អាឡឺម៉ង់៖ ស្រ្តីចំណាស់ចំនួន ២នាក់បានស្លាប់បាត់បង់ជីវិតនៅក្នុងហេតុការណ៍មានយន្តហោះខ្នាតតូចមួយគ្រឿងបានហោះទៅបុកដំបូលផ្ទះមួយខ្នងនៅក្នុងប្រទេសអាឡឺម៉ង់ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃទី១ ខែមិថុនា។ ហេតុការណ៍អកុសលនេះបានកើតឡើងនៅក្នុងក្រុង​ Kleinenbroich​ ដែលស្ថិតនៅតំបន់ប៉ែកខាងលិចនៃប្រទេសអាឡឺម៉ង់។ បើតាមអាជ្ញាធរអាឡឺម៉ង់បានបញ្ជាក់ថា នៅក្នុងចំណោមជនរងគ្រោះដែលបានស្លាប់បាត់បង់ជីវិតទាំង ២នាក់នោះគឺមានជនរងគ្រោះម្នាក់ជាស្រ្តីវ័យ ៧១ឆ្នាំ និងជាអ្នកបើកបរយន្តហោះផ្ទាល់តែម្តង ខណៈជនរងគ្រោះម្នាក់ទៀតគឺជាស្រ្តីវ័យ ៨៤ឆ្នាំ និងជាម្ចាស់ផ្ទះ ដែលជាកន្លែងកើតហេតុ។ រហូតមកទល់នឹងពេលនេះអាជ្ញាធរអាឡឺម៉ង់នៅមិនទាន់អាចបញ្ជាក់អំពីមូលហេតុជាក់លាក់ ដែលបង្កឱ្យមានគ្រោះថ្នាក់នេះកើតឡើងនៅឡើយទេ ខណៈការស៊ើបអង្កេតកំពុងត្រូវបានធ្វើឡើងដោយក្រុមអ្នកជំនាញផ្នែកអាកាសចរណ៍៕ អត្ថបទ៖ ភក្តី ប្រភព៖  The Strait Time

ឥណ្ឌូណេស៊ី៖ អាជ្ញាធរកោះបាលី ដែលជាតំបន់ទេសចរណ៍ដ៏ល្បីល្បាញបំផុតមួយនៅលើពិភពលោកគ្រោងនឹងធ្វើការហាមឃាត់ការប្រើប្រាស់ទឹកសុទ្ធ ដែលមានចំណុះតិចជាង ១លីត្រក្នុងមួយដប​ ដើម្បីកាត់បន្ថយកាកសំណល់ប្លាស្ទិក​ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃទី៣១ ខែឧសភា។ បើគ្មានអ្វីជាឧបសគ្គនោះទេ ច្បា​ប់ស្តីពីការហាមឃាត់ការប្រើប្រាស់ទឹកសុទ្ធមានចំណុះតិចជាង ១លីត្រក្នុងមួយដបនេះនឹងត្រូវចូលជាធរមាននៅដើមឆ្នាំ ២០២៦។ បើតាមលោក I Wayan Koster ដែលជាអភិបាលខេត្តបាលីបានឱ្យដឹងថា គម្រោងខាងលើនេះគឺជាផ្នែកមួយនៃគោលនយោបាយថែរក្សាបរិស្ថានធម្មជាតិ តាមរយៈវិធានការទប់ស្កាត់កាកសំណល់ផ្សេងៗ និងជាពិសេសនោះគឺកាកសំណលប្លាសិក ដែលមិនអាចរលាយនៅក្នុងដីបាននោះទេ។ អភិបាលខេត្តរូបនេះបានបន្តថា បញ្ហាកាកសំណល់ប្លាសិ្ទកមិនត្រឹមតែអាចផ្តល់ផលប៉ះពាល់ដល់សោភ័ណ្ឌភាព អនាម័យ និងសណ្ឋាប់ធ្លាប់នៅលើកោះបាលីទាំងមូលនោះទេ តែវាក៏ជាកត្តាមួយដែលអាចជះឥទ្ធិពលអាក្រក់ដល់សុខភាពប្រជាពលរដ្ឋក្នុងកម្រិតធ្ងន់ធ្ង​រផងដែរ ប្រសិនបើបញ្ហានេះបន្តកើតមាននៅក្នុងរយៈពេលវែង៕ អត្ថបទ៖ ភក្តី ប្រភព៖ The Strait

ឥណ្ឌា៖ យ៉ាងណោចណាស់មានមនុស្សចំនួន ៥នាក់បានស្លាប់​បាត់បង់ជីវិតដោយសារទឹកជំនន់ក្នុងប្រទេសឥណ្ឌា នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃទី៣១ ខែឧសភា។ តំបន់ដែលកំពុងប្រឈមនឹងគ្រោះធម្មជាតិដ៏គ្រោះថ្នាក់នេះគឺរដ្ឋ Assam ដែលស្ថិតនៅប៉ែកខាងកើតនៃប្រទេសឥណ្ឌា។ បើតាមអាជ្ញាធរគ្រប់គ្រងគ្រោះមហន្តរាយឥណ្ឌាបានបញ្ជាក់ថា ទឹកទំនន់ខាងាលើនេះបានកើតក្រោយភ្លៀងមូសុងបានធ្លាក់ក្នុងបរិមាណយ៉ាងច្រើននិងជាច្រើនថ្ងៃជាប់ៗគ្នា រហូតបង្កទៅជាជំនន់ទឹកភ្លៀងយ៉ាងឆាប់រហ័សតែម្តង។ ប្រភពខាងបានបន្តថា គិតត្រឹមពេលនេះបញ្ហាអាកាសធាតុនៅក្នុងរដ្ឋ ហាក់មិនទាន់មានភាពល្អប្រសើរនៅឡើយទេ ហើយប៉ះពាល់ក៏អាចបន្តកើតមានបន្ថែមទៀតផងដែរ ដ្បិតភ្លៀងនៅតែបន្តធ្លាក់៕ អត្ថបទ៖ ភក្តី ប្រភព៖ The Strait Time

ឥណ្ឌូណេស៊ី៖ យ៉ាងហោចណាស់មានមនុស្សចំនួន ៨នាក់បានស្លាប់បាត់បង់ជីវិតនៅក្នុងហេតុការណ៍បាក់ផ្ទាំងថ្មដ៏កម្រមួយនៅក្នុងប្រទេសឥណ្ឌូណេស៊ី នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃសុក្រ ទី៣០ ខែឧសភា។ ហេតុការណ៍អកុសលនេះបានកើតឡើងនៅក្នុងការដ្ឋានយកថ្មមួយកន្លែង មានទីតាំងស្ថិតនៅក្នុងតំបន់ Cirebon នៃខេត្ត West Java ដែលជាដែនដីកោះធំមួយស្ថិតភាគខាងលិចនៃប្រទេសឥណ្ឌូណេស៊ី។ បើតាមអាជ្ញាធរខេត្ត West Java បានបញ្ជាក់ថា ក្រៅតែពីបានរកឃើញមានអ្នកស្លាប់ភ្លាមៗហើយ គិតត្រឹមពេលនេះក៏នៅមានមនុស្សចំនួន ១០នាក់ផ្សេងទៀតកំពុងតែបាត់ខ្លួន ហើយក្រុមអ្នកជំនាញកំពុងតែព្យាយាមស្វែងរកពួកគេតាមមធ្យោបាយផ្សេងជាច្រើនតាមតែអាចធ្វើទៅបាន ខណៈក្តីសង្ឃឹមថាពួកគេអាចមានសំណាងនៅរស់មានជីវិតនោះគឺមានតិចតួចបំផុត។ ប្រភពខាងលើបានបន្តថា ទាំងជនរងគ្រោះដែលបានស្លាប់បាត់បង់ជីវិត និងកំពុងបាត់ខ្លួនទាំងអស់គឺសុទ្ធតែជាក្រុមកម្មករ ដែលកំពុងបំពេញការងារនៅក្នុងការដ្ឋាននេះផ្ទាល់តែម្តង៕ អត្ថបទ៖ ភក្តី ប្រភព៖  The Strait Time

អាមេរិក៖ លេខាធិការដ្ឋាន នៃអង្គការសហប្រជាជាតិ កំពុងរៀបចំគម្រោងកាត់បន្ថយការងារប្រមាណជា ៦,៩០០កន្លែង នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃសុក្រ ទី៣០ ខែឧសភា។ គម្រោងកាត់បន្ថយបុគ្គលិកក្នុងចំនួនដ៏ច្រើនខាងលើនេះគឺវិធានការបន្ទាប់មួយ ដែលអង្គការសហប្រជាជាតិត្រូវអនុវត្តឱ្យស្របទៅតាមទំហំហិរញ្ញវត្ថុជាក់ស្តែង។ ប្រភពខាងលើបានបន្តថា គម្រោងកាត់បន្ថយបុគ្គលិកនេះត្រូវបានធ្វើឡើងស្របពេលដែលអង្គការសហប្រជាជាតិគ្រោងនឹងកាត់បន្ថយការចំណាយចំនួន ២០% ដែលមានតម្លៃជាទឹកប្រាក់ប្រមាណជា ៣,៧ពាន់លានដុល្លារ។ សូមបញ្ជាក់ជូនថា បញ្ហាហិរញ្ញវត្ថុដែលអង្គការសហប្រជាជាតិកំពុងជួបប្រទះនៅពេលនេះគឺបានកើតឡើងក្រោយពេលដែលលោកប្រធានាធិបតីអាមេរិក ដូណាល់ ត្រាំ សម្រេចផ្អាកផ្តល់ជំនួយទៅកាន់អង្គការមួយនេះក្នុងទំហំទឹកប្រាក់យ៉ាងច្រើន៕ អត្ថបទ៖ ភក្តី ប្រភព៖ The Strait Time

អាមេរិក៖ រដ្ឋាភិបាលអាមេរិកក្រោមការដឹកនាំរបស់លោកប្រធានាធិបតី ដូណាល់ ត្រាំ បានប្រកាសលុបចោលកិច្ចសន្យាអភិវឌ្ឍវ៉ាក់សាំងបង្ការជំងឺផ្តាសាយបក្សីតម្លៃ ៥៩០លានដុល្លារជាមួយក្រុមហ៊ុនផលិតឱសថ Moderna នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃព្រហស្បតិ៍ ទី២៩ ខែឧសភា។ ការសម្រេចលុបចោលកិច្ចសន្យាដែលមានតម្លៃរាប់រយលានដុល្លារនេះ គឺជាផ្នែកមួយនៃវិធានការកាត់បន្ថយការចំណាយមិនចាំបាច់របស់រដ្ឋាភិបាល ហើយវាក៏ជាគោលនយោបាយដ៏ចម្បងមួយរបស់លោក ដូណាល់ ត្រាំ ផងដែរ។ ប្រភពខាងលើបានបន្តថា កិច្ចសន្យាអភិវឌ្ឍវ៉ាក់សាំងខាងលើនេះគឺត្រូវបានធ្វើឡើងរវាងរដ្ឋាភិបាលអាមេរិកជាមួយនឹងក្រុមហ៊ុនផលិតឱសថ Moderna កាលពីថ្ងៃទី ១៧ ខែមករា ដើមឆ្នាំនេះ ពោលគឺមុនពេលដែលលោក ដូណាល់ ត្រាំ ឡើងកាន់ដំណែងជាប្រធានាធិបតីអាមេរិក តែ ៣ថ្ងៃប៉ុណ្ណោះ។ ខ្លឹមសារនៅក្នុងកិច្ចសន្យាបានបញ្ជាក់ថា រដ្ឋាភិបាលអាមេរិកនឹងផ្តល់ប្រាក់ជាច្រើនដំណាក់កាលទៅកាន់ក្រុមហ៊ុនផលិតឱសថ

អាមេរិក៖ រដ្ឋាភិបាលអាមេរិកក្រោមការដឹកនាំរបស់លោកប្រធានាធិបតី ដូណាល់ ត្រាំ បានប្រកាសលុបចោលទិដ្ឋការរបស់និស្សិតចិនដោយគ្មានការលើកលែង នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃព្រហស្បតិ៍ ទី២៩ ខែឧសភា។ វិធានការនេះនឹងធ្វើឱ្យប៉ះពាល់ដល់និស្សិតជនជាតិចិនរាប់ពាន់នាក់​ ដែលកំពុងស្នាក់នៅនិងបន្តការសិក្សាតាមសាកលវិទ្យាល័យនានានៅទូទាំងសហរដ្ឋអាមេរិក។ ប្រភពខាងលើបានបន្តថា វិធានការខាងលើនេះគឺជាផ្នែកមួយនៃយុទ្ធនាការទប់ស្កាត់ជនអន្តោប្រវេសន៍ ដែលកំពុងរស់នៅក្នុងសហរដ្ឋអាមេរិកដោយខុសច្បាប់ ឬទទួលបានទិដ្ឋការដោយមិនសមស្របពីសំណាក់រដ្ឋាភិបាលអាមេរិកកាលពីអាណត្តិមុន ពោលគឺជាពេលដែលអាមេរិកស្ថិតក្រោយការដឹកនាំរបស់លោកអតីតប្រធានាធិបតី ចូ បៃឌិន។ ភ្លាមៗក្រោយអាមេរិកចេញសេចក្តីប្រកាសខាងលើនេះ ស្ថានទូតចិនប្រចាំនៅក្នុងទីក្រុងវ៉ាស៊ីនតោន សហរដ្ឋអាមេរិក នៅមិនទាន់មានប្រតិកម្មឬការឆ្លើយតបយ៉ាងណានៅឡើយទេ៕  អត្ថបទ៖ ភក្តី ប្រភព៖ Channel News Asia    

ចិន៖ ក្រុមហ៊ុនផលិតរថយន្តអគ្គីសនីឈានមុខគេមួយរបស់ប្រទេសចិនគឺក្រុមហ៊ុន BYD គ្រោងនឹងដាក់ឱ្យប្រើប្រាស់បច្ចេកវិទ្យាបើកបរឆ្លាតវ័យចំពោះរថយន្តនៅក្នុងទីផ្សារអន្តរជាតិនៅក្នុងឆ្នាំក្រោយ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃពុធ ទី២៨​​ ខែឧសភា។ បច្ចេកវិទ្យាបើកបរឆា្លតវ័យនេះមានឈ្មោះថា “God’s Eye” ដែលក្រុមហ៊ុន BYD ធ្លាប់បានដាក់ឱ្យប្រើប្រាស់ចំពោះរថយន្តនៅក្នុងប្រទេសចិនកាលឆ្នាំ ២០២៣កន្លងទៅ។ ប្រភពខាងលើបានបន្តថា បច្ចេកវិទ្យាបើកបរឆ្លាតវ័យ ឬ “God’s Eye” ដែលមាននៅក្នុងរថយន្ត BYD នឹងអនុញ្ញាតឱ្យអ្នកប្រើប្រាស់រថយន្តទទួលបាននូវភាពងាយមិនគួរឱ្យនឹកស្មានមួយចំនួនដូចជា  វាមានមុនងារកែសម្រួលល្បឿនដោយស្វ័យប្រវត្តិដើម្បីបញ្ចៀសការប៉ះទង្គិចរថយន្តនៅខាងមុខ មុខងារបញ្ជារថយន្តឱ្យចតដោយស្វ័យប្រវត្តិ ឬបញ្ជារថយន្តឱ្យចូលចំណតពីចម្ងាយ ដោយគ្រាន់តែប្រើប្រាស់ទូរស័ព្ទដៃជាដើម។ សូមបញ្ជាក់ជូនថា រថយន្ត BYD កំពុងវាយលុកទីផ្សារនៅលើពិភពលោកយ៉ាងខ្លាំងក្នុងពេលបច្ចុប្បន្ន ព្រោះតែវាមានបំពាក់ទៅដោយបច្ចេកវិទ្យាយ៉ាងទំនើបលើសពីការគិតរបស់អ្នកប្រើប្រាស់៕ អត្ថបទ៖ ភក្តី ប្រភព៖ Channel

ចិន៖ យ៉ាងហោចណាស់មានមនុស្សចំនួន ៥នាក់បានស្លាប់បាត់បង់ជីវិតនៅក្នុងហេតុការណ៍មានភ្លើងឆេះរោងចក្រមួយកន្លែងនៅក្នុងប្រទេសចិន នេះបើយោងតាមការចុះផ្សាយរបស់បណ្តាញសារព័ត៌មាន Euro News នៅក្នុងថ្ងៃពុធ ទី២៨ ខែឧសភា។ រោងចក្រដែលជាកន្លែងកើតហេតុខាងលើនេះមានឈ្មោះថា Gaomi Youdao Chemical Co. ជាប្រភេទរោងចក្រគីមី ដែលមានទីតាំងស្ថិតនៅក្នុងខេត្ត Shandong  ភាគខាងកើតនៃប្រទេសចិន។ បើតាមអាជ្ញាធរចិនបានបញ្ជាក់ថា ក្រៅតែបានបណ្តាលឱ្យមានអ្នកស្លាប់បាត់បង់ជីវិតភ្លាមៗហើយ ហេតុការណ៍ផ្ទុះនេះក៏បានបណ្តាលឱ្យមានមនុស្សចំនួន ​១៩នាក់បានរងរបួសធ្ងន់និងស្រាលផងដែរ ហើយគិតត្រឹមពេលនេះនៅមានមនុស្សចំនួន ៦នាក់ផ្សេងទៀតកំពុងតែបាត់ខ្លួនទៀតផង។ ប្រភពខាងលើបានបន្តថា ទាំងជនរងគ្រោះដែលបានស្លាប់បាត់បង់ជីវិត​ រងរបួស និងកំពុងបាត់ខ្លួន គឺសុទ្ធតែជាកម្មករនៅក្នុងរោងចក្រ ខណៈរោងចក្រមួយនេះមានកម្មករសរុបប្រមាណជា ៥០០នាក់៕ អត្ថបទ៖ ភក្តី ប្រភព៖ Euro

បារាំង៖ ការលក់រថយន្តរបស់ក្រុមហ៊ុនលោកមហាសេដ្ឋី Elon Musk គឺរថយន្តម៉ាក Tesla នៅក្នុងទីផ្សារអឺរ៉ុបបានធ្លាក់ចុះជាង ៥០% បើគិតត្រឹមខែមេសា ឆ្នាំ២០២៥ នេះ ដោយធៀបទៅនឹងរបាយការណ៍លក់របស់ក្រុមហ៊ុនក្នុងរយៈពេលដូចគ្នាកាលពីឆ្នាំកន្លងទៅ នេះបើយោងតាមការចុះផ្សាយរបស់បណ្តាញសារព័ត៌មាន បាងកកប៉ុស្តិ៍ នៅក្នុងថ្ងៃអង្គារ ទី២៧ ខែឧសភា។ ស្របពេលដែរទីផ្សារលក់រថយន្តអគ្គីសនីម៉ាក Tesla បានធ្លាក់ចុះ​ទីផ្សារលក់រថយន្តអគ្គីសនីរបស់ក្រុមហ៊ុនចិនបានកំពុងតែស្ទុះឡើងយ៉ាងខ្លាំងនៅក្នុងទីផ្សារអឺរ៉ុប។ បើតាមរបាយការណ៍របស់សមាគមក្រុមហ៊ុនផលិតរថយន្តអឺរ៉ុបបានបង្ហាញថា នៅក្នុងរយៈពេល ៤ខែដំបូងក្នុងឆ្នាំនេះ រថយន្តអគ្គីសនីម៉ាក Tesla គ្រប់មូដែលត្រូវបានលក់ចេញក្នុងចំនួនត្រឹមតែ ៥,៤៧៥ គ្រឿងប៉ុណ្ណោះ ពោលគឺមានការធ្លាក់រហូតដល់ ៥២% បើធៀបទៅនឹងរយៈពេលលក់ដូចគ្នាកាលពីឆ្នាំមុន។ ប្រភពខាងលើបានបន្តថា ទីផ្សារលក់រថយន្ត Tesla នៅអឺរ៉ុបកំពុងមានការប្រគួតប្រជែងយ៉ាងខ្លាំងពីសំណាក់បណ្តាក្រុមហ៊ុនផលិតរថយន្តធំៗមួយចំនួនដូចជា ក្រុមហ៊ុន Volkswagen