អាមេរិក៖ យ៉ាងហោចណាស់មានមនុស្សចំនួន​២នាក់បានស្លាប់បាត់បង់ជីវិតនៅក្នុងហេតុការណ៍បាញ់ប្រហារមួយ ដែលបានកើតឡើងនៅក្នុងឧទ្យាន Fairmount Park ក្នុងទីក្រុង​ Philadelphia រដ្ឋ Pennsylvania សហរដ្ឋអាមេរិក នេះបើយោងតាមការាចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃទី២៧ ខែឧសភា។ ហេតុការណ៍បាញ់ប្រហារនេះបានកើតឡើងចំថ្ងៃ ដែលអាមេរិកកំពុងរៀបចំពិធីបុណ្យមួយ ដែលមានឈ្មោះថា  Memorial Day ឬទិវានៃការចងចាំ។ ប្រភពខាងលើបានបន្តថា ក្រៅតែពីបានបណ្តាលឱ្យមានអ្នកស្លាប់បាត់បង់ជីវិតភ្លាមៗហើយ ក៏នៅមានមនុស្សចំនួន ៩នាក់ផ្សេងទៀតបានរងរបួសផងដែរ ហើយនៅក្នុងចំណោមជនរងគ្រោះទាំងអស់នោះគឺភាគច្រើនជាយុវជន ដែលនាំគ្នាទៅអង្គុយលេងនៅក្នុងឧទ្យានក្នុងថ្ងៃឈប់សម្រាក។ បើតាមអាជ្ញាធរប្រចាំនៅតំបន់កើតហេតុបានឱ្យដឹងថា គិតត្រឹមពេលនេះគេនៅមិនទាន់អាចកំណត់អត្តសញ្ញាណខ្មាន់កាំភ្លើងបាននៅឡើយទេ ខណៈការស៊ើបអង្កេតកំពុងត្រូវបានធ្វើឡើង៕ អត្ថបទ៖ ភក្តី ប្រភព៖ The Strait Time

អង់គ្លេស៖ យ៉ាងហោចណាស់មានមនុស្សចំនួន ២៧នាក់បានរងរបួស​នៅក្នុងហេតុការណ៍មានបុរសម្នាក់បានបើករថយន្តទៅបំបុកហ្វូងមនុស្ស ដែលជាក្រុមអ្នកគាំទ្រក្លឹបបាល់ទាត់ Liverpool នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃអង្គារ ទី២៧ ខែឧសភា។ ហេតុការណ៍អកុសនេះបានកើតឡើតនៅតាមបណ្តោយផ្លូវ Water Street ជាទីកន្លែងដែលមានក្រុមអ្នកគាំទ្រក្លឹបបាល់ទាត់ Liverpool រាប់ពាន់នាក់ជួបជុំគ្នា និងដើរដង្ហែតាមដងផ្លូវ ដើម្បីអបអរក្នុងឱ្យកាសដែលក្លឹបបាល់ទាត់ Liverpool បានក្លាយជាម្ចាស់ជើងឯកក្នុងពានរង្វាន់ Premier League ក្នុងរដូវកាលនេះ។ បើតាមអាជ្ញាធរអង់គ្លេសបានបញ្ជាក់បន្ថែមថា នៅក្នុងចំណោ​មជនរងគ្រោះទាំង ២៧នាក់ខាងលើនេះ គឺអ្នកមានជនរងគ្រោះចំនួន ២បានរងរបួសធ្ងន់ធ្ងរ និងត្រូវបញ្ជូនទៅសង្គ្រោះបន្ទាន់នៅក្នុងមន្ទីរពេទ្យ ខណៈនៅក្នុងចំណោមជនរងគ្រោះទាំងអស់នោះក៏មានជនរងគ្រោះចំនួន ៤នាក់ជាកុមារផងដែរ។ ភ្លាមៗក្រោយពេលកើតហេតុ ប៉ូលិសអង់គ្លេសបានឃាត់ខ្លួនជនសង្ស័យម្នាក់ ដែលជាអ្នកធ្វើសកម្មភាពបើករថយន្តទៅបំបុកហ្វូងមនុស្សទាំងកម្រោលនេះ ដោយរូបគាត់គឺជាបុរសជនជាតិអង់គ្លេស និងមានអាយុ

ប៉ាគីស្ថាន៖ យ៉ាង​ហោចណាស់មានមនុស្សចំនួន ១៤នាក់បានស្លាប់បាត់បង់ជីវិតដោយសារតែឥទ្ធិពលខ្យល់ព្យុះ ដែលបានបោកបក់ឆ្លងកាត់តំបន់ភាគខាងជើងនៃប្រទេសប៉ាគីស្ថាន នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃទី២៥ ខែឧសភា។ ក្រៅតែពីបណ្តាលឱ្យមានអ្នកស្លាប់បាត់បង់ជីវិតហើយ គ្រោះធម្មជាតិមួយនេះក៏បានបណ្តាលឱ្យមានអ្នករងរបួសជាង ១០០នាក់ផ្សេងទៀតផងដែរ។ បើតាមអាជ្ញាធរគ្រប់គ្រងគ្រោះមហន្តរាយប៉ាគីស្ថានបានបញ្ជាក់ថា ខ្យល់ព្យុះដ៏គ្រោះថ្នាក់ខាងលើនេះត្រូវបានគេដាក់ឈ្មោះឱ្យថា “ខ្យល់ព្យុះ Fierce” បានបោកបក់ឆ្លងកាត់ខេត្ត Punjab មកកាន់ខេត្ត Khyber-Pakhtunkhwa ក្នុងល្បឿនយ៉ាងលឿន ហើយឥទ្ធិពលរបស់ព្យុះក៏បានបណ្តាលឱ្យមានរន្ទះបាញ់ ដើមឈើជាច្រើនត្រូវដួលរលំ ដំបូលអគារមួយចំនួនត្រូវរបើកធ្លាក់មកដី និងបង្គោលខ្សែភ្លើងជាច្រើនត្រូវដួលរលំផងដែរ។ ប្រភពខាងលើបានបន្តថា ខ្យល់ព្យុះដ៏គ្រោះថ្នាក់នេះបាកើតឡើងក្រោយប្រទេសប៉ាគីស្ថានបានប្រឈមនឹងរលកកម្តៅដ៏ខ្ពស់បំផុតមួយ ពោលគឺអាកាសធាតុបានកើតឡើងដល់កម្រិត ៤៥អង្សាសេកាលពីប៉ុន្មានថ្ងៃមុននេះ៕  អត្ថបទ៖ ភក្តី ប្រភព៖ The Strait Time  

វៀតណាម៖ ក្រសួងបច្ចេកវិទ្យាវៀតណាមបានបញ្ជាឱ្យក្រុមហ៊ុនដែលជាអ្នកផ្តល់សេវាទូរគមនាគមន៍ទាំងអស់ត្រូវបិទកម្មវិធី Telegram លែងឱ្យដំណើរការ នេះបើយោងតាមការចុះផ្សាយរបស់បណ្តាញសារព័ត៌មាន Chanel News Asia នៅក្នុងថ្ងៃទី២៣ ខែឧសភា។ ការសម្រេចនេះត្រូវបានធ្វើឡើងក្រោមហេតុផលថា ក្រុមហ៊ុន Telegram មិនបានសហការជាមួយអាជ្ញាធរវៀតណាមក្នុងការប្រយុទ្ធប្រឆាំងនឹងឧក្រិដ្ឋកម្មផ្សេងៗ ដែលបង្កឡើងដោយអ្នកប្រើប្រាស់ Telegram នោះទេ។ យោងតាមរបាយការណ៍មួយរបស់នាយកដ្ឋានសន្តិសុខអ៊ីនធឺណិតវៀតណាមបានបង្ហាញថា នៅក្នុងប្រទេសវៀតណាមទាំងមូលមាន Channel ឬ Group បណ្តាញសង្គម​ Telegram ចំនួន ៩,៦០០​ ហើយ ៦៨% នៃ Channel ឬ Group ទាំងនោះគឺជាបណ្តាញចែកចាយព័ត៌មានខុសច្បាប់ដូចជា ការចែកចាយគ្រឿងញៀន សកម្មភាពបោកប្រាស់ ការចែកចាយរូបភាពនិងវីដេអូអាសអាភាស ផ្តល់សេវាកម្មផ្លូវភេទ និងសកម្មភាពជាប់ទាក់ទងនឹងការធ្វើភេរវកម្មជាដើម។

អាមេរិក៖ លោកប្រធានាធិបតីអាមេរិក ដូណាល់ ត្រាំ បានគំរាមដំឡើងពន្ធចំពោះទូរស័ព្ទ iPhone ដែលផលិតនៅក្រៅទឹកដីអាមេរិកក្នុងរយៈអត្រារហូតដល់ ២៥% នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃទី២៣ ខែឧសភា។ តាមរបាយការណ៍មួយបានបង្ហាញថា ជាមធ្យមមានទូរស័ព្ទ iPhone ប្រមាណជា ៦០លានគ្រឿងត្រូវបានលក់នៅក្នុងទីផ្សារអាមេរិកជារៀងរាល់ឆ្នាំ។ យ៉ាងណាក្តី នៅក្នុងទូរស័ព្ទទាំងអស់នោះ គឺគ្មានទូរស័ព្ទមួយគ្រឿងណាផលិតនៅក្នុងសហរដ្ឋអាមេរិកឡើយ ដ្បិតក្រុមហ៊ុន Apple មានរោងចក្រដំឡើងទូរស័ព្ទ iPhone នៅតាមបណ្តាប្រទេសផ្សេងៗដូចជា ចិន និងឥណ្ឌាជាដើម ហើយក្រោយពេលដំឡើងចេញជាទូរស័ព្ទរួចរាល់ ទើបក្រុមហ៊ុនដឹកជញ្ជូនទូរស័ព្ទទាំងនោះទៅលក់នៅអាមេរិក។ សូមបញ្ជាក់ជូនផងដែរថា ហេតុផលដែលក្រុមហ៊ុន Apple

អូស្រ្តាលី៖ សាកសពបុរសម្នាក់ត្រូវបានរកឃើញនៅក្នុងរថយន្ត ដែលបានលិចក្នុងទឹកជំនន់ នៅភាគអាគ្នេយ៍នៃប្រទេសអូស្ត្រាលី នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃសុក្រ ទី២៣ ខែឧសភា។ ដូចនេះគិតត្រឹមពេលនេះតួលេខអ្នកស្លាប់ដោយសារទឹកជំនន់នៅក្នុងប្រទេសអូស្រ្តាលីបានកើនឡើងដល់ចំនួន ៤នាក់ហើយ។ ប្រភពខាងលើបានបន្តថា ទឹកជំនន់នៅតែបន្តកើនឡើងខ្ពស់ ហើយគិតត្រឹមថ្ងៃទី ៣ នៃការកើតមានទឹកជំនន់នេះ គឺមានក្រុងធំមួយត្រូវបានកាត់ផ្តាច់ទាំងស្រុងតែម្តង។ បើតាមអាជ្ញាធរអូស្រ្តាលីបានបញ្ជាក់ថា ពលរដ្ឋជាង ៥០,០០០នាក់កំពុងជាប់ក្នុងផ្ទះមិនអាចចេញទៅក្រៅបាន ខណៈអាជ្ញាធរកំពុងព្យាយាមជួយសង្គ្រោះតាមលទ្ធភាពដែលអាចធ្វើទៅបាន ដូចជាផ្តល់ការផ្គង់ផ្គង់ផ្សេងៗ ឬជួយនាំពួកគេមកកាន់កន្លែងមានសុវត្ថិភាពជាដើម៕ អត្ថបទ៖ ភក្តី ប្រភព៖ Channel News Asia  

ចិន៖ យ៉ាងហោចណាស់មានមនុស្សចំនួន ២នាក់បានស្លាប់បាង់បង់ជីវិតដោយសារបញ្ហាព្យុះភ្លៀងនិងបាក់ដីនៅក្នុងប្រទេសចិន នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃសុក្រ ទី២៣ ខែឧសភា។ ទីតាំងដែលកំពុងរងការគំរាមគំហែងដោយគ្រោះធម្មជាតិនៅពេលនេះគឺខេត្ត Guizhou ដែលស្ថិតនៅប៉ែកខាងត្បូងនៃប្រទេសចិន។ ប្រភពខាងលើបានបន្តថា ក្រៅតែបានបណ្តាលឱ្យមានអ្នកស្លាប់បាត់បង់ជីវិតហើយ គិតត្រឹមពេលនេះក៏នៅមានមនុស្សចំនួន ១៩នាក់ផ្សេងទៀតកំពុងបាត់ខ្លួនផងដែរ។ ដើម្បីធ្វើអន្តរាគមន៍ចំពោះបញ្ហាប្រឈមខាងលើនេះ អាជ្ញាធរចិនបានដាក់ពង្រាយក្រុមអ្នកជួយសង្គ្រោះចំនួន ៤០០នាក់ ដើម្បីត្រៀមជួយប្រជាពលរដ្ឋតាមស្ថានភាពជាក់ស្តែង និងតាមស្វែងរកមនុស្សដែលកំពុងបាត់ខ្លួន៕ អត្ថបទ៖ ភក្តី ប្រភព៖ Channel News Asia

អូស្រ្តាលី៖ យ៉ាងហោចណាស់មានមនុស្ស ២នាក់បានស្លាប់បាត់បង់ជីវិតដោយសារទឹកជំនន់នៅតំបន់ភាគខាងកើតនៃប្រទេសអូស្រ្តាលី នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃព្រហស្បតិ៍ ទី២២​ ខែឧសភា។ ក្រៅតែពីបានរកឃើញមានអ្នកស្លាប់ភ្លាមៗហើយ ក៏នៅមានពលរដ្ឋចំនួន ២នាក់ផ្សេងទៀតត្រូវបានរាយការណ៍ថាកំពុងតែបាត់ខ្លួនផងដែរ ខណៈអាជ្ញាធរអូស្រ្តាលីកំពុងតាមស្វែងរកពួកគេយ៉ាងសកម្មបំផុត។ ប្រភពខាងលើបានបន្តថា ក្រៅតែពីបានបណ្តាលឱ្យមានអ្នកស្លាប់និងបាត់ខ្លួនហើយ គិតត្រឹមពេលនេះក៏នៅមានពលរដ្ឋអូស្រ្តាលីជាង ៥០,០០០នាក់ផ្សេងទៀតត្រូវជាប់គាំងមិនអាចធ្វើដំណើរចេញទៅរួចនោះទេ ដ្បិតទឹកជំនន់បានហ៊ុមព័ទ្ធលំនៅដ្ឋាននិងផ្លូវថ្នល់នៅក្នុងតំបន់រស់នៅរបស់ពួកគេទាំងស្រុងតែម្តង។ ក្រៅតែពីបានបង្កផលប៉ះពាល់ដល់ប្រជាពលរដ្ឋ ឥទ្ធិពលទឹកជំនន់ក៏បានបំផ្លាញសម្បត្តិសាធារណៈដូចជា ផ្លូវថ្នល់ ស្ពាន អគារ និងទ្រព្យសម្បត្តិផ្ទាល់ខ្លួនរបស់ប្រជាពលរដ្ឋអស់ជាច្រើនផងដែរ៕ អត្ថបទ៖ ភក្តី ប្រភព៖ Channel News Asia

ថៃ៖ តារាចម្រៀង Rock ដ៏ល្បីប្រចាំប្រទេសថៃមួយរូប ត្រូវបានតុលាការថៃសម្រេចផ្តន្ទាទោសឱ្យជាប់ពន្ធនាគាររយៈពេលជាង ៣ឆ្នាំ ពីបទល្មើសជាច្រើនករណី នេះបើយោងតាមការចុះផ្សាយរបស់បណ្តាញសារព័ត៌មាន Laotian Times។ តារាចម្រៀង Rock រូបនេះមានឈ្មោះពិតថា Seksan Sukpimai ខណៈនៅក្នុងសិល្បៈរូបគាត់បានប្រើឈ្មោះថា Sek Loso។ ប្រភពខាងខាងបានបន្តថា លោក Sek Loso ត្រូវបានអាជ្ញាធរថៃឃាត់ខ្លួនតាំងពីអំឡុងឆ្នាំ ២០១៧ម្លេះ ក្រោយរូបគាត់បានបាញ់កាំភ្លើងជាច្រើនគ្រាប់ទៅលើអាកាស ក្រោយបញ្ចប់ការប្រគំមន្ត្រីមួយនៅក្នុងខេត្ត Nakhon Si Thammarat ភាគខាងត្បូងប្រទេសថៃ។ ក្រោយមកប៉ូលិសក៏បានរកឃើញទៀតថា គាត់បានប្រើប្រាស់គ្រឿងញៀនបន្ថែមមួយករណីទៀត ហើយនៅពេលប៉ូលិសធ្វើការឃាត់ខ្លួនរូបគាត់នោះ គាត់ក៏បានព្យាយាមរារាំងការងាររបស់មន្ត្រីប៉ូលិសក្នុងការចាប់ខ្លួនគាត់ផងដែរ។ ដូចនេះក្រោយពេលបញ្ជូនខ្លួនទៅដល់តុលាការ លោក Sek Loso កាលពីពេលថ្មីៗនេះត្រូវបានកាត់ទោសឱ្យជាប់ពន្ធនាគាររយៈពេល

អាមេរិក៖ រដ្ឋមន្ត្រីការពារជាតិអាមេរិកលោក Pete Hegseth បានយល់ព្រមទទួលយកកាដូយន្តហោះ Boeing 747 របស់ប្រទេសកាតាសម្រាប់លោកប្រធានាធិបតី ដូណាល់ ត្រាំ ជាផ្លូវការហើយ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃព្រហស្បតិ៍ ទី២២ ខែឧសភា។ គួរកត់សម្គាល់ថា ប្រទេសកាតាបានប្រកាសផ្តល់កាដូជាយន្តហោះដ៏ទំនើបមួយគ្រឿងនេះនៅក្នុងអំឡុងពេល​ដែលលោក​ ដូណាល់ ត្រាំ បានអញ្ជើញធ្វើដំណើរទស្សនកិច្ចផ្លូវរដ្ឋនៅក្នុងតំបន់មជ្ឈិមបូព៌ាកាលពីសប្តាហ៍កន្លងទៅនេះ។ ប្រភពខាងលើបានបន្តថា ក្រុមអ្នកជំនាញអាមេរិកនឹងការត្រួតពិនិត្យយន្តហោះ Boeing 747 នេះយ៉ាងល្អិតល្អន់ ដើម្បីធ្វើឱ្យប្រាកដថា វាពិតជាមានសុវត្ថិគ្រប់គ្រាន់សម្រាប់ឱ្យលោក ដូណាល់ ត្រាំ អាចប្រើប្រាស់វាបានដូចជាយន្តហោះ Air Force One