ម៉ាឡេស៊ី៖ បន្ទាប់ពីប្រើប្រាស់ម៉ាស់រួចមនុស្សមួយចំនួនមិនបានយកវាទៅបោះចោលឲ្យបានត្រឹមត្រូវនោះទេ ដោយអ្នកខ្លះបានបោះវាចោលនៅទីសាធារណៈតែម្តង ខណៈអ្នកខ្លះវិញបានយកទៅដាក់ដល់ក្នុងធុងសម្រាប់ដែរតែមិនបានវេចខ្ចប់ឲ្យត្រឹមត្រូវតាមវិធានការរក្សាអនាម័យកម្រិតខ្ពស់នោះទេ។ យោងតាមអ្នកជំនាញផ្នែកជំងឺឆ្លងនៅប្រទេសម៉ាឡេស៊ីបានឲ្យដឹងថា ដើម្បីទប់ស្កាត់ការរាតត្បាតជំងឺដែលអាចចម្លងតាមរយៈម៉ាស់ចាស់ៗដែលគេបានប្រើប្រាស់រួច ជាពិសេសគឺជំងឺកូវីដ ១៩ តែម្តង ពលរដ្ឋគ្រប់រូបត្រូវបោះម៉ាស់ចោលឲ្យបានត្រឹមត្រូវតាមការណែនាំខាងក្រោមនេះ៖ ១- ដោះម៉ាស់ចេញពីមុខដោយកាន់ខ្សែទាំងសងខាង ២- កុំឲ្យដៃរបស់លោកអ្នកប៉ះជាមួយនឹងផ្នែកខាងក្រៅម៉ាស់ ៣- បត់ម៉ាស់ចូលគ្នាជាពីរ (បត់ឲ្យផ្នែកខាងក្រៅប៉ះគ្នា) ៤- មូលម៉ាស់ឲ្យតូច ៥- ដាក់ម៉ាស់នោះចូលទៅក្នុងថង់ប្លាស្ទិក ៦- យកថង់បា្លស្ទិកនោះទៅបោះចោលក្នុងធុងសំរាម ៧- លាងសម្អាតដៃជាមួយនឹងសាប៊ូឬទឹកអាកុលសម្រាប់លាងដៃ៕ អត្ថបទ៖ ភក្តី ប្រភព៖ World of Buzz

ក្រុមហ៊ុនផលិតវ៉ាក់សាំងការពារជំងឺកូវីដ ១៩ របស់អាមេរិកគឺក្រុមហ៊ុន Moderna Inc បានអះអាងថា វ៉ាក់សាំងរបស់ខ្លួនមានប្រសិទ្ធភាពគ្រប់គ្រាន់ដើម្បីប្រឆាំងនឹងមេរោគបំប្លែងខ្លួនគ្រប់ប្រភេទ រួមទាំងមេរោគបំប្លែងខ្លួនប្រភេទ Delta ផងដែរ។ គួររម្លឹកថា មេរោគបំប្លែងខ្លួន Delta ត្រូវបានគេ​រកឃើញដំបូងនៅក្នុងប្រទេសឥណ្ឌា ហើយមេរោគប្រភេទនេះមានលក្ខណៈអាចចម្លងបានលឿនជាងមេរោគធម្មតារហូតដល់ ៦០%។  នាពេលបច្ចុប្បន្ននេះមេរោគបំប្លែងខ្លួន Delta ត្រូវបានគេចាក់ទុកជាមេរោគដែលមានគ្រោះថ្នាក់ខ្លាំងគេបំផុត ហើយនាពេលកន្លងមកមានក្រុមអ្នកជំ​នាញជាច្រើនបានលើកឡើងថា វ៉ាក់សាំងមួយចំនួនមិនអាចទប់ទល់នឹងមេរោគបំប្លែងខ្លួន Delta បាននោះទេ។ យ៉ាងណាក្តី កាលពីពេលថ្មីៗនេះក្រុមហ៊ុន Moderna បានធ្វើការសិក្សាមួយដោយបានយកសំណាកឈាមពីខ្លួនមនុស្សចំនួន ៨ នាក់ដែលបានចាក់វ៉ាក់សាំង Moderna រួចរាល់ចំនួន ២ ដូសកាលពី ១ សប្តាហ៍មុនទៅពិសោធន៍ជាមួយនឹងមេរោគបំប្លែងខ្លួនជាច្រើនប្រភេទដែលមានប្រភពមកពីតំបន់ផ្សេងៗគ្នានៅជុំវិញពិភពលោក។

អាមេរិក៖ សេតវិមានអាមេរិកបានជូនដំណឹងថា នៅក្នុងថ្ងៃព្រហស្បតិ៍ ទី ១ ខែ កក្កដាស្អែកនេះ លោកប្រធានាធិបតីអាមេរិក ចូ បៃឌិន និងលោកជំទាវទី ១ ជៀល បៃឌិន នឹងអញ្ជើញទៅធ្វើទស្សនៈកិច្ចដោយផ្ទាល់ដល់កន្លែងដែលមានហេតុការណ៍ដួលរលំអគារខុនដូនៅក្នុងក្រុង Miami​​ រដ្ឋ Florida សហរដ្ឋអាមេរិក។ ​គោលបំណងនៃការធ្វើទស្សនៈកិច្ចពីសំណាក់ថ្នាក់ដឹកនាំកំពូលនេះគឺដើម្បី​ថ្លែងអណរគុណនិងលើកទឹកចំពោះក្រុមអ្នកជួយសង្គ្រោះដែលព្យាយាមធ្វើការងារយ៉ាងលំបាកដើម្បីស្វែងរកពលរដ្ឋដែលកំពុងបាត់ខ្លួន។ ជាមួយគ្នានេះដែរ​ វត្តមានរបស់លោកប្រធានាតិបតីអាមេរិកក៏បានបញ្ជាក់ពីការយកចិត្តទុកដាក់និងចូលរួមចែករំលែកទុកដល់ក្រុមសាច់ញាតិជនរងគ្រោះផងដែរ។ គួរបញ្ជាក់ថា​ បើយោងតាមការចុះផ្សាយនៅក្នុងសារព័ត៌មាន Channel News Asia បានឲ្យដឹងថា គិតត្រឹមពេលនេះចំនួនអ្នកស្លាប់នៅក្នុងហេតុការណ៍បាក់ខុនដូនេះបានកើនឡើងដល់ ១២ នាក់ហើយ ខណៈអ្នកកំពុងបាត់ខ្លួនវិញគឺមានចំនួន ១៤៩នាក់។ បើតាមការព្យាករណ៍ពីសំណាក់ក្រុមអ្នកជំនាញបានឲ្យដឹងថា ចំនួនអ្នកស្លាប់នឹងបន្តកើនឡើងជាច្រើននាក់បន្ថែមទៀត

ថៃ៖ យោងតាមការចុះផ្សាយនៅក្នុងសារព័ត៌មាន បាងកកប៉ុស្តិ៍ បានឲ្យដឹងថា នៅក្នុងថ្ងៃពុធ ទី ៣០ ខែ មិថុនានេះ អាជ្ញាធរសុខាភិបាលនៃប្រទេសថៃបានរកឃើញអ្នកឆ្លងជំងឺកូវីដ ១៩ ថ្មីចំនួន ៤,៧៨៦នាក់ រីឯអ្នកស្លាប់ដោយសារជំងឺកូវីដ ១៩ វិញគឺមានចំនួន ៥៣ នាក់។ បើយោងតាមមជ្ឈមណ្ឌលគ្រប់គ្រងជំងឺកូវីដ ១៩ ថៃបានបញ្ជាក់ថា ក្នុងចំណោមអ្នកឆ្លងទាំងអស់ ក្នុងនោះមានអ្នកឆ្លងចំនួន ៤,៦៥៩នាក់ជាអ្នកឆ្លងទូទៅ ចំណែកឯ ១២៧នាក់ទៀតគឺជាអ្នកទោសដែលកំពុងជាប់ឃុំឃាំង។ សូមបញ្ជាក់ថា គិតមកទល់នឹងពេលនេះថៃបានរកឃើញអ្នកឆ្លងជំងឺកូវីដ ១៩ សរុបចំនួន ២៥៩,៣០១នាក់ និងស្លាប់សរុបចំនួន ១,០២៣ នាក់ផងដែរ៕ អត្ថបទ៖ ភក្តី

អង់គ្លេស៖ ការសិក្សាមួយដែលបានរៀបចំឡើងដោយសាកលវិទ្យាល័យ Oxford ​នៅក្នុងប្រទេសអង់គ្លេសបានរកឃើញថា ការចាក់វ៉ាក់សាំង​ការពារជំងឺកូវីដ ១៩ ចំនួន ២ប្រភេទផ្សេងគ្នាគឺវ៉ាក់សាំង Pfizer និង វ៉ាក់សាំង AstraZeneca អាចធ្វើឲ្យមនុស្សម្នាក់មានប្រព័ន្ធការពាររាងកាយរឹងមាំជាងការចាក់វ៉ាក់សាំងតែមួយប្រភេទចំនួន ២ ដូសទៅទៀត។ ការសិក្សាមួយនេះមានឈ្មោះថា Com-COV ហើយគំនិតនៃសិក្សានេះត្រូវបានផ្តួចផ្តើមឡើងនៅពេលដែលពលរដ្ឋនៅតំបន់អឺរ៉ុប​ជាច្រើននាក់ចង់ប្តូរលែងចាក់វ៉ាក់សាំង AstraZeneca សម្រាប់ដូសទី ២របស់ពួកគេវិញ ក្រោយមានពលរដ្ឋមួយចំនួនដែលបានចាក់វ៉ាក់សាំងប្រភេទនេះនៅដូសទី ១ រួចបានកើតមានបញ្ហាកកឈាម។ បើតាមលោកសាស្រ្តាចារ្យ Matthew Snape ដែលជាអ្នកដឹកនាំការសិក្សា Com-COV នេះបានបញ្ជាក់ថា ការចាក់វ៉ាក់សាំង ចម្រុះគ្នានេះត្រូវតែធ្វើឡើងតាមពេលកំណត់ត្រឹមត្រូវ ពោលគឺត្រូវចាក់វ៉ាក់សាំង Pfizer

ថៃ៖ ការសិក្សាមួយបានបង្ហាញថា ការចាក់វ៉ាក់សាំង Sinovac ចំនួន ២ដូសគឺមានប្រសិទ្ធអាចប្រឆាំងនឹងជំងឺកូវីដ ១៩ បំប្លែងខ្លួនទម្រង់ថ្មីប្រភេទ Alpha បានចន្លោះពី ៧១%-៩១%។ការសិក្សាមួយនេះត្រូវបានធ្វើឡើង ដោយគណៈកម្មាធិការ ជាតិប្រយុទ្ធនឹងជំងឺឆ្លងនិងគណៈកម្មាធិការជាតិសម្រាប់ការចាក់វ៉ាក់សាំងថៃ ហើយលទ្ធផលនៃការសិក្សាត្រូវបានប្រកាស ជាផ្លូវការដោយក្រសួងសុខាភិបាលសាធារណៈថៃកាលពីថ្ងៃចន្ទ ទី ២៨ ខែ មិថុនា ម្សិលមិញនេះ។ គួររម្លឹកថា មេរោគកូវីដ ១៩ បំប្លែង Alpha គឺជាមេរោគដែលត្រូវបានគេរកឃើញដំបូងនៅលើទឹកដីនៃប្រទេសអង់គ្លេស ហើយមេរោគនេះមានលក្ខណៈកាចសាហាវជាមេរោគកូវីដ ១៩ ធម្មតា តែយ៉ាងណាក្តីវាមិនខ្លាំងដល់មេរោគបំប្លែងខ្លួន Delta ដែលគេបានរកឃើញនៅក្នុងប្រទេសឥណ្ឌានោះទេ។ សូមបញ្ជាក់ផងដែរថា ការសិក្សានាពេលកន្លងធ្លាប់បង្ហាញទល្ធផលថា វ៉ាក់សាំង Sinovac មានប្រសិទ្ធភាពអាចការពារមិនឲ្យអ្នកជំងឺកូវីដ ១៩

ថៃ៖ យោងតាមការចុះផ្សាយនៅក្នុងសារព័ត៌មាន បាងកកប៉ុស្តិ៍ បានឲ្យដឹងថា នៅក្នុងថ្ងៃអង្គារ ទី ២៨ ខែ មិថុនានេះ អាជ្ញាធរសុខាភិបាលនៃប្រទេសថៃបានរកឃើញអ្នកឆ្លងជំងឺកូវីដ ១៩ ថ្មីចំនួន ៤,៦៦២នាក់ រីឯអ្នកស្លាប់ដោយសារជំងឺកូវីដ ១៩ វិញគឺមានចំនួន ៣៦នាក់។ បើយោងតាមមជ្ឈមណ្ឌលគ្រប់គ្រងជំងឺកូវីដ ១៩ ថៃបានបញ្ជាក់ថា ក្នុងចំណោមអ្នកឆ្លងទាំងអស់ ក្នុងនោះមានអ្នកឆ្លងចំនួន ៤,៦៥២នាក់ជាអ្នកឆ្លងទូទៅ ចំណែកឯ ១០នាក់ទៀតគឺជាអ្នកទោសដែលកំពុងជាប់ឃុំឃាំង។ សូមបញ្ជាក់ថា គិតមកទល់នឹងពេលនេះថៃបានរកឃើញអ្នកឆ្លងជំងឺកូវីដ ១៩ សរុបចំនួន ២៥៤,៥១៥នាក់ និងស្លាប់សរុបចំនួន ១,៩៧០ នាក់ផងដែរ៕ អត្ថបទ៖ ភក្តី ប្រភព៖​ បាងកកប៉ុស្តិ៍

អាមេរិក៖ យ៉ាងហោចណាស់មានមនុស្សចំនួន ៩ នាក់បានស្លាប់បាត់បង់ជីវិតនៅក្នុងហេតុការណ៍បាក់អគារខុនដូមួយកន្លែងនៅក្នុងរដ្ឋ​ Florida សហរដ្ឋអាមេរិក កាលពីថ្ងៃអាទិត្យ ទី ២៧ ខែមិថុនា ម្សិលមិញនេះ។ បើយោងតាមសារព័ត៌មាន Channel News Asia បានបញ្ជាក់ថា អគារខុនដូមួយនេះមានទីតាំងស្ថិតនៅក្នុងតំបន់ឆ្នេរសមុទ្រក្នុងទីក្រុង Miami និងជាខុនដូសម្រាប់សម្រាកលំហែកាយមួយមានកម្ពស់ ១២ជាន់។ ក្រៅតែពីបានរកឃើញអ្នកស្លាប់ភ្លាមៗនៅនឹងកន្លែងកើតហេតុ មានពលរដ្ឋមួយចំនួនបានអះអាងថាពួកគេនៅបាត់សាច់ញាតិមួយចំនួនទៀត ខណៈគេជឿថាមនុស្សដែលបាត់ខ្លួននោះគឺកំពុងស្ថិតនៅក្រោមគំនរបាក់បែកអគារនេះតែម្តង។ អាជ្ញាធរក្រុង Miami បានប្រើប្រាស់កម្លាំងសង្គ្រោះបន្ទាន់ជាច្រើនក្រុមដើម្បីស្វែងរកមនុស្សដែលកំពុងជាប់នៅក្នុងគំនរបាក់បែក តែដំណើរការនៃការជួយសង្គ្រោះហាក់មិនរលូនទាល់តែសោះ ព្រោះនៅក្នុងគំនរបាក់បែកនោះក៏មានភ្លើងកំពុងឆាបឆេះផងដែរ។ ក្រុមសាច់ញាតិជនរងគ្រោះមួយចំនួនបាននាំគ្នារិះគន់ចំពោះភាពយឺតយ៉ាវរបស់ក្រុមការងារសង្គ្រោះបន្ទាន់ ខណៈពួកគេកំពុងរង់ចាំមើលយ៉ាងអន្ទះសាជាទីបំផុតថាតើសាច់ញាតិរបស់ពួកគេនៅរស់ឬក៏បានស្លាប់នៅក្នុងគំនរអគារបាត់ទៅហើយ។ បើទោះជាប្រតិបត្តិការណ៍ជួយសង្គ្រោះម​នុស្សជាប់នៅក្នុងគំនរអគារនៅមិនទាន់បិទបញ្ចប់ក៏ពិតមែន តែគេបានព្យាករណ៍ថាចំនួនអ្នកស្លាប់អាចនឹងកើនឡើងខ្ពស់លើសពីចំនួន ៩ នាក់៕ អត្ថបទ៖ ភក្តី

ថៃ៖ យោងតាមការចុះផ្សាយនៅក្នុងសារព័ត៌មាន បាងកកប៉ុស្តិ៍ បានឲ្យដឹងថា នៅក្នុងថ្ងៃចន្ទ ទី ២៨ ខែ មិថុនានេះ អាជ្ញាធរសុខាភិបាលនៃប្រទេសថៃបានរកឃើញអ្នកឆ្លងជំងឺកូវីដ ១៩ ថ្មីចំនួន ៥,៤០៦នាក់ រីឯអ្នកស្លាប់ដោយសារជំងឺកូវីដ ១៩ វិញគឺមានចំនួន ២២នាក់។ បើយោងតាមមជ្ឈមណ្ឌលគ្រប់គ្រងជំងឺកូវីដ ១៩ ថៃបានបញ្ជាក់ថា ក្នុងចំណោមអ្នកឆ្លងទាំងអស់ ក្នុងនោះមានអ្នកឆ្លងចំនួន ៥,៣៩៧នាក់ជាអ្នកឆ្លងទូទៅ ចំណែកឯ ៩នាក់ទៀតគឺជាអ្នកទោសដែលកំពុងជាប់ឃុំឃាំង។ សូមបញ្ជាក់ថា គិតមកទល់នឹងពេលនេះថៃបានរកឃើញអ្នកឆ្លងជំងឺកូវីដ ១៩ សរុបចំនួន ២៤៩,៨៥៣នាក់ និងស្លាប់សរុបចំនួន ១,៩៣៤ នាក់ផងដែរ៕   អត្ថបទ៖ ភក្តី

ថៃ៖ យោងតាមការចុះផ្សាយនៅក្នុងសារព័ត៌មាន បាងកកប៉ុស្តិ៍ បានឲ្យដឹងថា អាជ្ញាធរសុខាភិបាលថៃបានប្រកាសពីការរកឃើញជាលើកដំបូងនូវករណីមានអ្នកឆ្លងជំងឺកូវីដ ១៩ ប្រភេទ Beta ដែលជាមេរោគបំប្លែងខ្លួនថ្មីមកពីតំបន់អាហ្រ្វិកខាងត្បូង។ ករណីឆ្លងមេរោគបំប្លែងថ្មីនេះត្រូវបានរកឃើញនៅក្នុងទីក្រុងបាងកក ខណៈគេជឿថាករណីឆ្លងនេះគឺមានប្រភពមកពីប្រទេសម៉ាឡេស៊ីដែលបានរាតត្បាតចូលមកតំបន់ភាគត្បូងប្រទេសថៃនិងថ្មីៗនេះក៏បន្តរាតត្បាតមកដល់ក្រុងបាងកកតែម្តង។ ប្រភពខាងលើបានបញ្ជាក់ថា នៅក្នុងថ្ងៃចន្ទ ទី ២៨ មិថុនានេះ លោក Supakit Sirilak ដែលជាប្រធាននាយកដ្ឋានវិទ្យាសាស្រ្តវេជ្ជសាស្ត្រថៃនឹងបើកសន្និសិទ្ធការសែតជាសាធារណៈមួយដើម្បីបកស្រាយលម្អិតជុំវិញករណីឆ្លងមេរោគបំប្លែងខ្លួនថ្មីនេះផងដែរ។ គួរបញ្ជាក់ថា​ ការរកឃើញករណីឆ្លងមេរោគបំប្លែងថ្មីនេះត្រូវបានកើតឡើងស្របពេលដែលចំនួនអ្នកឆ្លងជំងឺកូវីដ ១៩ប្រចាំថ្ងៃ នៅក្នុងប្រទេសថៃបានកើនឡើងយ៉ាងច្រើន រហូតរដ្ឋាភិបាលថៃបានសម្រេចដាក់វិធានការរឹតបន្តឹងក្នុងទីក្រុងបាងកកនិងខេត្តចំនួន ៥ ផ្សេងទៀតដែលស្ថិតនៅជុំវិញក្រុងបាងកករយៈពេល​ ៣០ថ្ងៃ។ សូមបញ្ជាក់ផងដែរថា​ គិតត្រឹមពេលនេះប្រទេសថៃបានរកឃើញអ្នកឆ្លងជំងឺកូវីដ ១៩ សរុបចំនួន ២៤៤,៤៤៧ ករណី