ប៉ាគីស្ថាន៖ យ៉ាងហោចណាស់មានមនុស្សចំនួន ៣០នាក់បានស្លាប់បាត់បង់ជីវិតដោយសារជំនន់ទឹកភ្លៀងនៅក្នុងប្រទេសប៉ាគីស្ថាន នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃសុក្រ ទី១៥ ខែសីហា។ ទីតាំងដែលកំពុងរងការគំរាមគំហែងដោយគ្រោះធម្មជាតិនេះគឺ តំបន់ Bajaur នៃខេត្ត Khyber Pakhtunkhwa ភាគខាងជើង នៃប្រទេសប៉ាគីស្ថាន។       អត្ថបទ៖ ភក្តី ប្រភព៖ The Strait Time

ថៃ៖ ព្រះបរមរាជរាំងថៃ នៅក្នុងថ្ងៃសុក្រ ទី១៥ ខែសីហានេះ បានចេញសេចក្តីថ្លែងការមួយឱ្យដឹងថា ព្រះនាង Bajrakitiyabha Narendira Debyavati  ត្រូវបានគ្រូពេទ្យធ្វើរោគវិនិច្ឆ័យថាមានការឆ្លងមេរោគធ្ងន់ធ្ងរទៅក្នុងចរន្តឈាមយ៉ាងធ្ងន់ធ្ងរ  ហើយបច្ចុប្បន្នព្រះនាងកំពុងស្ថិតនៅក្នុងមន្ទីរពេទ្យ ដោយមានវេជ្ជបណ្ឌិតជំនាញៗជាច្រើននាក់កំពុងរង់ចាំព្យាបាល និងមើលថែព្រះនាង។ បើយោងតាមការចុះផ្សាយរបស់បណ្តាញសារព័ត៌មាន The Strait Time បានឱ្យដឹងថា នេះជាលើកទី១ ហើយ ដែលព្រះបរមរាជរាំងថៃបានចេញសេចក្តីថ្លែងការអំពីព្រះនាង បើគិតចាប់តាំងពីឆ្នាំ ២០២៣មក។ សូមបញ្ជាក់ជូនថា ព្រះនាង Bajrakitiyabha Narendira Debyavati មានព្រះជន្ម ៤៦ព្រះវស្សា ជាបុត្រីច្បងរបស់ព្រះអង្គម្ចាស់ Maha Vajiralongkorn ហើយគេនៅចាំបានថា ព្រះនាងដួលសន្លប់ដោយសារជំងឺបេះដូង និងត្រូវបញ្ជូនទៅមន្ទីរពេទ្យនៅក្នុងខែធ្នូ

ឥណ្ឌា៖ យ៉ាងហោចណាស់មានមនុស្សចំនួន ៤៦នាក់បានស្លាប់បាត់បង់ជីវិតដោយសារព្យុះភ្លៀងនៅក្នុងប្រទេសឥណ្ឌា នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃសុក្រ ទី១៥ ខែសីហា។ ទីតាំងដែលកំពុងរងការវាយប្រហារដោយគ្រោះធម្មជាតិយ៉ាងធ្ងន់ធ្ងរនេះ គឺតំបន់ក្បែរជួរភ្នំហិម៉ាឡៃយ៉ា ដែលស្ថិតនៅក្នុងរដ្ឋ Kashmir ភាគខាងជើងនៃប្រទេសឥណ្ឌា។ ប្រភពខាងលើបានប​ន្តថា ក្រៅតែពីបានបណ្តាលឱ្យមានមនុស្សជាច្រើននាក់ត្រូវស្លាប់បាត់បង់ជីវិតហើយ គិតត្រឹមពេលនេះក៏នៅមានមនុស្សជាង ២០០នាក់ផ្សេងទៀតកំពុងតែបាត់ខ្លួនផងដែរ។ បើតាមអាជ្ញាធរឥណ្ឌាបានឱ្យដឹងថា ប្រតិបត្តិការណ៍ស្វែងរកអ្នកបាត់ខ្លួនកំពុងជួបការលំបាកយ៉ាងខ្លាំង ដ្បិតភ្លៀងនៅតែបន្តធ្លាក់ខ្លាំង ហើយធ្វើឱ្យដីនៅតំបន់មួយចំនួនបាក់ស្រុតយ៉ាងឆាប់រហ័ស​ ខណៈផ្លូវសំខាន់ៗមួយចំនួនក៏ត្រូវបានកាត់ផ្តាច់ដែរ៕ អត្ថបទ៖ ភក្តី ប្រភព៖ Channel News Asia

អាមេរិក៖ ពលរដ្ឋមួយចំនួន ដែលកំពុងរស់នៅក្នុងរដ្ឋ Alaska សហរដ្ឋអាមេរិក បានសម្រេចចិត្តធ្វើការជម្លៀសខ្លួនចេញពីលំនៅដ្ឋានរបស់ពួកគេ ​​​​​​​​​ដោយព្រួយបារម្ភពីការកើតមានទឹកជំនន់យ៉ាងធ្ងន់ធ្ងរ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃព្រហស្បតិ៍ ទី១៤ ខែសីហា។ ការព្រួយបានរម្ភនេះបានកើតឡើង ក្រោយផ្ទាំងទឹកកកជាច្រើនបានចាប់ផ្តើមបែកជាដុំតូចៗ ហើយហូរតាមទឹកទន្លេ Mendenhall យ៉ា​ងច្រើនបំផុតក្នុងកម្រិតមិនធ្លាប់ពីមុនមកនោះ។ ប្រភពខាងលើបានបន្តថា ប្រសិនបើដុំទឹកកកនៅតែបន្តបាក់បែកក្នុងបរិមាណច្រើនដូចនេះជាច្រើនសប្តាហ៍ទៀត ហើយរលាយទៅជាទឹក គឺវានឹងជម្រុញឱ្យមានទឹកជំនន់ដ៏គ្រោះថ្នាក់មួយកើតមានយ៉ាងឆាប់រហ័សតែម្តង។ យ៉ាងណាក្តី ​​​​​​​​រហូតមកទល់នឹងពេលនេះក្រុមអ្នកជំនាញនៅទាន់អាចព្យារកណ៍បានថា លទ្ធភាពនៃការកើតមានទឹកជំនន់មានកម្រិតខ្ពស់ប៉ុណ្ណានោះទេ ហើយអាជ្ញាធរអាមេរិកក៏នៅមិនទាន់ដាក់ចេញវិធានការការពារណាមួយនៅឡើយទេ។ សូមបញ្ជាក់ជូនថា ការសម្រេចចិត្តធ្វើការជម្លៀសខ្លួនរបស់ក្រុមពលរដ្ឋមួយចំនួនខាងលើនេះ គឺជាការសម្រេចចិត្តផ្ទាល់ខ្លួនរបស់ពួកគេតែប៉ុណ្ណោះ តែវាមិនមានជាបទបញ្ជារបស់អាជ្ញាធរអាមេរិកនោះទេ៕ អត្ថបទ៖ ភក្តី ប្រភព៖ The Strait

អេស្ប៉ាញ៖ យ៉ាងហោចណាស់មានមនុស្សចំនួន ៣នាក់បានស្លាប់បាត់បង់ជីវិតនៅក្នុងហេតុការណ៍ភ្លើងឆេះព្រៃប៉ែកខាងត្បូង នៃតំបន់អឺរ៉ុប នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃពុធ ទី១៣ ខែសីហា។ ក្រៅតែពីបានបណ្តាលឱ្យមានអ្នកស្លាប់បាត់បង់ជីវិតហើយ ករណីភ្លើងឆេះព្រៃដ៏ឆាប់រហ័សនេះក៏បានបង្ខំឱ្យពលរដ្ឋជាច្រើនពាន់នាក់ត្រូវធ្វើការជម្លៀសខ្លួនជាបន្ទាន់ផងដែរ។ ប្រភពខាងលើបានបន្តថា បញ្ហាភ្លើងឆេះព្រៃបានជំរុញឱ្យសីតុណ្ហភាពនៅតំបន់ព្រំដែន​នៃប្រទេសមួយចំនួនបកើនឡើងខ្ពស់ដល់កម្រិតជាង ៤០អង្សាសេ ហើយនៅចំពោះមុខការកើនឡើងកម្តៅនេះ អាជ្ញាធរនៃប្រទេសអេស្ប៉ាញ បារាំង អ៊ីតាលី និងទ័រទុយហ្គាល់ បានទាញសញ្ញាព្រមាណជាសាធារណៈមួយ ដើម្បីដាសតឿនឱ្យពលរដ្ឋត្រូវបង្កើនការប្រុងប្រយ័ត្ននិងយកចិត្តទុកដាក់ចំពោះសុខភាពឱ្យបានខ្ពស់ ដ្បិតរលកកម្តៅអាចជះឥទ្ធិអាក្រក់ចំពោះសុខភាពពួកគេយ៉ាងខ្លាំង៕ អត្ថបទ៖ ភក្តី ប្រភព៖ The Strait Time

អាមេរិក៖ អាជ្ញាធរអាមេរិកបានឃាត់ខ្លួនបុរសជនជាតិម្នាក់ជុំវិញករណីព្យាយាមរត់ពន្ធសត្វអណ្តើក ដែលជាប្រភេទសត្វកម្រ មានតម្លៃសរុប ១,៤ លានដុល្លារពីសហរដ្ឋអាមេរិកមកកាន់ទីក្រុងហុងកុង នេះបើយោងបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃអង្គារ ទី១២ ខែសីហា។ បុរសជនជាតិចិនរូបនេះមានឈ្មោះថា Lin Wei Qiang ដែលត្រូវបានចាប់ខ្លួននៅក្នុងតំបន់ Brooklyn នៃទីក្រុង New York សហរដ្ឋអាមេរិក។ សត្វអណ្តើកប្រភេទ Three-toed box turtle មុនពេលឆាប់ខ្លួន លោក Lin Wei Qiang បានព្យាយាមនាំយកកញ្ចប់បញ្ញើចំនួន ២២០កញ្ចប់មកកាន់ទីក្រុងហុងកុង ដោយនៅក្នុងកញ្ចប់បញ្ញើទាំងនោះមានផ្ទុកសត្វអណ្តើកប្រភេទ Eastern box turtle និងសត្វអណ្តើកប្រភេទ Three-toed box

ម៉ាឡេស៊ី៖ រដ្ឋាភិបាលថៃបានប្រកាសនឹងផ្តល់ប្រាក់សំណងទៅកាន់ភ្ញៀវទេសចរជនជាតិម៉ាឡេស៊ីចំនួន ២នាក់ ដែលត្រូវបានពលរដ្ឋថៃម្នាក់ចាក់សាំងកណ្តាលទីក្រុងបាងកកឱ្យរងរបួសធ្ងន់នាពេលកន្លងមក នេះបើយោងតាមការចុះផ្សាយរបស់បណ្តាញសារព័ត៌មាន Malay Mail កាលពីយប់ថ្ងៃទី ១១ ខែសីហា។ ប្រាក់សំណងនឹងត្រូវផ្តល់ជូននោះគឺមាន២ប្រភេទរួមមានទាំងការចេញថ្លៃលើការព្យាបាលជាក់ស្តែង និងប្រាក់សំណងផ្នែកជំងឺចិត្តផងដែរ។ បើតាមលោក Natreeya Taweewong ដែលជារដ្ឋលេខាធិការនៃក្រសួងទេសចរណ៍និងកីឡាថៃបានបញ្ជាក់ថា ចំពោះប្រាក់សំណងផ្នែកព្យាបាលគឺអាជ្ញាធរថៃនឹងចេញថ្លៃព្យាបាលជូនចំពោះអ្នកជំងឺម្នាក់ៗតាមភាពស្តែង តែមានចំនួនអតិបរមាត្រឹម ៥០០,០០០បាត (១៧,០០០ដុល្លារ)។ ដោយឡែកសម្រាប់សំណងជំងឺចិត្តវិញគឺជនរងគ្រោះម្នាក់ៗនឹងត្រូវទទួលបានចំនួន  (១៧,០០០ដុល្លារ) ផងដែរ។ សូមរម្លឹកជូនថា ហេតុការណ៍ចាក់សាំងដុតមនុស្សទាំងកម្រោលនេះបានកើតឡើងនៅមុខផ្សារ Big C មួយកន្លែងនៅលើបណ្តោយផ្លូវ Ratchadamri ក្នុងកណ្តាលទីក្រុងបាងកក បង្កឡើងដោយជនជាតិថៃម្នាក់ឈ្មោះថា  Varakorn Pubthaisong អាយុ ៣០ឆ្នាំ ខណជនរងគ្រោះវិញ

ជប៉ុន៖ អាជ្ញាធរជប៉ុននៅក្នុងថ្ងៃចន្ទ ទី១១ ខែសីហា បានចេញសេចក្តីប្រកាសមួយជំរុញឱ្យពលរដ្ឋរាប់លាននាក់ត្រូវជម្លៀសខ្លួនចេញពីផ្ទះសម្បែងរបស់ពួកគេជាបណ្តោះអាសន្ន ដើម្បីរក្សាសុវត្ថិភាពពីព្យុះភ្លៀង ទឹកជំនន់ និងការបាក់ដី នេះបើយោងតាមការចុះផ្សាយរបស់បណ្តាញសារព័ត៌មាន The Strait Time។ ទីតាំងដែលកំពុងស្ថិតនៅក្នុងការទាញសញ្ញាអាសន្នពីគ្រោះធម្មជាតិនេះ គឺខេត្ត Kumamoto ដែលស្ថិតប៉ែកខាងត្បូង នៃប្រទេសជប៉ុន។ បើតាមអាជ្ញាធរជប៉ុនបានឱ្យដឹងថា​ ក្នុងរយៈពេល ៦ម៉ោងពេញនៅក្នុងថ្ងៃទី១១នេះ តំបន់ជាច្រើននៅក្នុងខេត្ត​ Kumamoto បានទទួលរងសម្ពាធទឹកភ្លៀងក្នុងកម្រិតរហូតដល់ ៣៧cm ខណៈនៅក្នុងអំឡុងពេលដែលមានភ្លៀងធ្លាក់យ៉ាងខ្លាំងនោះក៏បណ្តាលឱ្យមានផ្លូវថ្នល់ ផ្ទះសម្បែង យានជំនះជាច្រើនបានរងនូវការបំផ្លាញ ហើយក៏បានបណ្តាលឱ្យមនុស្សជាច្រើននាក់កំពុងតែបាត់ខ្លួនផងដែរ។ នៅចំពោះមុខស្ថានភាពគ្រោះថ្នាក់នេះ អាជ្ញាធរជប៉ុនបានណែនាំឱ្យពលរដ្ឋនៅក្នុងតំបន់រងគ្រោះខាងលើនេះជាង ៣លាននាក់ត្រូវធ្វើការជម្លៀសខ្លួនទៅកាន់កន្លែងមានសុវត្ថិភាពជាបណ្តោះអាសន្ន ដ្បិតឥទ្ធិពលព្យុះភ្លៀងនឹងបន្តកើនមានកាន់តែខ្លាំងជាងនេះបន្ថែមទៀត៕ អត្ថបទ៖ ភក្តី ប្រភព៖ The Strait

បង់ក្លាដេស៖ ប្រទេសបង់ក្លាដេសកំពុងតែប្រឈមនឹងការត្បាតនៃជំងឺគ្រុនឈាមយ៉ាងខ្លាំង ដែលបានបណ្តាលឱ្យមានមនុស្សជាច្រើនត្រូវស្លាប់បាត់បង់ជីវិត នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃចន្ទ ទី១១ ខែសីហា។ នៅចំពោះមុខស្ថានភាពគ្រោះថ្នាក់នេះ អាជ្ញាធរសុខាភិបាលបង់ក្លាដេសបានចេញសេចក្តីព្រមានមួយជាសាធារណៈ ដើម្បីឱ្យពលរដ្ឋនៅទូទាំងប្រទេសត្រូវបង្កើនការការពារខ្លួនពីសត្វមូសឱ្យបានខ្ជាប់ខ្ជួនទាំងពេលថ្ងៃនិងពេលយប់។ ប្រភពខាងលើបានបន្តថា ជំងឺគ្រុនឈាមនៅក្នុងប្រទេសបង់ក្លាដេសបានផ្តើមផ្ទុះការរាតត្បាតនៅក្នុងខែមិថុនា ហើយគិតត្រឹមពេលនេះគឺមានអ្នកឆ្លងសរុបចំនួន ២៤,១៨៣នាក់ហើយ ខណៈនៅក្នុងចំណោមអ្នកឆ្លងទាំងអស់នោះ មានអ្នកជំងឺចំនួន ១០១នាក់បានស្លាប់បាត់បង់ជីវិត។ បើតាមលោកវេជ្ជបណ្ឌិត Kabirul Bashar ដែលជាអ្នកជំនាញផ្នែកជំងឺឆ្លងនៅក្នុងសាកលវិទ្យាល័យ Jahangirnagar  បានព្យាករណ៍ថា ជំងឺគ្រុនឈាមនឹងបន្តផ្ទុះការរាតត្បាតរហូតដល់ខែកញ្ញា ហើយតួលេខអ្នកឆ្លងនិងស្លាប់ នឹងត្រូវកើនឡើងបន្ថែមទៀតផងដែរ៕ អត្ថបទ៖ ភក្តី ប្រភព​៖ The Strait Time  

ចិន៖ រថយន្ត​តាក់ស៊ីគ្មានមនុស្សបើក (Robotaxi) មួយគ្រឿងនៅក្នុងប្រទេសចិន បានបើកខុសផ្លូវធ្លាក់ចូលក្នុងរណ្តៅដ៏ជ្រៅមួយក្នុងការដ្ឋានសំណង់ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃសៅរ៍ ទី៩ ខែសីហា។ ហេតុការណ៍គ្រោះថ្នាក់ដ៏កម្រនេះបានកើតឡើងនៅក្នុងទីក្រុង​ Chongqing ប៉ែកខាងត្បូង នៃប្រទេសចិន។ ប្រភពខាងលើបានបន្តថា រថយន្តតាក់ស៊ីគ្មានមនុស្សបើកមួយគ្រឿងនេះគឺស្ថិតនៅក្រោមការគ្រប់គ្រងរបស់ក្រុមហ៊ុន Baidu’s Apollo Go​ ហើយនៅក្នុងពេលកើតហេតុរថយន្តតាក់ស៊ីមានផ្ទុកអ្នកដំណើរជាស្ត្រីម្នាក់ តែស្រ្តីជាអ្នកដំណើររូបនោះមិនបានរងរបួសធ្ងន់ធ្ងរនោះទេ។ យ៉ាងណាក្តី ករណីគ្រោះថ្នាក់នេះបានបង្កឱ្យមានការព្រួយបារម្ភយ៉ាងខ្លាំងចំពោះសុវត្ថិភាពបច្ចេកវិទ្យារថយន្តគ្មានមនុស្សបើករបស់ក្រុមហ៊ុនចិន ដោយសាធារណជននឹងមានអារម្មណ៍ខ្លាចមិនចង់ហ៊ានប្រើប្រាស់សេវាកម្មនេះបន្តទៀត ដ្បិតខ្លាចមានគ្រោះថ្នាក់ធ្ងន់ធ្ងរដល់អាយុជីវិត៕ អត្ថបទ៖ ភក្តី ប្រភព៖ The Strait Time