ថៃ៖ យោងតាម Page Facebook ផ្លូវការរបស់សារព័ត៌មាន The National Thailand បានចុះផ្សាយមុននេះបន្តិចថា រដ្ឋាភិបាលថៃបានសម្រេចលុបចោលកម្មពិធីបុណ្យចូលឆ្នាំប្រពៃណីរបស់ខ្លួន ឬគេច្រើនហៅថា បុណ្យសង្ក្រាន្តហើយ បន្ទាប់ពីជំងឺកូវីដ ១៩ ហាក់កំពុងរាតត្បាតខ្លាំងឡើងវិញនៅក្នុងប្រទេសថៃ។ ប្រភពបានបន្តចុះផ្សាយដោយខ្លីថា នៅថ្ងៃពុធនេះលោកនាយករដ្ឋមន្ត្រីថៃ ប្រាយុទ្ធ ចាន់អូចា នឹងបើកកិច្ចប្រជុំគណរដ្ឋមន្ត្រីជាបន្ទាប់មួយដើម្បីពិភាក្សាអំពីការដាក់ចេញវិធានការសំខាន់ៗសម្រាប់ទប់ស្កាត់រលកថ្មីនៃជំងឺកូវីដ ១៩ នេះផងដែរ៕ អត្ថបទ៖ ភក្តី ប្រភព៖ The National Thailand

ថៃ៖ ព្រះសង្ឃថៃមួយអង្គត្រូវបានសារព័ត៌មាន បាងកកប៉ុស្តិ៍ រាយការណ៍ជាបន្ទាន់កាលពីព្រឹកថ្ងៃទី ៧ ខែ មេសានេះថា ព្រះអង្គបានជាប់នៅក្នុងរូងភ្នំមួយកន្លែងបន្ទាប់ពីទឺកជំនន់បានជនលិចយ៉ាងឆាប់រហ័សនិងបានកាត់ផ្តាច់ផ្លូវចេញចូលក្នុងរូងភ្នំនោះ។ ប្រភពខាងលើបន្ថែមថា ព្រះសង្ឃអង្គនេះមានព្រះជន្ម ៤០ វស្សា តែគេនៅពុំទាន់បានស្គាល់ព្រះនាមរបស់អង្គនៅឡើយទេ ហើយចំពោះរូងភ្នំដែលជាកន្លែងកើតហេតុវិញមានឈ្មោះថា​រូងភ្នំ Phra Sai Ngam ស្ថិតនៅក្នុងតំបន់ព្រៃមួយក​ន្លែងក្នុងខេត្ត  Phitsanulok ភាគខាងជើងនៃប្រទេសថៃ។ បើតាមអាជ្ញាធរខេត្ត Phitsanulok បានឲ្យដឹងថា ទឹកជំនន់ដែលបង្កឡើងដោយទឹកភ្លៀងបានជនឡើងខ្លាំងតាំងពីថ្ងៃអាទិត្យមកម្លះ ហើយព្រះតេជគុណគឺបានជាប់នៅក្នុងរូងភ្នំតាំងពីថ្ងៃអាទិត្យនោះមកដែរ តែខាងអាជ្ញាធរទើបទទួលបានដំណឹងពីបញ្ហានេះកាលពីព្រឹកមិញនេះនិងបានចាត់វិធានការជួយសង្គ្រោះភ្លាមៗតែម្តង។ រហូតមកទល់នឹងពេលនេះក្រុមអ្នកជួយសង្គ្រោះបន្ទាន់កំពុងតែស្វែងរកវិធីចូលទៅជួយព្រះសង្ឃដែលកំពុងជាប់នៅក្នុងរូងភ្នំ ហើយលទ្ធយ៉ាងណានោះគឺខាងអាជ្ញាធរខេត្ត Phitsanulok  នឹងធ្វើសេចក្តីរាយការណ៍នៅពេលបន្ទាប់ទៀត៕ អត្ថបទ៖ ភក្តី ប្រភព៖ បាងកកប៉ុស្តិ៍

ហ្វីលីពីន៖ បុរសហ្វីលីពីនម្នាក់ត្រូវបានសារព័ត៌មាន  Insider រាយការណ៍ថា បានស្លាប់បាត់បង់ជីវិតបន្ទាប់ពីរូបគាត់ត្រូវបានអាជ្ញាធរហ្វីលីពីនដាក់ទណ្ឌកម្មឲ្យអាហ្វង់ចំនួន ៣០០ ដង ព្រោះតែគាត់បានធ្វើសកម្មភាពបំពាននឹងបំរាមគោចររបស់រដ្ឋាភិបាលដែលបានដាក់ចេញក្នុងគោលបំណងទប់ស្កាត់ការរាតត្បាតជំងឺកូវីដ ១៩។ បុរសជាជនរងគ្រោះមានឈ្មោះថា Darren Manaog Penaredondo និងមានអាយុ ២៨ ឆ្នាំ រស់នៅក្នុងខេត្ត Cavite ភាគខាងត្បូងក្រុង Manila ហើយនៅក្នុងថ្ងៃកើតហេតុនោះរូបគាត់រួមជាមួយនិងមិត្តភក្តិផ្សេងទៀតបានចេញទៅទិញទឹកសុទ្ធញ៉ាំនិងបានត្រលប់មកវិញយឺតពេល ពោលគឺលើសពីម៉ោង ៦ ល្ងាច។ ពេលនោះអាជ្ញាធរបានសម្រេចដាក់ទណ្ឌកម្មឲ្យជនរងគ្រោះនិងមិត្តភក្តិគាត់អាហ្វង់ដំណាលគ្នាចំនួន ១០០ ដង ហើយបើអ្នកណាម្នាក់ក្នុងចំណោមពួកគេបោះបង់ការអាហ្វង់ត្រង់ចំណុចណាមួយមុនអាហ្វង់គ្រប់ចំនួន ១០០ នោះ គឺក្រុមទាំងមូលនឹងតម្រូវឲ្យអាហ្វក់សាដើមវិញ។ ជាលទ្ធផលជនរងគ្រោះនិងមិត្តភក្តិបានចំណាយពេលយ៉ាងយូរទម្រាំតែអាចអាហ្វង់គ្រប់ចំនួន ហើយបើគិតជាមធ្យមម្នាក់ៗត្រូវអាហ្វង់ដល់ ៣០០ ដងឯណោះ។

ម៉ាឡេស៊ី៖ យោងតាមការចុះផ្សាយនៅក្នុងសារព័ត៌មាន World of Buzz បានឲ្យដឹងថា អាជ្ញាធរម៉ាឡេស៊ីបានចុះទៅផាកពិន័យទ្រង់ទ្រាយធំចំពោះភោជនីយដ្ឋានមួយកន្លែងដែលបានបើកដំណើរដោយមានលក្ខណៈផ្ទុយទៅនឹងបំរាមរបស់របស់អាជ្ញាធរសុខាភិបាលក្នុងការទប់ស្កាត់ជំងឺកូវីដ ១៩ ដោយការពិន័យនោះមានទំហំជាទឹកប្រាក់រហូតដល់ ៥៤៥ ០០០ រីងហ្គីត (១៣១ ៨៨២ ដុល្លារអាមេរិក)​ ឯណោះ។ ប្រភពខាងលើបញ្ជាក់ថា ភោជនីយដ្ឋានដែលត្រូវបានអាជ្ញាធរផាកពិន័យនេះមានទីតាំងស្ថិតនៅក្នុងទីក្រុងកូឡាំឡាំពួរ ហើយបើទោះជាកន្លែងមួយនេះស្ថិតនៅក្រោមស្លាកយីហោជាភោជនីយដ្ឋានក៏ពិតមែន តែការរចនានិងបរិយាកាសនៅខាងក្នុងវិញគឺវាស្រដៀងទៅនឹងក្លឹបរាត្រីដែរ ហើយម្ចាស់ភោជនីយដ្ឋានថែមទាំងបានបំពាក់នូវឧបករណ៍ការពារមិនឲ្យមានសំឡេងតន្រី្តចេញមកក្រៅទៀតផង។ ក្នុងពេលចុះទៅបង្រ្កាបនោះអាជ្ញាធរបានឃាត់ខ្លួនអតិថិជនជាបុរសចំនួន ៦៨​ នាក់ ស្ត្រី ៤១ នាក់ និងអ្នកបម្រើការងារនៅទីនោះចំនួន ៩ នាក់ផ្សេងដែរ ហើយពួកគេសុទ្ធតែបានបំពាននូវបំរាមរបស់អាជ្ញាធរដូចៗគ្នាគឺធ្វើការជួបជុំក្នុងចំណោមមនុស្សច្រើនដោយមិនរក្សាគម្លាតសង្គម និងនៅជួបជុំផឹកស៊ីលើសម៉ោងកំណត់របស់អាជ្ញាធរ។ សូមបញ្ជាក់ថា ទីទាំងមួយនេះធ្លាប់ត្រូវបានអាជ្ញាធរចុះទៅបង្រ្កាបជាច្រើនដងមកហើយនាពេលកន្លងមកទើបលើកនេះត្រូវពិន័យកម្រិតធ្ងន់

កាលពីថ្ងៃចន្ទ ម្សិលមិញនេះមានព្យុះស៊ីក្លូនត្រូពិកដ៏អាក្រក់មួយបានវាយប្រហារប្រទេសឥណ្ឌូនេស៊ីនិងប្រទេសទីម័រខាងកើតយ៉ាងខ្លាំង ហើយឥទ្ធិពលខ្យល់ព្យុះបានបង្កឲ្យមានបញ្ហាបាក់ស្រុតដីនិងទឹកជំនន់ភ្លាមៗ ហើយបានបង្កគ្រោះថ្នាក់ដល់ពលរដ្ឋជាច្រើននាក់ផងដែរ។ សារព័ត៌មាន Channel News Asia បានចុះផ្សាយរបាយការណ៍ចុងក្រោយមួយនៅព្រឹកថ្ងៃអង្គារទី ៦ មេសានេះដោយបានបង្ហាញថា គិតមកទល់ពេលនេះមានពលរដ្ឋឥណ្ឌូនេស៊ីចំនួន ៨៦ នាក់បានស្លាប់ និង ៧១ នាក់ផ្សេងទៀតកំពុងបាត់ខ្លួន ខណៈក្រុមអ្នកជួយសង្គ្រោះបានឲ្យដឹងថា លទ្ធភាពដែលអ្នកបាត់ខ្លួនទាំងនោះនៅមានជីវិតគឺមានតិចណាស់។ ដោយឡែកសម្រាប់ប្រទេសទីម័រខាងកើតវិញគឺគិតត្រឹមពេលនេះបានរកឃើញអ្នកស្លាប់ចំនួន ២៧ នាក់​ ខណៈមានពលរដ្ឋទីម័រខាងកើតជាច្រើននាក់ផ្សេងទៀតកំពុងរងផលប៉ះពាល់ដោយផ្ទាល់និងដោយប្រយោលពីគ្រោះធម្មជាតិមួយនេះ។ ជាសរុបរួមត្រឹមតែមួយថ្ងៃម្សិលមិញនេះមានពលរដ្ឋឥណ្ឌូនេស៊ីនិងទីម័រខាងកើតបានស្លាប់បាត់បង់ជីវិតសរុបចំនួន ១១៣ នាក់ក្នុងរយៈពេលដ៏ខ្លីនិងដោយគ្មានអ្នកណាស្មានដល់នោះទេ។ ពេលនេះអាជ្ញាធរនៃប្រទេសទាំង ២ កំពុងដុតដៃដុតជើងជម្លៀសពលរដ្ឋមួយចំនួនទៅកាន់កន្លែងមានសុវត្ថិភាព ហើយអង្គការនិងស្ថាប័នសប្បុរសធម៌មួយចំនួនក៏កំពុងព្យាយាមជួយឧបត្ថម្ភចំណីអាហារនិងថ្នាំពេទ្យទៅកាន់ពលរដ្ឋទាំងនោះដែរ៕ អត្ថបទ៖ ភក្តី ប្រភព៖ Channel News

ថៃ៖ កាលពីថ្ងៃចន្ទ ម្សិលមិញនេះអភិបាលក្រុងបាងកកលោក Aswin Kwanmuang បានសម្រេចផ្អាកអាជីវកម្មកំសាន្តនៅតាមតំបន់ចំនួននៅក្នុងក្រុងរយៈពេល ២សប្តាហ៍ ដើម្បីចូលរួមទប់ស្កាត់រលកថ្មីនៃជំងឺកូវីដ ១៩ ដែលហាក់កំពុងរាតត្បាតយ៉ាងឆាប់រហ័សនៅក្នុងក្រុងបាងកក។ អភិបាលក្រុងរូបនេះបានបញ្ជាក់ថា អាជីវកម្មបែបកំសាន្តដែលអាជ្ញាធរក្រុងបាងកកបានផ្តោតសំខាន់នៅពេលនេះគឺ បារ ក្លឹបរាត្រី និងភោជយនីដ្ឋានដែលមានលក់គ្រឿងស្រវឹងគ្រប់ប្រភេទ។ វិធានការខាងលើនេះនឹងត្រូវផ្តើមអនុវត្តចាប់ពីថ្ងៃទី ៦ រហូតដល់ថ្ងៃទី ១៩ ខែ មេសា ​ហើយសង្កាត់ដែលតម្រូវឲ្យអនុវត្តវិធានការនេះមានចំនួន ៣ គឺសង្កាត់ Klong Toey, Watthana និង Bang Khae។ ចំពោះលក្ខខណ្ឌនៃការអនុវត្តវិធានការវិញគឺអាជីវកម្មដែលស្ថិតនៅក្នុងប្រភេទខាងលើនេះត្រូវបិទនៅម៉ោង ៩​ យប់ជាដាច់ខាត ហើយសម្រាប់នៅក្នុងម៉ោងបើកលក់មុនម៉ោង ៩

រុស្សី៖ បើទោះជាមានវ័យ ៦៨ ឆ្នាំក៏ដោយក្តីតែប្រធានាធិបតីនៃប្រទេសរុស្សីគឺលោក វ្លាឌីមៀ ពូទីន នៅតែអាចរៀបចំខ្លួនបានយ៉ាងស្រស់សង្ហារមិនចាញ់បុរសវ័យក្មេងឡើយ ហើយរហូតដល់កាលពីពេលថ្មីៗនេះគាត់ត្រូវបានគេបោះឆ្នោតឲ្យជាប់ជាបុរសដែលមានភាពទាក់ទាញ ឬជាបុរសសិចស៊ីបំផុតប្រចាំនៅប្រទេសរុស្សីទៀតផង។ បើយោងតាមការចុះផ្សាយនៅក្នុងសារព័ត៌មាន Daily Mail បានឲ្យដឹងថា ការបោះឆ្នោតមួយនេះត្រូវបានរៀបចំឡើងដោយគេហទំព័រ SuperJob ដោយមានអ្នកចូលរួមបោះឆ្នោតចំនួន ២ ០០០ ​នាក់ ក្នុងនោះមានបុរសចំនួន ១ ០០០ នាក់ និងស្រ្តីចំនួន ១ ០០០ នាក់ មកពីទីក្រុងជាង ៣០០ នៅទូទាំងប្រទេសរុស្សី ហើយការបោះឆ្នោតបានចាប់ផ្តើមពី ថ្ងៃទី ២២ រហូតដល់ថ្ងៃទី

ឥណ្ឌា៖ រដ្ឋាភិបាលនៃប្រទេសឥណ្ឌាបានសម្រេចបិទរដ្ឋដ៏សំខាន់មួយជាថ្មីម្តងទៀត ក្រោយចំនួនអ្នកឆ្លងជំងឺកូវីដ ១៩ នៅក្នុងរដ្ឋមួយនេះបានកើតឡើងខ្ពស់គួរឲ្យកត់សម្គាល់ ពោលគឺមានចំនួនច្រើនជាងពាក់កណ្តាលនៃចំនួនអ្នកឆ្លងសរុបប្រចាំថ្ងៃនៅទូទាំងប្រទេស។ បើយោងតាមការចុះផ្សាយនៅក្នុងសារព័ត៌មាន Channel News Asia បានឲ្យដឹងថា រដ្ឋមួយនេះមានឈ្មោះថា Maharashtra ដែលជាតំបន់សេដ្ឋកិច្ចដ៏សំខាន់និងជារដ្ឋមានបំផុតរបស់ឥណ្ឌា ហើយសូម្បីតែរដ្ឋធានីបុមបៃដែលជាបេះដូចនៃប្រទេសឥណ្ឌាក៏ស្ថិតនៅក្នុងរដ្ឋមួយនេះដែរ។ វិធានការដែលអាជ្ញាធរឥណ្ឌាបានដាក់ចេញចំពោះរដ្ឋ Maharashtra នៅពេលនេះគឺបិទរាល់សកម្មភាពអាជីវកម្មដែលមិនសូវចាំបាច់មួយចំនួនដូចជា ផ្សារទំនើប រោងកុន បារ ក្លឹបរាត្រី ភោជនីយដ្ឋាន ​និងកន្លែងកំសាន្តផ្សេងៗមួយចំនួនទៀត ដែលវិធានការនេះនឹងត្រូវអនុវត្តតែនៅចុងសប្តាហ៍និងអនុវត្តចាប់ពីសប្តាហ៍នេះ តទៅរហូតដល់មានការជូនដំណឹងជាថ្មីឡើងវិញ។ បើតាមប្រធានអាជ្ញាធរសុខាភិបាលប្រចាំរដ្ឋ Maharashtra គឺលោក Nawab Malik បានបញ្ជាក់ថា បើស្ថានភាពរាតត្បាតជំងឺកូវីដ ១៩

ថៃ៖ អ្នកជំនាញផ្នែកមេរោគឆ្លងនៅក្នុងប្រទេសថៃគឺលោកវេជ្ជបណ្ឌិត Yong Poovorawan បានព្រមានថា ថៃនឹងត្រូវប្រឈមនឹងការរាតត្បាតជំងឺកូវីដ ១៩ ទ្រង់ទ្រាយធំជាថ្មីទៀតដែលអាចជារលកទី ៣ ឬរលកទី ៤ បន្ទាប់ពីប្រទេសថៃបានរៀបចំពិធីបុណ្យចូលឆ្នាំប្រពៃណី ឬពិធីបុណ្យសង្ក្រាន្តរួច។ អ្នកជំនាញរូបនេះបានបន្តថា គោលនយោបាយរបស់រដ្ឋាភិបាលដែលបានលើកទឹកចិត្តឲ្យប្រជាពលរដ្ឋរៀបចំពិធីសង្រ្កាន្តនោះគឺជាកក្តាចម្បងជំរុញឲ្យមានការរីករាលដាលជំងឺកូវីដ ១៩ នៅសហគមន៍ បើទោះជាអាជ្ញាធរបានប្រាប់ឲ្យពលរដ្ឋត្រូវរក្សាវិធានការអនាម័យក្នុងអំឡុងពិធីបុណ្យនោះក៏ដោយ។ វេជ្ជបណ្ឌិត Yong Poovorawan បានព្យាករណ៍ទៀតថា ចំនួនអ្នកឆ្លងជំងឺកូវីដ ១៩ នៅក្នុងប្រទេសថៃអាចនឹងកើតឡើងពីខ្ទង់ជាង ១០ ទៅដល់រាប់ពាន់ករណីក្នុងមួយថ្ងៃ ហើយពេលនោះរដ្ឋាភិបាលនឹងត្រូវចំណាយលុយជាច្រើនសម្រាប់ព្យាបាលអ្នកជំងឺនិងសម្រាប់ធ្វើតេស្តចំពោះពលរដ្ឋដែលមានការជាប់ពាក់ព័ន្ធជាច្រើននាក់ផ្សេងទៀត។ វេជ្ជបណ្ឌិត Yong Poovorawan ដែលជាប្រធានមជ្ឈមណ្ឌលឧត្តមភាពនៃរោគសាស្ត្រប្រចាំនៅក្នុងសាកលវិទ្យាល័យជូឡាឡុងកនបានពន្យល់ថា តាមការសង្កេតរបស់គាត់គឺជំងឺកូវីដ ១៩

តៃវ៉ាន់៖ យោងតាមការចុះផ្សាយនៅក្នុងសារព័ត៌មាន World of Buzz បានឲ្យដឹងថា មានស្ត្រីម្នាក់បានធ្វើសកម្មភាពកាត់អាអូនតូចរបស់មិត្តប្រុសនិងបានយកទៅបោះចោលនៅក្នុងបង្គន់ ព្រោះតែគាត់កើតចិត្តសង្ស័យថាមិត្តប្រុសរូបនោះលួចទៅមានស្រ្តីផ្សេងក្បត់ចិត្តគាត់។ ហេតុការណ៍នេះបានកើតឡើងនៅក្នុងក្រុង Changhua កោះតៃវ៉ាន់ កាលពីពេលថ្មីៗនេះ ហើយស្រ្តីជាជនបង្កហេតុត្រូវបានគេដឹងថា ជាស្ត្រីដែលមានកំណើតវៀតណាមមានអាយុ ៤០ ឆ្នាំខណៈបុរសជាជនរងគ្រោះមានឈ្មោះថា Huang និងមានអាយុ ៥២ ឆ្នាំ។ នៅក្នុងស្ថានីយ៍ប៉ូលិសស្ត្រីជាជនបង្កហេតុបានប្រាប់ថា គាត់ពិតជាខឹងខ្លាំងណាស់ ដោយសង្ស័យថាមិត្តប្រុសរបស់គាត់បានលួចទៅមានស្រីផ្សេងក្បត់ចិត្តគាត់ ហើយដោយទ្រាំមិនបានទើបគាត់សម្រេចកាត់ប្រដាប់ភេទរបស់មិត្តប្រុសនោះចោលតែម្តង។ ស្រ្តីរូបនេះបានរៀបរាប់ថា មុនពេលធ្វើសកម្មភាព គាត់បានធ្វើស៊ុបមាន់ដោយបានដាក់ស្រាចូលក្នុងស៊ុបនោះជាច្រើនដើម្បីឲ្យមិត្តប្រុសរបស់គាត់ញ៉ាំ ហើយបន្ទាប់ពីញ៉ាំស៊ុបនោះរួចបុរសជាជនរងគ្រោះក៏មានអារម្មណ៍ងងុយនិងគេងលក់តែម្តង ទើបស្រ្តីជាជនបង្កហេតុអាចធ្វើសកម្មភាពនេះបានដោយងាយ។ យ៉ាងណាក្តី បុរសជាជនរងគ្រោះពុំមានគ្រោះថ្នាក់ជីវិតនោះទេ ហើយខណៈពេលស្រ្តីជាជនបង្កហេតុត្រូវបានឃុំខ្លួនជាបណ្តោះអាសន្នដើម្បីរង់ចាំការផ្តទ្ទាទោសទៅតាមច្បាប់៕   អត្ថបទ៖