យោងតាមការបញ្ជាក់នៅលើទំព័រហ្វេសប៊ុកផ្លូវការរបស់សម្តេចតេជោ ហ៊ុន សែន បានឲ្យដឹងថា៖ ខ្ញុំសូមអរគុណចំពោះសប្បុរសជនដែលបានចូលរួមជួយប្រជាជនក្នុងគ្រោះជំនន់ទឹកភ្លៀង ដែលកំពុងកើតមាននៅក្នុងប្រទេស។ គិតត្រឹមម៉ោង 9.00នាទី ព្រឹក ថ្ងៃ១៦ តុលា ២០២០ នេះថវិកាទទួលបាន $6,153,049 ដុល្លារ និង 204 លានរៀល ដែលក្នុងនោះ ៖ ១-លោកឧកញ៉ា គិត ម៉េង និង លោកជំទាវម៉ៅ ចំណាន ២០ មុឺនដុល្លារ ២-ក្រុមហ៊ុនជីប ម៉ុង ៣០មុឺនដុល្លារ ៣-លោកឧកញ៉ា ថៃ ជាហួត

«រដូវទឹកឡើង ទឹកជំនន់សូមប្រយ័ត្នសត្វពស់ តើពេលពស់ចឹកត្រូវធ្វើដូចម្តេច។» ស្វែងយល់អំពីការជួយសង្រ្គោះពេលពស់ចឹក!!! ពស់ចឹកនៅតែជាគ្រោះថ្នាក់មួយដែលគេជួបប្រទះជារឿយៗ ជាពិសេសនៅតំបន់ស្រែចម្ការខ្មែរយើង។ ថ្វីបើដំបូងឡើយស្នាមខាំជារបួសតូចបន្តិចបន្តួច តែក្នុងករណីខ្លះវាអាចបណ្តាលជាជំងឺធ្ងន់ធ្ងរភ្លាមៗ និងអាចបណ្តាលឲ្យស្លាប់ផងក៏មាន។ ក) ប្រភេទពស់ពិស៖ ក្នុងចំណោមពស់ប្រមាណជិត ៦០ប្រភេទ ដែលគេស្គាល់ក្នុងប្រទេសកម្ពុជា ក្រុមអ្នកជំនាញខាងសត្វពស់បានសំគាល់ឃើញថា មានពស់ពិស១២ ប្រភេទ ជាមូលហេតុបង្ករឲ្យមានគ្រោះថ្នាក់ដល់មនុស្ស។ ក្នុងនោះពស់៦ ប្រភេទដែលបង្ករគ្រោះថ្នាក់ញឹកញាប់ដោយសារវារស់នៅជិតៗភូមិដ្ឋានយើងមានៈ – ពស់វែកក្របី – ពស់វែកដំបូក – ពស់ហនុមាន – ពស់ក្រាយឬថ្នាំងអំពៅសខ្មៅ – ពស់បៃតង ២ប្រភេទទៀត មាន ៥ ប្រភេទទៀតវាច្រើនរស់នៅក្នុងព្រៃឆ្ងាយពីភូមិៈ

បន្ទាយ​មាន​ជ័យ​ ៖​ យ៉ាង​ហោ​ចណាស់​ក៏​មាន​មនុស្ស​ក្មេង​ចាស់​ចំនួន​៥​នាក់​បាន​ស្លាប់​ដោយសារ​លង់ទឹក​ នៅ​ទីកន្លែង​ដោយឡែក​ពី​គ្នា​ ម្នាក់​ទៀត​ស្លាប់​ដោយ​ឆក់​ខ្សែភ្លើង​ និង​សត្វ​គោ​០១​ក្បាល​ត្រូវ​រន្ទះបាញ់​ ដែល​ករណី​នេះ​កើតឡើង​នៅ​ខេត្តបន្ទាយមានជ័យ​ ថ្ងៃ​ទី​១៥​ ខែតុលា​ ឆ្នាំ​២០២០​ ។​ ​ ​តាម​របាយការណ៍​របស់​ស្នងការដ្ឋាន​នគរបាល​ខេត្តបន្ទាយមានជ័យ​ បាន​ឲ្យ​ដឹង​ថា​៖ ​ករណី​ទី​០១/-​នៅ​វេលា​ម៉ោង​ ១២​ថ្ងៃត្រង់​ថ្ងៃ​ទី​១៥​ ខែតុលា​ ឆ្នាំ​២០២០​ មានឈ្មោះ​ម៉​ន​ វួ​ន​ ភេទ​ប្រុស​ អាយុ​៤៥​ឆ្នាំ​ ជា​មនុស្ស​សតិ​មិន​ប្រក្រតី​ នៅ​ភូមិ​ក្បាលស្ពាន​ សង្កាត់​ព្រះ​ពន្លា​ ក្រុង​សិរី​សោភ័ណ​ បាន​ផឹកស្រា​ស្រវឹង​ចុះ​ងូតទឹក​កំពុង​ឡើង​ជន់​ បណ្តាល​ឲ្យ​លង់​ស្លាប់​ ។​ ​ករណី​ទី​០២/-​នៅ​វេលា​ម៉ោង​១២​និង​១០​នាទី​ថ្ងៃត្រង់​ ក្មេង​ប្រុស​ឈ្មោះ​ ឈៀ​ មង្គល​ អាយុ​០៦​ឆ្នាំ​

យោងតាមការបញ្ជាក់ពី ក្រសួងការបរទេស និងសហប្រតិបត្តិការអន្តរជាតិ បានឲ្យដឹងថា តាមរយៈការអន្តរាគមន៍របស់ស្ថានអគ្គកុងស៊ុលកម្ពុជាប្រចាំនៅទីក្រុងសៀងហៃ នារីខ្មែរឈ្មោះ សែម ស្រីពេជ្រ ស្នាក់នៅខេត្តជឺជាំង ប្រទេសចិន ដែលមានបំណងត្រលប់មកកម្ពុជាវិញ ដោយសារតែមិនអាចរស់នៅចុះសម្រុងជាមួយប្តីបាន។ ស្ថានអគ្គកុងស៊ុលបានចេញលិខិតបើកផ្លូវដល់រូបនាង ហើយប៉ូលិសចិនក៏បានយល់ព្រមនឹងប្រគល់ទិដ្ឋាការជូននៅថ្ងៃទី២១ ខែតុលា ឆ្នាំ២០២០ ខាងមុខ។ បច្ចុប្បន្ន នាងកំពុងស្នាក់នៅផ្ទះមិត្តភក្តិជាស្ត្រីខ្មែរនៅជិតប៉ុស្តិ៍ប៉ូលិសខេត្តជឺជាំង ក្រុងវិនចូវ ដើម្បីរង់ចាំទទួលទិដ្ឋាការ។ តាមសំណើររបស់ស្ថានអគ្គកុងស៊ុល អង្គការសម្ព័ន្ធចាប់ដៃកម្ពុជានៅភ្នំពេញបានយល់ព្រមជួយចេញសំបុត្រយន្តហោះដល់នាង។ ស្ថានអគ្គកុងស៊ុល ក៏បានឧបត្ថម្ភថ្លៃហូបចុក ថ្លៃសំបុត្ររថភ្លើង (ពីទីក្រុងវិនចូវ មកសៀងហៃ) ថ្លៃពិនិត្យស្វែងរកមេរោគកូវីដ១៩ ដែលសរុបជាទឹកប្រាក់៥០០ដុល្លារអាមេរិកជូនដល់នាងផងដែរ៕  

ក្រុងព្រះសីហនុ-នៅយប់ថ្ងៃទី​១៤​ ខែកញ្ញា​ ឆ្នាំ​២០២០​ កម្លាំងគណ:បញ្ជាការឯកភាពក្រុងព្រះសីហនុ​ បានចុះធ្វេីការឆែកឆេរអាវុធជាតិផ្ទុះ​ ស្ថិតនៅចំណុចផ្លូវឯករាជ្យ​ ក្រុម៧ ភូមិ២​ សង្កាត់២​ ក្រុង/ខេត្តព្រះសីហនុ​ បានឃាត់ខ្លួនជនសង្ស័យ ចំនួន​ ០២នាក់​ មានឈ្មោះដូចខាងក្រោមៈ ១-ជនសង្ស័យឈ្មោះ​ Mai Zixi ភេទ​ ប្រុស​ ឆ្នាំកំណេីត​ ១៩៩៣ ជនជាតិ​ ចិន​ មុខរបរ​ បម្រេីសេវាកម្មទេសចរណ៌​ ស្នាក់នៅបណ្ដោះអាសន្ន​ ភ្នំពេញ មានស្រុកកំណេីត​ នៅខេត្ត​ក័ងចូវ ប្រទេសចិន ២-ជនសង្ស័យឈ្មោះ​ Bian Wei Toa

យោងតាមការបញ្ជាក់ពីក្រសួងសាធារណការ និងដឹកជញ្ជូន បានឲ្យដឹងថា ដោយសារស្ថានភាពគ្រោះទឹកជំនន់ទឹកភ្លៀងបានជន់លិចយ៉ាងខ្លាំងបណ្តាលឲ្យកំណាត់ផ្លូវមួយចំនួនក្នុងភូមិសាស្ត្រខេត្តកំពង់ស្ពឺរងការខូចខាត ក្នុងស្ថានភាពបែបនេះធ្វើឲ្យផ្លូវ-ស្ពាន មិនអាចទ្រាំទ្រនឹងទម្ងន់រថយន្តដឹកទំនិញធុនធំបានទេ។ រូបតំណាង ហេតុនេះ មន្ទីរសាធារ​ណការ និងដឹកជញ្ជូនខេត្តកំពង់ស្ពឺ សូមធ្វើការបិទចរាចរណ៍ផ្លូវជាតិលេខ៤, ផ្លូវជាតិលេខ៤១ និងផ្លូវជាតិលេខ១៤១ (ចាប់ពីផ្សារព្សៃផ្តៅ ដល់ផ្លូវជាតិលេខ១៣០) ជាបណ្តោះអាសន្ន ចាប់ពីថ្ងៃជូនដំណឹងនេះតទៅ រហូតដល់មានសេចក្តីជូនដំណឹងជាថ្មី ដើម្បីថែរក្សា ផ្លូវ-ថ្នល់ កុំឲ្យបាក់ស្រុត និងធានាដល់ការធ្វើចរាចរណ៍ប្រកប ដោយសុវត្ថិភាព៕

នៅយប់ថ្ងៃទី១៥ ខែតុលា ឆ្នាំ២០២០ សម្តេចតេជោ ហ៊ុន សែន នាយករដ្ឋមន្ត្រីបានចុះទៅជួបសួរសុខទុក្ខដោយផ្ទាល់ជាមួយ ប្រជាពលរដ្ឋនៅក្នុងខណ្ឌដង្កោ ដែលបានរងផងប៉ះពាល់ដោយសារជំនន់ទឹកភ្លៀង។ ឆ្លៀតក្នុងឱកាសនោះដែរសម្តេចតេជោ នាយករដ្ឋមន្ត្រីបានបញ្ជាក់អោយដឹងថា ចំពោះខេត្តកំពង់ស្ពឺ ទឹកចាប់ផ្តើមស្រកទៅវិញជាបណ្តើរៗ ប៉ុន្តែ សម្រាប់ខេត្តកណ្តាល និងរាជធានីភ្នំពេញ អាចនឹងបន្តប៉ះពាល់យូរជាងកំពង់ស្ពឺ ប្រមាណ២ទៅ៣ថ្ងៃបន្ថែមទៀត ដោយសារតែភូមិសាស្ត្រ ខេត្តកណ្តាល និងភ្នំពេញ នៅក្រោមកំពង់ស្ពឺ។ ក្នុងនោះសម្តេចក៏បានបញ្ជាក់បន្ថែមថា ចំពោះខេត្តបាត់ដំបង ប៉ៃលិន ពោធិ៍សាត់ កំពង់ធំ ស្ទឹងត្រែង ហើយនឹងខេត្តព្រះសីហនុ ក៏មានការធូរស្រាលហើយ ប៉ុន្តែតាមការព្យាករណ៍អាកាសធាតុ វានឹងមានព្យុះ មានសម្ពាធទាបបន្តទៅទៀត ដែលអាចនឹងគម្រាមកំហែងដល់តំបន់ដែលរងគ្រោះស្រាប់ទេ

ថ្លែងនៅក្នុងជំនួបសួរសុខទុក្ខដោយផ្ទាល់ជាមួយនឹងប្រជាពលរដ្ឋដែលរងផលប៉ះពាល់ដោយសារទឹកជំនន់ក្នុងខណ្ឌដង្កោ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានថ្លែងថា “នៅទីនេះខ្ញុំគួរតែបញ្ជាក់បន្តិច បញ្ហាជំនន់លើកនេះមិនមែនជំនន់តែនៅក្នុងប្រទេសកម្ពុជាទេ ប្រទេសថៃ ជូនដំណឹងមកយើងថាអាចនឹងបើកទឹកទម្លាក់មក ក៏ប៉ុន្តែមកដល់ពេលនេះប្រហែលជាមិនទាន់ទម្លាក់មកទេ”។ ថ្លែងបន្ថែមសម្តេចក៏បានបញ្ជាក់ថា “ប្រសិនបើប្រទេសថៃ ទម្លាក់ទឹក ខេត្តបន្ទាយមានជ័យ អាចនឹងទទួលរងបន្ថែម”។ គួរបញ្ជាក់ផងដែរថា ទោះជាយ៉ាងណារដ្ឋាភិបាលអំពាវនាវអោយប្រជាពលរដ្ឋបង្កើនការប្រុងប្រយ័ត្នខ្ពស់ ខណៈពេលដែលកងកំលាំងទាំង៣ បន្តយកចិត្តទុកដាក់ខ្ពស់ក្នុងការជួយសង្គ្រោះប្រជាពលរដ្ឋអោយទាន់ពេលវេលា៕

យោងតាមការបញ្ជាក់នៅលើទំព័រហ្វេសប៊ុកមន្ទីរពេទ្យកាល់ម៉ែត្រ បានឲ្យដឹងថា ការលង់ ឬការជិតស្លាប់ដោយសារលង់ទឹក ច្រើនតែជាបញ្ហាដែលគេតែងតែហៅឲ្យអ្នកធ្វើការថែទាំវេជ្ជសាស្រ្តសង្គ្រោះបន្ទាន់ មកជួយសង្គ្រោះ មុននឹងបញ្ជូនជនរងគ្រោះទៅកាន់មន្ទីរពេទ្យ។ នៅក្នុងការលង់ទឹក ទឹកកម្រចូលសួតក្នុងបរិមាណច្រើន ពីព្រោះនៅពេលប៉ះនឹងវត្ថុរាវ ការកន្ត្រាក់បំពង់កកើតឡើង ហើយការកន្ត្រាក់ទាំងនេះនឹងបិទដង្ហើមពីមាត់ និងច្រមុះ។ ខាងក្រោមនេះគឺជា វិធីសង្គ្រោះបន្ទាន់នៅពេលលង់ទឹក៖ ១) អាទិភាពដំបូងបំផុតនៅក្នុងការគ្រប់គ្រងជនរងគ្រោះលង់ទឹក គឺរក្សាសុវត្ថិភាពបុគ្គលិកជួយសង្គ្រោះ។ អ្នកជួយសង្គ្រោះគួរពិចារណាពីលទ្ធភាពនៃការកើតមានរបួសនៅនឹងឆ្អឹងខ្នងរបស់ជនរងគ្រោះ ប្រសិនបើទាក់ទងនឹងគ្រោះថ្នាក់នៃការលោត ឬជ្រមុជទឹក ឬមិនដឹងមូលហេតុ។ គួរតែសែងយកអ្នករងគ្រោះចេញពីទឹក ដោយប្រើក្តារបន្ទះរឹងជាជំនួយ។ ២) ដើម្បីជៀសវាងមានបញ្ហាធ្ងន់ធ្ងរពីការខ្វះអុកស៊ីសែន ត្រូវបង្ហើបក្បាលឲ្យផុតពីទឹក ដើម្បីឲ្យគាត់អាចដកដង្ហើមបាន។ ទោះបីជាអ្នកលង់ទឹកមិនទាន់ត្រូវបានយកចេញពីផ្ទៃទឹកក៏ដោយ ក៏យើងត្រូវចាប់ផ្តើមបញ្ចូលខ្យល់សិប្បនិម្មិតដល់គាត់រហូតដល់បានបញ្ជូនគាត់មកដល់ច្រាំង។ ៣) នៅលើដីគោកស្ងួតមិនត្រូវរមៀលគាត់ទេ តែត្រូវដាក់គាត់ក្នុងដំណេកផ្អៀងសុវត្តិភាព ទៅខាងឆ្វេងដើម្បីអោយទឹកកំអួតចេញពីផ្លូវដង្ហើមខាងលើ និងដាក់ក្បាលឲ្យទាបបន្តិច

ខេត្តព្រះសីហនុ៖ រដ្ឋបាលខេត្តព្រះសីហនុ សូមជម្រាបជូនបងប្អូនប្រជាពលរដ្ឋ និងសាធារណជន មេត្តាជ្រាជាព័ត៌មានថា កំណាត់មហាវិថីជំទាវម៉ៅ ស្ថិតនៅភូមិគគីរ ឃុំបិតត្រាង ស្រុកព្រៃនប់ ខេត្តព្រះសីហនុ មានករណីរអិលបាក់ដីធ្លាក់រាយប៉ាយនៅលើផ្លូវបណ្តាលមកពីទឹកភ្លៀងហូរច្រោះ ។ ហើយខណៈពេលនេះក្រុមការងារបច្ចេកទេសកំពុងធ្វើការកាយសម្អាត។ ដូច្នេះស្នើសុំបងប្អូនដែលមានបំណងធ្វើដំណើរឆ្លងកាត់មហាវិថីជំទាវម៉ៅ សូមមានការប្រុងប្រយ័ត្ន​ និងត្រូវបេីកបរនៅខ្សែផ្លូវម្ខាងទៀតនៃមហាវិថីដដែល​ (​ កុំបេីកបរនៅផ្នែកជាប់ជំរាលភ្នំ​ )​ ដើម្បីបញ្ចៀសការកកស្ទះចរាចរណ៍​ និងរក្សាសុវត្ថិភាពក្នុងការធ្វើដំណើរ។ អាស្រ័យដូចបានជម្រាបជូនខាងលើ សូមបងប្អូនប្រជាពលរដ្ឋ និងសាធារណជនទាំងអស់មេត្តាជ្រាបជាព័ត៌មាន។ ប្រភព៖ ប្រតិកម្មរហ័សខេត្តព្រះសីហនុ