ម៉ាឡេស៊ី៖ ប្រទេសម៉ាឡេស៊ីនៅក្នុងថ្ងៃអាទិត្យ ទី២៤ ខែសីហា បានទទួលរងការវាយប្រហារដោយគ្រោះរញ្ជួយដីកម្រិតស្រាលរហូតដល់ទៅ ២ដង នេះបើយោងតាមការចុះផ្សាយរបស់បណ្តាញសារព័ត៌មាន​ The Strait Time។ នៅក្នុងចំណោមគ្រោះរញ្ជួយដីទាំង ២ដងនោះ គឺគ្រោះរញ្ជួយដីទី ១បានកើតឡើងនៅក្នុងកម្រិត ៤,១ រ៉ិចទ័រ និងបានកើតឡើងនៅក្នុងរដ្ឋ​ Johor នៅម៉ោង ៦ និង ១៣នាទីព្រឹក។ បន្ទាន់ម៉ោងក្រោយមក ពោលគឺនៅម៉ោងប្រហែល ៩ព្រឹក ទីតាំងដដែលនេះក៏បានកើតមានគ្រោះរញ្ជួយដីមួយបន្ថែមទៀត ដែលបានកើតឡើងនៅក្នុងកម្រិតត្រឹមតែ ២,៨ រ៉ិចទ័រប៉ុណ្ណោះ។ រហូតមកទល់នឹងពេលនេះនៅមិនទាន់មានសេចក្តីរាយការណ៍ផ្លូវការណាមួយបង្ហាញថា គ្រោះរញ្ជួយដីទាំង ២ដងនេះបានបណ្តាលឱ្យមានគ្រោះថ្នាក់ធ្ងន់ធ្ងរចំពោះពលរដ្ឋម៉ាឡេស៊ី ឬបង្កឱ្យមានរលកយក្សស៊ូណាមិនោះទេ ខណៈនៅតាមបណ្តាញសង្គមវិញពលរដ្ឋម៉ាឡេស៊ីមួយចំនួនបានឱ្យដឹងត្រឹមថា ពួកគេពិតជាទទួលបានអាមរ្មណ៍ថាមានភាពរញ្ជួយបានកើតឡើង៕

ម៉ាឡេស៊ី៖ ម៉ាឡេស៊ីបានណែនាំឱ្យពលរដ្ឋខ្លួនផ្អាកធ្វើដំណើរទៅកាន់ប្រទេសថៃ ប្រសិនបើគ្មានភារកិច្ចចាំបាច់នោះទេ នេះបើយោងតាមការចុះផ្សាយរបស់បណ្តាញសារព័ត៌មាន The Malaysia Mail ។ សេចក្តីណែនាំខាងលើនេះត្រូវបានធ្វើឡើងក្រោយមានហេតុការបំផ្ទុះគ្រាប់បែបអត្តឃាតមួយបានកើតឡើងនៅក្នុងតំបន់ Tak Bai នៃខេត្ត Narathiwat ភាគខាងត្បូងប្រទេសថៃ និងបណ្តាលឱ្យមានមនុស្សជាច្រើនបានរងរបួស។ គួរកត់សម្គាល់ថា ហេតុការណ៍បំផ្ទុះគ្រាប់បែបឬអំពើហិង្សាក្នុងទម្រង់ផ្សេងៗទល់នឹងអាជ្ញាធរប៉ូលិសនៅក្នុងខេត្ត Narathiwat មិនមែនជារឿងថ្មីឡើយ ពោលវាគឺរឿងដែលបានបន្តកើតមានជារឿយៗអស់រយៈពេលជាយូរឆ្នាំមកហើល ខណៈសកម្មភាពនេះត្រូវបានគេដឹងច្បាស់ថា គឺជាស្នាដៃរបស់ក្រុមឥស្លាមជ្រុលនិយមជាច្រើនក្រុម ដែលចិញ្ចឹមចិត្តចង់ផ្តាច់ទឹកដីពីរដ្ឋាភិបាលថៃ។ ក្រុមឥស្លាមជ្រុលនិយមដែលតែងធ្វើសកកម្មភាពបែបភេវរកម្មទាំងនោះក៏ត្រូវបានគេដឹងថា មានទំនាក់ទំនងយ៉ាងជិតស្និតជាមួយក្រុមឥស្លាមដែលមានឥទ្ធិពលមួយចំនួននៅក្នុងប្រទេសម៉ាឡេស៊ីផងដែរ៕  អត្ថបទ៖ ភក្តី ប្រភព៖ The Malaysia Mail

ឥណ្ឌូណេស៊ី៖ ក្មេងប្រុសជនជាតិឥណ្ឌូណេស៊ីម្នាក់ដែលបានធ្វើឱ្យល្បីនៅជុំវិញពិភពលោកតាមរយៈក្បាច់រាំដ៏គួរឱ្យចាប់អាមរ្មណ៍មួយនៅក្បាលទូកត្រូវបានអាជ្ញាធរខេត្ត Riau នៃប្រទេសឥណ្ឌូណេស៊ី សម្រេចតែងតាំងជា “ឯកអគ្គរដ្ឋទូតវប្បធម៌” នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃសៅរ៍ ទី២៣ ខែសីហា។ ក្មេងប្រុសដែលពោរពេញដោយទេព្យកោសល្យរូបនេះមានឈ្មោះថា Rayyan Arkan Dhika និងមានអាយុត្រឹម​ ១១ឆ្នាំប៉ុណ្ណោះ។ គួរកត់សម្គាល់ថា ក្នុងរយៈពេលប៉ុន្មានសប្តាហ៍ចុងក្រោយនេះវីដេអូរាំនៅលើក្បាលទូករបស់កុមារា Rayyan Arkan Dhika ដែលមានរយៈពេលជាង ១០វិនាទី ទទួលបានការចាប់អារម្មណ៍យ៉ាងខ្លាំងនៅក្នុងចំណោមអ្នកប្រើប្រាស់បណ្តាញសង្គមនៅជុំវិញពិភពលោក ហើយអ្នកប្រើប្រាស់បណ្តាញសង្គមទាំងនោះថែមទាំងបានព្យាយាមធ្វើត្រាប់តាមក្នុងទម្រង់ផ្សេងៗទៀតផងដែរ។ សូមបញ្ជាក់ជូនថា វីដេអូរាំនោះមានឈ្មោះថា “Aura Farming” ហើយលោកអ្នកអាចទស្សនាសកម្មភាពរាំក្នុងវីដេអូ ដូចខាងក្រោមនេះ៖ អត្ថបទ៖ ភក្តី

អាមេរិក៖ យ៉ាងហោចណាស់មានមនុស្សចំនួន ៥នាក់បានស្លាប់បាត់បង់ជីវិតនៅក្នុងហេតុការណ៍ក្រឡាប់រថយន្តក្រុងដឹកភ្ញៀវទេសចរមួយគ្រឿងនៅសហរដ្ឋអាមេរិក នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃសៅរ៍​ ទី២៣ ខែសីហា។ ហេតុការណ៍គ្រោះថ្នាក់បានកើតឡើងនៅលើផ្លូវ New York State Thruway ដែលស្ថិតនៅក្នុងតំបន់ Pembroke នៃទីក្រុង New York សហរដ្ឋអាមេរិក។ ក្រៅតែពីបានបណ្តាលឱ្យមានមនុស្សត្រូវស្លាប់បាត់បង់ជីវិតហើយ គ្រោះថ្នាក់នេះក៏បានបណ្តាលឱ្យមនុស្សជាច្រើននាក់ផ្សេងទៀតបានរងរបួសធ្ងន់និងស្រាលផងដែរ។ ប្រភពខាងលើបានបន្តថា នៅក្នុងរថយន្តក្រុងមួយគ្រឿងនេះមានផ្ទុកអ្នកភ្ញៀវទេសចរសរុបជាង ៥០នាក់ ចម្រុះជាតិសាសន៍ជាច្រើន ហើយនៅក្នុងចំណោមជនរងគ្រោះដែលបានស្លាប់នោះ គឺមានទាំងភ្ញៀវទេសចរជនជាតិចិន ហ្វីលីពីន និងឥណ្ឌា ខណៈនៅក្នុងនោះក៏មានកូនក្មេងម្នាក់ផងដែរ។ ចំពោះមូលហេតុនៃការក្រឡាប់វិញត្រូវបានអាជ្ញាធរអាមេរិកបញ្ជាក់ថា គឺដោយសារតែបញ្ហាបច្ចេកក្នុងការបើកបរនិងរថយន្ត ពោលគឺអ្នកបើកបរមិនអាចគ្រប់គ្រងរថយន្តតាមការចង់បញ្ជារបស់ខ្លួនរហូតធ្វើឱ្យរថយន្តត្រូវក្រឡាប់តែម្តង៕  អត្ថបទ៖ ភក្តី

កូរ៉េខាងជើង៖ លោក គីម ជុងអ៊ុន បានទៅលុតជង្គង់គោរពនៅចំពោះមុខរូបថតទាហានកូរ៉េខាងជើង ដែលបានបាត់បង់ជីវិតនៅក្នុងសង្រ្គាមប្រឆាំងអ៊ុយក្រែន នេះបើយោងតាមការចុះផ្សាយរបស់បណ្តាញសារព័ត៌មាន Yahoo News នៅថ្ងៃទី២២ ខែសីហា។ ជាមួយគ្នានោះ ប្រមុខដឹកនាំកូរ៉េខាងជើងក៏បានផ្តល់មេដាយកត្តិយសថ្នាក់ជាតិចំពោះក្រុមទាហានពលីទាំងនោះផងដែរ។ តាមរយៈរូបភាពជាច្រើនសន្លឹកបានបង្ហាញថា ក្រៅតែពីបានសម្តែងនូវការគោរពដល់ក្រុមទាហានពលីហើយ លោក គីម ជុងអ៊ុន ក៏បានឱបទាហាន ដែលនៅរស់រានមានជីវិតជាច្រើននាក់ផងដែរ។ គួររម្លឹកជូនថា នាពេលកន្លងមកក្រុមចារកិច្ចរបស់កូរ៉េខាងត្បូង និងប្រទេសលោកខាងលិចបានប៉ាន់ប្រមាណថា កូរ៉េខាងជើងបានបញ្ជូនទាហានច្រើនជាង ១០,០០០នាក់ ទៅកាន់តំបន់ Kursk របស់រុស្ស៊ី ដើម្បីច្បាំងដេញទ័ពអ៊ុយក្រែន ដែលបានវាយចូលតំបន់នោះ។ បើតាមក្រុងសេអ៊ូលបានប៉ាន់ស្មានថា ទាហានកូរ៉េខាងជើង ដែលបានបាត់បង់ជីវិតនោះគឺមានចំនួនប្រហែល ៦០០នាក់៕    អត្ថបទ៖

ថៃ៖ តុលាការ​ថៃបាន​សម្រេចច្រានចោល​សំណុំរឿង​ប្រមាថ​ព្រះមហាក្សត្រ​លើ​អតីត​នាយករដ្ឋមន្ត្រីថៃ គឺលោក ​ថាក់ស៊ីន ស៊ីណាវ៉ាត្រា ហើយ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃទី២២ ខែសីហា។ គួររម្លឹកជូនថា រឿងរ៉ាវចម្រូងសម្រាស់របស់លោក ​ថាក់ស៊ីន ស៊ីណាវ៉ាត្រា បានកើតឡើងតាំងឆ្នាំ ២០១៥ ម្លេះ ក្នុងអំឡុងពេលដែលរូបគាត់បានផ្តល់បទសម្ភាសន៍តាមបណ្តាញសង្គមជាសាធារណៈមួយ។ ក្នុងការផ្តល់បទសម្ភាសន៍របស់គាត់នៅពេលនោះ លោក ​ថាក់ស៊ីន ស៊ីណាវ៉ាត្រា បាននិយាយពីបញ្ហានយោបាយក្នុងប្រទេសថៃយ៉ាងច្រើន ហើយរូបលោកក៏បាននិយាយរិះគន់ចំពោះច្បាប់ការពារគ្រួសាររាជវង្សយ៉ាងខ្លាំងផងដែរ។ ភ្លាមៗនោះ លោក ថាក់ស៊ីន ស៊ីណាវ៉ាត្រា ត្រូវបានចោទប្រកាន់ថា បានប្រមាថទៅលើព្រះមហាក្សត្រថៃ ហើយយោងទៅច្បាប់គឺរូបគាត់ត្រូវប្រឈមនឹងការជាប់ពន្ធនាគាររហូតដល់ ១៥ឆ្នាំ។ យ៉ាងណាក្តី ចាប់ពីពេលនេះទៅ លោក ​ថាក់ស៊ីន

ចិន៖ យ៉ាងហោចណាស់មានមនុស្សចំនួន ៧នាក់បានស្លាប់បាត់បង់ជីវិតនៅក្នុងហេតុការណ៍ដាច់ខ្សែកាបរបស់ស្ពានមួយកន្លែងនៅក្នុងប្រទេសចិន នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃទី២២ ខែសីហា។ ស្ពានដែលជាកន្លែងកើតហេតុនេះគឺជាស្ពានសម្រាប់ឆ្លងកាត់ទន្លេលឿង ដែលមានទីតាំងស្ថិតនៅក្នុងខេត្ត Qinghai ភាគពាយព្យ នៃប្រទេសចិន។ ប្រភពខាងលើបានបន្តថាក្រៅតែពីបានបណ្តាលឱ្យមានអ្នកស្លាប់បាត់បង់ជីវិតហើយ ហេតុការណ៍អកុសលនេះក៏បានបណ្តាលឱ្យមនុស្សចំនួន ៩នាក់ផ្សេងទៀតកំពុងតែបាត់ខ្លួនផងដែរ។ បើតាមការសន្និដ្ឋានបឋមរបស់អាជ្ញាធរចិនបានឱ្យដឹងថា​ អ្នកកំពុងបាត់ខ្លួនទាំងអស់នោះទំនងជាបានលង់ទឹកទន្លេស្លាប់អស់ទៅហើយ គ្រាន់តែគេនៅមិនទាន់អាចរកឃើញសាកសពរបស់ពួកគេ។ សូមបញ្ជាក់ជូនថា ទាំងជនរងគ្រោះដែលបានស្លាប់បាត់បង់ជីវិត និងកំពុងបាត់ខ្លួនគឺជាក្រុមកម្មករនិងប្រធានគ្រប់គ្រងនៅក្នុងការដ្ឋានសាងសង់ស្ពានខាងលើនេះ៕ អត្ថបទ៖ ភក្តី ប្រភព៖ Channel News Asia

មីយ៉ាន់ម៉ា៖ តំបន់ឆ្នេរសមុទ្រភាគខាត្បូងប្រទេសមីយ៉ាន់ម៉ាបានរងនូវគ្រោះរញ្ជួយដីក្នុងកម្រិត ៥,៤រ៉ិចទ័រ នៅក្នុងថ្ងៃទី២១ ខែសីហា នេះបើយោងតាមការចុះផ្សាយរបស់បណ្តាញសារព័ត៌មាន The Strait Time។ យោងតាមនាយកដ្ឋានសង្កេតការរញ្ជួយដី បានឱ្យដឹងថា គ្រោះរញ្ជួយដីនេះក៏បានបង្កឱ្យមានភាពរញ្ជួយនៅក្នុងផ្នែកខ្លះនៃទីក្រុងបាងកកផងដែរ។ យ៉ាង​ណាក្តី រហូតមកទល់នឹងពេលនេះនៅមិនទាន់មានរបាយការណ៍ណាមួយបង្ហាញថា គ្រោះរញ្ជួយដីនេះបានបង្កឱ្យមានគ្រោះថ្នាក់យ៉ាងណានៅឡើយទេ ទាំងនៅក្នុងប្រទេសមីយ៉ាន់ម៉ា និងប្រទេសថៃ។ គួររម្លឹកជូនថា កាលពីប៉ុន្មានខែមុននេះគ្រោះរញ្ជួយដីដ៏ធ្ងន់ធ្ងរមួយបានវាយប្រហារប្រទេសមីយ៉ាន់ម៉ា និងបានបង្កការរញ្ជួយដល់ទីក្រុងបាងកកដូចគ្នាដែរ ហើយពេលនោះនៅក្នុងប្រទេសមីយ៉ាន់ម៉ាអ្នកស្លាប់ជាង ៥,០០០នាក់ និងនៅក្នុងប្រទេសថៃមានអ្នកស្លាប់ជាង ១០០នាក់៕ អត្ថបទ៖ ភក្តី ប្រភព៖ The Strait Time

ចិន៖ យុវតីស្រស់ស្អាតអាយុ​ត្រឹម ១៧ឆ្នាំម្នាក់ បានប្រើល្បិចនាំមិត្តប្រុសមកលេងប្រទេសថៃ ហើយបន្ទាប់មកនាងក៏បាននាំយកមិត្តប្រុសនោះទៅលក់ឱ្យគេនៅក្នុងប្រទេសមីយ៉ាន់ម៉ាក្នុងតម្លៃ ១០០,០០០ យ័ន (១៣,៩៣៥ ដុល្លារអាមេរិក) នេះបើយោងតាមការចុះផ្សាយរបស់បណ្តាញសារព័ត៌មាន World of Buzz។ បុរសជាជនរងគ្រោះត្រូវបានគេឱ្យដឹងត្រឹមថាមានអាយុ ១៩ឆ្នាំ ខណៈគូស្នេហ៍ទាំង ២នាក់នេះ បានជួបគ្នានិងស្គាល់គ្នានៅក្នុងប្រទេសចិនអស់រយៈពេល ១ឆ្នាំមកហើយ។ បើតាមសំដីប្អូនស្រីរបស់យុវជនរងគ្រោះបានឱ្យដឹងថា យុវតីវ័យ ១៧ឆ្នាំខាងលើនេះគឺជាមនុស្សចូលចិត្តស្លៀកពាក់ស៊ិចស៊ី និងប្រើរបស់ទំនើបៗ ហើយរូបនាងក៏ធ្លាប់បាននិយាយថា មានឪពុកម្តាយជាអ្នកជំនួញនៅក្នុងប្រទេសមីយ៉ាន់ម៉ាផងដែរ។ ចំពោះបុរសជាជនរងគ្រោះវិញគឺជាមនុស្សស្លូតត្រង់ ងាយជឿពាក្យលួងលោមផ្អែមល្ហែម ហើយរូបគាត់មានចិត្តស្រលាញ់ស្រ្តីជាសង្សាយ៉ាងខ្លាំង។ ប្រភពខាងលើបានបន្តថា កាលពីខែកុម្ភៈកន្លងទៅនេះ គូស្នេហ៍ទាំង ២បានទៅលេងប្រទេសថៃ ខណៈបុរសជាជនរងគ្រោះមិនបានប្រាប់ក្រុមគ្រួសារឱ្យដឹងពីដំណើរកម្សាន្តនេះទេ។ ក្រោយពេលទៅដល់ប្រទេថៃ

ឥណ្ឌា៖ ប្រទេសឥណ្ឌាបានធ្វើការបាញ់សាកល្បងមីស៊ីលផ្លោងរយៈចម្ងាយមធ្យមដោយជោគជ័យ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃព្រហស្បតិ៍​ទី២១​ ខែសីហា។ មីស៊ីលខាងលើនេះមានឈ្មោះថា The Agni-5 ខណៈការបាញ់សាកល្បងត្រូវបានធ្វើឡើងនៅតំបន់ប៉ែកខាងលិច នៃរដ្ឋ Odisha ប្រទេសឥណ្ឌា។ ប្រភពខាងលើបានបន្តថា នៅក្នុងប្រតិបត្តិការណ៍ជាក់ស្តែងមីស៊ីលផ្លោង The Agni-5 ក៏មានសមត្ថភាពអាចនាំយកក្បាលនុយក្លេអ៊ែរទៅទម្លាក់ទៅនៅគ្រប់ទីកន្លែងក្នុងប្រទេសចិនបានផងដែរ។ គួរតក់សម្គាល់ថា ចិននិងឥណ្ឌាគឺជាប្រទេសដែលមានប្រជាជនច្រើនជាងគេនៅលើពិភពលោក ហើយប្រទេសមហាយក្សទាំងនេះក៏ធ្លាប់មានជម្លោះជាមួយគ្នាផងដែរ ជាក់ស្តែងជម្លោះនៅព្រំដែនរវាងប្រទេសទាំង ២ កាលពីអំឡុងឆ្នាំ២០២០ បានបណ្តាលឱ្យមានមនុស្សជាច្រើនត្រូវបានបាត់បង់ជីវិតទៀតផង៕ អត្ថបទ៖ ភក្តី ប្រភព៖ Channel News Asia