កាដាណា៖ ពលរដ្ឋកាដាណារាប់ពាន់នាក់បាននាំគ្នាដង្ហែតាមដងផ្លូវធ្វើបាតុកម្មប្រឆាំងនឹងវិធានការចាក់វ៉ាក់សាំងបង្ការជំងឺកូវីដ-១៩ របស់រដ្ឋាភិបាលខ្លួន នេះបើយោងតាមការចុះផ្សាយនៅក្នុងបណ្តាញសារព័ត៌មាន Channel News Asia នៅព្រឹកថ្ងៃអាទិត្យ ទៅ ៣០ ខែមករានេះ។ ក្បួនបាតុកម្មត្រូវបានរៀបចំឡើងនៅក្នុងរដ្ឋធានី Ottawa ខណៈដែលក្រុមបាតុករភាគច្រើននាំគ្នាជិះរថយន្តទ្រុងឆ្ពោះទៅកាន់វិមានរដ្ឋសភារបស់រដ្ឋាភិបាលកាណាដា ហើយពួកគេបានហៅក្បួនបាតុកម្មនេះថា “Freedom Convoy” ឬ “ក្បួនដង្ហែសេរីភាព”។ ក្រុមបាតុករបានប្រាប់ឲ្យដឹងថា កម្មវត្ថុនៃការធ្វើបាតុកម្មនេះគឺដើម្បីប្រឆាំងនឹងវិធានការតម្រូវឲ្យអ្នកបើកបរឆ្លងកាត់ព្រំដែនទាំងអស់ត្រូវចាក់វ៉ាក់សាំងបង្ការជំងឺកូវីដ-១៩ ដ្បិតវិធានការនេះនឹងធ្វើឲ្យប៉ះពាល់ដល់ការងារក្នុងនាមជាអ្នកបើកបររបស់ពួកគេ ហើយពួកគេក៏មិនចង់ចាក់វ៉ាក់សាំងបង្ការជំងឺកូវីដ-១៩ ដែរ។ បើតាមអាជ្ញាធរកាណាដាបានបញ្ជាក់ថា កម្មវត្ថុនៃការតវ៉ានេះហាក់មានទំហំធំធេងជាងសមត្ថភាពរបស់អាជ្ញាធរខ្លាំងណាស់ ព្រោះបើអ្នកបើកបរឆ្លងកាត់ព្រំដែនមិនបានចាក់វ៉ាក់សាំងបង្ការជំងឺកូវីដ-១៩ ទេនោះគឺពិតណាស់ពួកគេនឹងក្លាយជាភ្នាក់ងារចម្លងមេរោគកូវីដ-១៩ យ៉ាងសកម្មភាព ហើយកត្តានេះនឹងធ្វើឲ្យវិធានការទប់ស្កាត់ការរាតត្បាតជំងឺកូវីដ-១៩ របស់រដ្ឋាភិបាលត្រូវបរាជ័យទាំងស្រុងតែម្តង៕ អត្ថបទ៖ ភក្តី ប្រភព៖ Channel News

ថៃ៖ យោងតាមការចុះផ្សាយរបស់បណ្តាញសារព័ត៌មាន MThai បានឲ្យដឹងថា ពិធីបុណ្យចូលឆ្នាំចិននៅក្នុងប្រទេសថៃសម្រាប់នៅក្នុងឆ្នាំ ២០២២នេះ អាចនឹងមានភាពខុសប្លែកបន្តិចបើធៀបទៅនឹងទម្លាប់ដែលពលរដ្ឋថៃកាត់ចិនធ្លាប់បានធ្វើកាលពីឆ្នាំមុនៗ។ ភាពខុសប្លែកនេះមិនមែនព្រោះតែពលរដ្ឋថៃកាត់ចិនបានកែប្រែទម្លាប់ឬប្រពៃណីនោះទេ តែពួកគាត់នឹងធ្វើអ្វីៗឲ្យសម្របទៅតាមស្ថានភាពសង្គមជាក់ស្តែងនៅក្នុងប្រទេសថៃនាពេលបច្ចុប្បន្ននេះ។ ប្រភពខាងលើបានបន្តថា ទំនិញនៅក្នុងទីផ្សារនៃប្រទេសថៃមានការកើនឡើងគួរឲ្យកត់សម្គាល់ក្នុងរយៈពេលជាច្រើនសប្តាហ៍ចុងក្រោយនេះជាពិសេសគឺសាច់ជ្រូកតែម្តង ខណៈពលរដ្ឋមួយចំនួនក៏ត្រូវបាត់បង់ប្រាក់ចំណូលព្រោះតែវិបត្តិនៃការរាតត្បាតជំងឺកូវីដ-១៩ ផងដែរ។ តាមរយៈរូបភាពដែលបណ្តាញសារព័ត៌មាន MThai បានចុះផ្សាយលើគណនីបណ្តាញសង្គមរបស់ខ្លួនោះបានបង្ហាញថា វត្ថុដែលគេដាក់លក់សម្រាប់ដុតសែនដូនតានៅក្នុងឆ្នាំនេះហាក់ប្លែកបន្តិចដោយមានដូចជា ម៉ាស់ក្រដាសនិងវ៉ាក់សាំងបង្ការជំងឺកូវីដ-១៩ ហើយចំពោះនំសែនវិញត្រូវបានគេរចនាជារូបក្បាលជ្រូក មាន់ ទា និងគ្រឿងសមុទ្រមួយចំនួនផងដើម្បីឲ្យពលរដ្ឋថៃកាត់ចិនអាចទិញវត្ថុទាំងនេះទៅសែនជូនដូនតាក្នុងតម្លៃទាបជាងទំនិញពិតនៅក្នុងទីផ្សារ៕ អត្ថបទ៖ ភក្តី ប្រភព៖ MThai 

ថៃ៖ ពលករចំណាកស្រុកកម្ពុជាជាង ២០០ នាក់នឹងធ្វើដំណើរទៅដល់ប្រទេសថៃនៅក្នុងថ្ងៃអង្គារសប្តាហ៍ក្រោយ នេះបើយយោងតាមការចុះផ្សាយនៅក្នុងបណ្តាញសារព័ត៌មាន បាងកកប៉ុស្តិ៍ នៅព្រឹកថ្ងៃសុក្រ ទី២៨ ខែមករានេះ។ បើតាមការបញ្ជាក់ពីអាជ្ញាធរថៃគឺក្រុមពលករទាំងនោះត្រូវបានបញ្ជូនឲ្យទៅធ្វើការងារនៅក្នុងប្រទេសថៃតាមរយៈកិច្ចព្រមព្រៀងផ្លូវការមួយរវាងក្រសួងការងារនៃប្រទេសថៃនិងក្រសួងការងារនៃប្រទេសកម្ពុជា។ នៅក្នុងដំណាក់កាលដំបូងនេះពលករកម្ពុជាដែលមានសិទ្ធទៅធ្វើការងារដោយស្របច្បាប់ក្នុងប្រទេសថៃគឺមានចំនួន ២២៦ នាក់ ខណៈអាជ្ញាធរថៃនឹងទទួលយកពលករកម្ពុជាបន្ថែមជាច្រើននាក់ទៀតផងដែរនៅក្នុងដំណាក់កាលបន្ទាប់។ ប្រភពខាងលើបានបន្តថា តាមគម្រោងគឺពលករកម្ពុជាចំនួន ២២០ នាក់នឹងត្រូវបញ្ជូនទៅធ្វើការងារនៅក្នុងខេត្ត Chon Buri និងពលករចំនួន ៦នាក់ផ្សេងទៀតនឹងត្រូវបញ្ជូនទៅធ្វើការងារនៅក្នុងខេត្ត Ayutthaya នៃប្រទេសថៃ។ គួរបញ្ជាក់ថា អាជ្ញាធរថៃក៏នឹងបើកទទួលយកពលករឡាវនិងមីយ៉ាន់ម៉ាជាច្រើននាក់ផងដែរតាមរយៈការចុះកិច្ចព្រមព្រៀងផ្លូវការដូចអ្វីដែលអាជ្ញាធរថៃបានធ្វើជាមួយនឹងកម្ពុជាដែរ។ សូមបញ្ជាក់ជូនថា ការចុះកិច្ចព្រមព្រៀងទទួលយកពលករចំណាកស្រុករបស់អាជ្ញាធរថៃនៅពេលនេះគឺត្រូវបានធ្វើឡើងដើម្បីទប់ស្កាត់ការឆ្លងដែនដោយខុសច្បាប់ពីសំណាក់ពលរដ្ឋកម្ពុជា ឡាវ និងមីយ៉ាន់ម៉ា ព្រោះអ្នកឆ្លងដែនខុសច្បាប់ទាំងនោះអាចជាភ្នាក់ងារចម្លងជំងឺកូវីដ-១៩ចូលទៅក្នុងប្រទេសថៃផងដែរ៕ អត្ថបទ៖ ភក្តី ប្រភព៖ បាងកកប៉ុស្តិ៍

ហុងកុង៖ អាជ្ញាធរក្រុងហុងកុងបានសម្រេចកាត់បន្ថយចំនួនថ្ងៃធ្វើចត្តាឡីស័កចំពោះក្រុមអ្នកដំណើរទាំងអស់ពីរយៈពេល ២១ថ្ងៃ មកសល់ត្រឹម ១៤ថ្ងៃប៉ុណ្ណោះ នេះបើយោងតាមចុះផ្សាយនៅក្នុងបណ្តាញសារព័ត៌មាន Channel News Asia ។ វិធានការថ្មីនេះនឹងត្រូវផ្តើមអនុវត្តចាប់ពីថ្ងៃទី ៥ ខែកុម្ភៈតទៅរហូតដល់មានការជូនដំណឹងជាថ្មី ហើយការបន្ថយថ្ងៃសម្រាប់ធ្វើចត្តាឡីស័កនេះនឹងត្រូវអនុវត្តចំពោះគ្រប់អ្នកដំណើរអន្តរជាតិទាំងអស់ មិនថាពួកគេបានធ្វើដំណើរចេញមកពីប្រទេសដែលកំពុងមានហានិភ័យទាបឬខ្ពស់ក្នុងការរាតត្បាតជំងឺកូវីដ-១៩នោះទេ។ បើតាមលោកស្រ្តី Carrie Lam ដែលជានាយកប្រតិបត្តិហិរញ្ញវត្ថុនិងជាអ្នកការទូតអន្តរជាតិតំណាងឲ្យក្រុងហុងកុងបានប្រាប់ឲ្យដឹងថា ការសម្រេចបន្ថយចំនួនថ្ងៃធ្វើចត្តាឡីស័កនេះគឺដើម្បីលើកកំពស់វិស័យអាកាសចរណ៍ក្នុងក្រុងហុងកុងឡើងវិញ  ដ្បិតនាពេលកន្លងមកហុងកុងបានក្លាយជាក្រុងឯកោមួយទៅហើយដោយសាតែការអនុវត្តវិធានការទប់ស្កាត់ការចម្លងជំងឺកូវីដ-១៩ ដ៏តឹងរឹងនេះ។ លោកស្រ្តីបានបន្តថា មួយរយៈចុងក្រោយនេះជើងហោះហើរអន្តរជាតិមកាន់ទីក្រុងហុងកុងបានធ្លាក់ចុះរហូតដល់ ៩០% ហើយការធ្លាក់ចុះនេះក៏បានធ្វើឲ្យប៉ះពាល់ដល់ក្រុមពលរដ្ឋហុងកុងដែលបម្រើការងារក្នុងវិស័យអាកាសចរណ៍និងបដិសណ្ឋាកិច្ចជាច្រើននាក់ផងដែរ។ លោកស្រ្តី Carrie Lam បានបង្ហាញក្តីសង្ឃឹមថា ការអនុវត្តវិធានការថ្មីខាងលើនេះនឹងជួយជំរុញឲ្យវិស័យអាកាសចរណ៍ហុងកុងត្រលប់ទៅរកភាពល្អប្រសើរនិងមានការប្រកួតប្រជែងឡើងវិញផងដែរ៕ អត្ថបទ៖ ភក្តី ប្រភព៖ Channel

ស៊ុយអែត៖ ប្រទេសស៊ុយអែតបានសម្រេចកាលពីថ្ងៃព្រហស្បតិ៍ ទី២៧ ខែមករានេះថា នឹងមិនធ្វើតាមការណែនាំជាសកលឡើយជុំវិញការចាក់វ៉ាក់សាំងបង្ការជំងឺកូវីដ-១៩ ជូនក្រុមកុមារដែលមានអាយុចាប់ពី ៥-១១ឆ្នាំ។ បើតាមទីភ្នាក់ងារសុខភាពស៊ុយអែតបានឲ្យដឹងថា ការសម្រេចផ្ទុយពីការណែនាំនិងអ្វីដែលប្រទេសជាច្រើនបានធ្វើនេះព្រោះអាជ្ញាធរស៊ុយអែតបានមើលឃើញថា គុណប្រយោជន៍ដែលកុមារក្នុងប្រទេសស៊ុយអែតអាចនឹងទទួលបានពីវ៉ាក់សាំងបង្ការជំងឺកូវីដ-១៩ នៅពេលនេះគឺមិនមានទំហំធំជាងហានិភ័យដែលអាចកើតមានចំពោះពួកនោះទេ។ លោកស្រី Britta Bjorkholm  ដែលជាប្រធានទីភ្នាក់ងារសុខភាពស៊ុយអែតបានបញ្ជាក់ថា គិតត្រឹមពេលនេះក្រុមអ្នកជំនាញស៊ុយអែតមិនបានរកឃើញថា ក្រុមកុមារស៊ុយអែតដែលមានអាយុចន្លោះពី ៥-១១ឆ្នាំចាំបាច់ត្រូវចាក់វ៉ាក់សាំងបង្ការជំងឺកូវីដ-១៩ ទាល់តែសោះ ពោលគឺពួកគេកំពុងស្ថិតនៅក្នុងក្រុមពលរដ្ឋដែលហានិភ័យទាបបំផុតក្នុងការឆ្លងជំងឺកូវីដ-១៩។ យ៉ាងណាក្តី លោកស្រ្តីប្រធានទីភ្នាក់ងារសុខភាពរូបនេះបានបន្តថា ចំំពោះកុមារស៊ុយអែតដែលស្ថិតនៅក្នុងក្រុមពលរដ្ឋមានហានិភ័យខ្ពស់ក្នុងការឆ្លងជំងឺកូវីដ-១៩ គឺពួកគេបានទៅទទួលវ៉ាក់សាំងរួចអស់ហើយ និងត្រៀមចាក់ដូសជម្រុញទៀតផងក្នុងករណីចាំបាច់។ គួរបញ្ជាក់ជូនថា ក្នុងពេលបច្ចុប្បន្ននេះប្រទេសស៊ុយអែតកំពុងប្រឈមខ្លាំងនឹងការរាតត្បាតជំងឺកូវីដ​-១៩​ ដែលជារលកទី ៤ ហើយគិតត្រឹមពេលនេះស៊ុយអែតបានរកឃើញអ្នកឆ្លងកូវីដ-១៩ សរុបចំនួនជាង ២លាននាក់ និងស្លាប់សរុប ១,៥

ថៃ៖ ក្នុងចំណោមអ្នកជំងឺកូវីដ-១៩ ចំ​នួន ១៤នាក់ ដែលអាជ្ញាធរសុខាភិបាលថៃបានប្រកាសថាបានឆ្លងមេរោគអូមីក្រុងក្លាយពូជប្រភេទ BA.2 កាលពីពេលថ្មីៗនេះ ពេលនេះមានអ្នកជំងឺម្នាក់ត្រូវបានសារព័ត៌មាន រាយការណ៍ថា Strains Times បានស្លាប់បាត់បង់ជីវិតហើយនៅក្នុងថ្ងៃព្រហស្បតិ៍ ទី ២៧ ខែមករានេះ។ បើតាមលោកវេជ្ជបណ្ឌិត Supphakit Siriluck ដែលជាប្រធាននាយកដ្ឋានវិទ្យាសាស្រ្តវេជ្ជសាស្រ្តថៃបានឲ្យដឹងពីការវិវឌ្ឍន៍នៃមេរោគអូមីក្រុងក្លាយពូជឬអាចហៅថាអូមីក្រុងជំនាន់ថ្មីនេះថា មេរោគប្រភេទនេះត្រូវបានរកឃើញដំបូងនៅក្នុងប្រទេសថៃកាលពីថ្ងៃទី ៦ ខែធ្នូឆ្នាំមុនម្លេះ ដោយពេលនោះមេរោគស្ថិតនៅទម្រង់ BA.1 ប៉ុណ្ណោះ។ ក្រោយមកនៅក្នុងថ្ងៃទី ២ ខែមករា ឆ្នាំ ២០២២ អ្នកជំនាញថៃបានរកឃើញមេរោគប្រភេទក្លាយពូជនេះម្តងទៀត តែវាបានវិវឌ្ឍន៍ឡើងដល់ទម្រង់ BA.2 ហើយរហូតមកទល់នឹងពេលនេះមេរោគបានវិវត្តន៍ឈានដល់ទម្រង់ BA.3

កូរ៉េខាងត្បូង៖ យោងតាមការចុះផ្សាយរបស់បណ្តាញសារព័ត៌មាន Straits Times បានឲ្យដឹងថា ប្រទេសកូរ៉េខាងត្បូងបានរកឃើញអ្នកឆ្លងជំងឺកូវីដ-១៩ក្នុងចំនួនដ៏ច្រើនបំផុតមួយសម្រាប់របាយការណ៍នៅក្នុងថ្ងៃព្រហស្បតិ៍ ទី២៧ ខែមករានេះ ហើយវាក៏ជាការបំបែកកំណត់ត្រារកឃើញអ្នកឆ្លងច្រើនបំផុតមិនធ្លាប់មានក្នុងរយៈពេល ៣ ថ្ងៃជាប់គ្នាផងដែរ។ គេនៅចាំបានថា កាលពីថ្ងៃទី ២៥ ខែមករា តួលេខអ្នកឆ្លងជំងឺកូវីដ-១៩ នៅក្នុងប្រទេសកូរ៉េខាងត្បូងបានកើនដល់ខ្ទង់ជាង ៨,០០០នាក់ជាលើកដំបូង ហើយបន្ទាប់មកនៅថ្ងៃទី ២៦ ខែមករា តួលេខអ្នកឆ្លងបានហក់ឡើងដល់ជាង ១៣,០០០នាក់ ដែលជាកំណត់ត្រាថ្មីមិនធ្លាប់មានផងដែរ។ សម្រាប់នៅក្នុងថ្ងៃទី ២៧ ខែមករានេះទៀតសោធ ចំនួនអ្នកឆ្លងជំងឺកូវីដ-១៩ នៅកូរ៉េខាងត្បូងនៅតែបន្តកើនឡើង ពោលគឺអាជ្ញាធរសុខាភិបាលកូរ៉េខាងត្បូងបានរកឃើញអ្នកឆ្លងថ្មីរហូតដល់ ១៤,៥១៨ នាក់ និងស្លាប់ចំនួន ៣៤នាក់ក្នុងរយៈពេល ២៤ម៉ោងចុងក្រោយនេះ។

ចិន៖ ចំនួនអ្នកឆ្លងជំងឺកូវីដ-១៩ នៅក្នុងប្រទេសចិនបន្តកើនឡើង ខណៈព្រឹត្តិការណ៍កីឡាអូឡាំពិករដូវរងាដែលគ្រោងនឹងរៀបចំឡើងនៅក្នុងទីក្រុប៉េកាំងកាន់តែខិតជិតមកដល់ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅព្រឹកថ្ងៃព្រហស្បតិ៍ ទី២៧ ខែមករានេះ។ បើតាមរបាយការណ៍របស់អាជ្ញាធរចិនសម្រាប់ថ្ងៃទី ២៧ ខែមករានេះបានបង្ហាញថា អាជ្ញាធរសុខាភិបាលចិនបានរកឃើញអ្នកឆ្លងជំងឺកូវីដ-១៩ ចំនួន ៦៣នាក់ ដែលតួលេខនេះមានការកើនឡើងចំនួន ១៩នាក់ បើធៀបទៅនឹងរបាយការណ៍កាលពីថ្ងៃទី ២៦ ខែមករា ម្សិលមិញនេះ។ ដោយឡែកបើនិយាយតែពីក្នុងទីក្រុងប៉េកាំងដែលជាកន្លែងទទួលរៀបចំព្រឹត្តិការណ៍កីឡាអូឡាំពិកវិញក៏មានករណីអ្នកឆ្លងកូវីដ-១៩ គួរឲ្យកត់សម្គាល់ដែរ ដោយកាលពីថ្ងៃទី ២៦ ខែមករានេះ អាជ្ញាធរក្រុងប៉េកាងបានរកឃើញអ្នកឆ្លងជំងឺកូវីដ-១៩ ចំនួន ១៤​នាក់ ដែលជាតួលេខអ្នកឆ្លងច្រើនបំផុតសម្រាប់ក្រុងប៉េកាំងក្នុងរលកនៃការរាត្បាតនារយៈពេលចុងក្រោយនេះ។ បើគិតចាប់តាំងពីថ្ងៃទី ១៥

កូរ៉េខាងត្បូង៖ នៅក្នុងថ្ងៃពុធ ទី២៦ ខែមករានេះ អាជ្ញាធរសុខាភិបាលនៃប្រទេសកូរ៉េខាងត្បូងបានប្រកាសពីការរកឃើញអ្នកឆ្លងជំងឺកូវីដ-១៩ ចំនួន ១៣,០១២ នាក់ ដែលជាកំណត់ត្រារកអ្នកឆ្លងជំងឺកូវីដ-១៩ ប្រចាំថ្ងៃច្រើនបំផុតមិនធ្លាប់មានទាល់តែសោះ រាប់ចាប់តាំងពីមានការរាតត្បាតជំងឺកូវីដ-១៩ ជាសកលមក។ តួលេខអ្នកឆ្លងថ្មីនេះគឺមានការកើនឡើងយ៉ាងច្រើនបើធៀបទៅនឹងរបាយការណ៍កាលពីថ្ងៃម្សិលមិញ ដោយនៅក្នុងថ្ងៃអង្គារ​ ទី២៥ ខែមករានេះ តួលេខអ្នកឆ្លងកូវីដ-១៩ នៅក្នុងប្រទេសកូរ៉េខាងត្បូងមានចំនួនជាង ៨,០០០ នាក់ប៉ុណ្ណោះ ខណៈតួលេខនេះក៏ជាចំនួនអ្នកឆ្លងច្រើនបំផុតមិនធ្លាប់មានសម្រាប់កូរ៉េខាងត្បូងផងដែរ បើធៀបទៅនឹងរយៈពេលកន្លងមក។ បើតាមអាជ្ញាធរសុខាភិបាលនៃប្រទេសកូរ៉េខាងត្បូងបានបញ្ជាក់ថា ក្នុងចំណោមអ្នកឆ្លងថ្មីទាំងអស់នោះគឺភាគច្រើនជាការចម្លងមេរោគបំប្លែងខ្លួនអូមីក្រុង ខណៈគេបានព្យាករណ៍ថានៅក្នុងរយៈពេល ២-៣សប្តាហ៍បន្ទាប់ទៀត វ៉ារ្យ៉ង់អូមីក្រុងនឹងគ្របដណ្ដប់ជាង ៩០% នៃករណីឆ្លងសរុបនៅទូទាំងប្រទេសកូរ៉េខាងត្បូង។ ជាងនេះទៅទៀតអ្នកជំនាញផ្នែកជំងឺឆ្លងក៏បានព្យាករណ៍ដែរថា ចំនួនអ្នកឆ្លងជំងឺកូវីដ-១៩ប្រចាំថ្ងៃនៅកូរ៉េខាងត្បូងអាចនឹងកើនឡើងដល់ខ្ទង់ ២០,០០០-៣០,០០០នាក់ក្នុងរយៈពេល ២-៣សប្តាហ៍ក្រោយនេះ។ គួរបញ្ជាក់ថា

សិង្ហបុរី៖ យោងតាមការចុះផ្សាយនៅក្នុងបណ្តាញសារព័ត៌មាន Channel News Asia បានឲ្យដឹងថា អាជ្ញាធរសុខាភិបាលសិង្ហបុរីបានរកឃើញអ្នកឆ្លងជំងឺកូវីដ-១៩​ ចំនួន ៥,៩៩៦នាក់ និងស្លាប់ចំនួន ២នាក់ នៅក្នុងរបាយការណ៍ប្រចាំថ្ងៃដែលបានបិទបញ្ចប់ត្រឹមល្ងាចថ្ងៃអង្គារ ទី២៥ ខែមករា ម្សិលមិញនេះ។ ក្នុងចំណោមអ្នកឆ្លងជំំងឺកូវីដ-១៩ ថ្មីទាំងអស់នោះគឺមានករណីឆ្លងចំនួន ៥,៥៧៨នាក់ត្រូវបានរកឃើញក្នុងចំណោមពលរដ្ឋនៅតាមសហគមន៍ទូទាំងប្រទេសសិង្ហបុរី និង ១៤៨ករណីផ្សេងទៀតគឺជាករណីនាំចូលមកពីក្រៅប្រទេសតាមរយៈអ្នកដំណើរ។ បើតាមអាជ្ញាធរសុខាភិបាលសិង្ហបុរីបានបញ្ជាក់ថា ក្នុងចំណោមអ្នកឆ្លងទាំងអស់នោះក៏មានករណីឆ្លងគួរឲ្យកត់សម្គាល់បំផុតចំនួន ២ករណីផងដែរ ដែលវាជាការរកឃើញលទ្ធផលវិជ្ជមានកូវីដ-១៩ នៅក្នុងខ្លួនមនុស្សដែលគ្មានរោគសញ្ញាអ្វីទាល់តែសោះ ហើយអ្នកជំនាញសិង្ហបុរីបានហៅការចម្លងជំងឺកូវីដ-១៩ នេះថា ជាការចម្លងប្រភេទ Protocol 2។ គួរបញ្ជាក់ជូនថា ចំនួនអ្នកឆ្លងជំងឺកូវីដ-១៩ នៅក្នុងប្រទេសសិង្ហបុរីបានបន្តកើនឡើងយ៉ាងគួរឲ្យកត់សម្គាល់ក្នុងរយៈពេលជាច្រើនសប្តាហ៍ចុងក្រោយនេះ ហើយគិតត្រឹមពេលនេះសិង្ហបុរីបានរកឃើញអ្នកឆ្លងសរុបចំនួន