ឥណ្ឌា៖ យោងតាមការចុះផ្សាយនៅក្នុងសារព័ត៌មាន Channel News Asia បានរាយការណ៍ថា ឥណ្ឌាកំពុងធ្វើតេស្តសាកល្បងក្នុងការប្រើប្រាស់យន្តហោះដ្រូនដែលអាចហោះហើរបានយូរឬអាចហោះហើរបានឆ្ងាយសម្រាប់ធ្វើជាមធ្យោបាយដឹកជញ្ជូនវ៉ាក់សាំងការពារជំងឺកូវីដ ១៩ ។ ការធ្វើតេស្តសាកល្បងនេះត្រូវបានរៀបចំឡើងនៅក្នុងរដ្ឋ Karnataka ភាគខាងត្បូងនៃប្រទេសឥណ្ឌា ហើយទីតាំងគោលដៅដែលគេគ្រោងនឹងប្រើប្រាស់ដ្រូសសម្រាប់ចែកចាយវ៉ាក់សាំងនេះគឺជាតំបន់ដាច់ស្រយាលដែលគេមិនអាចបើករថយន្តចូលទៅដល់ ខណៈក្រុមបុគ្គលិកសុខាភិបាលដែលត្រូវចុះទៅចាក់វ៉ាក់សាំងក្នុងតំបន់នេះត្រូវធ្វើដំណើរដោយថ្មើរជើងជាច្រើនគីឡូម៉ែត្រទើបអាចចូលទៅដល់សហគមន៍ដែលត្រូវចាក់វ៉ាក់សាំងជូនពលរដ្ឋ។ ក្នុងការធ្វើតេស្តសាកល្បងនេះគេបានយកដ្រូនចំនួន ២ ប្រភេទមកប្រើប្រាស់ ដោយដ្រូនទី ១ អាចដឹកវត្ថុដែលមានទម្ងន់ ១ គីឡូក្រាមនិងមានសមត្ថភាពអាចហោះហើរបានរយៈពេល ១ ម៉ោង ឬស្មើនឹងចម្ងាយផ្លូវ ២០ គីឡូម៉ែត្រ ខណៈដ្រូនទី ២ អាចផ្ទុកទម្ងន់បានចំនួន ២ គីឡូក្រាមតែមានសមត្ថភាពហោះហើរបានត្រឹមតែ ១៥ គីឡូម៉ែត្រប៉ុណ្ណោះ។

វៀតណាម៖ បណ្តាញសារព័ត៌មានរដ្ឋវៀតណាមកាលពីថ្ងៃអង្គារ ទី ២២ ខែមិថុនាម្សិលមិញនេះបានឲ្យដឹងថា  ប្រទេសវៀតណាមនឹងទទួលបានវ៉ាក់សាំងការពារជំងឺកូវីដ ១៩ ប្រភេទ AstraZeneca ចំនួន ១ លានដូសរៀងរាល់សប្តាហ៍ចាប់ពីដើមខែក្រោយនេះតទៅ។ ប្រភពបានបញ្ជាក់ថា វ៉ាក់សាំង AstraZeneca ចំនួន ១ លានដូសនឹងត្រូវដឹកជញ្ជូនទៅកាន់ប្រទេសវៀតណាមមួយសប្តាហ៍ម្តងរហូតគ្រប់ចំនួនកំណត់ ៣០លានដូស ហើយបើទោះជាក្នុងករណីមានបញ្ហាត្រូវពន្យាពេលនៅសប្តាហ៍ខ្លះក៏ដោយ​ក៏ ដំណើរការនៃការបញ្ជូនវ៉ាក់សាំងនេះត្រូវតែបិទបញ្ចប់ត្រឹមឆ្នាំ ២០២១ នេះដែរ ពោលគឺមិនអាចអូសបន្លាយរហូតដល់ឆ្នាំក្រោយជាដាច់ខាត។ គួរបញ្ជាក់ជូនថា គិតត្រឹមពេលនេះវៀតណាមទើបទទួលបានវ៉ាក់សាំងសរុបប្រមណជា ៤,៤ លានដូសប៉ុណ្ណោះ ហើយក្នុងនោះមានពលរដ្ឋវៀតណាមចំនួន ១២១,៦៨១ នាក់បានទទួលវ៉ាក់សាំងរួចរាល់ទាំង ២ ដូស ខណៈពលរដ្ឋវៀតណាមប្រមាណជា

ថៃ៖ សារព័ត៌មាន បាងកកប៉ុស្តិ៍ បានរាយការណ៍ថា មជ្ឈមណ្ឌលឧត្តមភាពវេជ្ជសាស្រ្តនៃសាកលវិទ្យាល័យជូឡាឡុងកនកំពុងបើកការសិក្សាជាពិសេសមួយអំពីជម្រើសនៃការចាក់វ៉ាក់សាំងការពារជំងឺកូវីដ ១៩ ចំនួន ២ ប្រភេទផ្សេងគ្នាទៅកាន់មនុស្សតែម្នាក់។ បើតាមលោកវេជ្ជបណ្ឌិត Yong Poovorawan ដែលជាប្រធានគ្រប់គ្រងមជ្ឈមណ្ឌលខាងលើនេះបានឲ្យដឹងថា ក្នុងការសិក្សានេះគេបានជ្រើសរើសយកវ៉ាក់សាំងចំនួន ២ ប្រភេទគឺវ៉ាក់សាំង Sinovac និង AstraZeneca មកប្រើប្រាស់ ហើយតាមគម្រោងក្រុមអ្នកស្រាវជ្រាវចង់ចាក់វ៉ាក់សាំង Sinovac នៅដូសទី ១ ហើយរយៈពេល ៤ សប្តាហ៍ក្រោយមកគេនឹងចាក់វ៉ាក់សាំង  AstraZeneca ថែមមួយដូសទៀតដែលជាដូសទី ២ ទៅក្នុងខ្លួនមនុស្សតែម្នាក់។ វេជ្ជបណ្ឌិតរូបនេះបានបញ្ជាក់ថា មុនបើកការសិក្សានេះគេបានរកឃើញថាការប្រើប្រាស់វ៉ាក់សាំងចំនួន ២ ប្រភេទផ្សេងគ្នាទៅកាន់មនុស្សម្នាក់នឹងធ្វើឲ្យពួកគេមានប្រព័ន្ធការពាររាងកាយកាន់តែរឹងមាំខ្លាំង ហើយអាចប្រឆាំងនឹងមេរោគបំប្លែងខ្លួនថ្មីប្រភេទ

ថៃ៖ យោងតាមការចុះផ្សាយនៅក្នុងសារព័ត៌មាន បាងកកប៉ុស្តិ៍ បានឲ្យដឹងថា នៅក្នុងថ្ងៃពុធ  ទី ២៣ ខែ មិថុនានេះ អាជ្ញាធរសុខាភិបាលនៃប្រទេសថៃបានរកឃើញអ្នកឆ្លងជំងឺកូវីដ ១៩ ថ្មីចំនួន ៣,១៧៤នាក់ រីឯអ្នកស្លាប់ដោយសារជំងឺកូវីដ ១៩ វិញគឺមានចំនួន ៥១នាក់។ បើយោងតាមមជ្ឈមណ្ឌលគ្រប់គ្រងជំងឺកូវីដ ១៩ ថៃបានបញ្ជាក់ថា ក្នុងចំណោមអ្នកឆ្លងទាំងអស់ ក្នុងនោះមានអ្នកឆ្លងចំនួន ៣,១៣៨នាក់ជាអ្នកឆ្លងទូទៅ ចំណែកឯ ៣៦ នាក់ទៀតគឺជាអ្នកទោសដែលកំពុងជាប់ឃុំឃាំង។ សូមបញ្ជាក់ថា គិតមកទល់នឹងពេលនេះថៃបានរកឃើញអ្នកឆ្លងជំងឺកូវីដ ១៩ សរុបចំនួន ២២៨,៥៣៩នាក់ និងស្លាប់សរុបចំនួន ១,៧៤៤ នាក់ផងដែរ៕ អត្ថបទ៖ ភក្តី

ថៃ៖ យោងតាមការចុះផ្សាយនៅក្នុងសារព័ត៌មាន បាងកកប៉ុស្តិ៍ បានឲ្យដឹងថា ក្រសួងសុខាភិបាលសាធារណៈ​ថៃកំពុងបើកការសិក្សាជាបន្ទាន់អំពីជម្រើសនៃការចាក់វ៉ាក់សាំងការពារជំងឺកូវីដ ១៩ ដូសទី ៣ ទៅកាន់ប្រជាពលរដ្ឋដែលបានចាក់វ៉ាក់សាំងចំនួន ២ ដូសរួចរាល់ហើយដើម្បីឲ្យពួកគេមានប្រព័ន្ធការពាររាងកាយកាន់តែរឹងមាំបន្ថែមទៀតសម្រាប់ប្រឆាំងនឹងមេរោគកូវីដ ១៩ បំប្លែងខ្លួនទម្រង់ថ្មីប្រភេទ Delta ដែលគេបានរកឃើញដំបូងនៅក្នុងប្រទេសឥណ្ឌា។ បើតាមលោកវេជ្ជបណ្ឌិត Opas Karnkawinpong ដែលជាប្រធាននាយកដ្ឋានគ្រប់គ្រងជំងឺឆ្លងថៃបានបញ្ជាក់ថា ក្នុងការសិក្សានោះក្រុមអ្នកជំនាញថៃក៏សិក្សាអំពីជម្រើសនៃការចាក់វ៉ាក់សាំងប្រភេទផ្សេងៗគ្នាទៅកាន់មនុស្សតែម្នាក់ផងដែរ ដោយគេនឹងសិក្សាថាតើមនុស្សម្នាក់អាចចាក់វ៉ាក់សាំងដូសទី ២ ឬទី ៣ ដោយប្រើវ៉ាក់សាំងប្រភេទផ្សេងក្រៅពីវ៉ាក់សាំងដែលពួកគាត់បានចាក់កាលពីដូសទី ១ បានឬអត់។ គួររម្លឹកថា មេរោគកូវីដ ១៩ បំប្លែងខ្លួនថ្មីប្រភេទ Delta គឺជាប្រភេទមេរោគដែលអាចផ្តល់គ្រោះថ្នាក់ខ្ពស់ខ្លាំងណាស់បើធៀបទៅនឹងមេរោគកូវីដ ១៩

ថៃ៖ យោងតាមការចុះផ្សាយនៅក្នុងសារព័ត៌មាន បាងកកប៉ុស្តិ៍ បានឲ្យដឹងថា នៅក្នុងថ្ងៃអង្គារ  ទី ២២ ខែ មិថុនានេះ អាជ្ញាធរសុខាភិបាលនៃប្រទេសថៃបានរកឃើញអ្នកឆ្លងជំងឺកូវីដ ១៩ ថ្មីចំនួន ៤,០៥៩នាក់ រីឯអ្នកស្លាប់ដោយសារជំងឺកូវីដ ១៩ វិញគឺមានចំនួន ៣៥នាក់។ បើយោងតាមមជ្ឈមណ្ឌលគ្រប់គ្រងជំងឺកូវីដ ១៩ ថៃបានបញ្ជាក់ថា ក្នុងចំណោមអ្នកឆ្លងទាំងអស់ ក្នុងនោះមានអ្នកឆ្លងចំនួន ៣,៩៨៤នាក់ជាអ្នកឆ្លងទូទៅ ចំណែកឯ ៧៥ នាក់ទៀតគឺជាអ្នកទោសដែលកំពុងជាប់ឃុំឃាំង។ សូមបញ្ជាក់ថា គិតមកទល់នឹងពេលនេះថៃបានរកឃើញអ្នកឆ្លងជំងឺកូវីដ ១៩ សរុបចំនួន ២២៥,៣៦៥នាក់ និងស្លាប់សរុបចំនួន ១,៦៩៣ នាក់ផងដែរ៕ អត្ថបទ៖ ភក្តី

អាមេរិក៖ ការសិក្សាមួយបានបង្ហាញថា ក្នុងចំណោមករណីឆ្លងជំងឺកូវីដ ១៩ ថ្មីនៅក្នុងសហរដ្ឋអាមេរិកទាំងអស់គឺមានការចម្លងនូវមេរោគបំប្លែងខ្លួនប្រភេទ Delta ប្រមាណជា ១០%ផងដែរ។ គួររម្លឹកថា មេរោគកូវីដ ១៩ ប្រភេទ Delta ត្រូវបានរកឃើញដំបូងនៅក្នុងប្រទេសឥណ្ឌា ហើយមេរោគប្រភេទនេះមានលក្ខណៈចម្លងបានលឿនជាងមេរោគធម្មតានិងអាចបង្កជាគ្រោះថ្នាក់ខ្លាំងណាស់ចំពោះអ្នកជំងឺ ហើយក្នុងពេលបច្ចុប្បន្ននេះមេរោគកូវីដ ១៩ ប្រភេទ Delta កំពុងរាតត្បាតយ៉ាងខ្លាំងនៅក្នុងប្រទេសឥណ្ឌានិងប្រទេសខ្លះក៏មានករណីឆ្លងមេរោគប្រភេទនេះក្នុងចំនួនតិចតួចផងដែរ ខណៈពិភពលោកទាំងមូលកំពុងបង្ហាញនូវក្តីកង្វល់យ៉ាងខ្លាំងចំពោះការរាតត្បាតមេរោគបំប្លែងខ្លួនថ្មីនេះ។ ការសិក្សាខាងលើនេះត្រូវបានធ្វើឡើងដោយមជ្ឈមណ្ឌលគ្រប់គ្រងជំងឺឆ្លងជាតិអាមេរិក ដោយការសិក្សាម្តងត្រូវការរយៈពេល ២ សប្តាហ៍ ហើយរហូតមកទល់មកគេបានធ្វើការសិក្សាជាច្រើនរួចមកហើយ និងទទួលបានលទ្ធផលផ្សេងៗគ្នាផងដែរ។ ការសិក្សាដែលបានបិទបញ្ចប់ត្រឹមថ្ងៃទី ២២ ខែ ឧសភា បានបង្ហាញថា មេរោគកូវីដ ១៩

ឥណ្ឌា៖ ប្រជាពលរដ្ឋនៅក្នុងភូមិមួយនៃប្រទេសឥណ្ឌាបដិសេធមិនព្រមចាក់វ៉ាក់សាំងការពារជំងឺកូវីដ ១៩ នោះទេ ព្រោះពួកគេខ្លាចព្រះជាម្ចាស់ឬអទិទេពខឹងនឹងពួកគេ។ បើយោងតាមការចុះផ្សាយនៅក្នុងាសារព័ត៌មាន Aljazeera បានឲ្យដឹងថា ភូមិមួយនេះមានឈ្មោះ​ Malana ជាភូមិដាច់ស្រយាលមួយស្ថិតនៅភាគខាងជើងនៃរដ្ឋ Himachal Pradesh ហើយដើម្បីទៅដល់ភូមិបុរាណមួយនេះក្រុមបុគ្គលិកសុខាភិបាលឥណ្ឌាត្រូវធ្វើដំណើរដោយថ្មើរជើងក្នុងចម្ងាយប្រមាណជា ៥ គីឡូម៉ែត្រ ព្រោះតែគេមិនអាចបើករថយន្តចូលទៅដល់ក្នុងភូមិនេះបានទេ។ យ៉ាងណាក្តី ការព្យាយាមរបស់ក្រុមបុគ្គលិកចាក់វ៉ាក់សាំងមិនទទួលបានលទ្ធផលវិជ្ជមានឡើយដោយពលរដ្ឋនៅក្នុងភូមិប្រមាណជា ២,២០០ នាក់បានបដិសេដមិនព្រមចាក់វ៉ាក់សាំងឡើយ ខណៈមានពលរដ្ឋត្រឹមតែ ៣៦ នាក់ប៉ុណ្ណោះដែលព្រមចាក់វ៉ាក់សាំង។ មូលហេតុដែលពលរដ្ឋមិនព្រមចាក់វ៉ាក់សាំងក៏ព្រោះតែពួកគេជឿតាមមេដឹកនាំភូមិនេះថា ភូមិរបស់ពួកគេមានអទិទេពដែលមានឈ្មោះថា Jagadamani Rishi ការពាររួចទៅរួចហើយ ហើយព្រះអទិទេពមិនព្រមឲ្យពួកគេចាក់វ៉ាក់សាំងបន្ថែមទៀតនោះទេ។ ដូចនេះបើពួកគេនាំគ្នាទៅចាក់វ៉ាក់សាំងមានន័យថា ពួកគេប្រឆាំងនឹងបញ្ជារបស់ព្រះអទិទេព ហើយព្រះអទិទេពនឹងខឹងពួកគេហើយនឹងដាក់បណ្តាសាចំពោះពួកគេទៀតផង។ ចំពោះពលរដ្ឋទាំង ៣៦

ចិន៖ អាជ្ញាធរសុខាភិបាលនៃប្រទេសចិនបានឲ្យដឹងថាគិតត្រឹមថ្ងៃអាទិត្យទី ២០ ខែមិថុនាម្សិលមិញនេះចិនបានចាក់វ៉ាក់សាំងការពារជំងឺកូវីដ ១៩ នៅក្នុងប្រទេសខ្លួនបានចំនួនជាង ១ ពាន់លានដូសហើយ ខណៈបើគិតជាភាគរយគឺតួលេខនេះមានចំនួនច្រើនជាង ១/៣ នៃចំនួនវ៉ាក់សាំងដែលគេបានចាក់ជូនពលរដ្ឋសរុបនៅទូទាំងពិភពលោកទៅទៀត។ គួរម្លឹកថា សេចក្តីជូនដំណឹងរបស់អាជ្ញាធរនេះត្រូវបានធ្វើឡើងបន្ទាប់ពីចិនបានសម្រេចការចាក់វ៉ាក់សាំងបានចំនួន ២០,២៣លានដូសកាលពីថ្ងៃសោរ៍ ទី ១៩ ខែមិថុនាកន្លងទៅដែលនាំឲ្យចំនួនវ៉ាក់សាំងសរុបចាក់នៅក្នុងប្រទេសចិនកើនដល់ ១,០១ ពាន់លានដូស​​ ខណៈគិតត្រឹមរយៈពេលដូចគ្នានេះពិភពលោកទាំងមូលទើបសម្រេចការចាក់វ៉ាក់សាំងបានចំនួន ២,៥ពាន់លានដូសប៉ុណ្ណោះ។ យ៉ាងណាក្តី អាជ្ញាធរចិនមិនបានបញ្ជាក់ទេថាក្នុងចំណោមវ៉ាក់សាំងទាំង ១,០១ពាន់លានដូសនោះចិនបានចាក់ជូនពលរដ្ឋខ្លួនប៉ុន្មានភាគរយនិងចាក់ជូនជនបរទេសបានប៉ុន្មានភាគរយ ហើយចិនក៏មិនបានបញ្ជាក់ពីចំនួនភាគរយនៃប្រភេទវ៉ាក់សាំងដែលបានប្រើប្រាស់ដែរ ដ្បិតនៅក្នុងប្រទេសចិនមានការប្រើប្រាស់វ៉ាក់សាំងចំនួន ៤ ប្រភេទផ្សេងគ្នា គឺវ៉ាក់សាំងប្រភេទ Sinopharm, Sinovac ដែលផលិតនៅក្នុងប្រទេសចិន​ និងវ៉ាក់សាំង Pfizer, Moderna

ថៃ៖ យោងតាមការចុះផ្សាយនៅក្នុងសារព័ត៌មាន បាងកកប៉ុស្តិ៍ បានឲ្យដឹងថា នៅក្នុងថ្ងៃចន្ទ  ទី២១ ខែ មិថុនានេះ អាជ្ញាធរសុខាភិបាលនៃប្រទេសថៃបានរកឃើញអ្នកឆ្លងជំងឺកូវីដ ១៩ ថ្មីចំនួន ៣,១៧៥នាក់ រីឯអ្នកស្លាប់ដោយសារជំងឺកូវីដ ១៩ វិញគឺមានចំនួន ២៩នាក់។ បើយោងតាមមជ្ឈមណ្ឌលគ្រប់គ្រងជំងឺកូវីដ ១៩ ថៃបានបញ្ជាក់ថា ក្នុងចំណោមអ្នកឆ្លងទាំងអស់ ក្នុងនោះមានអ្នកឆ្លងចំនួន ៣,០៣៥នាក់ជាអ្នកឆ្លងទូទៅ ចំណែកឯ ១៤០ នាក់ទៀតគឺជាអ្នកទោសដែលកំពុងជាប់ឃុំឃាំង។ សូមបញ្ជាក់ថា គិតមកទល់នឹងពេលនេះថៃបានរកឃើញអ្នកឆ្លងជំងឺកូវីដ ១៩ សរុបចំនួន ២២១,៣០៦នាក់ និងស្លាប់សរុបចំនួន ១,៦៥៨ នាក់ផងដែរ៕ អត្ថបទ៖ ភក្តី ប្រភព៖ បាងកកប៉ុស្តិ៍