ភាពពេញនិយមនៃកំពូលរថយន្តស្ព័រទំនើបៗជុំវិញពិភពលោក មិនថាតែនៅប្រទេសកម្ពុជាឡើយ គឺមានការកើនឡើងខ្លាំងគួរអោយកត់សំគាល់ខណៈពេលដែលក្រុមហ៊ុនផលិតរថយន្តទាំងអស់នាំគ្នា ប្រកួតប្រជែងដើម្បីដណ្តើមយកចំណែកទីផ្សារ។ ថ្មីៗនេះដែរក្រុមហ៊ុនផលិតរថយន្តយក្សមួយរបស់ជប៉ុនគឺ Nissan បានបញ្ចេញកំពូលរថយន្តស្ព័រថ្មីមួយរបស់ខ្លួនដែលមានឈ្មោះថា Nissan GT-R50 ដែលរថយន្តប្រភេទនេះ ផលិតមានកំណត់ត្រឹម 50គ្រឿងប៉ុណ្ណោះនៅលើលោកយើង ហើយអ្វីដែលគួរអោយកត់សំគាល់នោះគឺ រថយន្តមួយនេះផលិតឡើងអស់ថ្លៃដើមច្រើនជាងរថយន្ត McLaren P1 ទៅទៀត។ Nissan GT-R50 គឺវាបានរចនាឡើងដោយយកគំរូតាមម៉ូដែល GT-R NISMO ម៉ូដែលចុងក្រោយគេ និងសហការគ្នាជាមួយក្រុមហ៊ុនអ៊ីតាលី ប៉ុន្តែចំពោះតួខ្លួន និងផ្នែកខាងក្នុងគឺត្រូវបានរចនាឡើងបែប 50th anniversaries។ វាបានបំពាក់ឡើងដោយម៉ាស៊ីនទំហំ 3.8-litre twin-turbocharged ជាប្រភេទ V6 (ស៊ីឡាំង6)

ភ្នំពេញ៖ បន្ទាប់ពីរងការបំពុលដោយសារតែខ្យល់កខ្វក់នៅក្នុងប្រទេសថៃអស់មួយរយៈមក កាលពីពេលថ្មីៗនេះ ស្ថាន​ឯកអគ្គរាជទូត​កម្ពុជា​ប្រចាំ​ប្រទេស​ថៃបានអំពាវនាវ​ដល់បងប្អូន​ប្រជាពលរដ្ឋ​ខ្មែរទាំងអស់ ដែល​កំពុងមានវត្តមាននៅ​ប្រទេស​ថៃ ​ឲ្យមានការ​ប្រុង​ប្រយ័ត្ន​ខ្ពស់ចំពោះសុខភាព មិនគួរធ្វើដំណើរចេញទៅក្រៅឡើយបើមិនចាំបាច់ តែបើត្រូវចេញក្រៅត្រូវតែពាក់ម៉ាសការពារប្រភេទ N95។ គួរបញ្ជាក់ផងដែរថា ខ្យល់កខ្វក់ PM2.5 បានគ្រប់ដំណប់ទីក្រុងបាងកក និងខេត្តជាច្រើននៅក្នុងប្រទេសថៃ ដោយខ្យល់កខ្វក់ PM2.5 នោះជាភាគល្អិតនៃធូលីមានទំហំតូចជាង ២.៥មីក្រូម៉ែត្រ ហើយវាត្រូវបានគេចាត់ទុកថា មានគ្រោះថ្នាក់បំផុត ដោយសារតែទំហំដ៏តូចរបស់វាអាចចូលជ្រៅទៅក្នុងសួត និងប៉ះពាល់សរីរាង្គផ្សេងទៀត។ ដូច្នេះបងប្អូនប្រជាពលរដ្ឋខ្មែរទាំងអស់ត្រូវតែបង្កើនការប្រុងប្រយ័ត្ន៕ អត្ថបទ៖ សេម

ក្លឹប Crystal Palace បានប្រកាសជាផ្លូវការកាលពីព្រឹកមិញអំពីការផ្ទេរខ្សែប្រយុទ្ធសញ្ជាតិប៊ែលហ្ស៊ិក Michy Batshuayi ពីក្លឹបតោខៀវ Chelsea ក្នុងលក្ខខ័ណ្ឌខ្ចីក្នុងថ្ងៃចុងក្រោយនៃទីផ្សារដោះដូរកីឡាកររដូវរងារនេះ។ ក្លឹប Crystal Palace បានបង្ហាញវត្តមានខ្សែប្រយុទ្ធថ្មីរបស់គេកាលពីព្រឹកមិញនេះ ដែលទើបតែផ្ទេរពីក្លឹបតោខៀវ Chelsea ក្នុងលក្ខខ័ណ្ឌខ្ចីជើងក្នុងរយៈពេលកន្លះរដូវកាល ដោយខ្សែប្រយុទ្ធសញ្ជាតិប៊ែលហ្ស៊ិករូបនេះនឹងបង្ហាញខ្លួនឲ្យ Crystal Palace រហូតដល់បញ្ចប់រដូវកាលនេះ។ ខ្សែប្រយុទ្ធ Michy Batshuayi នឹងមកកាន់ទីក្រុង London សារជាថ្មីបន្ទាប់ពីរូបគេបានចាកចេញពី Chelsea ទៅកាន់ក្លឹបផ្សេងៗកាលពីរដូវកាលមុន។ ក្នុងរយៈពេល 2 ឆ្នាំនេះខ្សែប្រយុទ្ធ Michy Batshuayi បានផ្លាស់ប្ដូរក្លឹបដល់ទៅ 4 ដោយក្នុងនោះមានដូចជា៖

គម្រោងស្តារឡើងវិញស្ពានមិត្តភាពកម្ពុជា-ជប៉ុន (ស្ពានជ្រោយចង្វារទី១) ជាហិរញ្ញប្បទាន ឥតសំណងរបស់រដ្ឋាភិបាលជប៉ុន ដែលត្រូវបានចុះហត្ថលេខា នៅថ្ងៃទី៣១ ខែមីនា ឆ្នាំ២០១៦ គ្រោងនឹងដាក់អោយប្រើប្រាស់មុនថ្ងៃបុណ្យចូលឆ្នាំខែ្មរខាងមុខនេះ ក្រោយពេលដែលបានជួសជុលសាងសង់ ៩៣ ភាគរយហើយ ពោលគឺលឿនជាងការគ្រោងទុក។ យោងតាមការលើកឡើងរបស់ ក្រសួងសាធារណការ និងដឹកជញ្ជូន បានឲ្យដឹងថា៖ “គម្រោងនេះបានចាប់ផ្តើមការជួសជុលសាងសង់នៅថ្ងៃទី១៥ ខែកញ្ញា ឆ្នាំ២០១៧ ដោយមានក្រុមហ៊ុន Obayashi ជាក្រុម ហ៊ុនទទួលបានសិទ្ធិក្នុងការជួសជុលសាងសង់ និង ក្រុមហ៊ុន Central Consultant Inc ជាក្រុមហ៊ុនទីប្រឹក្សាបច្ចេកទេស។ គិតត្រឹមដើមឆ្នាំ២០១៩ នេះ គម្រោងនេះសម្រេចបាន៩៣ ភាគរយ

អគ្គនាយកអន្តោប្រវេសន៍ បានដាក់អោយដំណើរការប្រព័ន្ធច្រកទ្វារអេឡិចត្រូនិច នៅប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិភ្នំពេញ និងសៀមរាប ជាផ្លូវការ។ នៅព្រឹកថ្ងៃសុក្រ​ ១២រោច​ ខែបុស្ស​ ឆ្នាំច​ សំរឹទ្ធិស័ក​ ព.ស២៥៦២​ ត្រូវនឹង​ ថ្ងៃទី០១​ ខែកុម្ភៈ​ ឆ្នាំ២០១៩​ ឯកឧត្តម​ នាយឧត្តមសេនីយ៍​ គៀត​ ច័ន្ទថារិទ្ធ​ អគ្គនាយក​ នៃអគ្គនាយកដ្ឋានអន្តោប្រវេសន៍​ អញ្ជេីញជាអធិបតី​ ក្នុងពិធីដាក់ឲ្យប្រេីប្រាស់ជាផ្លូវការនូវប្រព័ន្ធ​ E-Gate សម្រាប់ប្រជាពលរដ្ឋខ្មែរ​ ដែលប្រេីប្រាស់​ E-Passport​ (លិខិតឆ្លងដែនប្រភេទថ្មី​ សុពលភាព​ ១០ឆ្នាំ និងមាន Chip)​ នៅប៉ុស្តិ៍អាកាសយានដ្ឋានអន្តរជាតិភ្នំពេញ ​អមដំណេីរដោយ​

ការឈានជើងរបស់រោងភាពយន្តលេជេនចូលទៅក្នុងខេត្តសៀមរាបនេះ មិនត្រឹមតែ បានបង្ហាញអំពីភាពរីកចម្រើនរបស់ប្រជាជនកម្ពុជានៅក្នុងខេត្តទេសចរណ៍មួយនេះប៉ុណ្ណោះនោះទេ វាក៏បានកែប្រែមុខមាត់ខេត្តមួយនេះអោយកាន់តែមានភាពស៊ីវីល័យនិងមានភាពអ៊ូរអរចម្រុះពណ៍ជាងមុនបន្ថែមទៀត។ គួរបញ្ជាក់ផងដែរថា រោងភាពយន្តទំនើបនេះ ត្រូវបានគេស្គាល់ឈ្មោះថាជារោងភាពយន្តលេជេន ហេរីថេកវ៉កក្នុងនោះ មានសាលសរុបចំនួន ៥ ដែលសាលទី៥ មានឈ្មោះថា Smart Hall VIP។ Smart Hall VIP គឺជាប្រភេទសាលប្រណីតលំដាប់VIP សម្រាប់បំពេញតម្រូវការចំពោះអតិថិជនដែលចូលចិត្តភាពឯកជនលក្ខណៈបែបអភិជន។ សរុបទាំង៥ សាលនេះ រោងភាពយន្តលេជេនហេរីថេកវ៉កអាចមានលទ្ធភាពផ្ទុកចំនួនមនុស្សរហូតទៅដល់ ៧០០ នាក់រាល់ពេលការដាក់បញ្ចាំងកុនម្តងៗ។ រោងភាពយន្តលេជេននៅខេត្តសៀមរាបនេះ ដែលមានទីតាំងនៅក្នុងមឈ្ឈមណ្ឌលកំសាន្តហេរីថេកវ៉ក ជាន់ទី៣ តាមបណ្តោយផ្លូវជាតិលេខ ៦អា នឹងធ្វើការដាក់សម្ពោធជាផ្លូវការនៅថ្ងៃទី ១ ខែកុម្ភៈ ឆ្នាំ

ក្លឹប Besiktas របស់លីគកំពូលទួរគីបានចុះហត្ថលេខានាំយកខ្សែបម្រើ Shinji Kagawa ពីក្លឹប Borussia Dortmund ក្នុងលក្ខខ័ណ្ឌខ្ចីជើងនៅក្នុងថ្ងៃចុងក្រោយនៃទីផ្សារដោះដូរកីឡាករខែមករានេះ។ បន្ទាប់ពីវត្តមានគ្រូបង្វឹកថ្មីលោក Lucien Favre ដែលជាគ្រូបង្វឹកថ្មីរបស់ក្លឹប Borussia Dortmund បានធ្វើឲ្យខ្សែបម្រើ Shinji Kagawa ធ្លាក់ចេញពីការពេញចិត្តរបស់គាត់ ដែលជាហេតុធ្វើឲ្យខ្សែបម្រើសញ្ជាតិជប៉ុនរូបនេះពុំសូវបានបង្ហាញខ្លួននៅក្នុងរដូវកាលថ្មីនេះក្រោមការដឹកនាំរបស់លោក Lucien Favre។ ខ្សែបម្រើ Shinji Kagawa នឹងផ្ទេរទៅកាន់ក្លឹប Besiktas ក្នុងលក្ខខ័ណ្ឌខ្ចីជើងពាក់កណ្ដាលរដូវកាល ពោលគឺសុពលភាពនៃការខ្ចីជើងខ្សែបម្រើសញ្ជាតិជប៉ុនរូបនេះនឹងបញ្ចប់នៅក្នុងពេលបញ្ចប់រដូវកាលនេះ។ ក្រោយការផ្ទេរទៅកាន់ក្លឹប Besiktas ខ្សែបម្រើ Shinji Kagawa ត្រូវបានគេរំពឹងទុកថាអាចនឹងបង្ហាញខ្លួនឡើងវិញនៅក្នុងជំនួបជាមួយនឹង Bursaspor នៅក្នុងថ្ងៃអាទិត្យនេះ

នៅកម្ពុជា ទីផ្សារទឹកដោះគោ មានតម្រូវការខ្ពស់ ប៉ុន្តែក៏ប្រឈមនិងការប្រគួតប្រជែងនិងផលិតផលដូចគ្នាដែរ ដែលទាមទារឲ្យអ្នកនាំចូលត្រូវមានយុទ្ធសាស្រ្តទីផ្សារ ដើម្បីបង្កើនការលក់របស់ខ្លួន។ នៅក្នុងកម្មវិធីជួបជុំកំពូលអាជីវករឆ្នើមជាច្រើនរូបមកពីបណ្តាខេត្ត នៃក្រុមហ៊ុនទឹកដោះគោ Hero Baby & Hero Baby pedialac Swiss (World Swiss Brand) ដែលបានរៀបចំធ្វើនៅសណ្ឋាគារណាហ្គាវើល លោកវេជ្ជបណ្ឌិត សំ ហេង អគ្គនាយកក្រុមហ៊ុន SAM BUSINESS បានឲ្យដឹងថា លោកមានយុទ្ធសាស្រ្តទីផ្សារ ដែលល្អបំផុត គឺការអប់រំដល់ ឪពុកម្តាយ និងអាណាព្យាបាលអំពីការថែទាំទារក កុមារ ដោយផ្តល់ជាសារនៃរបៀបរស់នៅក្នុងបរិស្ថានស្អាត ហូបស្អាត

កំណើនសេដ្ឋកិច្ចដ៏ខ្លាំងក្លារបស់ប្រទេសកម្ពុជា បានរួមចំណែកដល់ការអភិវឌ្ឍន៍នៃវិស័យអចលនទ្រព្យ និងទាក់ទាញវិនិយោគទុនជាច្រើនមកពីជុំវិញពិភពលោក ។ ប្រសិនបើយើងនិយាយពីទំហំនៃការវិនិយោគនេះ ច្បាស់ណាស់ថាប្រទេសចិនបានក្លាយជាប្រភពវិនិយោគធំជាងគេនៅកម្ពុជា ហើយមានក្រុមហ៊ុនអចលនទ្រព្យចិនជាច្រើនបានចូលមកដល់ប្រទេសកម្ពុជា។ ទោះជាយ៉ាងណាក៏ដោយ និយាយដល់ក្រុមហ៊ុនអចលនទ្រព្យដែលមានឥទ្ធិពលបំផុតក្នុងវិស័យអចលនទ្រព្យនៅកម្ពុជា នោះប្រាកដជាក្រុមហ៊ុន ព្រីនស៍ រៀល អ៊ីស្ទេត (ខេមបូឌា) គ្រុប។ ក្នុងរយៈពេលប៉ុន្មានឆ្នាំចុងក្រោយនេះ ក្រុមហ៊ុន ព្រីនស៍ រៀល អ៊ី ស្ទេត គ្រុប បាននាំមុខគេក្នុងចំនួនគម្រោងអភិវឌ្ឍន៍ ទ្រង់ទ្រាយនៃឧស្សាហកម្ម និងចំនួនដើមទុនវិនិយោគ។ លោកអ្នកអាចឃើញវត្តមានរបស់ “ព្រីនស៍” នៅគ្រប់ទីកន្លែងក្នុងទីក្រុងសំខាន់ៗដូចជា រាជធានីភ្នំពេញ និងក្រុងព្រះសីហនុ។ គម្រោងអចលនទ្រព្យជាច្រើនដែលបានអភិវឌ្ឍដោយក្រុមហ៊ុន ព្រីនស៍ រៀល អ៊ីស្ទេត

ពិធីចូលឆ្នាំថ្មីប្រពៃណីចិន គឺជាឱកាសមួយដែលមានការជួបជុំគ្នា បង្ករភាពរីករាយសម្រាប់ក្រុមគ្រួសារជនជាតិចិន និង ពលរដ្ឋខ្មែរដែលជាប់ខ្សែស្រលាយចិននៅក្នុងប្រទេសកម្ពុជា ។ ការជូបជុំគ្នារវាងសមាជិកគ្រួសារចិននីមួយៗ គឺជាពេលវេលាដ៏អស្ចារ្យមួយដែលមិនអាចរំលង និងមិនអាចបំភ្លេចបានទេសម្រាប់ជនជាតិចិន ទោះបីពួកគេបានរស់នៅទីជិត ឬ ទីឆ្ងាយក្តី ក៏ពួកគេតែងតែស្កាត់មកជួបជុំគ្រួសារ និងសាច់ញាតិរបស់ពួកគេដែរ ដែលអាចចាត់ទុកបានថាជាកាតព្វកិច្ចត្រូវតែអនុវត្តន៍សម្រាប់កូនចៅជនជាតិចិន ឬ អ្នកដែលជាប់ខ្សែស្រលាយចិនដូច្នោះដែរ។ ពិធីចូលឆ្នាំគឺជាឱកាសមួយដ៏ពិសេសដើម្បីបង្ហាញពីក្តីស្រលាញ់ ការយកចិត្តទុកដាក់រវាងគូស្វាមីភរិយា រវាងបងប្អូន ឬ រវាងកូនចៅចំពោះអ្នកមានគុណរបស់ពួកគេជាដើម តាមរយៈការជូនអាំងប៉ាវក្រហមដែលមានជាថវិកាទៅតាមសមត្ថភាពរបស់ពួកគេ ឬ កាដូពិសេសណាមួយដល់សមាជិកគ្រួសារម្នាក់ៗ។ តើលោកអ្នកបានគិតគូរហើយឬនៅ ថានឹងជូនកាដូអ្វីខ្លះដល់ឪពុកម្តាយរបស់លោកអ្នក ដល់គូរជីវិតរបស់លោកអ្នក ឬ ឲ្យអាំងប៉ាវដល់ កូនៗរបស់លោកអ្នក? តើលោកអ្នកដឹងទេថា របស់អ្វីដែលពួកគេប្រាថ្នាចង់បាន ដែលធ្វើឲ្យពួកគេមានភាពសប្បាយរីករាយ