អង់គ្លេស៖ យោងតាមការចុះផ្សាយរបស់បណ្តាញសារព័ត៌មាន Channel News Asia កាលពីយប់ថ្ងៃសុក្រ ទី២១ ខែមករា ម្សិលមិញនេះបានឲ្យដឹងថា ប្រទេសអង់គ្លេសបានរកឃើញវ៉ារ្យ៉ង់នៃជំងឺកូវីដ-១៩ ថ្មីមួយប្រភេទទៀត ដែលស្ថិតនៅត្រកូលជាមួយវ៉ារ្យ៉ង់អូមីក្រុងដែរ ហើយពេលនេះក្រុមអ្នកជំនាញអង់គ្លេសកំពុងតាមដានករណីនេះយ៉ាងយកចិត្តទុកដាក់បំផុត។ បើយោងតាមទីភ្នាក់ងារសន្តិសុខសុខភាពនៃប្រទេសអង់គ្លេសបានបញ្ជាក់ថា វ៉ារ្យ៉ង់នៃជំងឺកូវីដ-១៩ថ្មីនេះមានលេខកូដសម្គាល់ BA.2 ហើយបើទោះជាវាមានលេខកូដសម្គាល់ផ្សេងពីវ៉ារ្យ៉ង់អូមីក្រុងក៏ពិតមែន តែរហូតមកទល់នឹងពេលនេះគេនៅមិនទាន់រកឃើញថាវាមានលក្ខណៈអ្វីខុសប្លែកខ្លាំងពីមេរោគអូមីក្រុងនៅឡើយទេ។ ប្រភពខាងលើបានបន្តថា ការពិតវ៉ារ្យ៉ង់ថ្មីនេះត្រូវបានអ្នកជំនាញអស់គ្លេសរកឃើញតាំងពីថ្ងៃទី ១០ ខែមករាម្លេះ តែការសម្រេចទទួលស្គាល់ថាវាពិតជាវ៉ារ៉្យង់ថ្មីនិងមានលេខសម្គាល់ថ្មីទើបត្រូវបានធ្វើឡើងជាផ្លូវការកាលពីថ្ងៃសុក្រម្សិលមិញនេះ។ គួរបញ្ជាក់ជូនថា ក្រោយពេលដែលអង់គ្លេសសម្រេចកំណត់ថាមានវ៉ារ្យ៉ង់ថ្មីនេះ​ ស្រាប់តែប្រទេសដាណឺម៉ាកបានជូនដំណឹងថា វ៉ារ្យ៉ង់ប្រភេទ BA.2 នេះកំពុងរាតត្បាតយ៉ាងខ្លាំង​នៅក្នុងប្រទេសខ្លួន ពោលគឺគិតត្រឹមសប្តាហ៍ទី ២ នៃខែមករានេះវ៉ារ្យ៉ង់ BA.2 បានគ្របដណ្ដប់ប្រមាណជា

ថៃ៖ បើគ្មានអ្វីប្រែប្រួលទេគឺថ្ងៃទី ២៦ ខែមករានេះ វ៉ាក់សាំងបង្ការជំងឺកូវីដ-១៩ ប្រភេទ Pfizer ចំនួន ៣លានដូសនឹងត្រូវដឹកជញ្ជូនទៅដល់ប្រទេសថៃហើយ នេះបើយោងតាមការចុះផ្សាយរបស់កាសែត បាងកកប៉ុស្តិ៍ នៅព្រឹកថ្ងៃ សុក្រ ទី២១ ខែមករានេះ។ បើតាមលោក Anutin Charnvirakul ដែលជារដ្ឋមន្ត្រីក្រសួងសុខាភិបាលថៃបានបញ្ជាក់ថា វ៉ាក់សាំង Pfizer ចំនួន ៣លានដូសនេះគឺជាកញ្ចប់ទី ៣ នៃវ៉ាក់សាំងសរុបចំនួន ១០ លានដូស ដែលអាជ្ញាធរថៃបានចុះកិច្ចសន្យាបញ្ជាទិញពីក្រុមផលិតឱសថដ៏ធំរបស់អាមេរិកមួយនេះ។ លោករដ្ឋមន្ត្រីរូបនេះបានបញ្ជាក់ថា វ៉ាក់សាំងទាំង ៣លានដូសនេះគឺសម្រាប់ចាក់ជូនក្រុមកុមារថៃដែលមានអាយុចាប់ពី ៥ ដល់ ១១ ឆ្នាំ

អូស្រ្តាលី៖ ប្រទេសអូស្រ្តាលីនឹងបន្តបែកចែកប្រទេសខ្លួនជា ២តំបន់ក្នុងរយៈពេល ២សប្តាហ៍បន្ថែមទៀត គឺតំបន់ដែលមានការបិទខ្ទប់និងតំបន់ធម្មតា ដ្បិតស្ថានភាពរាតត្បាតជំងឺកូវីដ-១៩ប្រភេទអូមីក្រុងនៅមិនទាន់មានភាពធូរស្រាលនៅឡើយ។ យោងតាមការចុះផ្សាយនៅក្នុងបណ្តាញសារព័ត៌មាន  Channel News Asia បានបញ្ជាក់ថា តំបន់ដែលត្រូវបន្តអនុវត្តវិធានការបិទខ្ទប់នោះគឺតំបន់ភាគខាងលិចប្រទេស ហើយវិធានការបិទខ្ទប់ព្រំដែនតំបន់ភាគខាងលិចនេះគឺត្រូវបន្តអនុវត្តរហូតដល់ថ្ងៃទី ៥ ខែកុម្ភៈ​ ឬអាចយូរជាងនេះតាមស្ថានភាពចាំបាច់ជាក់ស្តែង។ ប្រភពខាងលើបានបន្តថា ការសម្រេចខាងលើនេះគឺត្រូវបានធ្វើឡើងស្របពេលដែរប្រទេសអូស្រ្តាលីបានបន្តរកឃើញអ្នកស្លាប់ដោយជំងឺកូវីដ-១៩ ក្នុងចំនួនច្រើនដ៏ច្រើន ពោលគឺនៅក្នុងថ្ងៃទី ២១ ខែមករានេះ អាជ្ញាធរសុខាភិបាលអូស្រ្តាលីបានរកឃើញអ្នកស្លាប់ដោយជំងឺកូវីដ-១៩ រហូតដល់ ៨០នាក់ និងអ្នកឆ្លងថ្មីចំនួន ៦០,២៣២នាក់ផងដែរ។ បើតាមអាជ្ញាធរសុខាភិបាលអូស្រ្តាលីបានបញ្ជាក់ថា ស្ថានភាពរាតត្បាតជំងឺកូវីដ-១៩នៅទូទាំងប្រទេសនឹងមានភាពល្អប្រសើរ ប្រសិនបើចំនួនពលរដ្ឋដែលបានទទួលវ៉ាក់សាំង​បង្ការជំងឺកូវីដ-១៩ ដូសទី ៣ កើនឡើងរហូតដល់ ៨០% នៃចំនួនពលរដ្ឋសរុប

ថៃ៖ យោងតាមការចុះផ្សាយនៅក្នុងបណ្តាញសារព័ត៌មាន Straits Times បានឲ្យដឹងថា ប្រទេសថៃនឹងលុបចោលវិធានការតម្រូវឲ្យអ្នកដំណើរអន្តរជាតិត្រូវធ្វើចត្តាឡីស័កជាថ្មីម្តងទៀតហើយ ក្រោយស្ថានភាពនៃការរាតត្បាតជំងឺកូវីដ-១៩នៅក្នុងប្រទេសថៃហាក់មានភាពធូរស្រាលជាងមុន។ បើតាមលោក Rachada Dhnadirek ដែលជាអ្នកនាំពាក្យឲ្យរដ្ឋាភិបាលថៃបានបញ្ជាក់ថា វិធានការលើកលែងការធ្វើចត្តាឡីស័កចំពោះក្រុមអ្នកដំណើរអន្តរជាតិនេះនឹងត្រូវផ្តើមអនុវត្តចាប់ពីថ្ងៃទី ១ ខែកុម្ភៈនេះតទៅ ហើយជំនួសមកវិញអ្នកដំណើរទាំងនោះត្រូវអនុ​វត្តវិធានការ Test & Go។ អ្នកនាំពាក្យរូបនេះបានបន្តថា តាមរយៈការអនុវត្តវិធានការ Test & Go គឺអ្នកដំណើរទាំងអស់នឹងតម្រូវឲ្យធ្វើតេស្តរកជំងឺកូវីដ-១៩ ភ្លាមពេលមកដល់ទឹកដីថៃហើយបើលទ្ធផលអវិជ្ជមានគឺពួកគេអាចបន្តដំណើរកំសាន្តបាន តែ ៥ថ្ងៃក្រោយមកពួកត្រូវតែធ្វើតេស្តម្តងទៀត។ សូមបញ្ជាក់ថា វិធានការដូចបានជម្រាបជូនខាងលើនេះត្រូវអនុវត្តចំពោះអ្នកដំណើរមកពីគ្រប់ប្រទេសដែលបានចាក់វ៉ាក់សាំងបង្ការជំងឺកូវីដ-១៩រួចរាល់។ គួររម្លឹកជូនផងដែរថា វិស័យទេសចរណ៍អន្តរជាតិគឺជាប្រភពចំណូលដ៏សំខាន់មួយសម្រាប់សេដ្ឋកិច្ចជាតិថៃ ហើយបើយោងតាមរបាយការណ៍នៅក្នុងឆ្នាំ ២០១៩ បានបង្ហាញថា

ការសិក្សាមួយនៅសហរដ្ឋអាមេរិកបានរកឃើញថា អ្នកធ្លាប់ឆ្លងជំងឺកូវីដ-១៩ នាពេលកន្លងមកគឺមានប្រព័ន្ធភាពស៊ាំខ្លាំងជាងអ្នកដែលបានចាក់វ៉ាក់សាំងបង្ការជំងឺកូវីដ-១៩ ទៅទៀត នេះបើនិយាយតែក្នុងលក្ខខណ្ឌប្រឆាំងជាមួយនឹងវ៉ារ៉្យង់ Delta ប៉ុណ្ណោះ នេះបើយោងតាមការរាយការណ៍របស់មន្ត្រីសុខាភិបាលរដ្ឋកាលីហ្វ័រញ៉ា និងញូវយ៉ក កាលពីថ្ងៃពុធ ទី១៩ ខែមករា ម្សិលមិញនេះ និងត្រូវបានចុះផ្សាយបន្តដោយបណ្តាញសារព័ត៌មាន Channel News Asia នៅព្រឹកថ្ងៃព្រហស្បតិ៍ ទី២០ ខែមករានេះ។ ការសិក្សាក៏បានបង្ហាញផងដែរថា ប្រព័ន្ធការពារមានកំរិតខ្ពស់បំផុតនៅចំណោមអ្នកដែលបានចាក់វ៉ាក់សាំងការពារហើយ និងធ្លាប់ឆ្លងជំងឺកូវីដ-១៩ រួចបានជាសះស្បើយ ហើយបានធៀបនឹងអ្នកមិនបានចាក់វ៉ាក់សាំង ឬមិនធ្លាប់ឆ្លងជំងឺកូវីដ-១៩ គឺប្រព័ន្ធការពារមានកំរិតទាបមែនទែន។ តាមរយៈការសិក្សានេះក្រុមអ្នកជំនាញនៅតែអះអាងថា ការចាក់វ៉ាក់សាំងគឺជាជម្រើសដ៏ល្អនិងមានសុវត្ថិភាពបំផុតដើម្បីឆ្លើយតបទៅនឹងវ៉ារ៉្យង់គ្រប់ប្រភេទរបស់ជំងឺកូវីដ-១៩។ គួរបញ្ជាក់ថា ការសិក្សានេះមិនបានផ្តោតទៅលើវ៉ារ្យ៉ង់អូមីក្រុងនោះទេ ខណៈក្នុងពេលនេះវ៉ារ្យ៉ង់អូមីក្រុងបានគ្រប់ដណ្ដប់រហូតដល់ ៩៩,៥ %នៃចំនួនអ្នកឆ្លងជំងឺកូវីដ-១៩សរុបនៅទូទាំងសហរដ្ឋអាមេរិក៕

ការសិក្សាមួយបានរកឃើញថា នៅក្នុងឆ្នាំ ២០១៩កន្លងទៅមានពលរដ្ឋនៅជុំវិញពិភពលោកជាង ១,២ លានបានស្លាប់បាត់បង់ជីវិតដោយសាពពួកមេរោគដែលធន់នឹងថ្នាំពេទ្យ ខណៈតួលេខអ្នកស្លាប់នេះគឺមានចំនួនច្រើនជាងអ្នកស្លាប់ដោយជំងឺអេដស៍ និងជំងឺគ្រុនចាញ់ទៅទៀត។ ការសិក្សាមួយនេះត្រូវបានធ្វើឡើងដោយក្រុមអ្នកជំនាញផ្នែកថ្នាំពេទ្យជាច្រើននាក់មកពីបណ្តាប្រទេសផ្សេងៗគ្នានិងបានសិក្សាអំពីផលប៉ះពាល់នៃការប្រើប្រាស់ថ្នាំនៅក្នុងប្រទេសចំនួន ២០៤ នៅជុំវិញពិភពលោក ហើយលទ្ធផលនៃការសិក្សានេះត្រូវបានចុះផ្សាយបន្តដោយបណ្តាញសារព័ត៌មាន Channel News Asia នៅព្រឹកថ្ងៃព្រហស្បតិ៍ ទី២០ ខែមករានេះ។ បើតាមការពន្យល់របស់ក្រុមអ្នកជំនាញបានឲ្យដឹងថា ហេតុផលដែលធ្វើឲ្យពលរដ្ឋទាំងអស់នេះត្រូវស្លាប់បាត់បង់ជីវិតក៏ព្រោះតែក្នុងរាងកាយរបស់ពួកគាត់មានបាក់តេរីឬពពួកមេរោគដែលធន់នឹងថ្នាំពេទ្យ ហើយបញ្ហានេះទៀតសោធគឺបង្កឡើងដោយសាពួកគាត់បានប្រើប្រាស់ថ្នាំផ្សះច្រើនលើសកម្រិតឬប្រើប្រាស់ដោយមិនបានត្រឹមត្រូវតាមការណែនាំរបស់វេជ្ជបណ្ឌិត។ នៅក្នុងការសិក្សាដដែលនេះបានបញ្ជាក់ទៀតថា ពលរដ្ឋទាំងជាង ១,២លាននាក់ខាងលើនេះគឺបានស្លាប់ដោយផ្ទាល់ពីការប្រើប្រាស់ថ្នាំផ្សះច្រើនលើសកម្រិតឬប្រើប្រាស់មិនបានត្រឹមត្រូវ ខណៈបញ្ហានេះក៏មានការពាក់ព័ន្ធជាមួយករណីស្លាប់ចំនួន ៤,៩៥លាននាក់ផ្សេងទៀតផងដែរ។ គួររម្លឹកជូនថា កាលពីឆ្នាំមុនអង្គការសុខភាពពិភពលោកបានចេញរបាយការណ៍មួយព្រមានពីផលប៉ះពាល់នៃការប្រើថ្នាំផ្សះរួចហើយ និងថែមទាំងបានហាមឃាត់មិនឲ្យមានការប្រើប្រាស់ថ្នាំផ្សះចំនួន ៤៣ប្រភេទទៀតផង ព្រោះតែថ្នាំទាំងនោះអាចបង្កគ្រោះថ្នាក់ធ្ងន់ធ្ងរចំពោះសុខភាព៕ ប្រភព៖ Channel News Asia

អង្គការសុខភាពពិភពលោកបានបញ្ជាក់ថា គិតត្រឹមពេលនេះការរាតត្បាតនៃជំងឺកូវីដ-១៩ គឺនៅវែងឆ្ងាយពីទីបញ្ចប់ណាស់ នេះបើយោងតាមអត្ថបទសារព័ត៌មួយដែលបានចុះផ្សាយដោយការសែត បាងកកប៉ុស្តិ៍ នៅព្រឹកថ្ងៃព្រហស្បតិ៍ ទី ២០ ខែមករានេះ។ ការបញ្ជាក់នេះត្រូវបានធ្វើឡើងស្របពេលដែលប្រទេសធំៗមួយចំនួនដូចជា អាឡឺម៉ង់ ប្រេស៊ីល និងបារាំងសុទ្ធតែបានរកឃើញអ្នកឆ្លងជំងឺកូវីដ-១៩ ក្នុងចំនួនច្រើនបំផុតមិនធ្លាប់មាននៅក្នុងរយៈ ២៤ម៉ោងចុងក្រោយនេះ ខណៈបារាំងមានតួលេខអ្នកឆ្លងកូវីដ-១៩ប្រចាំថ្ងៃរហូតជិតដល់កន្លះលាននាក់។ លោកវេជ្ជបណ្ឌិត​ Tedros Adhanom Ghebreyesus ដែលជាប្រធានអង្គការសុខភាពពិភពលោកបានប្រាប់អ្នកសារព័ត៌មានពីទីស្នាក់ការកណ្តាលនៅឯទីក្រុងហ្សឺណែវថា ក្នុងពេលនេះគេនៅមិនទាន់រកឃើញថាជំងឺកូវីដ-១៩នឹងត្រូវបញ្ចប់នៅទីណានិងពេលណានោះទេ ពោលគឺវានឹងបន្តរាតត្បាតក្នុងរយៈពេលយូរទៀតហើយគេក៏មិនអាចព្យាករណ៍បានថាយូររហូតដល់ពេលណាដែរ។ លោកបានបន្តថា បើទោះជាយើងមានវ៉ាក់សាំងដើម្បីឆ្លើយតបនឹងជំងឺកូវីដ-១៩ក៏ដោយ តែកូវីដ-១៩ក៏នៅបន្តបំប្លែងខ្លួនទៅជាមេរោគកាចសាហាវក្នុងទម្រង់ផ្សេងៗទៀតបានផងដែរ។ ជាក់ស្តែងដូចក្នុងពេលបច្ចុប្បន្ននេះជំងឺកូវីដ-១៩​ ប្រភេទអូមីក្រុងបានកំពុងតែបង្កការរាតត្បាតយ៉ាងលឿននៅជុំវិញពិភពលោក ហើយអ្វីដែលគួរឲ្យកត់សម្គាល់នោះគឺប្រទេសមួយចំនួនសុទ្ធតែបានរកឃើញអ្នកឆ្លងប្រចាំថ្ងៃក្នុងចំនួនច្រើនបំផុតមិនធ្លាប់មាន បើទោះជាប្រទេសទាំងនោះបានចាក់វ៉ាក់សាំងជូនពលរដ្ឋខ្លួនបានចំនួនច្រើនរួចហើយក៏ដោយ៕ អត្ថបទ៖ ភក្តី ប្រភព៖ បាងកកប៉ុស្តិ៍

ហុងកុង៖ កាលពីថ្ងៃអង្គារ ទី១៨ ខែមករា ម្សិលមិញនេះ អាជ្ញាធរក្រុងហុងកុងបានបញ្ជាឲ្យសម្លាប់សត្វកណ្តុរចិញ្ចឹម (Hamster) ប្រហែលជា ២,០០០ក្បាល ដើម្បីទប់ស្កាត់ការចម្លងជំងឺកូវីដ-១៩នៅក្នុងសហគមន៍ នេះបើយោងតាមការចុះផ្សាយរបស់បណ្តាញសារព័ត៌មាន Straits Times។ ក្រៅតែពីបានសម្លាប់សត្វកណ្តុរដែលជាប្រភេទសត្វចិញ្ចឹមលម្អនៅក្នុងផ្ទះរាប់ពាន់ក្បាល អាជ្ញាធរក្រុងហុងកុងក៏បានបញ្ជាឲ្យបិទហាងលក់សត្វចិញ្ចឹមចំនួន ៣៤កន្លែងជាបណ្តោះអាសន្នផងដែរ ខណៈបុគ្គលិកនៅក្នុងហាងទាំងអស់នោះរួមជាមួយនឹងសត្វចិញ្ចឹមមួយចំនួនផងត្រូវកំណត់ឲ្យធ្វើតេស្តរកជំងឺកូវីដ-១៩ទាំងអស់។ ប្រភពខាងលើបានបញ្ជាក់ថា វិធានការដាច់ខាតនេះត្រូវបានដាក់ចេញជាបន្ទាន់ក្រោយអាជ្ញាធរហុងកុងបានរកឃើញថា មានបុគ្គលិកម្នាក់បម្រើការងារនៅក្នុងហាងលក់សត្វចិញ្ចឹមឈ្មោះ Little Boss បានតេស្តវិជ្ជមានជំងឺកូវីដ-១៩ ប្រភេទដែលតា កាលពីថ្ងៃចន្ទកន្លងទៅ ហើយករណីនេះបានបន្តចម្លងទៅកាន់មនុស្សចំនួន ៣នាក់បន្ថែមទៀតនិងសម្រាប់ទីតាំងមួយកន្លែងនេះ ខណៈអាជ្ញាធរហុងកុងក៏កំពុងតាមរកពលរដ្ឋចំនួន ១៥០នាក់ផ្សេងទៀតឲ្យមកធ្វើតេស្តរកជំងឺកូវីដ-១៩ ផងដែរ ព្រោះពួកគេធ្លាប់បានមកហាងមួយនេះនៅចន្លោះថ្ងៃទី ៧-១៥ ខែមករានេះ។ អាជ្ញាធរហុងកុងបានបន្តថា

ថៃ៖ នៅថ្ងៃពុធ ទី១៩ ខែមករានេះ​អាជ្ញាធរសុខាភិបាលនៃប្រទេសថៃបានប្រកាសពីការរកឃើញអ្នកឆ្លងជំងឺកូវីដ ១៩ ចំនួន ៧,១២២នាក់ និងបានរកឃើញអ្នកស្លាប់ចំនួន ១២នាក់ផងដែរ។ ក្នុងចំណោមអ្នកឆ្លងទាំងអស់នោះមានអ្នកឆ្លងចំនួន ៦,៩៥០ នាក់គឺជាពលរដ្ឋទូទៅ និង ១៧២នាក់ផ្សេងទៀតគឺជាអ្នកទោសដែលកំពុងជាប់ឃុំឃាំង។ បើតាមការចុះផ្សាយនៅក្នុងបណ្តាញសារព័ត៌មាន បាងកកប៉ុស្តិ៍ បានបញ្ជាក់ថា ក្នុងណោមករណីឆ្លងថ្មីទាំងអស់នោះគឺមាន ៩០% ជាករណីឆ្លងជំងឺកូវីដ-១៩ បំប្លែងខ្លួនថ្មីប្រភេទអូមីក្រុង។ គួរបញ្ជាក់ជូនថា គិតត្រឹមពេលនេះប្រទេសថៃបានរកឃើញអ្នកឆ្លងជំងឺកូវីដ ១៩ សរុបចំនួនជាង ២,៣លាននាក់ និងស្លាប់សរុបជាង ២,១ម៉ឺននាក់ផងដែរ។ ចំពោះផែនការចាក់វ៉ាកសាំងវិញរហូតមកទល់នឹងពេលនេះអាជ្ញាធរសុខាភិបាលថៃបានសម្រេចការចាក់វ៉ាក់សាំងបង្ការជំងឺកូវីដ-១៩រួចរាល់ចំនួន ២ដូសជូនពលរដ្ឋបានចំនួន ៦៨% សម្រាប់អ្នកចាក់វ៉ាក់សាំងបានយ៉ាងតិច ១ដូសមានចំនួន ៧៤%

លោក Soumya Swaminathan ដែលជាប្រធានផ្នែកវិទ្យាសាស្រ្តនៃអង្គការសុខភាពពិភពលោកបានឲ្យដឹងកាលពីថ្ងៃអង្គារ ទី១៨ ខែមករាម្សិលមិញនេះថា រហូតមកទល់នឹងពេលនេះគ្មានភស្តុតាងណាមួយបញ្ជាក់ថាកុមារនិងក្មេងជំទង់ដែលមានសុខភាពល្អធម្មតាត្រូវការចាក់វ៉ាក់សាំងបង្ការជំងឺកូវីដ-១៩ ដូសជម្រុញនោះទេ។ ប្រធានផ្នែកវិទ្យាសាស្រ្តរូបនេះបានបញ្ជាក់ថា បើទោះជាមានការអះអាងថាការចាក់វ៉ាក់សាំងដូសជម្រុញអាចជួយទប់ស្កាត់ការចម្លងមេរោគអូមីក្រុងក្នុងចំណោមពលរដ្ឋពេញវ័យទូទៅក៏ពិតមែន តែបើយោងតាមការសិក្សារបស់ក្រុមអ្នកជំនាញនៃអង្គការសុខភាពពិភពក្នុងពេលនេះគឺវាគ្មានភស្តុតាងទាល់តែសោះដែលបញ្ជាក់ថាកុមារនិងក្មេងជំទង់ដែលមានសុខភាពល្អចាំបាច់ត្រូវចាក់វ៉ាក់សាំងកូវីដ-១៩ ដូសជម្រុញ។ យ៉ាងណាក្តី លោក Soumya Swaminathan បានបញ្ជាក់ថា ក្រុមអ្នកជំនាញនៃអង្គការសុខភាពពិភពលោកក៏កំពុងបន្តការសិក្សាបន្ថែមទៀតជុំវិញករណីនេះផងដែរ ដើម្បីរកឲ្យឃើញច្បាស់ថាតើក្រុមមនុស្សប្រភេទណាឬស្ថិតនៅអាយុជាក់លាក់ប៉ុណ្ណាដែលត្រូវការវ៉ាក់សាំងដូសជម្រុញជាចាំបាច់នោះ។ គួររម្លឹកជូនថា បើទោះជាមានការរកឃើញដូចនេះក្តីតែប្រទេសមួយចំនួនបានសម្រេចចផ្តល់វ៉ាក់សាំងកូវីដ-១៩ ដូសជម្រុញជូនពលរដ្ឋជាកុមារនិងក្មេងជំទង់រួចទៅហើយ ជាក់ស្តែងអ៊ីស្រាអែលជាប្រទេសដំបូងគេដែលបានផ្តើមចាក់វ៉ាក់សាំងដូសជម្រុញជូនកុមារមានអាយុត្រឹម ១២ឆ្នាំ។ កាលពីដើមខែនេះរដ្ឋបាលផ្នែកចំណីអាហារនិងឱសថអាមេរិកក៏បានអនុញ្ញាតឲ្យមានការចាក់វ៉ាក់សាំងប្រភេទ Pfizer សម្រាប់ជាដូសជម្រុញចំពោះកុមារដែលមានអាយុចាប់ពី ១២-១៥ឆ្នាំផងដែរ។ ដោយឡែកសម្រាប់ប្រទេសអាឡឺម៉ង់វិញកាលពីសប្តាហ៍មុននេះបានណែនាំឲ្យពលរដ្ឋដែលមានអាយុចាប់ពី ១២-១៧ឆ្នាំ ប្រញាប់ទៅទទួលវ៉ាក់សាំងដូសជម្រុញឲ្យបានគ្រប់ៗគ្នា ដើម្បីការពារខ្លួនពីមេរោគនៃជំងឺកូវីដ-១៩ បំប្លែងខ្លួនថ្មីប្រភេទអូមីក្រុង៕ អត្ថបទ៖ ភក្តី ប្រភព៖