សង្គម
  • លោកតាជាងគំនូរជើងចាស់ វ័យ ៨៣ឆ្នាំ រំភើបចិត្ត ពេលដែលម្ចាស់ហាងវ៉ែនតា គាំទ្រនិងផ្តល់តម្លៃស្នាដៃរបស់គាត់ ក៏ដូចជាផ្តល់ឱកាសអោយគាត់រកបានប្រាក់ចំនូល
    សង្គម
    February 1, 2020 Khmernote

    រឿងរ៉ាវអ៊ុំប្រុសមួយរូប ដែលត្រូវបានគេស្គាល់ថាជាជាងគំនូរដ៏ល្បីល្បាញកាលពីជំនាន់ដើម ដោយអ៊ុំប្រុសមានសមត្ថភាពសរសេរអក្សរឆ្លាក់ សារជូនពរ សាររំលែកទុក្ខ ជាដើម។ ដោយសព្វថ្ងៃនេះអ៊ុំប្រុសនៅតែបន្តរបរនេះនៅខាងកើតផ្សារធំថ្មី មុំតូបលក់ផ្កា ដោយអ៊ុំប្រុសចាំទទួលការងារឆ្លាក់លើផ្ទាំងក្រណាត់ ឬផ្ទាំងក្រដាសដែលខាងអ្នកលក់ផ្កា ឬក៏អតិថិជនចាស់ៗប្រគល់អោយ។ ជាក់ស្តែងយោងតាម យោងតាមផេក VH Online shop បានបង្ហោះឲ្យដឹងពីលោកតាថា៖ ដោយសារការស្រលាញ់ស្លាកយីហោគូរដោយដៃពួកខ្ញុំបានអញ្ចេីញលោកតាជាងគំនូរជេីងចាស់ដែលមានរហ័សនាមជាងគំនូរវត្តភ្នំនិងនាមត្រកូលពិត កែវ សាន់ មកគូរអោយហាងពួកខ្ញុំ។ លោកតាជាអ្នកគូរស្លាកយីហោតាមរោងកុនធំៗពីមុនជាង30រោងកុន ដែលក្នុងនោះមានរោងកុនគីរីរម្យ,ហេមជាតិ,ភ្នំពេជ្រ,សូរិយា,ព្រហ្មបាយ័ន,ម្កុដពេជ្រ,អង្គរ,ហាវ៉ៃកាពីតូល,មនោរម្យ,និងរោងកុនលុច្សដែលសុទ្ធតែជារោងកុនល្បីៗនៅក្នុងកំឡុងឆ្នាំ1980ជាង។ សព្វថ្ងៃលោកតាមានអាយុ83ឆ្នាំហេីយតែគាត់នៅតែស្រលាញ់ការងារជាជាងគំនូរនេះនិងនៅតែមានឆន្ទៈបន្តធ្វេីការងារបែបនេះទៅតាមលទ្ធភាពដែលគាត់អាចធ្វេីបាន។ លោកតាមានប្រសាសន៍ថាគាត់រំភេីបនិងសប្បាយចិត្តពេលដែលមានអ្នកនៅគាំទ្រនិងផ្តល់តម្លៃស្នាដៃរបស់គាត់ក៏ដូចជាផ្តល់ឱកាសអោយគាត់រកបានប្រាក់ចំនូលពីការគូរនេះដូច្នេះបងប្អូនណាដែលស្រលាញ់និងមានបំណងគូរស្លាកយីហោប្រភេទនេះអាចទាក់ទងទៅគាត់បានតាមលេខទូរស័ព្ទ 0962434988 ចុងក្រោយខ្ញុំសូមថ្លែងអំណរគុណដល់លោកតាដែលបានបញ្ចេញស្នាដៃក្នុងការធ្វេីស្លាកយីហោនេះយ៉ាងយកចិត្តទុកដាក់ទាំងអត្តន័យនិងសោភ័ណ្ឌភាព សូមជូនពរលោកតាអោយមានសុខភាពល្អនិងអាយុយុឺនយូរ

  • អាណិតណាស់ លោកយាយវ័យកាន់តែចាស់ហើយ នៅដើររុញរទេះលក់នំកាឆាយ លតឆាទៀត, លឺប្អូនស្រីម្នាក់ប្រាប់ថា កូនគាត់វាយគាត់យកលុយ ឡេីងគាត់លែងហ៊ានលក់មួយរយៈទៀត
    សង្គម
    January 31, 2020 Khmernote

    យោងតាមប្រភពពីប្អូនស្រី Rii Ya បានបង្ហោះពីលោកយាយម្នាក់អាយុច្រើនហើយនៅរុញរទេះលក់នំគូឆាយ និងលតឆា ដោយប្អូនស្រីបានរៀបរាប់ថា កូនគាត់វាយគាត់យកលុយទៀត ។ ប្អូនស្រីបានរៀបរាប់លើហ្វេសបុកថា៖ “គាត់ចាស់ហេីយបែរជាមិនមេីលថែគាត់ហេីយជាកូនថែមទាំងវាយគាត់យកលុយឡេីងគាត់លែងហ៊ានលក់មួយរយៈ អាណិតគាត់ណាស់ ទោះគាត់មានវ័យចាស់យ៉ាងណាក៏គាត់មិនដេីរសុំទានគេដែរ​ គាត់សុខចិត្ដបន្ដលក់នំកាឆាយ500៛ហេីយលតឆា​2000៛​ ខ្ញុំបានជួយទិញគាត់ហីយជូនលុយបន្ដិចបន្ដួច​ ប៉ុន្ដែអាទិត្យក្រោយខ្ញុំនិងយកសំភារះនិងលុយកាក់ជូនគាត់បន្ថែម​ បេីបងបងសប្បុរសធម៌ណាមានចិត្ដមេត្ដាអាចទាក់ទងមកខ្ញុំបាន​ សូមជួយគាត់ដោយក្ដីមេត្ដាផងទៅចុះអាណិតគាត់ណាស់។ ប្អូនស្រីបានប្រាប់ឲ្យដឹងក្នុង Comment ថាបើសិនមានអ្នកចង់ជួយ អាចមកម្ដុំពោធ៌ចិនតុង​ ជិះមកហួសក្រុមហ៊ុន Mazda​ បន្ដិចមានផ្លូវបត់ចូលខាងឆ្វេងដៃ​ ចូលតាមជ្រកបាលីរីសត មកត្រង់រហូតឃេីញសាលាប្រាយថាមាំ ខលមកគាត់ គាត់នឹងនាំទៅ។ បើសិនប្រិយមិត្តចង់ជួយលោកយាយអាចទាក់ទងប្អូនស្រី Rii Ya បាន៕

  • ព្រះសង្ឃចំនួន ៩៩៩អង្គ បានទទួលចង្ហាន់ BBQ ប៊ូហ្វេនិងស៊ុប តាមការនិមន្តរបស់ លោកជំទាវ ម៉ែន ភក្តី ហុកឡង់ឌី
    សង្គម
    January 31, 2020 Khmernote

    ព្រះសង្ឃចំនួន៩៩៩អង្គ និងអាចារ្យ ៤១នាក់មកពីវត្តចំនួន១០ ក្នុងរាជធានីភ្នំពេញ បានទទួលចង្ហាន់ BBQ ប៊ូហ្វេនិងស៊ុប នៅហាងកាកាស៊ូគីស៊ុប នៅកោះពេជ្រ កាលពីព្រឹកថ្ងៃទី៣០ ខែមករា ឆ្នាំ២០២០ តាមការនិមន្តរបស់ លោកជំទាវ ម៉ែន ភក្តី ហុកឡង់ឌី។ កម្មវីធីបុណ្យប្រគេនចង្ហាន់ ដល់ព្រះសង្ឃចំនួន១០វត្ត សរុប ៩៩៩អង្គ នេះ មានការចូលរួមពីលោកជំទាវថ្នាក់ដឹកនាំមួយចំនួនផងដែរ។ លោកជំទាវ ម៉ែន ភក្តី បានវេរប្រគេនចង្ហាន់ថ្ងៃត្រង់ ទេយ្យទានជូនដល់ព្រះសង្ឃ និងអាចារ្យ ដើម្បីឧទ្ទិសកុសលផលបុណ្យជូនចំពោះបុព្វការីជន មានមាតា បិតា ជីដូនជីតា និងញាតិការទាំង៧សន្ដាន

  • K01 ត្រូវបាននាយកដ្ឋានព័ត៌មាននិងសោតទស្សន៍ កោះហៅ នៅព្រឹកមិញនេះ
    សង្គម
    January 30, 2020 Khmernote

    លោក ឃឿន សុឡា ដែលគេស្គាល់ឈ្មោះថា K01 ត្រូវបាននាយកដ្ឋានព័ត៌មាននិងសោតទស្សន៍ កោះហៅ នៅព្រឹកមិញនេះ ក្រោយពេលដែលបានធ្វើការ Live ផ្ទាល់បំពុលសង្គម ទាក់ទងនឹងជំងឺផ្លូវដង្ហើមថ្មី Coronavirus នៅមុខមន្ទីពេទ្ររូស្សុី កាលពីម្សិលមិញ។ ការកោះហៅពីសំណាក់ នាយកដ្ឋានព័ត៌មាននិងសោតទស្សន៍ គឺបានធ្វើការអប់រំណែនាំចំពោះលោក K01 អំពីការផ្សព្វផ្សាយព័ត៌មាន ហើយ K01 ក៏បានធ្វើការសុំទោសនិងសន្យាមិនអោយមានរឿងនេះកើតឡើងម្តងទៀតនោះទេ។ គួរបញ្ជាក់ផងដែរថា កាលពីព្រឹកមិញនេះដែរនៅក្នុងសន្និសីទសារព័ត៌មានអំពីជំងឺរលាកផ្លូវដង្ហើមថ្មីកូរ៉ូណា (Coronavirus) សម្តេចតេជោ ហ៊ុន សែន នាយករដ្ឋមន្រ្តី ក៏បានធ្វើការស្តីបន្ទោសខ្លាំងៗទៅកាន់ K01 ដែលធ្វើខ្លួនមិនសមជាអ្នកសារព័ត៌មានទាល់តែសោះ និងគ្មានវិជ្ជាជីវៈសូម្បីតែបន្តិច។

  • អ្នកជំនាញអាជ្ញាធរជាតិអប្សរាបកស្រាយអំពីចម្លាក់សត្វម្ករនៅជេីងភ្នំគូលេនក្នុងសិល្បៈចម្លាក់ខ្មែរ
    សង្គម
    January 21, 2020 Khmernote

    ចម្លាក់ទោល «សត្វម្ករ» ដ៏ធំ ដែលបានចុះផ្សាយដោយបណ្តាញសង្គម កាលពីថ្ងៃទី១៨ ខែមករា ឆ្នាំ២០២០ កន្លងមកនេះ មានទីតាំងនៅទំនប់ទឹកមុជជាទំនប់ទឹកបុរាណមួយនៅជេីងភ្នំគូលេន ដែលស្ថិតនៅទិសពាយ័ព្យនៃរមណីយដ្ឋានប្រាសាទបេងមាលា ក្នុងភូមិសាស្រ្តភូមិទឹកលេច ឃុំបេងមាលា ស្រុកស្វាយលើ ខេត្តសៀមរាប។ តាមការចុះពិនិត្យជាក់ស្តែងរបស់អ្នកជំនាញអាជ្ញាធរជាតិអប្សរា ឃើញមានបំណែកវត្ថុសិល្បៈចំនួន១៤បំណែកដូចជា ចម្លាក់ក្បាលម្ករដ៏ធំ (បណ្តោយទំហំ២១៣០មីលីម៉ែត្រ ទទឹង៩៥០មីលីម៉ែត្រ និងកម្ពស់ទំហំ១០៩០មីលីម៉ែត្រ) ចំនួន០១ រួមទាំងបំណែកដងខ្លួនមានសណ្ឋានជាទរទឹកនិងគម្របទរព្រមទាំងបំណែកវត្ថុសិល្បៈផ្សេងៗទៀត ដែលនៅរាយប៉ាយក្បែរនោះ។ ប្រជាពលរដ្ឋមានជំនឿនិងគោរពបូជាបដិមានេះជាយូរមកហើយរហូតមកដល់បច្ចុប្បន្ន។ ក្រៅពីនោះ ក៏មានស្លាកស្នាមជាការដ្ឋានយកថ្មភក់ពីបុរាណជាច្រើនកន្លែងនៅក្បែរៗនោះដែរ។ លោកបណ្ឌិត ឈាន រដ្ឋា ប្រធានស្តីទីនាយកដ្ឋានអភិរក្សប្រាសាទក្រៅឧទ្យានអង្គរ បញ្ជាក់ថាអាជ្ញាធរជាតិអប្សរានឹងបន្តការសិក្សាស្រាវជ្រាវបែបបុរាណវិទ្យា ដើម្បីដឹងច្បាស់ពីប្រវត្តិទីតាំងសម្រាប់ចងក្រងជាឯកសារ ការផ្សព្វផ្សាយ និងអភិរក្សដើម្បីលើកតម្លៃបេតិភណ្ឌជាតិ

  • លោកជំទាវ អ៊ូ ធីតាពៅ គួចចំរើន ត្រៀមរួចជាស្រេចសម្រាប់ការសម្តែងល្ខោនព្រះរាជទ្រព្យជាលើកដំបូង ដើម្បីរៃអង្គាសថវិកាជួយអ្នករបាំបុរាណក្រីក្រ
    សង្គម
    January 21, 2020 Khmernote

    ធ្មេចបើកៗការសម្តែងល្ខោនព្រះរាជទ្រព្យជាលើកដំបូង របស់ភរិយាឯកឧត្តមអភិបាលខេត្តព្រះសីហនុ លោកជំទាវ អ៊ូ ធីតាពៅ គួចចំរើន កាន់តែកៀកចូលមកដល់ ដោយថ្មីៗនេះលោកជំទាវ និងក្រុមរបាំព្រះរាជទ្រព្យស័្មគ្រចិត្តជាច្រើននាក់បានចូលរួមក្នុងការហាត់សម។ លោកជំទាវ អ៊ូ ធីតាពៅ គួចចំរើន បានធ្វើការហាត់សម្តែងរបាំព្រះរាជទ្រព្យ ល្ខោនបុរាណ រឿង«ព្រះអនុរទ្ធនាងឱសា» ហើយការសម្តែងនេះក៏ជាការសម្តែងលើកទី១របស់លោកជំទាវផងដែរ។ ការសម្តែងរឿង ព្រះអនរុទ្ធនឹងព្រះនាងឱស្សា ទម្រង់ល្ខោនព្រះរាជទ្រព្យនឹងសម្តែងក្នុងខែមីនា ឆ្នាំ២០២០ នៅសាលមហោស្រពចតុមុខ។ លោកជំទាវ អ៊ូ ធីតាពៅ គួចចំរើន បានថ្លែងប្រាប់ទៅកាន់សារព័ត៌មានក្នុងស្រុកមួយថា ក្នុងការរៀបចំសំដែងរបាំព្រះរាជទ្រព្យ រឿង«ព្រះអនុរទ្ធនាងឱសា» នេះដោយសារតែលោកជំទាវចង់ចូលរួមលើកស្ទួយសិល្បៈរបាំខ្មែរ ហើយព្រមទាំងធ្វើការរៃអង្គាសថវិកាដើម្បីយកទៅជួយអ្នករបាំបុរាណក្រីក្រ តាមរយៈកាកបាទក្រហមកម្ពុជា៕ រូបភាព៖ Hattha

  • “អច្ឆរិយៈកម្ពុជា” លោក ហុង ភារិន ចែករំលែកវីដេអូទាក់ទងនឹងទិចនិចក្នុងការចងចាំ
    សង្គម
    January 20, 2020 Khmernote

    ចាប់តាំងពីពេលដែលយុវជន ហុង ភារិន ជានិស្សិតអាហារូបករណ៍នៅប្រទេសថៃបានចូលរួមប្រកួតក្នុងកម្មវិធី SUPER 100 និងបង្ហាញសមត្ថភាពពិសេសរហូតទទួលបានរហស្សនាមថាជា អច្ឆរិយកម្ពុជា ពីប្រទេសថៃ យុវជនរូបនេះក៏ទទួលបានការកោតសរសើរពីប្រជាពលរដ្ឋនៅកម្ពុជាជាច្រើន ហើយ ហុង ភារិន ក៏បានបន្តសមត្ថភាពខ្លួនចូលរួមប្រកួតសមត្ថភាពការចងចាំនៅប្រទេសចិនផងដែរ។ ក្នុងនោះផងដែរថ្មីៗនេះ ហុង ភារិន ក៏បានបញ្ចេញវីដេអូជាលើកដំបូងទាក់ទងនឹងការចងចាំ ដោយ ហុងភារិន បានរៀបរាប់ថា៖ “នេះជាលេីកដំបូងដែលខ្ញុំធ្វេីវីដេអូ​ ដូច្នេះបេីសិនមានកំហុសឆ្គងត្រង់កន្លែងណាសូមមេត្តាអធ្យាស្រ័យផង​។ បេីសិនមានចម្ងល់ទាក់ទងនឹងការចងចាំអាច ខមិន​ (comment) នៅខាងក្រោមវីឌេអូបាន ខ្ញុំនឹងព្យាយាមឆ្លេីយតបតាមដែលអាចធ្វេីបាន។ សង្ឃឹមថាវីឌីអូនេះអាចជាប្រយោជន៍បន្តិចបន្តួចសំរាប់បងប្អូនទាំងអស់គ្នា”៕ តោះចង់ជ្រាបច្បាស់មកទស្សនាវីដេអូនៅខាងក្រោម៖

  • ទីបំផុត រដ្ឋបាលរាជធានីភ្នំពេញសម្រេចយកគន្លងផ្លូវមួយនេះធ្វើជាផ្លូវអាទិភាពសម្រាប់រថយន្តក្រុង
    សង្គម
    January 19, 2020 Khmernote

    យោងតាមការបញ្ជាក់នៅលើទំព័រផ្លូវការរបស់រដ្ឋបាលរាជធានីភ្នំពេញ កាលពីរសៀលថ្ងៃសុក្រ ០៨រោច ខែបុស្ស ឆ្នាំកុរ ឯកស័កព.ស២៥៦៣ ត្រូវនឹងថ្ងៃទី១៧ ខែមករា ឆ្នាំ២០២០ បានឲ្យដឹងថា រដ្ឋបាលរាជធានីភ្នំពេញបានកិច្ចប្រជុំគណៈកម្មការរៀបចំផ្លូវអាទិភាពរថយន្តក្រុងដឹកជញ្ជូនសាធារណៈ City Bus ក្រោមអធិបតីភាពឯកឧត្ដម ឃួង ស្រេង អភិបាល នៃគណៈអភិបាលរាជធានីភ្នំពេញ ដោយបានការចូលពីតំណាងអង្គការ JICA ធនាគារ ADB មន្ទីរអង្គភាពជំនាញពាក់ព័ន្ធ រដ្ឋាករស្វយ័តដឹកជញ្ជូនសាធារណៈ City Bus លោក អភិបាល អភិបាលរងខណ្ឌពាក់ព័ន្ធនិងផ្លូវអាទិភាពរបស់រថយន្តក្រុងដឹកជញ្ជូនសាធារណៈ City Bus។ ដោយអង្គប្រជុំបានសម្រេចយកផ្លូវអាទិភាពរបស់រថយន្តក្រុងដឹកជញ្ជូនសាធារណៈ City Bus

  • ឪពុកយុវតីរងគ្រោះ ថាសំណងជំងឺចិត្ត២,០០០ដុល្លារអាមេរិកនេះ វាគ្រាន់តែជាជំហានដំបូងប៉ុណ្ណោះ
    សង្គម
    January 18, 2020 Khmernote

    ខណៈដែលយុវតីរងគ្រោះមិនព្រមចំពោះសំណងជំងឺចិត្ត ព្រោះតែការធ្វើបាប ទាត់ធាក់យ៉ាងព្រៃផ្សៃពីសំណាក់យុវតីទំនើងទាំង៤នោះរួចមក កាលពីប៉ុន្មានម៉ោងមុននេះឪពុករបស់យុវតីជនរងគ្រោះមានគណនីហ្វេសប៊ុកឈ្មោះ Sophorn Chin បានឲ្យដឹងថាលោកសុំស្នើរឲ្យក្រសួងមានសមត្ថកិច្ចបន្តធ្វើតាមនីតិវិធីច្បាប់ ដោយលោកបានបញ្ជាក់ថាសំណងជំងឺចិត្ត២,០០០ដុល្លារអាមេរិកនេះ វាគ្រាន់តែជាជំហានដំបូង។ ដោយឪពុកជនរងគ្រោះបានសរសេររៀបរាប់ថា៖ “ក្នុងនាមខ្ញុំជាឪពុកជនរងគ្រោះ មរកត ខ្ញុំស្នើរសុំដល់ក្រសួងមានសមត្ថកិច្ច និងប្រព័ន្ធតុលាការជួយបន្តនីតិវិធីតាមផ្លូវច្បាប់ ហើយរឿងសំណងជំងឺចិត្ត 2000ដុល្លារ វាគ្រាន់តែជំហានដំបូង បន្ទាប់មកយកកូនខ្ញុំទៅពិនិត្យខាងផ្លូវអារម្មណ៏និងរាងកាយ បើសិនរកឃើញថាកូនខ្ញុំមានសភាពធ្ងន់ធ្ងរ ខ្ញុំនឹងទាមទារសំណងបន្ថែនទៀតចំពោះមុខតុលាការ”។ សូមរំលឹកថាសិស្សរងគ្រោះអាយុ១៦ឆ្នាំ សិក្សាថ្នាក់ទី៨ នៅវិទ្យាល័យ​ផ្សារ​ដើម​ថ្កូវ ចំណែក​ក្រុម​ជន​បង្ក​មាន​គ្នា​៤​នាក់ ដោយជនបង្កម្នាក់បានហៅបក្ខពួក​ពី​ខាងក្រៅ​ស្រី​វិទ្យាល័យ​ផ្សេង​ចំនួន ៣​ទៀត មកព្រួត​គ្នា​ទាត់​ធាក់​និង​ជេរប្រទេច​ដូច​សត្វ​ធាតុ​។ ដោយសកម្មភាព​នោះ កើតឡើង​កាលពី​រសៀលថ្ងៃ​ទី​២៥ ខែធ្នូ ឆ្នាំ​២០១៩ នៅ​ក្នុង​វិទ្យាល័យ​ផ្សារ​ដើម​ថ្កូវ និងទើបតែបែកធ្លាយវីដេអូនៅថ្ងៃទី១៦ ខែមករា

  • ញាក់សាច់! ចោរបន្លំធ្វើជាជាងមកមេីល GPS ឡាន ឃើញឱកាសល្អលួចយកឡាន Lexus NX200T ទៅបាត់
    សង្គម
    January 18, 2020 Khmernote

    ករណីចោរកម្មតែងតែកើតមានជាញឹកញាប់ ដែលជាហេតុធ្វើឲ្យប្រជាពលរដ្ឋជាច្រើនមានការព្រួយបារម្ភជាខ្លាំងពីទ្រព្យសម្បត្តិ និងសុវត្ថិភាពរបស់ខ្លួន។ ជាពិសេសថ្មីៗនេះមានករណីចោរបានបន្លំធ្វើជាជាងមកជួសជុល GPS លួចយករថយន្ត និងលួចរថយន្តយកទៅបាត់។ ហេតុការណ៍នេះបានកើតឡើងកាលពីព្រឹកថ្ងៃទី១៨ ខែមករា ឆ្នាំ២០២០ ក្នុងភូមិព្រៃជីសាក់ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ រថយន្តដែលចោរធ្វើសកម្មភាពលួច ម៉ាក Lexus NX200T ពណ៌ស ពាក់ផ្លាកលេខភ្នំពេញ 2AY-6695។ ម្ចាស់រថយន្តមានគណនីហ្វេសប៊ុកឈ្មោះ Jerm Atiso បានសរសររៀបរាប់ថា៖ “មុននេះបន្តិចមានករណីលួចយករថយន្ត​ NX 200 T ពណ៌ស ផ្លាកលេខ PP 2AY 6695