វៀតណាម៖ សារព័ត៌មាន Channel News Asia បានរាយការណ៍ថា អាជ្ញាធរវៀតណាមបានសម្រេចបន្តអនុវត្តច្បាប់រឹតបន្តឹងទីក្រុងហូជីមិញរហូតដល់ចុងខែសីហានេះ ក្រោយចំនួនអ្នកឆ្លងនិងស្លាប់ដោយជំងឺកូវីដ ១៩ នៅទូទាំងប្រទេសបន្តកើនឡើងយ៉ាងគំហុក។ គួរបញ្ជាក់ថា ហូជីមិញគឺជាទីក្រុងពាណិជ្ជកម្មដ៏ធំរបស់វៀតណាម ដោយក្រុងមួយនេះមានប្រជាពលរដ្ឋរស់នៅប្រមាណជា ៩ លាននាក់ផងដែរ។ បើតាមរបាយការណ៍របស់អាជ្ញាធរសុខាភិបាលវៀតណាមបានឲ្យដឹងថា គិតត្រឹមពេលនេះមានប្រជាពលរដ្ឋវៀតណាមត្រឹមតែ ១% ប៉ុណ្ណោះក្នុងចំណោមពលរដ្ឋសរុបជិត ៩៧លាននាក់ ដែលបានចាក់វ៉ាក់សាំងបង្ការជំងឺកូវីដរួចរាល់ទាំង ២ ដូស។ ដោយឡែកសម្រាប់នៅក្នុងទីក្រុងហូជីមិញវិញគឺមានពលរដ្ឋចំនួន ១៣០,០០០ នាក់បានចាក់វ៉ាក់សាំងរួចរាល់ទាំង ២ដូស ខណៈពលរដ្ឋប្រមាណជា ២/៣ នៃពលរដ្ឋសរុប ៩លាននាក់ ទើបទទួលបានវ៉ាក់សាំងដូសទីមួយ។ សូមបញ្ជាក់ផងដែរថា ជាច្រើនសប្តាហ៍ចុងក្រោយនេះចំនួនអ្នកឆ្លងកូវីដ

ចំនួនប្រជាពលរដ្ឋស្បែកសនៅអាមេរិកបានធ្លាក់ចុះជាលើកដំបូងក្នុងប្រវត្តិសាស្រ្ត នេះបើយោងតាមទិន្នន័យនៃការធ្វើជំរឿនប្រចាំឆ្នាំ ២០២០ ខណៈដែលលទ្ធផលផ្លូវការចុងក្រោយនៃការធ្វើជំរឿននេះទើបត្រូវបានបង្ហាញជាសាធារណៈកាលពីថ្ងៃព្រហស្បតិ៍ ទី ១២ ខែ សីហា​ ម្សិលមិញនេះ។ ទិន្នន័យជាក់ស្តែងនៃការធ្វើជំរឿនក្នុងរដ្ឋទាំង​ ៥០ របស់សហរដ្ឋអាមេរិកបានបង្ហាញថា ក្នុងរយៈពេល ១០ ឆ្នាំចុងក្រោយនេះពោលគឺចាប់ពីឆ្នាំ ២០១០ រហូតដល់ ឆ្នាំ ២០២០ ចំនួនពលរដ្ឋស្បែកសបានធ្លាក់ចុះ ៨,៦ %  ដែលវាគឺជាការធ្លាក់ចុះលើកដំ​បូងបើគិតចាប់តាំងពីឆ្នាំ ១៧៩០ មក។ បើទោះជាមានការធ្លាក់ចុះមែនតែក្រុមពលរដ្ឋស្បែកសនៅតែមានចំនួនច្រើនជាងគេ ដោយក្រុមពលរដ្ឋស្បែកសនៅសហរដ្ឋអាមេរិកមានចំនួន ២០៤ លាននាក់ឬស្មើនឹង ៦១,៦% នៃចំនួនពលរដ្ឋសរុប​ ខណៈនាពេលកន្លងមកចំនួនពលរដ្ឋស្បែកសមានរហូតដល់ ៧២,៤ %ឯណោះ។

ថៃ៖ យោងតាមការចុះផ្សាយរបស់សារព័ត៌មាន បាងកកប៉ុស្តិ៍ បានឲ្យដឹងថា កាលពីថ្ងៃព្រហស្បតិ៍ម្សិលមិញនេះរដ្ឋាភិបាលថៃបានសម្រេចផ្អាកដំណើរការនៃការបញ្ជាទិញឧបករណ៍សម្រាប់ធ្វើតេស្តអង់ទីហ្សែនជំងឺកូវីដ-១៩ ហើយ ក្រោយទទួលបានដំណឹងថាឧបករណ៍ធ្វើតេស្តទាំងនោះពុំសូវមានគុណភាពនោះទេ។ គួរម្លឹកថា តាមគម្រោងគឺរដ្ឋាភិបាលថៃនឹងទិញឧបករណ៍សម្រាប់ធ្វើតេស្តអង់ទីហ្សែនជំងឺកូវីដ-១៩ ចំនួន ៨,៥ លាន ដោយឧបករណ៍ ១ មានតម្លៃ ៧០ បាត (ជាង ២ដុល្លារ) ខណៈតម្លៃនេះគឺជាតម្លៃដែលបានបូកបញ្ចូលទាំងតម្លៃពន្ធរួចទៀតផង។ បើតាមលោកវេជ្ជបណ្ឌិត Kiatiphum Wongrajit ដែលជារដ្ឋលេខាធិការអចិន្ត្រៃយ៍នៃក្រសួងសុខាភិបាលសាធារណៈថៃបានបញ្ជាក់ ការសម្រេចផ្អាកទិញឧបករណ៍សម្រាប់ធ្វើតេស្តអង់ទីហ្សែនកូវីដ-១៩ នេះ ត្រូវបានធ្វើឡើងភ្លាមៗក្រោយមានប្រព័ន្ធផ្សព្វផ្សាយជាច្រើនបានរាយការណ៍ថា ឧបករណ៍ដែលរដ្ឋាភិបាលគ្រោងទិញនោះពុំមានប្រសិទ្ធភាពឡើយ ពោលគឺវាមិនអាចបង្ហាញពីកម្រិតនៃអង់ទីហ្សែនបានត្រឹមត្រូវនោះទេ។ លោកវេជ្ជបណ្ឌិតរូបនេះបានបន្តថា ទោះត្រូវផ្អាកទិញឧបករណ៍ធ្វើតេស្តទាំងនេះមែនតែរដ្ឋាភិបាលមិនបានលុបចោលគម្រោងទិញនោះទេ ដោយពេលនេះក្រុមអ្នកជំនាញកំពុងស្វែងរកការបញ្ជាទិញឧបករណ៍ធ្វើតេស្តប្រភេទផ្សេងទៀត ដែលមានគុណភាពខ្ពស់ជាងនេះ៕ អត្ថបទ៖

ថៃ៖ យោងតាមការចុះផ្សាយនៅក្នុងសារព័ត៌មាន បាងកកប៉ុស្តិ៍ បានឲ្យដឹងថា នៅក្នុងថ្ងៃសុក្រ ទី ១៣ ខែ សីហា នេះ អាជ្ញាធរសុខាភិបាលនៃប្រទេសថៃបានរកឃើញអ្នកឆ្លងជំងឺកូវីដ ១៩ ថ្មីចំនួន ២៣,៤១៨ នាក់ ដែលជាចំនួនអ្នកឆ្លងប្រឆាំថ្ងៃដ៏ច្រើនបំផុត ខណៈអ្នកស្លាប់ដោយសារជំងឺកូវីដ ១៩ វិញគឺមានចំនួន ១៨៤នាក់។ បើយោងតាមមជ្ឈមណ្ឌលគ្រប់គ្រងជំងឺកូវីដ ១៩ ថៃបានបញ្ជាក់ថា ក្នុងចំណោមអ្នកឆ្លងទាំងអស់ក្នុងនោះមានអ្នកឆ្លងចំនួន ២៣,០៣០នាក់ជាអ្នកឆ្លងទូទៅ ចំណែកឯ ៣៨៨នាក់ទៀតគឺជាអ្នកទោសដែលកំពុងជាប់ឃុំឃាំង។ សូមបញ្ជាក់ថា  គិតមកទល់នឹងពេលនេះថៃបានរកឃើញអ្នកឆ្លងជំងឺកូវីដ ១៩ សរុបចំនួន ៨៦៣,១៨៩នាក់ និងស្លាប់សរុបចំនួន ៦,៩៤២ នាក់ផងដែរ៕ អត្ថបទ៖

ថៃ៖ យោងតាមការចុះផ្សាយនៅក្នុងសារព័ត៌មាន បាងកកប៉ុស្តិ៍ បានឲ្យដឹងថា រដ្ឋាភិបាលថៃបានសម្រេចបង្កើតមជ្ឈមណ្ឌលដាច់ដោយឡែកមួយសម្រាប់ទទួលព័ត៌មាន​និងគ្រប់គ្រងទិន្នន័យកុមារដែលបានរងផលប៉ះពាល់ដោយការរាតត្បាតនៃជំងឺកូវីដ ១៩ នៅទូទាំងប្រទេស។ បើតាមលោក Traisuree Taisaranakul ដែលជាអ្នកនាំពាក្យឲ្យរដ្ឋាភិបាលថៃបានបញ្ជាក់ថា ការសម្រេចបង្កើតមជ្ឈមណ្ឌលដាច់ដោយឡែកសម្រាប់កុមារនេះគឺដើម្បីជួយក្រុមកុមាររងគ្រោះទាំងនោះឲ្យបានសមស្របនិងទាន់ពេលវេលា។ តាមរបាយការណ៍របស់មជ្ឈមណ្ឌលគ្រប់គ្រងជំងឺកូវីដ ១៩ បានបង្ហាញថា ចាប់តាំងពីដើមខែមករារហូតមកដល់ខែសីហាឆ្នាំ ២០២១ នេះ មានកុមារនៅទូទាំងប្រទេសថៃចំនួន ៧៨,៩៨៩ នាក់ បានរងផលប៉ះពាល់យ៉ាងខ្លាំង បន្ទាប់ពីម្តាយឪពុកឬអាណាព្យាបាលរបស់ពួកគេបានឆ្លងជំងឺកូវីដ ១៩ ឬបានស្លាប់ដោយដោយសាជំងឺកូវីដ ១៩។ លោក Traisuree Taisaranakul បានបញ្ជាក់ថា ដើម្បីអនុវត្តកិច្ចការខាងលើនេះឲ្យមានប្រសិទ្ធភាពគឺពលរដ្ឋគ្រប់រូបត្រូវសហការណ៍ជាមួយអាជ្ញាធរឲ្យបានឆាប់រហ័ស ពោលគឺត្រូវរាយការណ៍ពីករណីកុមារដែលបានរងនូវផលប៉ះពាល់មកកាន់អាជ្ញាធរឲ្យបានទាន់វេលាតាមរយៈ​ទូរស័ព្ទមកកាន់លេខ ១៣០០ ឬទំនាក់ទំនងតាមគណនី

ថៃ៖ ដោយសាក្រុងបាងកកនៅតែប្រឈមនឹងការរាតត្បាតជំងឺកូវីដ ១៩ កម្រិតខ្ពស់ក្នុងរយៈពេលជាច្រើនខែមកនេះ អាជ្ញាធរសុខាភិបាលថៃបានសម្រេចដាក់ចេញនូវវិធានការថ្មីមួយគឺធ្វើតេស្តរកជំងឺកូវីដ ១៩ ទ្រង់ទ្រាយធំក្នុងចំណោមពលរដ្ឋទូទៅក្នុងក្រុងបាងកក បើទោះជាពលរដ្ឋទាំងនោះពុំមានរោគសញ្ញាអ្វីក៏ដោយ។ បើតាមលោកវេជ្ជបណ្ឌិត Yongyot Thammawut​ ដែលជាអនុរដ្ឋលេខាធិការអចិន្ត្រៃយ៍នៃក្រសួងសុខាភិបាលសាធារណៈថៃបានឲ្យដឹងថា ការធ្វើតេស្តទ្រង់ទ្រាយធំ​នេះនឹងត្រូវរៀបចំឡើងនៅក្នុងរយៈពេល ២ សប្តាហ៍បន្ទាប់ទៀត ហើយការធ្វើតេស្តនឹងត្រូវធ្វើឡើងក្នុងតំបន់ដែលមានការរាតត្បាតជំងឺកូវីដ ១៩ ខ្ពស់ប៉ុណ្ណោះ ពោលគឺមិនមែនធ្វើឡើងនៅក្នុងក្រុងបាងកកទាំងមូលនោះទេ។ លោកវេជ្ជបណ្ឌិតបានបន្តថា ការធ្វើតេស្តទ្រង់ទ្រាយធំដូចនេះនឹងជួយកាត់ផ្តាច់ចង្វាក់នៃការចម្លងមេរោគបានមួយផ្នែកធំ ព្រោះនាពេលកន្លងមកគេបានកត់សម្គាល់ឃើញថា ពលរដ្ឋមួយចំនួនដែលជាភ្នាក់ងារចម្លងមេរោគកូវីដ ១៩ នៅក្នុងសហគមន៍នោះមិនបានដឹងថាខ្លួនឯងបានឆ្លងជំងឺកូវីដ ១៩ នោះទេ ដោយពួកគាត់មានសុខភាពល្អធម្មតា តែដល់ពេលគេតម្រូវឲ្យពួកគាត់ធ្វើតេស្តក្នុងនាមជាមនុស្សដែលមានការពាក់ព័ន្ធជាមួយអ្នកជំងឺកូវីដ ១៩ នោះ ទើបលទ្ធផលបានបង្ហាញថាពួកគាត់ក៏វិជ្ជមានជំងឺកូវីដ ១៩ ដែរ។

ថៃ៖ យោងតាមការចុះផ្សាយនៅក្នុងសារព័ត៌មាន បាងកកប៉ុស្តិ៍ បានឲ្យដឹងថា នៅក្នុងថ្ងៃព្រហស្បតិ៍ ទី ១២ ខែ សីហា នេះ អាជ្ញាធរសុខាភិបាលនៃប្រទេសថៃបានរកឃើញអ្នកឆ្លងជំងឺកូវីដ ១៩ ថ្មីចំនួន ២២,៧៨២ នាក់ ដែលជាចំនួនអ្នកឆ្លងប្រឆាំថ្ងៃដ៏ច្រើនបំផុតផងដែរ ខណៈអ្នកស្លាប់ដោយសារជំងឺកូវីដ ១៩ វិញគឺមានចំនួន ១៤៧នាក់។ បើយោងតាមមជ្ឈមណ្ឌលគ្រប់គ្រងជំងឺកូវីដ ១៩ ថៃបានបញ្ជាក់ថា ក្នុងចំណោមអ្នកឆ្លងទាំងអស់ក្នុងនោះមានអ្នកឆ្លងចំនួន ២២,៤០៧ នាក់ជាអ្នកឆ្លងទូទៅ ចំណែកឯ ៣៧៥នាក់ទៀតគឺជាអ្នកទោសដែលកំពុងជាប់ឃុំឃាំង។ សូមបញ្ជាក់ថា  គិតមកទល់នឹងពេលនេះថៃបានរកឃើញអ្នកឆ្លងជំងឺកូវីដ ១៩ សរុបចំនួន ៨៣៩,៧៧១នាក់ និងស្លាប់សរុបចំនួន ៦,៩៤២ នាក់ផងដែរ៕

យោងតាមការចុះផ្សាយនៅក្នុងសារព័ត៌មាន បាងកកប៉ុស្តិ៍ បានឲ្យដឹងថា ក្រុមហ៊ុន Facebook នឹងលុបចោលរាល់គណនីឬការចែកចាយព័ត៌មានគ្រប់ទម្រង់ដែកមាននិន្នាការប្រឆាំងនឹងយុទ្ធនាការចាក់វ៉ាក់សាំងបង្ការជំងឺកូវីដ ១៩ ចេញពីបណ្តាញសង្គមរបស់ខ្លួន។ ការសម្រេចរបស់ក្រុមហ៊ុនបណ្តាញសង្គមខ្នាតយក្សមួយនេះគឺត្រូវបានធ្វើឡើងដើម្បីទប់ស្កាត់ការចែកចាយព័ត៌មានក្លែងក្លាយដែលធ្វើឲ្យសាធារណៈជនមានការភ័ន្តច្រឡំចំពោះប្រសិទ្ធភាពនៃវ៉ាក់សាំងកូវីដ ១៩។ បើតាមដំណាងរបស់ក្រុមហ៊ុន Facebook បានឲ្យដឹងថា កាលពីពេលថ្មីៗនេះក្រុមអ្នកមានឥទ្ធិពលក្នុងបណ្តាញសង្គមជាច្រើនបាននាំគ្នាចែកចាយនូវព័ត៌មានដែលអះអាងថា អ្នកដែលបានចាក់វ៉ាក់សាំង AstraZeneca រួចនឹងកើតមានបញ្ហាសុខភាពធ្ងន់ធ្ងរ ខណៈគេបានរកឃើញថាក្រុមអ្នកចែកចាយដំណឹងក្លែងក្លាយទាំងនេះស្ថិតនៅក្រោមឥទ្ធិពលរបស់ក្រុមហ៊ុនទីផ្សារ Fazze ដែលមានមូលដ្ឋាននៅក្នុងប្រទេសរុស្សី។ ក្រុមហ៊ុន Facebook បានបន្តថា នាពេលកន្លងមកខាងក្រុមហ៊ុនបានសម្រេចលុបចោលគណនី Facebook ចំនួន​ ៦៥ និងគណនី Instagram ចំនួន ២៤៣ រួចមកហើយ ដែលគណនីបណ្តាញសង្គមទាំងនេះសុទ្ធតែបានធ្វើការផ្សព្វផ្សាយដំណឹងអវិជ្ជមានជាច្រើនអំពីការចាក់វ៉ាក់សាំងកូវីដ ១៩ ដោយមិនមានការស្រាវជ្រាវឬប្រភពច្បាស់លាស់នោះទេ៕

ថៃ៖ សមាគមន៍ភោជនីយដ្ឋាននៃប្រទេសថៃបានដាក់ញតិ្តទៅកាន់រដ្ឋាភិបាលថៃ ដើម្បីឲ្យលោកនាយករដ្ឋមន្ត្រីថៃ ប្រាយុទ្ធ ចាន់អូចា ជួយសង្រ្គោះភោជនីយដ្ឋានជាច្រើនកន្លែង ដែលបានរងនូវផលប៉ះពាល់យ៉ាងខ្លាំងក្នុងអំឡុងពេលនៃការអនុវត្តវិធានការបិទខ្ទប់ប្រទេសទប់ស្កាត់ការរាតត្បាតជំងឺកូវីដ ១៩។ បើតាមលោកស្រី Thaniwan Kulmongko ដែលជាប្រធានសមាគមន៍ភោជនីយដ្ឋានថៃបានឲ្យដឹងតាមរយៈសារព័ត៌មាន បាងកកប៉ុស្តិ៍ ថា ភោជនីយដ្ឋានក្នុងក្រុងបាងកកដែលបានរងផលប៉ះពាល់ស្ទើរតែក្ស័យធនក្នុងអំឡុងពេលបិទខ្ទប់ប្រទេសនោះគឺមានចំនួនជាង ១០០,០០០ កន្លែង ខណៈពលរដ្ឋដែលត្រូវរស់ដោយពឹកផ្អែកក្នុងវិស័យអាជីវកម្មទាំងនេះគឺមានចំនួនជាង ១ លាននាក់។ ប្រធានសមាគមន៍រូបនេះបានបន្តថា គោលបំណងនៃការដាក់ញតិ្តទៅកាន់លោកនាយករដ្ឋមន្ត្រីថៃនៅពេលនេះគឺគេចង់ដឹងថា តើរដ្ឋាភិបាលថៃនឹងមានគម្រោងជួយសង្គ្រោះសេដ្ឋកិច្ចរបស់ក្រុមភោជនីយដ្ឋានយ៉ាងដូចម្តេច និងជួយនៅពេលណាឲ្យប្រាកដ ព្រោះរហូតមកទល់នឹងពេលនេះគេនៅមិនទាន់បានដឹងពីគម្រោងជាក់លាក់ណាមួយរបស់រដ្ឋាភិបាលនៅឡើយទេ ខណៈភោជនីយដ្ឋានមួយចំនួនបានក្ស័យធនរួចទៅហើយ។ លោកស្រ្តី  Thaniwan Kulmongko  បានបញ្ជាក់ថា ការបានដឹងពីគម្រោងជួយសង្គ្រោះជាក់លាក់របស់រដ្ឋាភិបាលនឹងជួយឲ្យម្ចាស់ភោជនីយដ្ឋានអាចរៀបចំផែនការអាជីវកម្មរបស់ពួកគាត់សម្រាប់នៅពេលពេលអនាគតបាន ខណៈតាមគម្រោងគឺខាងសមាគមន៍ភោជនីយដ្ឋានថៃចង់ឲ្យរដ្ឋាភិបាលភិបាលផ្តល់ឱកាសឲ្យភោជនីយដ្ឋានអាចលក់ម្ហូបជាការវេចខ្ចប់ជូនអ្នកជំងឺកូវីដ ១៩ នៅតាមផ្ទះ

ថៃ៖ យោងតាមការចុះផ្សាយនៅក្នុងសារព័ត៌មាន បាងកកប៉ុស្តិ៍ បានឲ្យដឹងថា នៅក្នុងថ្ងៃពុធ ទី ១១ ខែ សីហា នេះ អាជ្ញាធរសុខាភិបាលនៃប្រទេសថៃបានរកឃើញអ្នកឆ្លងជំងឺកូវីដ ១៩ ថ្មីចំនួន ២១,០៣៨ នាក់ រីឯអ្នកស្លាប់ដោយសារជំងឺកូវីដ ១៩ វិញគឺមានចំនួន ២០៧នាក់។ បើយោងតាមមជ្ឈមណ្ឌលគ្រប់គ្រងជំងឺកូវីដ ១៩ ថៃបានបញ្ជាក់ថា ក្នុងចំណោមអ្នកឆ្លងទាំងអស់ក្នុងនោះមានអ្នកឆ្លងចំនួន ២០,៨៦៥ នាក់ជាអ្នកឆ្លងទូទៅ ចំណែកឯ ១៧៣នាក់ទៀតគឺជាអ្នកទោសដែលកំពុងជាប់ឃុំឃាំង។ សូមបញ្ជាក់ថា  ថ្ងៃនេះចំនួនអ្នកឆ្លងកូវីដ ១៩ នៅថៃបានកើនឡើងសើសខ្ទង់ ២ម៉ឺននាក់ជាថ្មីម្តងទៀតក្រោយតួលេខនេះបានធ្លាក់ក្រោម ២​ម៉ឺននាក់ ៣ថ្ងៃជាប់ៗមកហើយ ខណៈគិតមកទល់នឹងពេលនេះថៃបានរកឃើញអ្នកឆ្លងជំងឺកូវីដ ១៩ សរុបចំនួន