆ្លងចំនួន ១៩៥នាក់ផ្សេងទៀតគឺជាករណីនាំចូលមកពីក្រៅប្រទេស។ បើតាមនាយកដ្ឋានវិទ្យាសាស្រ្តវេជ្ជសាស្រ្តថៃបានកត់សម្គាល់ថា ក្នុងចំណោមករណីឆ្លងថ្មីទាំងអស់នោះគឺមានភាគច្រើនជាករណីឆ្លងមេរោគបំប្លែងខ្លួនប្រភេទអូមីក្រុង ហើយបើគិតចាប់ពីថ្ងៃទី ១១ដល់១៧ ខែមករានេះគឺករណីឆ្លងមេរោគអូមីក្រុងមានរហូតដល់ ៩៧% នៃករណីនាំចូលសរុប និងគ្របដណ្ដប់ ៨០% នៃករណីឆ្លងសរុបនៅក្នុងសហគមន៍ថៃ។ សម្រាប់លោក Supakit Sirilak ដែលជាប្រធាននាយកដ្ឋានវិទ្យាសាស្រ្តវេជ្ជសាស្រ្តថៃបានព្យាករណ៍ថា នៅត្រឹមចុងខែមករានេះមេរោគអូមីក្រុងនឹងគ្របដណ្ដប់ស្ទើរតែទាំងអស់នៃករណីឆ្លងនៅទូទាំងប្រទេសថៃ

តៃវ៉ាន់៖ ស្រ្តីតៃវ៉ាន់ម្នាក់ប្រឈមនឹងត្រូវគេកាត់ទោសប្រហារជីវិត បន្ទាប់ពីរូបគាត់បានបង្កឲ្យមានភ្លើងឆេះអាគារមួយកន្លែងនិងបណ្តាលឲ្យមានមនុស្សចំនួន ៤៦នាក់បានស្លាប់បាត់បង់ជីវិត។ យោងតាមការចុះផ្សាយរបស់បណ្តាញសារព័ត៌មាន  Channel News Asia បានឲ្យដឹងថា ហេតុការណ៍នេះបានកើតឡើងនៅក្នុងអាគារអាផាតមិនមួយកន្លែងមានកម្ពស់ ១៣ជាន់ ស្ថិតនៅក្នុងទីក្រុង Kaohsiung នៃកោះតៃវ៉ាន់ ខណៈស្រ្តីជាជនបង្កហេតុមានឈ្មោះថា Huang និងមានអាយុ ៥១ឆ្នាំ។ តាមការស៊ើបអង្កេតរបស់អាជ្ញាធរតៃវ៉ាន់គឺស្រ្តីជាជនបង្កហេតុរូបនេះបានឈ្លោះគ្នាជាមួយនឹងមិត្តប្រុសដែលបានលួចក្បត់ចិត្តគាត់ ហើយក្នុងពេលឈ្លោះគ្នានោះគាត់បានបោះធូបមូសទៅលើសាឡុង ហើយក្រោយមកក៏បង្កឲ្យមានភ្លើងឆេះនិងបន្តរាលដាលពេញមួយអាផាតមិនតែម្តង។ យ៉ាងណាក្តី ស្រ្តីរូបនេះបានប្រាប់ឲ្យដឹងថា គាត់ពុំមានចេតនាបង្កឲ្យមានភ្លើងឆេះនោះទេ តែភ្លើងបានឆេះដោយចៃដន្យក្រោយពេលរូបគាត់បានយកធូបមូសទៅបោះចោលក្នុងធុងសំរាមប៉ុណ្ណោះ។ បើតាមអ្នកជំនាញផ្នែកច្បាប់នៅតៃវ៉ាន់បានបញ្ជាក់ថា ស្រ្តីរូបនេះគួរតែទទួលបានទោសប្រហារជីវិតចំពោះសកម្មភាពរបស់គាត់ តែខណៈពេលនេះតុលាការតៃវ៉ាន់នៅមិនទាន់សម្រេចផ្តន្ទាទោសកម្រិតណាចំពោះស្រ្តីរូបនេះនៅឡើយទេ៕ អត្ថបទ៖ ភក្តី ប្រភព៖  Channel News Asia