ខេត្ដត្បូងឃ្មុំ ជាខេត្ដពៅគេ​ ក្នុងចំណោមខេត្ដ/រាជធានីទាំង២៥ ក្នុងព្រះរាជាណាចក្រកម្ពុជា និងជាខេត្ដមានសក្ដានុពលសេដ្ឋកិច្ចជាប់ចំណាត់ថ្នាក់ទី៣។ ត្បូងឃ្មុំ ជាខេត្តកំពុងបោះជំហានលើដំណើរផ្លូវនៃការអភិវឌ្ឍន៏ក្នុងល្បឿនមួយយ៉ាងលឿន ហើយមិនយូរមិនឆាប់គេជឿថា ខេត្ដដែលមានទីតាំងស្ថិតនៅជាប់នឹងដងទន្លេមេគង្គដែលជាវាលទំនាបមួយសម្បូរទៅដោយទេសភាពដ៏ល្អប្រណិត គួរឲ្យចង់គយគន់ និងរស់នៅរបស់មនុស្សគ្រប់ជាតិសាសន៏ និងគ្រប់ពណ៌សម្បុរមួយនេះ នឹងក្លាយទៅជាទីក្រុងមួយដ៏ស្រស់ស្អាតជាក់ជាមិនខាន។ ទន្ទឹមនឹងនេះ ខេត្ត​ត្បូងឃ្មុំ​នា​ពេល​បច្ចុប្បន្ន​នេះ កំពុង​មាន​សន្ទុះ​ឡើង​យ៉ាងខ្លាំង​ ពិសេសការរៀបចំហេដ្ឋារចនាសម្ព័ន្ធរួមមានដូចជាៈ ផ្លូវ ស្ពាន លូ បណ្ដាញអគ្គិសនី និងប្រព័ន្ធបំពង់បង្ហូរទឹកស្អាត​ ជាកត្តាជំរុញអោយវិស័យអចលនទ្រព្យ​ដែល​ស្ថិត​នៅ​ចំណុច​សំខាន់​ៗ​មួយ​ចំនួន​ដូច​ជា​ដី​នៅ​ទីរួមខេត្ត​ ព្រោះ​វាជាទី​តាំង​សម្រាប់​តំបន់​គម្រោង​អភិវឌ្ឍន៍​របស់​រាជរដ្ឋាភិបាល និង​សាលាខេត្ត ដូច​ជា គម្រោង​សាងសង់​មណ្ឌល​ពាណិជ្ជកម្ម​ជាតិ និង​អន្តរជាតិ ប្រមូល​ម្តុំ​ដោយ​សំណង់​អគារ​រដ្ឋបាល សំណង់​លំនៅ​ឋាន តំបន់​កម្សាន្ត​បែប​ប្រវត្តិសាស្ត្រ និង​ប្រមូលផ្តុំ​ដោយ​អគារ​ពាណិជ្ជកម្ម ផ្សារ​ទំនើប សាកលវិទ្យាល័យ

តាមការពិតទៅនៅក្នុងប្រាសាទបុរាណខ្មែរយើងមានរឿងទាក់ទងទៅនឹងវប្បធម៌ អរិយធម៌ឥណ្ឌាជាច្រើនមិនថាតែសាសនា និងទំនៀមទំលាប់មួយចំនួននោះទេ។ ជាមួយគ្នានោះដែរ ជាក់ស្តែងដូចជារូបអប្សរា ដែលនៅតាមជញ្ចាំងប្រាសាទខ្មែរយើងជាច្រើន ប៉ុន្តែរូបទាំងអស់មានលក្ខណៈខុសគ្នាទាំងអស់គឹអាស្រ័យទៅលើពេលវេលា និងការសាងសង់ដោយស្តេចពីមួយជំនាន់ទៅមួយជំនាន់។ ដោយឡែក នៅក្នុងប្រាសាទអង្គរវត្ត យើងឃើញមានភាពខុសប្លែកជាច្រើនទៅនឹងប្រាសាទដ៏ទៃទៀត ដោយសារតែប៉ុន្មានចំនុចនេះ។ + ចំនុចទីមួយ ប្រាសាទអង្គរវត្តមានរូបចំលាក់អប្សារារហូតដល់ទៅជាងពីរពាន់រូបឯណោះ ហើយមួយវិញទៀតចម្លាក់អប្សរានីមួយៗ សុទ្ធសឹងតែខុសគ្នាទាំងអស់ មិនថាទឹកមុខ ក្បាច់រាំ កាយវិការ ម៉ូតសក់ ក៏ដូចជាម៉ូតនៅលើសំពត់នោះទេ។ ហើយចម្លាក់នីមួយៗមើលទៅរស់រវេីកតែម្តង និងមានកាយវិការផ្សេងៗពីគ្នា ដោយមគ្គុទេសទេសចរណ៍ខ្លះគាត់ប្រាប់ថា រាល់កាយវិការរបស់អប្សរានៅក្នុងអង្គរវត្តគឺបង្ហាញក្បាច់រាំរបស់របាំអប្សរានេះតែម្តង។ បន្ថែមពីនេះទៅទៀត ពាក្យថា អប្សរាមានន័យថា ”នារីរបាំសួគ៌” ដែលពីដើមឡើយមុននឹងស្តេចធ្វើព្រះរាជពិធីអ្វីមួយរមែងតែងតែមានការសម្តែងរបាំអប្សរា ក្នុងគោលបំណងដើម្បីប្រោះព្រំលើករាស្សីមុនកម្មវិធីសាសនារបស់ស្តេចចាប់ផ្តើមប្រារព្ធ។ មិនតែប៉ុណ្ណោះរូបអប្សរាមានប្រភពមកពីរឿងទេវកថារបស់សាសនាហីនឌូ ក្នុងរឿងកូរសមុទ្រទឹកដោះ

ជាទូទៅការទៅណាមកណាយឺតពេលត្រូវបានគេចាត់ទុកថាជាទម្លាប់អាក្រក់មួយ ហើយបុគ្គលណាមួយ ដែលមានទម្លាប់អវិជ្ជមានមួយនេះគឺត្រូវបានគេគិតថា ជាមនុស្សដែលនៅឆ្ងាយពីភាពជោគជ័យផងដែរ។ យ៉ាងណាក្តី ការសិក្សាមួយដែលបានសិក្សាទៅលើសុខភាពផ្លូវចិត្តរបស់បុគ្គល ដែលតែងតែបង្ហាញខ្លួនយឺតពេល បែរជារកឃើញចំណុចវិជ្ជមានក្នុងរយៈពេលវែងយ៉ាងច្រើននៃទម្លាប់អាក្រក់មួយនេះទៅវិញ។ ការសិក្សាដែលបានធ្វើឡើងនៅក្នុងសាលកវិទ្យាល័យ Harvard Medical School បានរកឃើញថា អ្នកដែលមានទម្លាប់ទៅណាមកណាយឺតពេល គឺជាមនុស្សដែលគ្មានការព្រួយបារម្ភច្រើន គ្មានសម្ពាធផ្លូវចិត្ត ហើយពួកគេមានគំនិតសុទិដ្ឋិនិយមច្រើន ឧទាហរណ៍ដូចជាករណីដែលពួកគេមកយឺតអីចឹងក៏ពួកគេតែងគិតថា វាមិនមែនជាបញ្ហាធ្ងន់ធ្ងរនោះទេ ហើយរឿងល្អៗនៅតែអាចកើតមានចំពោះពួកគេដដែល។ ការសិក្សាបានរកឃើញទៀតថា បុគ្គលដែលមានទម្លាប់រស់នៅដោយគ្មានសម្ពាធផ្លូវចិត្ត និងមានគំនិតសុទិដ្ឋិនិយមច្រើន​អាចមានអាយុវែងជាងមនុស្ស ដែលសម្ពាធផ្លូវចិត្តច្រើន ហើយលទ្ធផលវិជ្ជមាននេះអាចនឹងត្រូវបានគេមើលឃើញក្នុងរយៈពេលចន្លោះពី ១៥ ទៅ ៤០ ឆ្នាំខាងមុខទៀត។ បើយើងភ្ជាប់លទ្ធផលនៃការសិក្សាមួយនេះទៅនឹងទីស្រ្តីសុខភាព ដែលតែងអះអាងថា អ្នកមានសុខភាពល្អជាមនុស្សមានឱកាសទទួលបានភាពជោគជ័យខ្ពស់នោះ គេអាចទាញសេចក្តីសន្មត់មួយថា អ្នកមានទម្លាប់យឺតពេល

សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានប្រកាសជាសាធារណៈឲ្យដឹងថា សាលារាជធានីភ្នំពេញនឹងត្រៀមរថយន្តក្រុងចំនួន១២០គ្រឿង ដើម្បីដឹកបងប្អូនប្រជាពលរដ្ឋទៅស្រុកកំណើត ដោយមិនគិតថ្លៃ នាឱកាសបុណ្យចូលឆ្នាំប្រពៃណីជាតិខ្មែរខាងមុខនេះ រយៈពេលចំនួន០៧ថ្ងៃ គឺចាប់ពីថ្ងៃទី ១២ ដល់ថ្ងៃទី១៨ ខែ មេសា ឆ្នាំ២០១៩។ ពេលវេលាចេញដំណើរគឺចាប់ពីម៉ោង ០៥ និង៣០នាទីព្រឹកតទៅ ហើយខាងក្រោមនេះគឺជាគោលដៅចេញដំណើរនៃជើងរថយន្តក្រុង ដែលត្រូវធ្វើដំណើរទៅតាមបណ្តាខេត្តនានា៖ អត្ថបទ៖ សេម

នៅថ្ងៃនេះ ស្ថានីយរថភ្លើងរ៉ូយ៉ាល់ រេលវេ និង ក្រសួងសាធារណការ និងដឹកជញ្ជូន មានសេចក្តីរីករាយនឹង ប្រកាសថា សាធារណជននឹងទទួលបាន ការជិះរតាមរថភ្លើងដោយឥតគិតថ្លៃ ក្នុងឱកាសបុណ្យចូលឆ្នាំប្រពៃណីជាតិខ្មែរខាងមុខនេះ ដែលមានរយះពេល ៣ថ្ងៃចាប់ពីថ្ងៃ អាទិត្យទី១៤ រហូតដល់ថ្ងៃ អង្គារ ទី១៦ មេសា។ នាយកប្រតិបត្តិនៃស្ថានីយរថភ្លើង រ៉ូយ៉ាល់ រេលវេ លោក John Guiry បានឲ្យដឹងថា អ្នកដំណើរទាំងអស់នៅតែត្រូវបានតម្រូវអោយធ្វើការកក់សំបុត្រធ្វើដំណើររបស់ខ្លួនជាមុន តាមវិធីផ្សេងៗ ដែលអាចជាការកក់សំបុត្រតាមប្រព័ន្ធអ៊ីនធើណេត ឬក៏នៅការិយាល័យស្ថានីយរថភ្លើង ប៉ុន្តែសំបុត្រនេះនឹងមិនត្រូវបានគិតថ្លៃនោះទេ។ លោក Guiry បាននិយាយថា៖ «នេះជាសម្មភាពមួយដែលបង្ហាញពីការចេះជួយគ្នាទៅវិញទៅមកដល់អតិថិជនរបស់យើងក្នុងការប្រារព្ធពិធីបុណ្យប្រពៃណីជាតិខ្មែរ

មួយរយៈចុងក្រោយនេះគេសង្កេតឃើញមានក្រុមយុវជនយុវតីខ្មែរជាច្រើន បានធ្វើជាគំរូល្អចំពោះសង្គមដោយបាននាំគ្នាធ្វើសកម្មភាពសម្អាត និងប្រមូលសម្រាមនៅតាមទីសាធារណៈ ព្រមទាំងអាជ្ញាធរមានសមត្ថកិច្ចបាននាំគ្នាខិតខំប្រឹងប្រែងប្រមូលសំរាម ដែលអណ្តែងនៅលូទឹកស្អុយ មិនថាយប់​ ឬថ្ងៃឡើយ។ យោងតាមការបញ្ជាក់ពីមន្ទីរសាធារណការ និងដឹកជញ្ជូនរាជធានីភ្នំពេញ បានឲ្យដឹងថា គិតត្រឹមថ្ងៃទី៥ខែមេសាឆ្នាំ២០១៩ លទ្ធផលប្រមូលសំរាមដឹកចេញសម្រេចបាន ៥០៤តោន ត្រូវជា ៨០%នៃសំរាមមានក្នុងប្រឡាយបឹងសាឡាង។ អាជ្ញាធរមូលដ្ឋាន នឹងបន្តបារ ស្តារសម្អាត ជាបន្តបន្ទាប់ និងក៏មានសំណូមពរឲ្យបងប្អូនប្រជាពលរដ្ឋយល់ដឹងពីបញ្ហាអនាម័យ វេចខ្ចប់ និងបោះសម្រាមឲ្យបានត្រឹមត្រូវរួមគ្នាសម្អាតទីក្រុងយើង កុំបោះសំរាមចោលផ្តេសផ្តាស៕ ប្រភព៖ មន្ទីរសាធារណការ និងដឹកជញ្ជូនរាជធានីភ្នំពេញ អត្ថបទ៖ ណារ៉ែន

​សៀមរាប​៖​ មន្ត្រីជាន់ខ្ពស់​ នៃ​ស្នងការដ្ឋាន​ខេត្តសៀមរាប​បាន​ឲ្យ​ដឹង​នៅ​ព្រឹក​ថ្ងៃ​ទី​០៥​ ខែមេសា​ ឆ្នាំ​២០១៩​នេះ​ ថា​ មាន​សេចក្តីរាយការណ៍​មក​សមត្ថកិច្ច​ មាន​ជន​អានា​មិ​ក​បង្កៃ​គ្រាប់បែក​មួយ​នៅ​ម្តុំ​ព្រះ​អង្គ​ចេក​អង្គ​ចម​ មុខ​ព្រះរាជ​តំណាក់​ ខេត្តសៀមរាប​ ដែល​ធ្វើ​ឲ្យ​មានការ​ភ្ញាក់ផ្អើល​ នៅ​ម៉ោង​ប្រមាណ​៩​ព្រឹក​ថ្ងៃ​០៥​ ខែមេសា​ ឆ្នាំ​២០១៩​។​ ​ក្រោយ​ពី​ព័ត៌មាន​ភ្លាម​សមត្ថកិច្ច​ជំនាញ​បាន​មក​រំដោះ​ជា​ស្ថាពរ​ ហើយ​គួរ​អស់សំណើច​ទៅ​វិញ​ទេ​ គឺ​មិនមែន​ជា​គ្រាប់បែក​ទេ​ គឺ​សំបក​កំប៉ុង​ច្នៃ​ មាន​ត​ខ្សែ​ស្រ​ដៀង​នឹង​គ្រាប់បែក​ ឆ្លង​តាម​ការ​ពិនិត្យ​យ៉ាង​ច្បាស់លាស់​ទៅ​ឃើញ​ថា​គឺជា​ប្រដាប់​បំពង​សម្លេង​ (MP3)​ ដែល​គេ​បោះចោល​នៅ​ក្រោម​បង់​ថ្ម​ កន្លែង​អង្គុយ​លេង​។​ ​សូម​មហាជន​ ជ្រាប​និង​កុំ​មានការ​យល់​ច្រឡំ​ចំពោះ​ព័ត៌មាន​តាម​ការ​បង្ហោះ​តប​ស់​បណ្តាញ​សង្គម​FB​ទាំងនោះ​អី​។​ មន្ត្រីជាន់ខ្ពស់​នៃ​ស្នងការដ្ឋាន​ខេត្តសៀមរាប​បាន​បន្ថែម​ថា​ ក្នុង​ឱកាស​បុណ្យចូលឆ្នាំ​ប្រពៃណី​ខ្មែរ​ ដែល​នឹង​ជិត​ឈាន​មក​ដល់​នៅ​ពេល​ឆាប់ៗ​ខាង​មុខ​នេះ​ អាជ្ញាធរ​ខេត្តសៀមរាប​ និង​កងកម្លាំងប្រដាប់អាវុធ​គ្រប់​ប្រភេទ​ បាន​ត្រៀម​ផែនការ​រួច​ជា​ស្រេច​ដើម្បី​ការពារ​សុខ​សុវត្ថិភាព​ និង​សណ្តាប់ធ្នាប់​ ជូន​បងប្អូន​ប្រជាពលរដ្ឋ​ និង​ភ្ញៀវ​ទេសចរណ៍​ជាតិ​

យោងតាមសេចក្តីប្រកាសរបស់ក្រសួងកសិក្ម រុក្ខាប្រមាញ់ និងនេសាទ ចុះផ្សាយថ្ងៃទី០២ ខែមេសា ឆ្នាំ២០១៩ បានឲ្យដឹងថា មានការផ្ទុះឡើងនូវជំងឺប៉េស្តជ្រូកអាហ្វ្រិក នៅភូមិសោមកានិញ ឃុំសោមធំ ស្រុកអូរយ៉ាដាវ ខេត្តរតនគីរីហើយ។ ក្រសួងនឹងចាត់វិធានការដូចខាងក្រោម៖ + បំផ្លាញចោលចំពោះសត្វជ្រូកគ្រប់ប្រភេទក្នុងតំបន់ផ្ទុះជំងឺទៅតាមវិធានបសុព្យាបាល + ផ្អាកលើការទិញ ការលក់ និងការដឹកជញ្ចូនសត្វជ្រូក សាច់ជ្រូក និងផលិតផលមានដើមកំណើតពីសត្វជ្រូកគ្រប់ប្រភេទចូល ចេញ ឬឆ្លងកាត់ក្នុងរង្វង់ប្រវែង០៣គីឡូម៉ែត្រ ពីចំណុចផ្ចិតនៃតំបន់ផ្ទុះជំងឺ និងដាក់តំបន់នេះជាតំបន់ត្រួតពិនិត្យ និងតាមដាន + សិក្សា ស្រាវជ្រាវប្រភពជំងឺប៉េស្តជ្រូកអាហ្វ្រិក និងត្រួតពិនិត្យឃ្លាំមើលចលនាសត្វជ្រូក សាច់ជ្រូក និងផលិតផលមានដើមកំណើតពីសត្វជ្រូកជាប្រចាំក្នុងរង្វង់ ដែលមានកាំប្រវែង១០គីឡូម៉ែត្រ ពីចំណុចផ្ចិតនៃតំបន់ផ្ទុះជំងឺ។

ថៃ៖ កន្លងមករដ្ឋាភិបាលថៃធ្លាប់បានចេញសេចក្តីប្រកាសមួយថា សម្រាប់បុរសជនជាតិថៃទាំងអស់ ដែលបានប្តូរភេទជាទៅមនុស្សស្រីនឹងត្រូវបានអនុញ្ញាតឲ្យរួចខ្លួនពីកាតព្វកិច្ចចូលបម្រើជាយោធា។ ក្រោយមានសេចក្តីប្រកាសនេះគេសង្កេតឃើញថា មានទាំងមនុស្សប្តូរភេទមែនទែន និងក្លែងក្លាយជាច្រើននាក់បានសម្រុកទៅសុំសេចក្តីលើកលែងពីការចូលបម្រើជាយោធានេះ។ ឆ្លើយតបទៅនឹងបញ្ហានេះ លោក Col Sirichan Ngathong ដែលជាអ្នកនាំពាក្យរបស់រដ្ឋាភិបាថា បានចេញមុខមកបញ្ជាក់សារជាថ្មីថា ការលើកលែងពីកាតព្វកិច្ចចូលបម្រើជាយោធាត្រូវបានអនុវត្តជាមួយនឹងមនុស្សប្តូរភេទពិតប្រាកដតែប៉ុណ្ណោះ ហើយអ្នកដែលត្រូវបានគេចាត់ទុកថាជាមនុស្សដែលបានប្តូរភេទពិតមែនទែននោះគឺត្រូវមានលក្ខខ័ណ្ឌដូចជា៖ ១.មនុស្សប្រុសដែលបានវះកាត់ប្តូរប្រដាប់ភេទ ២.កែរាងកាយឲ្យមានលក្ខណៈដូចមនុស្សស្រី ៣.មានលិខិតបញ្ជាក់ពីការវះកាត់ប្តូរភេទត្រឹមត្រូវចេញដោយមន្ទីរពេទ្យ ដែលមានអាជ្ញាប័ណ្ណត្រឹមត្រូវ សម្រាប់អ្នកដែលមិនមានលក្ខខ័ណ្ឌតម្រូវខាងលើនេះនឹងមិនត្រូវបានទទួលបានសិទ្ធលើកលែងឡើយ ពោលគឺពួកគេត្រូវតែចូលបម្រើជាយោធាដូចបុរសថៃដទៃទៀតដែរ៕ អត្ថបទ៖ ភក្តី ប្រភព៖ bangkokpost

ធនាគារ ABA ត្រូវបានទទួលស្គាល់ដោយ Global Finance ថាជា “ធនាគារដ៏ឆ្នើមបំផុតនៅកម្ពុជាប្រចាំឆ្នាំ2019” ដែលនេះគឺជាការផ្តល់ពានរង្វាន់ទីប្រាំជាប់ៗគ្នាសម្រាប់ ABA រាប់ចាប់តាំងពីឆ្នាំ 2015 មក។ ទស្សនាវដ្ដីហិរញ្ញវត្ថុអន្តរជាតិមួយនេះ បានទទួលស្គាល់ភាពជោគជ័យរបស់ធនាគារ ABA ថាបានមកពីការមានភាពប្រុងប្រយ័ត្នខ្ពស់ក្នុងការបំពេញតម្រូវការរបស់អតិថិជននៅក្នុងទីផ្សារដ៏មានភាពប្រកួតប្រជែង និងការសម្រេចលទ្ធផលបានយ៉ាងប្រសើរ រួមជាមួយនឹងមូលដ្ឋានដ៏រឹងមាំសម្រាប់ភាពជោគជ័យនាពេលអនាគត។ នៅក្នុងដំណើរការនៃការជ្រើសធនាគារកំពូលៗសម្រាប់ឆ្នាំ 2019នេះ Global Finance បានរួមបញ្ចូលការពិគ្រោះយោបល់ជាមួយប្រតិបត្តិករហិរញ្ញវត្ថុធំៗ, ធនាគារិក, និងអ្នកប្រឹក្សាយោបល់ ក៏ដូចជាអ្នកវិភាគនៅទូទាំងពិភពលោក ដើម្បីធ្វើឲ្យមានអព្យាក្រិត្យភាពក្នុងការវាយតម្លៃធនាគារ ABA ទៅលើផ្នែកសំខាន់ៗជាច្រើនដូចជា វឌ្ឍនភាពនៃទ្រព្យសកម្ម, កម្រិតប្រាក់ចំណេញ, វិសាលភាពភូមិសាស្ត្រនៃប្រតិបត្តិការការងារ, ទំនាក់ទំនងជាយុទ្ធសាស្ត្រ, ការអភិវឌ្ឍផ្នែកធុរកិច្ចថ្មីៗ,