ក្មេង​តូច​ៗ ជាធម្មតា​ ទម្ងន់ និងកម្ពស់ គឺ​វិវត្តទៅ​តាម​អាយុ​ ប៉ុន្តែ​ករណី​ក្មេង​មួយ​ចំនួន ចេះ​តែ​ធាត់ទៅៗ ឡើងគីឡូ​មិន​ឈប់ គឺ​ដោយ​សាររបប​អាហារ​ប្រចាំ​ថ្ងៃ ដែលប៉ាម៉ាក់​មួយ​ចំនួន​មើល​រំលង។ បើ​ទម្លាប់​កូន​បែប​នេះ គឺ​មិន​ល្អ​ចំពោះ​សុខភាព​ទេ ថែម​ទាំង​មាន​គ្រោះ​ថ្នាក់​ដល់​កូន​ទៀត​ផង ហើយ​អាហារ​គួរ​ប្រយ័ត្ន​ឲ្យ​បាន​ច្រើន​ចំពោះ​ក្មេង មាន​ក្នុង​អត្ថបទ​ខាង​ក្រោម​នេះ។ ១- ស្ករ ជា​ការ​ពិត​ណាស់​ ក្មេង​ណា​ក៏​ចូល​ចិត្ត​ស្ករ​គ្រាប់ ចាហ៊ួយ នំ និយាយ​រួម​ ឲ្យ​តែ​របស់​ផ្អែម ឃើញ​មិន​បាន​នោះ​ទេ។ តែ​ដើម្បី​កុំ​ឲ្យ​​ឆាប់​ពុក​ធ្មេញ ហេតុនេះ គួរ​កុំ​សូវ​ឲ្យ​​ក្មេង​ញ៉ាំ​ច្រើន​ពេក ជា​ពិសេស​ក្នុង​ពេល​ ២ ​ឆ្នាំ​ដំបូង។ ២- ទឹក​ប៉ោម យើង​គ្រប់​គ្នា​ គិត​ថា​ទឹក​ផ្លែ​ឈើ

ការប្រឡង​សញ្ញាបត្រ​មធ្យមសិក្សា​ទុតិយភូមិ សម័យប្រឡងថ្ងៃទី២០ ខែសីហា ឆ្នាំ២០១៩ បានចាប់ផ្តើមហើយខណៈដែលបេក្ខជនចូលក្នុងមណ្ឌលប្រឡងនៅព្រឹកនេះមានការត្រួតពិនិត្យ និងផ្ទៀងផ្ទាត់យ៉ាងយកចិត្តទុកដាក់ពីសំណាក់គណៈមេប្រយោគ អាជ្ញាធរមានសមត្ថកិច្ច ក្នុងនោះក៏មានការរកឃើញនូវសំណៅឯកសារបេក្ខជនបានយកចូលមណ្ឌលប្រឡង។ នៅព្រឹកថ្ងៃទី០២ នៃដំណើរការសំណេរប្រឡងសញ្ញាបត្រមធ្យមសិក្សាទុតិយភូមិចំណេះទូទៅ និងបំពេញវិជ្ជា សម័យប្រឡង ១៩ សីហា ២០១៩។ ចំពោះដំណើរការសំណេរនាព្រឹកនេះ មានពីរមុខវិជ្ជា សម្រាប់ថ្នាក់វិទ្យាសាស្ត្រ ( អក្សរសាស្ត្រខ្មែរ រូបវិទ្យា) និងសម្រាប់ថ្នាក់វិទ្យាសាស្ត្រសង្គម (គណិតវិទ្យា សីលធម៌-ពលរដ្ឋវិជ្ជា)៕ រូបភាព៖ MoEYS Cambodia

ថៃ៖ រដ្ឋមន្ត្រីក្រសួងដឹកជញ្ជូនថៃលោក Saksayam Chidchob បានប្រាប់អ្នកសារព័ត៌មានថា លោកនឹងប្តេជ្ញាធ្វើការហាមឃាត់រថយន្តដឹកទំនិញធំៗមិនឲ្យចូលក្នុងទីក្រុងបាងកកជាដាច់ខាតនៅពេលថ្ងៃ​ ដើម្បីកាត់បន្ថយការកកស្ទះចរាចរណ៍នៅក្នុងទីក្រុង។ របាយការណ៍បានបង្ហាញជាធម្មតាមានរថយន្តដឹកទំនិញធំៗប្រមាណជា ៥០,០០០ គ្រឿង ធ្វើដំណើរចេញចូលទីក្រុងបាកកជារៀងរាល់ថ្ងៃ ហើយចំនួនរថយន្តដឹកទំនិញដ៏ច្រើននេះគឺជាផ្នែកមួយធ្វើឲ្យមានការកកស្ទះចរាចរណ៍។ តាមគម្រោងរបស់ក្រសួងដឹងកជញ្ជូនថៃ សូម្បីតែខេត្តមួយចំនួននៅជាប់ក្រុងបាងកកក៏ត្រូវបានគេហាមឃាត់មិនមានរថយន្តដឹកទំនិញធំៗឆ្លងកាត់នៅពេលថ្ងៃដូចគ្នាដែរ ព្រោះចរាចរណ៍នៅក្នុងខេត្តទាំងនោះក៏មានការកកស្ទះដូចនៅក្នុងទីក្រុងដែរ។ យ៉ាងណាក្តី រថយន្តដឹកទំនិញធំៗនឹងត្រូវបានគេអនុញ្ញាតឲ្យចេញចូលក្នុងទីក្រុងបាងកកមានរយៈពេលតែ៤ម៉ោងប៉ុណ្ណោះក្នុងមួយថ្ងៃ ដោយចាប់ពីម៉ោង៤ទាបភ្លឺ រហូតដល់ពាក់កណ្តាលយប់ គឺហាមដាច់ខាតមិនឲ្យរថយន្តធំៗធ្វើដំណើរឡើយ រីឯនៅបណ្តាខេត្តផ្សេងៗ រថយន្តធំៗអាចធ្វើដំណើរបានចាប់ពីម៉ោង ៩ យប់ រហូតដល់ម៉ោង ៦ ព្រឹក ហើយនៅបណ្តាខេត្តផ្សេងទៀតចន្លោះពីម៉ោង១០យប់ ដល់ម៉ោង៤ភ្លឺ។ គេសង្ឃឹមថា ក្រោយគោលការណ៍ខាងលើត្រូវបានអនុវត្ត បញ្ហាកកស្ទះចរាចរណ៍នឹងកាត់បន្ថយបានមួយផ្នែក តែមិនអាចដោះស្រាយបញ្ហាកកស្ទះបានទាំងស្រុងនោះទេ៕ អត្ថបទ៖

បរទេស:កាលពីសប្តាហ៍មុននេះ លោកប្រធានាធិបតីអាមេរិក Donald Trump និងប្រធានប្រតិបត្តិក្រុមហ៊ុនផលិតទូរស័ព្ទយក្សរបស់អាមេរិក Apple លោក Tim Cook បានទទួលទានអាហាររួមគ្នា ដើម្បីពិភាក្សាការងារមួយចំនួនជាពិសេសគោលការបន្ថែមពន្ធទៅលើក្រុមហ៊ុនរបស់ខ្លួន។ នៅក្រោយកិច្ចប្រជុំគ្នាលើកនេះលោកប្រធានាធិបតិអាមេរិក Donald Trump បានធ្វើការថ្លែងទៅកាន់អ្នកកាសែតថា លោកបានពិភាក្សាគ្នាជាមួយនឹងលោក Tim Cook ជាពិសេសទៅលើបញ្ហាប៉ះពាល់ទាំងឡាយ ចំពោះគោលនយោបាយបន្ថែមពន្ធលើតម្លៃរបស់ផលិតផលក្រុមហ៊ុន Apple។ លោក Cook ហាក់បីដូចជាបានសម្តែងអារម្មណ៍មិនសប្បាយចិត្តឡើយ ចំពោះបញ្ហានេះហើយ លោកបានថ្លែងត្រង់ៗទៀតថា វាគឺជារឿងដ៏លំបាកសម្រាប់ក្រុមហ៊ុន Apple ក្នុងការបង់ពន្ធលើផលិតផលទាំងឡាយរបស់ខ្លួន ដែលត្រូវបានបង្កើតឡើងនៅក្នុងប្រទេសចិននោះ ព្រោះថាដៃគូប្រកួតប្រជែងរបស់ខ្លួនជាច្រើនមិនបានធ្វើការបង់ពន្ធក្នុងកម្រិតដូចគ្នានោះទេក្នុងនោះដូចជាក្រុមហ៊ុន Samsung ជាដើម ដែលការផលិតផលភាគច្រើនរបស់គេគឺមានប្រភពដើមនៅក្នុងប្រទេសកូរ៉េខាងត្បូង៕

ភ្នំពេញ៖ ឯកឧត្ដម​បណ្ឌិត​សភាចារ្យ ហង់ ជួន ណារ៉ុន រដ្ឋមន្ត្រី ក្រសួង​អប់រំ យុវជន និង​កីឡា បានឲ្យដឹងថាបន្ទាប់ពីមានកំហុសបច្ចេកទេសបូកសរុបពិន្ទុខុសសឹងតែទូទាំងប្រទេសកាលពីឆ្នាំមុននោះ។ នៅឆ្នាំ២០១៩នេះ ឯកឧត្ដមបានឲ្យដឹងថាដើម្បីធានាកុំឲ្យសិស្សមានភាពភ័យព្រួយចំពោះលទ្ធផលបូកសរុបដែលចេញខុសបច្ចេកទេស ក្រសួងបានបង្កើតអនុគណៈកម្មការបច្ចេកវិទ្យាមួយ ហើយបានរៀបចំនូវកម្មវិធីថ្មីតែម្តងសម្រាប់ការបូកផ្សំពិន្ទុនេះ ហើយក្រសួងក៏បានធ្វើតេស្តរៀបចំជាមជ្ឈមណ្ឌលកុំព្យូរទ័រ២ទៀត ប្រសិនបើ១ error យើងសាកមួយផ្សេងទៀត ចឹងមានន័យថាមាន២កន្លែង មានទាំងប្រព័ន្ធចាស់ និងប្រព័ន្ធថ្មីមួយទៀត ហើយមាននីតិវិធីនូវការត្រួតពិនិត្យមើល។ បន្ទាប់ពីមើលលទ្ធផលរួចរាល់ក្រសួងនឹងយកមកវិភាគមួយរយៈសិន នឹងមិនផ្សព្វផ្សាយលទ្ធផលភ្លាមៗទេ គឺក្រសួងវិភាគហើយទើបអោយអ្នកបច្ចេកទេសចូលទៅក្នុងកម្មវិធីមួយទៀត ដើម្បីឲ្យប្រាកដចិត្តថាលទ្ធផលត្រឹមត្រូវឬអត់ ទើបក្រសួងប្រជុំសម្រេចប្រកាសលទ្ធផល។ គួរបញ្ជាក់ថាការ​ប្រឡងបាក់ឌុបនៅថ្ងៃទី១នៃដំណើរការសំណេរបានបញ្ចប់ទៅយ៉ាងរលូនមានស្ថានភាព ស្ងប់ស្ងាត់ និងសណ្ដាប់ធ្នាប់របៀបរៀបរយល្អ ទាំងនៅក្នុង និងក្រៅមណ្ឌលប្រឡង៕ រូបភាព៖ MoEYS

លោក​យាយ​ជន​ជាតិ​ថៃ មក​ពី​ខេត្ត​ភិស្ណុលោក មាន​របប​លក់​ចេក​ចៀន នឹង​ធ្លាប់​​ចែក​​​​ចេក​ចៀន ទៅ​ដល់​អតិថិជន​​ខ្លួន អបអរ​ខួប​ ១០០​ឆ្នាំ កាល​ពេល​ថ្មី​ៗ បាន​ចែក​រំលែក​ បទ​ពិសោធន៍​មួយ​ចំនួន​ ជួយនាំ​ឲ្យ​លោក​យាយ​មាន​សុខភាព​រឹង​មាំ នៅ​ប្រកប​របរ​លក់​ដូរ​បាន​ធម្មតា។ តាម​សារព័ត៌មាន​ថៃ Thai Residents លោក​យាយ​ឈ្មោះ​ថា ចាំ​ឡង មុខ​របរ​លក់​ចេក​ចៀន គឺល្បី​ពេញ​​ខេត្ត​​ភិស្ណុលោក ហើយ​ថែម​ទាំង​​ត្រូវ​​គេ​ចំណាំហៅ​ យាយចេក​ចៀនឥ ៩៩ ​ឆ្នាំ ព្រោះ​លោក​យាយ​ មាន​អាយុ​ច្រើន។ បើ​តាម​បទ​ពិសោធន៍​ លោក​យាយ​វ័យ ​១០០​ឆ្នាំ​ មូល​ហេតុ​ជួយ​ឲ្យលោក​យាយ នៅ​មាំ អាច​ប្រកប​ការងារ​លក់​ដូរ​បាន​ធម្មតា ​ក៏​ព្រោះ​ លោក​យាយ ចូលចិត្ត​ញ៉ាំ​បន្លែ

ថ្មីៗនេះដែរមានវេបសាយមួយចំនួនបានចុះផ្សាយថា ឯកឧត្តម ទៀ សីហា អភិបាលនៃគណៈអភិបាលខេត្តសៀមរាប បានជួយសម្របសម្រួលអោយប្អូនស្រីម្នាក់ដែលមានឈ្មោះថា ជា ចាន់ស្រីនាង អោយចូលប្រឡងឡើងវិញ ក្រោយពេលដែលបេក្ខជនរូបនេះមកប្រឡងយឺតម៉ោងហើយត្រូវបានអនុរក្សមិនអនុញ្ញាតអោយចូលប្រឡង។ ទាក់ទិននឹងព័ត៌មានមួយនេះដែរ អភិបាលនៃគណៈអភិបាលខេត្តសៀមរាប ឯកឧត្តម ទៀ សីហា បានធ្វើការច្រានចោល ដោយលោកគ្មានសិទ្ធិណាក្នុងជ្រៀតជ្រែកការប្រឡងនោះឡើយ គឺមានតែប្រធានមណ្ឌល និងរដ្ឋលេខាធិការក្រសួងអប់រំ យុវជន និងកីឡា ដែលទទួលបន្ទុកផ្ទាល់នៅមណ្ឌលសៀមរាបនេះ ដែលមានសិទ្ធិសម្រេចថាសិស្សរូបណាអាចចូលបាន ឬចូលប្រឡងមិនបាន ដោយយោងទៅតាមច្បាប់ និងសេចក្តីណែនាំរបស់ក្រសួងអប់រំ យុវជន និងកីឡា។ ឯកឧត្តម ទៀ សីហា បានបង្ហោះសារនៅលើទំព័រ Facebook ផ្លូវការនៅមុននេះបន្តិចថា៖

ម៉ាឡេស៊ី៖ លោក Mahathir Bin Mohamad  នាយករដ្ឋមន្រ្តីនៃប្រទេសម៉ាឡេស៊ីបានលើកឡើងថា បញ្ហាបង្គន់សាធារណៈកខ្វក់ និងមានក្លិនមិនល្អ​គឺជាសញ្ញាបង្ហាញថា ប្រជាពលរដ្ឋគ្មានទំនួលខុសត្រូវ។ ការលើកឡើងនេះត្រូវបានធ្វើឡើងក្នុងសេចក្តីថ្លែងសុន្ទរកថាមួយ ដែលបានរៀបចំឡើងនៅក្នុងសាលារៀនមួយកន្លែងកាលពីថ្ងៃ ១៣ សីហាកន្លងទៅនេះ ហើយប្រធានបទសំខាន់នៃវេទិកាសាធារណៈមួយនេះគឺ “មេរៀនសម្រាប់ប្រជាពលរដ្ឋនៅទីក្រុង”។ លោកនាយករដ្ឋមន្រ្តីវ័យ ៩៤ ឆ្នាំរូបនេះបាននិយាយច្បាស់ៗថា៖ លោកពិតជាមានអារម្មណ៍ខ្មាសអៀនណាស់នៅពេលដែលគេនិយាយថា បង្គន់សាធារណៈមានក្លិនមិនល្អ ឬកខ្វក់ជាដើម ព្រោះបញ្ហានេះកើតឡើង ដោយសារតែប្រជាពលរដ្ឋម្នាក់ៗគ្មានទំនួសខុសត្រូវ។ លោកបានបន្តថា៖ ប្រជាពលរដ្ឋម្នាក់ត្រូវមានការទទួលខុសត្រូវស្មើៗគ្មាក្នុងការរក្សាសម្បត្តិសាធារណៈ ព្រោះសម្បតិ្តសាធារណៈមិនមែនជាកម្មសិទ្ធផ្តាច់មុខរបស់អ្នកណាម្នាក់ឡើយ តែវាជារបស់ប្រជាពលរដ្ឋគ្រប់គ្នា។ បើវាជាកម្មសិទ្ធរបស់ពលរដ្ឋទាំងអស់គ្នា ពលរដ្ឋទាំងអស់ត្រូវតែមានកាតព្វកិច្ចថែរក្សាវាដូចៗគ្នាដែរ ហើយកុំគិតថាជាការទទួលខុសត្រូវរបស់អ្នកណាម្នាក់ឲ្យសោះ។ តាមការលើកឡើងរបស់នាយករដ្ឋមន្រ្តីដូចខាងលើនេះ គឺលោកចង់បណ្តុះស្មារតីឲ្យប្រជាពលរដ្ឋទាំងអស់ត្រូវតែរួមគ្នាស្រលាញ់ និងថែរក្សារបស់សាធារណៈ និងត្រូវមានវិន័យលើខ្លួនឯងឲ្យបានខ្ជាប់ខ្ជួនចំពោះសម្បត្តិសាធារណៈ៕

ក្រុងតាខ្មៅ៖ ថ្ងៃទី១នៃការប្រឡងសញ្ញាបត្រមធ្យមសិក្សាទុតិយភូមិ ក្រុមការងារ ក្រុមកម្លាំងសមត្ថកិច្ច បានធ្វើសកម្មភាពទទួលផ្ញើ កង់ ម៉ូតូ ដោយឥតគិតថ្លៃ ជូនដល់សិស្សានុសិស្សបេក្ខជនប្រឡងសញ្ញាបត្រមធ្យមសិក្សាទុតិយភូមិឆ្នាំសិក្សា២០១៨-២០១៩ នៅមណ្ឌលប្រឡងក្នុង ក្រុងតាខ្មៅ ខេត្តកណ្តាល ដែលមានគោលដៅចំនួន០៨ទីតាំង ដែលការផ្ញើម៉ូតូ និង កង់ មិនយកកំរៃសេវា បាត់សង និង មានការទទួលខុសត្រូវខ្ពស់ពីរដ្ឋបាលសង្កាត់ និង រដ្ឋបាលក្រុងតាខ្មៅ ។ ដោយប្រភពពីគណនីហ្វេសប៊ុកឈ្មោះ Peng Sokun បានឲ្យដឹងថាការទទួលផ្ញើ កង់ម៉ូតូ ដោយឥតគិតថ្លៃនេះក្រុងតាខ្មៅ តែងតែធ្វើបែបនេះជារៀងរាល់ឆ្នាំក្នុងថ្ងៃប្រឡងបាក់ឌុប។ មហាជនបានលើកឡើងថា នេះគឺជាគំរូដ៏ល្អមួយដើម្បីជួយសម្រាលបន្ទុកថ្លៃចំណាយរបស់បេក្ខជន ក៏ដូចជាកាត់បន្ថយការ ចំណាយពេលវេលាលើការទូទាត់ថ្លៃផ្ញើយានជំនិះ។

យោងតាមសារព័ត៌មាន The Verge ចេញផ្សាយនៅថ្ងៃចន្ទ ទី១៩ ខែសីហា នេះបានឲ្យដឹងថា ក្រុមហ៊ុនផលិតទូរស័ព្ទធំបំផុតរបស់ប្រទេសចិនទាំងបីកំពុងធ្វើការងាររួមគ្នាលើប្រព័ន្ធផ្ទេរឯកសារដោយគ្មានខ្សែមួយ ដែលនឹងអាចដំណើរការរវាងឧបករណ៍ និងទូរស័ព្ទទាំងឡាយរបស់ក្រុមហ៊ុន Xiaomi, Oppo និង Vivo។ ការប្រកាសជាផ្លូវការនេះត្រូវបានធ្វើឡើងតាមរយៈគណនេយ្យ WeChat របស់ក្រុមហ៊ុន Xiaomi ដោយបានបញ្ជាក់ច្បាស់ថា ការផ្ទេរឯកសារនឹងធ្វើឡើងតាមរយៈ Bluetooth ជាមួយនឹងល្បឿនផ្ទេររហូតទៅដល់២០មេកាបៃក្នុងវិនាទី។ ប្រព័ន្ធផ្ទេរឯកសារដោយគ្មានខ្សែនេះត្រូវបានគេមើលឃើញថា មានលក្ខណៈស្រដៀងគ្នាទៅនឹងប្រព័ន្ធ AirDrop របស់ក្រុមហ៊ុន Apple ផងដែរ។ យោងតាមតួលេខបច្ចុប្បន្នជឿជាក់ថា ប្រព័ន្ធផ្ទេរឯកសារថ្មីនេះនឹងអាចទទួលបានភាពជោគជ័យ ខណៈដែលអតិថិជននៃក្រុមហ៊ុនយក្សទាំង៣នៅក្នុងចំណែកទីផ្សារចិនគឺមានរហូតទៅដល់ទៅ៤៩ភាគរយរួចទៅហើយដើម្បីប្រជែងជាមួយនឹងកម្មវិធី AirDrop។ លើសពីនេះគេនៅរងចាំមើលថា តើក្រុមហ៊ុនយក្សរបស់ចិនមួយទៀតគឺ