(ខេត្តសៀមរាប)៖ តាមរយៈការចុះផ្សាយលើផេកផ្លូវការរបស់ សម្តេចបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជានាចក្រកម្ពុជា នៅថ្ងៃទី ២២ ខែកុម្ភៈ ឆ្នាំ ២០២៥ នេះ បានឱ្យដឹងថា កាលពីយប់ថ្ងៃទី ២១ ខែកុម្ភៈ ឆ្នាំ ២០២៥ ម៉ាកយីហោល្បី BVLGARI រៀបចំតាំងពិព័រណ៍គ្រឿងអលង្ការប្រណិតៗ នៅប្រាសាទបាយ័ន ខេត្តសៀមរាប។ នៅក្នុងផេកផ្លូវការរបស់ សម្តេចបវរធិបតី ហ៊ុន ម៉ាណែត បានោ្យដឹងថាទៀតថា ដោយសារជឿជាក់លើសមត្ថភាព ស្ថិរភាព សន្តិសុខសណ្ដាប់ធ្នាប់ល្អរបស់កម្ពុជា និងកិត្តិសព្ទដ៏ល្បីល្បាញរបស់អង្គរ BVLGARI ដែលជាម៉ាកយីហោគ្រឿងអលង្ការយ៉ាងល្អប្រណិត

(ខេត្ដព្រះសីហនុ)៖ នៅរសៀលថ្ងៃទី ២២ ខែកុម្ភៈ ឆ្នាំ ២០២៥ នេះ តាមរយៈគណនីផ្ទាល់ផ្ទាល់ខ្លួនរបស់ ឯកឧត្តម ផន រឹម អ្នកនាំពាក្យ ក្រសួងសាធារណការ និងជញ្ជូន បានឱ្យដឹងថា ជនបើករថយន្តបញ្ច្រាសផ្លូវល្បឿនភ្នំពេញ-ព្រះសីហនុ ជាជនសង្ស័យអំពើចោរកម្មគេចពីសមត្ថកិច្ច។ យោងតាមការបង្ហោះរបស់ ឯកឧត្តម ផន រឹម អ្នកនាំពាក្យ ក្រសួងសាធារណការ និងជញ្ជូន បានបញ្ជាក់ថា នៅព្រឹកថ្ងៃទី២២ ខែកុម្ភៈ ឆ្នាំ២០២៥ វេលាម៉ោង ៩និង១៣នាទី មានរថយន្ត១គ្រឿង ម៉ាកTOYOTA PRIUS ពណ៌ស

(ខេត្តព្រះសីហនុ)៖ កាលពីថ្ងៃទី ២១ ខែកុម្ភៈ ឆ្នាំ ២០២៥ ស្នងការដ្ឋាននគរបាលខេត្តព្រះសីហនុ បានឱ្យដឹងថា ករណី ផ្ទុះអាវុធ ដែលបង្កឡើងដោយជនជាតិចិន នៅចំណុចកាស៊ីណូ និងសណ្ឋាគារណានមួយកន្លែងក្នុងក្រុងព្រះសីហនុ ឯកឧត្តម ឧត្តមសេនីយ៍ឯក ស រដ្ឋា អគ្គស្នងការរង និងជាស្នងការនគរបាលខេត្ត បានបញ្ជាឱ្យកម្លាំងអធិការក្រុងព្រះសីហនុ ចុះទៅកន្លែងកើតហេតុ និងធ្វើការស្រាវជ្រាវ ដោយសមត្ថកិច្ចឃាត់ខ្លួនជនសង្សយ័ជនជាតិចិនបានចំនួន ៣នាក់។ តាមការបញ្ជាក់របស់ ស្នងការដ្ឋាននគរបាលខេត្តព្រះសីហនុ បានោ្យដឹងថា នៅថ្ងៃទី ២១ ខែកុម្ភៈ ឆ្នាំ ២០២៥ វេលាម៉ោង ១០

យោងតាមការចុះផ្សាយរបស់ ក្រសួងព័ត៌មាន នៅថ្ងៃទី ២២ ខែកុម្ភៈ ឆ្នាំ ២០២៥ បានឱ្យដឹងថា ឯកឧត្តម អ៊ូអ៊ិណុ អាត់ស៊ូស៊ី ឯកអគ្គរាជទូតវិសាមញ្ញ និងពេញសមត្ថភាព​របស់ប្រទេសជប៉ុនប្រចាំព្រះរាជាណាចក្រកម្ពុជានិង ឯកឧត្តម ឯក សុនចាន់ រដ្ឋមន្ត្រីប្រតិភូអមនាយករដ្ឋមន្តី្រ និងជាប្រធានសមាគមទឹកស្អាតជនប​ទ​កម្ពុជានៅរសៀល​ថ្ងៃទី ២១ ខែ​កុម្ភៈ ឆ្នាំ ២០២៥ បានចុះហត្ថលេខាលើកិច្ច​សន្យា​ផ្តល់ជំនួយឥតសំណងគូសាណូណិសម្រាប់គម្រោងទ្រង់ទ្រាយតូច​សន្តិសុខម​នុស្ស​ជាតិ ​ដល់សមាគមទឹកស្អាតជនបទកម្ពុជា ដែលមានតម្លៃ​ជាទឹកប្រាក់ជាង ២៤ ម៉ឺនដុល្លារអាមេរិក ។ ឯកឧត្តម អ៊ូអ៊ិណុ អាត់ស៊ូស៊ី ឯកអគ្គរាជទូតជប៉ុនប្រចាំកម្ពុជា បានបញ្ជាក់​ក្នុងសុន្ទរកថានៃពិធីចុះហត្ថលេខា​នៅស្ថានទូត​ជប៉ុនប្រចាំកម្ពុជាថារ​ដ្ឋា​ភិបាល​ជប៉ុននឹងផ្ដល់ថវិកាចំនួន ២៤៣,៤៥០

យោងតាមការចុះរបស់ ក្រសួងព័ត៌មាន នៅថ្ងៃទី ២២ ខែកុម្ភៈ ឆ្នាំ ២០២៥ នេះ បានឱ្យដឹងថា តាមរបាយការណ៍ បានឱ្យដឹងថា ក្នុងឆ្នាំ ២០២៤ និង ឆ្នាំ ២០២៥។ ក្រសួងធនធានទឹក និងឧតុនិយម បាន និងកំពុងជួសជុលច្រាំងទន្លេសរុបប្រវែង ៦៥០៥មែត្រ ដោយក្នុងនោះ រួមមាន ៖ ១-ឆ្នាំ២០២៤ ការងារច្រាំងបានអនុវត្តដោយប្រើប្រាស់បាវ Geo Textile ចំនួន ៣ទីតាំង ស្ថិតក្នុងខេត្តត្បូងឃ្មុំ សរុបប្រវែង ៣៥០៥មែត្រ។ ២-ឆ្នាំ

យោងតាមការចុះផ្សាយរបស់ ឯកសាមន្ត្រីសាធារណៈ នៅព្រឹកថ្ងៃទី ២២ ខែកុម្ភៈ ឆ្នាំ ២០២៥ នេះ បានឱ្យដឹងថា ព្រះបាទសម្តេចព្រះបរមនាថ នរោត្តម សីហមុនី បានចេញព្រះរាជក្រឹត្យតាំងស៊ប់ដល់ចៅក្រមកម្មសិក្សា ៣៥នាក់ និងចាត់ឱ្យទៅបំពេញការងារនៅសាលាដំបូងខេត្ត។ ប្រភព៖ ឯកសាមន្ត្រីសាធារណៈ

យោងតាមការចុះផ្សាយរបស់ ឯកសាមន្ត្រីសាធារណៈ នៅព្រឹកថ្ងៃទី ២២ ខែកុម្ភៈ ឆ្នាំ ២០២៥ នេះ បានឱ្យដឹងថា ព្រះបាទសម្តេចព្រះបរមនាថ នរោត្តម សីហមុនី បានចេញព្រះរាជក្រឹត្យតែងតាំងព្រះរាជអាជ្ញារងកម្មសិក្សា ឱ្យទៅបម្រើការងារនៅក្រសួងយុត្តិធម៌ និងនៅតាមអយ្យការអមសាលាដំបូង ខេត្ត ១៥នាក់៕ ប្រភព៖ ឯកសាមន្ត្រីសាធារណៈ

(ខេត្តកំពត)៖ កាលពីថ្ងៃទី ២០ ខែកុម្ភៈ ឆ្នាំ ២០២៥ តាមរយៈ មន្ទីរព័ត៌មានខេត្តកំពត បានោ្យដឹងថា អភិបាលក្រុងកំពតបានបញ្ជាក់ថា សួនបាញ់ទឹករាំតាមចង្វាក់ភ្លេងអមដោយភ្លើងពណ៌នៅខេត្តកំពត ដែលពលរដ្ឋ និងភ្ញៀវទេសចរកំពង់ទន្ទឹងរង់ចាំទស្សនា បានលេចចេញរូបរាងបាន ៦០% ហើយ ខណៈដែលការជួសជុល និងអ៊ុតកៅស៊ូដើម្បីលើកគុណភាពផ្លូវសំខាន់ៗ១០ខ្សែ សម្រេចបានជាង ៧០%។ អភិបាលក្រុងកំពត លោក លាង រឿនសុធី បានប្រាប់ឱ្យដឹងថា ខេត្តកំពតក្រោមការដឹកនាំរបស់ឯកឧត្ដម ម៉ៅ ធនិន អភិបាលខេត្ត ឯកឧត្តមបានគិតគូរជានិច្ចចំពោះការអភិវឌ្ឍក្នុងខេត្ត ជាពិសេសក្នុងភូមិសាស្ត្រក្រុងកំពត ហើយសមិទ្ធផលទេសចរណ៍ថ្មីៗជាច្រើនបានលេចចេញជារូបរាងជាបន្តបន្ទាប់ បានធ្វើឱ្យកំណើនភ្ញៀវទេសចរមានការកើនឡើងជាលំដាប់គួរឱ្យកត់សម្គាល់។ លោកអភិបាលក្រុងបានបន្តថា

យោងតាមការចុះផ្សាយរបស់ ក្រសួងព័ត៌មាន នៅថ្ងៃទី ២១ ខែកុម្ភៈ ឆ្នាំ ២០២៥ បានឱ្យដឹងថា សហគមន៍នេសាទកំពង់សាមគ្គីជាសហគមន៍ធំជាងគេមួយនៅខេត្តកំពត ដែលសំបូរដោយធនធានសមុទ្រ។ កំពង់សាមគ្គីត្រូវបានរៀបចំជាតំបន់អេកូទេសចរណ៍ក្រោយគេក៏ពិតមែន ប៉ុន្តែទទួលបានការចាប់អារម្មណ៍ និងមកលេងកម្សាន្តពីភ្ញៀវច្រើនឡើងៗ។ ដើម្បីបំពេញតម្រូវការភ្ញៀវ ប្រធានសហគមន៍ អាជ្ញាធរស្រុក មន្ត្រីជំនាញពាក់ព័ន្ធ អង្គការដៃគូ បាន និងកំពុងខិតខំអភិវឌ្ឍសហគមន៍បន្ថែមទៀត ដើម្បីទាក់ទាញភ្ញៀវឱ្យបានកាន់តែច្រើន។ លោក សុខ កៅ ប្រធានសហគមន៍នេសាទកំពង់សាមគ្គី បានប្រាប់ឱ្យដឹងនៅព្រឹកថ្ងៃទី ២១ ខែកុម្ភ: ឆ្នាំ ២០២៥ ថា ទោះបីជាសហគមន៍រៀបចំជាតំបន់អេកូទេសចរណ៍ធម្មជាតិ ក្រោយគេ ហើយមិនទាន់រួចរាល់

យោងតាមការចុះផ្សាយរបស់ ក្រសួងព័ត៌មាន នោថ្ងៃទី ២១ ខែកុម្ភៈ ឆ្នាំ ២០២៥ នេះ បានឱ្យដឹងថា ឯកឧត្តមឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ លោកជំទាវ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ និងឯកឧត្តម ប្រាក់ សោភ័ណ អភិបាលនៃគណៈអភិបាលខេត្តសៀមរាប នាថ្ងៃទី ២១ ខែកុម្ភៈ ឆ្នាំ ២០២៥ នេះ បានរួមគ្នាដឹកនាំ កិច្ចប្រជុំពិភាក្សាលើការងាររៀបចំ និងគ្រប់គ្រងតំបន់រមណីយដ្ឋានបេតិកភណ្ឌពិភពលោកអង្គរ។ តាមប្រភពព័ត៌មានពីក្រសួងរៀបចំដែនដី