អ៊ីតាលី៖ យោងតាមការចុះផ្សាយនៅក្នុងសារព័ត៌មាន BBC បានឲ្យដឹងថា រដ្ឋាភិបាលនៃប្រទេសអ៊ីតាលីនឹងអនុវត្តវិធានការធ្វើចត្តាឡីស័កត្រឹមតែរយៈពេល ៥ ថ្ងៃ ចំពោះអ្នកដំណើរមកពីបណ្តាប្រទេសក្នុងតំបន់អឺរ៉ុប ដែលមានបំណងចង់មកកំសាន្តនៅក្នុងប្រទេសខ្លួនក្នុងថ្ងៃឈប់សម្រាកខាងមុននេះ។ យ៉ាងណាក្តី អ្នកដំណើរទាំងនោះត្រូវតែបង្ហាញអំពីលទ្ធផលធ្វើតេស្តអវិជ្ជមានចំពោះជំងឺកូវីដ ១៩ ជាមុនសិន ទើបអាចធ្វើដំណើរចូលមកកាន់ប្រទេសអ៊ីតាលីបាន។ ប្រភពខាងលើបានបញ្ជាក់ថា វិធានការថ្មីរបស់អាជ្ញាធរអ៊ីតាលីនឹងផ្តើមមានប្រសិទ្ធភាពចាប់ពីដើមសប្តាហ៍នេះតទៅរហូតដល់ពិធីបុណ្យ Easter Sunday ដែលជាពិធីបុណ្យមួយសម្រាប់អ្នកកាន់សាសនាកាតូលិក ហើយពិធីបុណ្យនេះនឹងត្រូវបា្ររព្ធធ្វើឡើងនៅក្នុងថ្ងៃទី ៤ ខែ មេសា ចុងសប្តាហ៍នេះផងដែរ។ ការអនុវត្តវិធានការធ្វើចត្តាឡីស័កត្រឹមតែរយៈពេល ៥ ថ្ងៃរបស់អ៊ីតាលីនៅពេលនេះ ត្រូវបានធ្វើឡើងស្របពេលដែលគេបានមើលឃើញថា ប្រទេសមួយចំនួននៅក្នុងតំបន់អឺរ៉ុបដូចជាប្រទេសអាឡឺម៉ង់ជាដើមកំពុងតែប្រឈមយ៉ាងខ្លាំងនឹងការរាតត្បាតជំងឺកូវីដ ១៩ ដែលជារលកទី ៣ ផងដែរ។ យ៉ាងណាក្តី

ថៃ៖ យោងតាមការចុះផ្សាយនៅក្នុងសារព័ត៌មាន បាងកកប៉ុស្តិ៍ បានឲ្យដឹងថា មហាសេដ្ឋីនិងជាអតីតប្រធានគណបក្សប្រឆាំងដ៏មានប្រជាប្រិយភាពនៅក្នុងប្រទេសថៃគឺលោក លោក​ថាណាថន ជួងរុងរួងគីត (Thanathorn Juangroongruangkit) ត្រូវបានតុលាការថៃ សម្រេចចោទប្រកាន់ពីបទជេរប្រមាថព្រះមហាក្សត្រថៃនិងឧក្រិដ្ឋកម្មព័ត៌មានវិទ្យា។ ប្រភពខាងលើបានបន្តថា ការចោទប្រកាន់ខាងលើនេះត្រូវបានធ្វើឡើងនៅថ្ងៃទី ៣០  មីនា ម្សិលមិញនេះ បន្ទាប់ពីលោក ថាណាថន ជួងរុងរួងគីត បាន Live វីដេអូតាមបណ្តាញសង្គម Facebook ធ្វើការរិះគន់ពីដំណើរការនៃការចាក់វ៉ាក់សាំងការពារជំងឺកូវីដ ១៩ របស់អាជ្ញាធរថៃមានភាពយឺតយ៉ាវ ហើយពេលនោះគាត់ក៏បាននិយាយប៉ះដល់ក្រុមហ៊ុនផលិតវ៉ាក់សាំង Siam BioScience ដែលគ្រប់គ្រងដោយការិយាល័យហរិញ្ញវត្ថុរបស់រាជរាំងថៃផងដែរ។ សម្រាប់លោក ថាណាថន ជួងរុងរួងគីត បានលើកឡើងថា

ហ្វីលីពីន៖ បុរសម្នាក់បានទៅពិនិត្យសុខភាពដើម្បីបំពេញតាមលក្ខខណ្ឌរបស់ក្រុមហ៊ុនដែលបានគាត់បានដាក់ពាក្យចូលធ្វើការងារ ស្រាប់តែទទួលបានលទ្ធផលគួរឲ្យភ្ញាក់ផ្អើលបំផុតមួយដោយការថត X-Ray បានបង្ហាញថា នៅក្នុងឆ្អឹងទ្រូងរបស់គាត់មានជាប់កូនកាំបិតមួយជាងមួយឆ្នាំមកហើយ។ បើយោងតាមការចុះផ្សាយនៅក្នុងសារព័ត៌មាន World of Buzz បានឲ្យដឹងថា បុរសរូបនេះមានឈ្មោះ Kent Ryan Tomao ជាជនជាតិហ្វីលីពីន និងមានអាយុ ២៥ ឆ្នាំ ហើយកាលពីថ្ងៃទី ៤ ខែ មករា ឆ្នាំ ២០២០ កន្លងទៅនេះ រូបគាត់ត្រូវបានក្រុមក្មេងស្ទាវចាក់ជាច្រើនកាំបិតចំទ្រូងនិងត្រូវបញ្ជូនទៅសម្រាកព្យាបាលនៅក្នុងមន្ទីរពេទ្យរដ្ឋមួយកន្លែង ខណៈដែលពេលនោះគាត់មានរបួសយ៉ាងធ្ងន់ធ្ងរស្ទើរតែស្លាប់បាត់បង់ជីវិតទៅហើយ។ បន្ទាប់ពីសម្រាកព្យាបាលរបួសនៅក្នុងមន្ទីរពេទ្យមួយរយៈមក លោក Kent Ryan Tomao ក៏បានត្រលប់ទៅផ្ទះជាធម្មតាវិញ

មីយ៉ាន់ម៉ា៖ យោងតាមការចុះផ្សាយនៅក្នុងសារព័ត៌មាន បាងកកប៉ុស្តិ៍ បានឲ្យដឹងថា គិតត្រឹមព្រឹកថ្ងៃអង្គារទី ៣០ ខែ មីនា នេះ មានបាតុករមីយ៉ាន់ម៉ាជាង ៥០០ នាក់ហើយ ដែលបានស្លាប់បាត់បង់ជីវិតក្នុងការបង្រ្កាបដោយហឹង្សាពីសំណាក់ក្រុមយោធា។ សម្រាប់ក្រុមអ្នកឃ្លាំមើលស្ថានការណ៍នៅមីយ៉ាន់ម៉ាបានបានបង្ហាញនូវក្តីបារម្ភថា ចំនួនអ្នកស្លាប់អាចបន្តកើនឡើងច្រើនទៀត ព្រោះសកម្មភាពបង្ក្រាបរបស់ក្រុមយោធាហាក់កាន់តែអាក្រក់ឡើងពីមួយថ្ងៃទៅមួយថ្ងៃ ខណៈកម្លាំងចូលរួមធ្វើបាតុកម្មរបស់ក្រុមប្រជាពលរដ្ឋក៏កាន់តែកើនឡើងច្រើនផងដែរ។​ កាលពីថ្ងៃអាទិត្យកន្លងទៅនេះក្រុមយោធាបានបាញ់សម្លាប់ក្រុមប្រជាពលរដ្ឋមីយ៉ាន់ម៉ាចំនួន ១០៧ នាក់ និងកូនក្មេងចំនួន ៧ នាក់ ដែលវាគឺជាការបាញ់សម្លាប់ដ៏ឃោឃៅបំផុតចាប់តាំងពីក្រុមយោធាបានធ្វើរដ្ឋប្រហារមក។ បើយោងតាមសមាគមជំនួយសម្រាប់អ្នកទោសនយោបាយ (AAPP) បានបញ្ជាក់ថា គិតត្រឹមពេលនេះតួលេខពលរដ្ឋមីយ៉ាម៉ាដែលបានស្លាប់បាត់បង់ជីវិតជាក់ស្តែងគឺមានចំនួន ៥១០ នាក់ ដោយរួមទាំងកូនក្មេងគ្មានកំហុសអ្វីមួយចំនួនផងដែរ។ ក្រោយពីស្ថានភាពនៅមីយ៉ាន់ម៉ាកាន់តែអាក្រក់ឡើងដូចនេះ កាលពីព្រឹកមិញនេះសហរដ្ឋអាមេរិកបានប្រាកាសផ្អាកសកម្មភាពទំនាក់ទំនងគ្រប់ប្រភេទជាមួយនឹងប្រទេសមីយ៉ាន់ម៉ា ខណៈក្រុមប្រឹក្សាសន្តិសុខនៃអង្គការសហប្រជាជាតិក៏នឹងបើកកិច្ចប្រជុំមួយពិភាក្សាអំពីស្ថានភាពអាក្រក់នៅមីយ៉ាន់ម៉ានៅព្រឹកស្អែកនេះផងដែរ

ម៉ាឡេស៊ី៖ ប្រទេសម៉ាឡេស៊ីកំពុងតែត្រៀមខ្លួនដើម្បីប្រយុទ្ធជាមួយនឹងការរាតត្បាតជំងឺកូវីដ ១៩ ទ្រង់ទ្រាយធំជាថ្មីម្តងទៀត ក្រោយអាជ្ញាធរសុខាភិបាលម៉ាឡេស៊ីបានរកឃើញអ្នកឆ្លងជំងឺកូវីដ ១៩ ប្រចាំថ្ងៃក្នុងចំនួនដ៏ច្រើនបំផុតមិនធ្លាប់មានចាប់តាំងពីដើមខែ ធ្នូ ឆ្នាំ ២០២០ មក។ បើយោងតាមការចុះផ្សាយនៅក្នុងសារព័ត៌មាន World of Buzz បានឲ្យដឹងថា ក្តីព្រួយបារម្ភថ្មីនេះបានកើតមានបន្ទាប់អាជ្ញាធរម៉ាឡេស៊ីបានរកឃើញករណីអ្នកឆ្លងនៅក្នុងសហគមន៍ចំនួន ៩៤១ ករណី កាលពីថ្ងៃអាទិត្យកន្លងទៅនេះ ហើយបើផ្អែកទៅតាមការសិក្សាអំពីកំណើននៃការឆ្លងដ៏គំហុកនេះបានបង្ហាញថា ការឆ្លងគឺមានកម្រិតខ្ពស់ ពោលគឺមានកម្រិតឆ្លងរហូតដល់ ០,៩៤ ឬមានន័យថា អ្នកជំងឺកូវីដ ១៩ ចំនួន ១០០ នាក់ អាចចម្លងមេរោគទៅកាន់មនុស្សចំនួន ៩៤ នាក់ផ្សេងទៀតបាន។ យ៉ាងណាក្តី

យោងតាមការចុះផ្សាយនៅក្នុងសារព័ត៌មាន Channel News Asia បានឲ្យដឹងថា នៅថ្ងៃពុធ ទី ៣១ មីនា ស្អែកនេះ ក្រុមប្រឹក្សាសន្តិសុខនៃអង្គការសហប្រជាជាតិនឹងធ្វើការជួបប្រជុំគ្នាដើម្បីពិភាក្សាអំពីស្ថានភាពដ៏អាក្រក់នៅក្នុងប្រទេសមីយ៉ាន់ម៉ា បន្ទាប់ពីក្រុមយោធាបានបាញ់សម្លាប់ក្រុមបាតុករជាច្រើននាក់នៅក្នុងសបា្តហ៍នេះ។ សមាជិកក្រុមប្រឹក្សាសន្តិសុខនៃអង្គការសហប្រជាជាតិដែលនឹងមានវត្តមាននៅក្នុងកិច្ចប្រជុំបិទទ្វារនាព្រឹកស្អែកនេះគឺមានចំនួន ១៨ រូប រួមជាមួយនឹងប្រេសិតពិសេសមួយរូបរបស់អង្គការសហប្រជាជាតិប្រចាំនៅក្នុងប្រទេសមីយ៉ាន់ម៉ាគឺលោក Christine Schraner Burgene ដែលប្រេសិតរូបនេះនឹងធ្វើសេចក្តីសង្ខេបអំពីស្ថានភាពចុងក្រោយបំផុតនៅមីយ៉ាន់ម៉ាប្រាប់ទៅកាន់អង្គប្រជុំផងដែរ។ គេនៅមិនទាន់ដឹងច្បាស់ថាក្រោយចប់កិច្ចប្រជុំនេះភ្លាម ក្រុមប្រឹក្សាសន្តិសុខនៃអង្គការសហប្រជាជាតិអាចស្វែងរកដំណោះស្រាយឬវិធានការដាក់ទណ្ឌកម្មជាក់លាក់ណាមួយចំពោះក្រុមយោធាមីយ៉ាន់ម៉ានោះទេ តែយ៉ាងក្តីកិច្ចប្រជុំនេះជាសញ្ញាមួយបង្ហាញថា ពិភពលោកកំពុងតែផ្តោចការយកចិត្តទុកដាក់ចំពោះមីយ៉ាន់ម៉ាយ៉ាងខ្លាំងហើយ បន្ទាប់ពីស្ថានភាពនៅមីយ៉ាន់ម៉ាកាន់តែអាក្រក់ឡើងពីមួយថ្ងៃទៅមួយថ្ងៃ។ គួររម្លឹកជូនថា កាលពីថ្ងៃអាទិត្យកន្លងទៅនេះ មានក្រុមបាតុករមីយ៉ាន់ម៉ាចំនួន ១០៧ នាក់ និងកូនក្មេងចំនួន ៧ នាក់ ត្រូវបានក្រុមយោធាបាញ់សម្លាប់យ៉ាងឃោឃៅ

កូរ៉េខាងត្បូង៖ រដ្ឋាភិបាលនៃប្រទេសកូរ៉េខាងត្បូងតាមរយៈក្រសួងសុវត្ថិភាពចំណីអាហារនិង​ឱសថបានអនុម័តទទួលស្គាល់ពីសុវត្ថិភាពនិងប្រសិទ្ធភាពវ៉ាក់សាំងការពារជំងឺកូវីដ ១៩ របស់អាមេរិក  Johnson & Johnson  ខណៈកូរ៉េខាងត្បូងក៏បានសម្រេចទិញវ៉ាក់សាំងប្រភេទនេះសម្រាប់ចាក់ជូនពលរដ្ឋរបស់ខ្លួនផងដែរ។ យោងតាមការចុះផ្សាយនៅក្នុងសារព័ត៌មាន Channel News Asia បានឲ្យដឹងថា សេចក្តីប្រកាសខាងលើនេះត្រូវបានធ្វើឡើងនៅព្រឹកថ្ងៃចន្ទ ទី ២៩ មីនានេះ បន្ទាប់ពីក្រុមអ្នកជំនាញផ្នែកឱសថកូរ៉េខាងត្បូងបានសិក្សានិងត្រួតពិនិត្យវ៉ាក់សាំងប្រទេសនេះយ៉ាងល្អិតល្អន់រួចមក។ ទន្ទឹមគ្នានេះដែរកូរ៉េខាងត្បូងបានចុះកិច្ចព្រមព្រៀងបញ្ជាទិញវ៉ាក់សាំង Johnson & Johnson ចំនួន ៦ លានដូសទៀតផង​ ដែលតាមគម្រោងវ៉ាក់សាំងនឹងត្រូវដឹកជញ្ជូនទៅដល់ប្រទេសកូរ៉េខាងត្បូងនៅអំឡុងត្រីមាសទី ២ ក្នុងឆ្នាំ ២០២១ នេះ។ គួរបញ្ជាក់ថា Johnson & Johnson នឹងក្លាយជាវ៉ាក់សាំងទី ៣

ឥណ្ឌូនេស៊ី៖ យ៉ាងហោចណាស់មានមនុស្សចំនួន ៥ នាក់បានរងរបួសធ្ងន់ធ្ងរនិងមានពលរដ្ឋប្រមាណជា ៩៥០ នាក់ត្រូវជម្លៀសខ្លួនជាបន្ទាន់ បន្ទាប់ពីមានហេតុការណ៍ឆេះរោងចក្រចម្រាញ់ប្រេងដ៏ធំមួយនៅឥណ្ឌូនេស៊ី។ បើយោងតាមការចុះផ្សាយព័ត៌មាន Channel News Asia បានឲ្យដឹងថា រោងចក្រចម្រាញ់ប្រេងមួយនេះជាកម្មសិទ្ធរបស់ក្រុមហ៊ុន Pertamina ដែលជាក្រុមហ៊ុនរបស់រដ្ឋាភិបាលឥណ្ឌូនេស៊ី ហើយរោងចក្រមានទីតាំងស្ថិតនៅក្នុងខេត្តចាវ៉ា ភាគខាងលិចនៃប្រទេសឥណ្ឌូនេស៊ី។ ប្រភពបានបន្តថា អគ្គិភ័យបានផ្តើមឆេះតាំងពីពាក់កណ្តាលយប់ថ្ងៃអាទិត្យម្លេះ ហើយបានបន្តឆេះរហូតដល់ព្រឹកថ្ងៃចន្ទ ទី ២៩ មីនា ខណៈរហូតមកទល់នឹងពេលនេះគេនៅមិនទាន់រកឃើញពីមូលហេតុនៃការកើតមានអគ្គិភ័យនេះទេ។ អគ្គិភ័យបានបណ្តាលឲ្យមានផ្សែងកខ្វក់យ៉ាងខ្លាំងនៅតំបន់ក្បែរនោះ ទើបអាជ្ញាធរត្រូវជម្លៀសពលរដ្ឋជាបន្ទាន់ដើម្បីរក្សាសុវត្ថិភាពរបស់ពួកគេ ខណៈរហូតមកទល់នឹងពេលនេះគេនៅមិនទាន់ទទួលបានរបាយការណ៍ណាមួយបង្ហាញថា មានអ្នកណាម្នាក់បានស្លាប់នៅក្នុងហេតុការណ៍នេះទេ។ បើតាមការបញ្ជាក់របស់អាជ្ញាធរឥណ្ឌូនេស៊ីបានឲ្យដឹងថា រោងចក្រដែលបានឆេះនេះគឺជារោងចក្រផលិតប្រេងដ៏សំខាន់មួយរបស់ឥណ្ឌូនេស៊ី​ ដោយជាមធ្យមក្នុងមួយថ្ងៃរោងចក្រនេះមានសមត្ថភាពអាចសម្រាញ់ប្រេងបានប្រមាណជា ១២៥ ០០០ បារ៉ែល។ អត្ថបទ៖ ភក្តី

ឥណ្ឌូនេស៊ី៖ យោងតាមការចុះផ្សាយនៅក្នុងសារព័ត៌មាន World of Buzz បានឲ្យដឹងថា កាលពីថ្ងៃអាទិត្យទី ២៨ មីនា ម្សិលមិញនេះ មានហេតុការណ៍បំផ្ទុះគ្រាប់បែកភេរវកម្មដ៏សាហាវមួយបានកើតឡើងនៅឯវិហារសាសនាកាតូលិកមួយកន្លែងនៅក្នុងទីក្រុង Makassar នៃប្រទេសឥណ្ឌូនេស៊ី។ ប្រភពខាងលើបានបញ្ជាក់ថា ហេតុការណ៍បានបង្កឡើងដោយបុរសឥស្លាមជ្រុលនិយមចំនួន ២ នាក់ បានជិះម៉ូតូមួយគ្រឿងដោយមានភ្ជាប់គ្រាប់បែកនៅលើខ្លួនរបស់ពួកគេផងសំដៅចូលទៅក្នុងវិហារកាតូលិក ហើយនៅពេលក្រុមទគ្រិស្តបរស័នាំគ្នាដើរចេញពីវិហារនោះ ពួកគេក៏បានចុចបំផ្ទុះគ្រាប់បែកតែម្តង។ បើយោងតាមរបាយការណ៍របស់អាជ្ញាធរឥណ្ឌូនេស៊ីបានឲ្យដឹងថា ហេតុការណ៍ភេរវកម្មនេះបានបង្កឲ្យភេរវជនម្នាក់ស្លាប់ភ្លាមៗនៅនឹងកន្លែងកើតហេតុ ខណៈពលរដ្ឋចំនួន ១៤ នាក់ផ្សេងទៀតត្រូវរងរបួសធ្ងន់ធ្ងរ។ សូមបញ្ជាក់ថា អំពើភេរវកម្មចំពោះវិហារសាសនាកាតូលិកនៅក្នុងប្រទេសឥណ្ឌូនេស៊ីមិនមែនជារឿងថ្មីនោះទេ ដ្បិតឥណ្ឌូនេស៊ីគឺជាប្រទេសដែលមានអ្នកកាន់សាសនាឥស្លាមច្រើនបំផុត ហើយជារឿយៗវិហារកាតូលិកបានក្លាយជាផ្ទាំងស៊ីបនៃការវាយប្រហារពីពួកឥស្លាមជ្រុលនិយមមួយចំនួនតូចតែម្តង។ គេនៅចាំបានថា កាលពីឆ្នាំ ២០១៨ កន្លងនៅក៏មានហេតុការណ៍ដូចគ្នានេះកើតមានម្តងរួចហើយដែរ ដោយពេលនោះអំពើភេរវកម្មបានបណ្តាលឲ្យពលរដ្ឋចំនួន

ថៃ៖ ចាប់ពីថ្ងៃទី ១ ខែ មេសា នេះតទៅប្រទេសថៃនឹងផ្តើមអនុវត្តវិធានការធ្វើចត្តាឡីស័កថ្មីខ្លីជាងមុន ពោលគឺរយៈពេលនៃការធ្វើចត្តាឡីស័កមានត្រឹមតែ ១០ ប៉ុណ្ណោះសម្រាប់អ្នកដំណើរណាដែលបានចាក់វ៉ាក់ការពារជំងឺកូវីដ ១៩ រួចហើយ។ បើយោងតាមការបញ្ជាក់របស់មជ្ឈមណ្ឌលគ្រប់គ្រងជំងឺកូវីដ ១៩ ថៃបានឲ្យដឹងថា វិធានការថ្មីនេះនឹងត្រូវអនុវត្តដូចគ្នាចំពោះអ្នកដំណើរទាំងអស់មិនថាពួកគេគឺជាជនជាតិបរទេសឬជនជាតិថៃនោះទេ។ វិធានការថ្មីនេះក៏ត្រូវបានគេមើលឃើញថា មានកែប្រែខុសពីការជូនដំណឹងនាពេលកន្លងមកបន្តិចផងដែរ ដោយកន្លងមកថៃគ្រោងនឹងឲ្យអ្នកដំណើរជាជនជាតិថៃនិងបានចាក់វ៉ាក់សាំងរួចត្រូវធ្វើចត្តាឡីស័កត្រឹមតែ ៧ ថ្ងៃប៉ុណ្ណោះ។ យ៉ាងណាក្តី ការកែប្រែនេះគឺត្រូវបានធ្វើឡើងដោយយោងទៅតាមស្ថានភាពជាក់ស្តែងនៃការរាតត្បាតជំងឺកូវីដ ១៩ ជាសកល ខណៈការសម្រេចកាត់បន្ថយចំនួនថ្ងៃធ្វើចត្តាឡីស័កមកសល់ត្រឹម ១០ ថ្ងៃនេះ គឺជាការសម្រេចផ្លូវការចុងក្រោយហើយ។ គួរបញ្ជាក់ជូនថា ការធ្វើចត្តាឡីស័កសម្រាប់ក្រុមអ្នកដំណើរដែលបានចាក់វ៉ាក់សាំងរួចហើយនេះក៏មានបន្ថែមនូវលក្ខខណ្ឌពិសេសមួយចំនួនទៀតផងដែរ ដូចជាពួកគេអាចចេញទៅហាត់ប្រាណ ហែលទឹក ទៅទិញអាហារ ឬសម្ភារៈផ្សេងៗនៅក្នុងបរិវេណនៃកន្លែងដែលពួកគេកំពុងធ្វើចត្តាឡីស័ក។