ក្រុមជម្រើសជាតិកម្ពុជាបានប្រមូលផ្តុំកីឡាករឡើងវិញដើម្បីត្រៀមប្រកួតមិត្តភាពជាមួយនឹងក្រុមជម្រើសជាតិទីម័រខាងកើតនៅថ្ងៃសុក្រ ទី ១២ ខែតុលា ឆ្នាំ ២០១៨ ខាងមុខនេះនៅពហុកីឡដ្ឋានជាតិអូរឡាំពិកវេលាម៉ោង ៦:៣០ល្ងាច។ ក្រោមការដឹកនាំរបស់គ្រូបង្វឹកសញ្ជាតិជប៉ុនលោក Honda កាលពីប្រកួតមុនបានទទួលបរាជ័យក្រោមថ្វីជើងក្រុមជម្រើសជាតិ Malaysia ក្នុងលទ្ធផល ៣-១។ កីឡាករចាន់វឌ្ឍនាកាក៏បានត្រលប់មកចូលរួមជាមួយក្រុមវិញបន្ទាប់ពីអវត្តមានកាលពីប្រកួតមុនដោយសាររបួស។ គួច ដានីក៏បានត្រលប់មកជួយក្រុមផងដែរខណៈដែលកីឡាករកូនខ្មែរកាត់បារាំងរូបនេះបានបាត់មុខមួយរយះពីក្រុមជម្រើសជាតិ។ អត្ថបទ៖ ប៊ុនហួរ ប្រភព៖ FFC

មុខរបរដឹក​ឆ្នាំង​ដែក​ដើរ​ដូរ​ឆ្កែពីអ្នក​ភូមិ​យក​មក​លក់ឲ្យឈ្មួញ នៅតែជាមុខរបរដ៏ពេញនិយមសម្រាប់ពលរដ្ឋខ្មែរមួយចំនួន ដោយនៅតែមានបងប្អូនបានប្រកបរបរនេះរាប់ឆ្នាំមកហើយ ទោះបីជាមានការប្រតិកម្មខ្លាំងពីសំណាក់អ្នកស្រលាញ់សត្វចិញ្ចឹម។ យ៉ាងណាមិញថ្មីៗនេះយោងតាមគណនីហ្វេសប៊ុកឈ្មោះ តាំង គីមឡេង បានឲ្យដឹងថាខ្លួនបានជួយជីវិតសត្វឆ្កែមួយក្បាល ដែលត្រូវបានម្ចាស់វាលក់ដូរយកឆ្នាំង។ ដោយម្ចាស់ប្រភពដដែលបានប្រកាសថា៖ “ថ្ងៃនេះបានជួយអាសំណាងទៅភ្នំពេញឲ្យរួចផុតពីការសម្លាប់របស់ឈ្មួញដែលដើរទិញ​ វិដេអូនេះអ្នកស្អប់ខ្ញុំតែអ្នកនិងយល់ពីទំហំចិត្តដែលអ្នកស្រឡាញ់សត្វសុនខនេះ។ តម្លៃ២០០០០រៀលអាចជួយគ្នាបានមានជីវិតបន្ត​ បងៗដែលស្រឡាញ់ចង់ចិញ្ចឹមអាចមកយកពីខ្ញុំបាននៅភ្នំពេញ”៕ https://www.facebook.com/tkl.ykt/videos/2152675291652068/ https://www.facebook.com/tkl.ykt/videos/2152675388318725/

យោងតាមការបង្ហោះរបស់គណនីហ្វេសប៊ុកឈ្មោះ Darlin Vanបានធ្វើការបង្ហោះរូបភាព បង្ហាញនូវព្រះសង្ឃមួយអង្គ បានធ្លាក់ខ្លួនមានជម្ងឺដំបៅក្រពះនិងបំពង់កដំណក់កាលខ្លាំង។  ដោយគណនីហ្វេសប៊ុកដដែល បានសរសេររៀបរាប់ព្រមទាំងសំណូមពរដល់សប្បុរសជនថា៖ “សូមបងប្អូនមេត្តាជួយគាត់បន្តទៀតផងពេលនេះគាត់ពិតជាពិបាកណាស់ខ្វះខាតឈាមនិងថវិកាជាច្រើនដើម្បីវះកាត់ជួយសង្គ្រោះជីវិតរបសលោកមាដែលជាព្រះសង្ឃគង់នៅ វត្តកងរី ខេត្តសៀមរាប។ បងៗមេត្តាជួយខ្ញុំផងពេលនេះត្រូវការឈាមជាបន្ទាន់ទៀតហើយអាចប្រឈមហ្នឹងគ្រោះថ្នាក់ទៀតពេលនេះឋិតក្នុងការសង្គ្រោះបន្ទាន់របស់ក្រុមលោកគ្រូពេទ្យ ប្រភេទឈាមA+និង0កាន់តែល្អបាន”៕ ប្រភព៖ Darlin Van

ឥណ្ឌូនេស៊ី៖ កាលពីថ្ងៃសុក្រកន្លងទៅនេះប្រទេសឥណ្ឌូនេស៊ីបានទទួលរងនូវការវាយប្រហារយ៉ាងសាហាវពីរលកយក្សស៊ូណាមិមួយ ដែលបង្កឡើងដោយ ការរញ្ជួយដីកម្រិត ៧,៥ រ៊ិចទ័រមួយនៅលើកោះ Sulawesi ។ រលកយក្សស៊ូណាមិបានវាយបោកបក់ក្នុងកម្ពស់ប្រមាណជា ៦ ម៉ែត្រ និងបានបំផ្លាញផ្ទះសម្បែង និងហេដ្ឋារចនាសម្ព័ន្ធជាច្រើននៅលើកោះមួយនេះ។ ចំពោះចំនួនជនរងគ្រោះវិញត្រូវបានគេរាយការណ៍ថា មានអ្នកស្លាប់ជាង ៨០០​ នាក់ និងជាច្រើនពាន់នាក់ទៀតត្រូវរងរបួស និងគ្មានកន្លែងស្នាក់នៅ។ ហេតុការណ៍ដ៏គួរឲ្យតក់ស្លុតនេះ ក៏ត្រូវបានគេថតដោយប្រព័ន្ធផ្កាយរណប និងត្រូវបានគេយកទៅបង្ហោះពេញបង្ហាញសង្គមផងដែរ។ លោកអ្នកអាចទស្សនារូបភាព និងវីដេអូនៃហេតុការណ៍នេះដូចខាងក្រោម៖ ១.រូបភាពមុន និងក្រោយពេលកើតហេតុ ២.រូបភាពមុន និងក្រោយពេលកើតហេតុ អត្ថបទ៖ ភក្តី ប្រភព៖ dailymail

យោងតាមសេចក្តីជូនដំណឹងរបស់អគ្គនាយកដ្ឋានពន្ធដារ ចុះផ្សាយថ្ងៃទី០១ ខែតុលា ឆ្នាំ២០១៨ បានឲ្យដឹងថា អគ្គនាយកដ្ឋានពន្ធដារត្រូវការជ្រើសរើសបុគ្គលិកជាប់កិច្ចសន្យាចំនួន១០រូប ដើម្បីបំពេញការងារជាបុគ្គលិកផ្នែកបញ្ចូលទិន្នន័យ (Data Entry Staff) នៅអគ្គនាយកដ្ឋានពន្ធដារ។ ពាក្យស្នើសុំចុះឈ្មោះប្រឡងអាចរកបានតាមអាសយដ្ឋាន www.tax.gov.kh/recruit ហើយកាលបរិច្ឆេទឈប់ទទួលពាក្យគឺនៅថ្ងៃទី១២ ខែតុលា ឆ្នាំ២០១៨។ សម្រាប់ព័ត៌មានលំអិតសូមអានសេចក្តីជូនដំណឹងខាងក្រោម៖ អត្ថបទ៖ សេម

ថ្មីៗនេះយោងតាមការបង្ហោះរបស់គណនីហ្វេសប៊ុក Sun Pora បានឲ្យដឹងថា វត្តអារាមមួយមានអាយុកាលជិត១០០ឆ្នាំ កំពុងតែស្ថិតនៅក្នុងសភាពទុ្រឌទ្រោមជាខ្លាំង ដោយជិតដួលរលំទៅហើយ។ ដោយប្រភពដដែលបានសរសេររៀបរាប់ថា៖ “វត្តកណ្យាណមិត្ត ហៅវត្តខ្សាច់ពោយ ដែលមានទីតាំងនៅប្របមាត់ស្ទឹងសង្កែ នាឃុំវត្តគរ ស្រុកនិងខេត្តបាត់ដំបង ត្រូវបានស្នើរសុំកសាងដោយអាចារ្យ ហែម កាលពីខែសីហា ឆ្នាំ១៩២១។ បច្ចុប្បន្នភាពនៃព្រះវិហារនេះកំពុងស្ថិតក្នុងហានិភ័យនៃការដួលរលំ ដោយទទឹងជញ្ជាំងនៃព្រះវិហារទាំងខាងលិច និងខាងកើតកាន់តែប្រះខ្លាំង រហូតធ្វើឱ្យរបៀងបាក់ស្រុត និងផុងចុះក្រោម”។ ក្រោយពីការបង្ហោះបង្ហាញនូវវត្តអារាមមួយនេះ មានសភាពជិតដួលរលំ ធ្វើឲ្យមហាជននៅលើបណ្តាញសង្គម សម្តែងការសោកស្តាយជាខ្លាំង និងមានការសំណូមពរឲ្យស្ថាប័នពាក់ព័ន្ធជួយអភិរក្សថែរក្សាជុសជុល ទុករចនាបទដើម ដោយវត្តអារាមមួយនេះអាយុជិត ១០០ឆ្នាំទៅហើយ៕ ប្រភព៖ Sun Pora

ល្ខោនខោល ជាសិល្បៈបុរាណខ្មែរមួយ ដែលកំពុងលិចលង់ស្ទើរតែបាត់ ខណៈដែលកូនខ្មែរ និងសិល្បករមួយចំនួន បានខំប្រឹងអស់ពីកម្លាំងកាយចិត្ត ដើម្បីលើកស្ទួយ អភិរក្ស និងថែរក្សា។ ប៉ុុន្តែ បន្ទាប់ពីល្ខោនខោលត្រូវបានបញ្ចូលជាបេតិកភណ្ឌខ្មែររួចមក សិល្បៈបុរាណនេះក៏ត្រូវស្ងប់ស្ងាត់សារជាថ្មី ជាហេតុធ្វើឲ្យលោក ហង់ ភូមិរ៉ា ប្រធានក្រុមយុវជនល្ខោនខោលជំនាន់ថ្មី បានចេញមុខប្រកាសហៅកូនខ្មែរទាំងអស់ ឲ្យចូលរៀនល្ខោនខោលដោយឥតគិតថ្លៃ។ ជាក់ស្ដែង ការបើកបង្រៀននេះគឺជាលើកទី ៦ ហើយ ដោយទទួលគ្រប់សិស្សដែលស្រលាញ់ស្នេហាលោ្ខនខោល គ្រប់មជ្ឈដ្ឋាន ដោយពុំគិតប្រាក់ឡើយ។ ហើយក្នុងនោះផងដែរ គឺរៀនត្រឹមតែថ្ងៃចុងសប្តាហ៍ គឺថ្ងៃអាទិត្យតែប៉ុណ្ណោះ។ ហេតុនេះ ដើម្បីឲ្យជ្រាបច្បាស់ សូមទស្សនាវិដេអូខាងក្រោម៖ https://www.facebook.com/hang.phumra/videos/274571583187767/

ឥណ្ឌូនេស៊ី៖ ថ្មីកន្លងទៅនេះ ឥណ្ឌូនេស៊ីដោះស្រាយបញ្ហារលកយក្សស៊ូណាមិមិនទាន់រួចផង ស្រាប់តែនៅក្នុងថ្ងៃអង្គារ ទី២ នេះ ឥណ្ឌូនេស៊ីទទួលរងនូវគ្រោះរញ្ជួយដី២ផ្សេងទៀត នេះបើយោងតាមការអង្កេតភូមិសាស្ត្រសហរដ្ឋអាមេរិក (USGS)។ គ្រោះរញ្ជួយដីទីមួយបានកើតឡើងក្នុងកម្រិត ៥,៩ រ៊ិចទ័រ និងបានកើតឡើងនៅទីតាំង ៤០ គីឡូម៉ែត្រពីកោះ Sumba។ ​កោះមួយនេះមានប្រជាជនសរុបចំនួន ៧៥០,០០០ នាក់ កំពុងរស់នៅ។ ១៥ នាទី ក្រោយមកគ្រោះរញ្ជួយដីបានកើតមានម្តងទៀត គឺបានកើតឡើងក្នុងកម្រិត ៦,០ រ៊ិចទ័រ ដែលបានវាយប្រហារនៅតំបន់ដែលមានចម្ងាយ ១,៦០០ គីឡូម៉ែត្រពីកោះ Sulawesi ។ បន្ទាប់ពីកើតមានគ្រោះរញ្ជួយដីទាំងពីរលើកនេះ គេនៅមិនទាន់ដឹងថា មានផលប៉ះពាល់យ៉ាងណា ឬមានជនរងគ្រោះប៉ុន្មាននាក់នៅឡើយទេ៕

ពិតជាគួរឲ្យអាណិតខ្លាំងណាស់ដោយក្មេងៗដែលមានក្រុមគ្រួសារជីវភាពមិនធូរធារ ជាកូនអ្នកកសិករខិតខំសិក្សារៀនសូត្រនៅក្នុងសាលាបឋមសិក្សាពន្លឺថ្មី សិ្ថតនៅក្នុងភូមិជ្រាវ ស្រុកថ្ពង ខេត្ដកំពង់ស្ពឺ។ ដោយសាលាបឋមមួយនេះមានអាគារ ១ខ្នង ៣បន្ទប់ ធ្វើអំពីឈើប្រក់ប្រូ មានសិស្សសរុបចំនួន១៧១នាក់ និង៦កម្រិត បន្ទប់សិក្សាមានតែ ៣បន្ទប់តែប៉ុណ្ណោះ។ បច្ចុប្បន្ននេះអាគារសិក្សាមានសភាពចាស់ទ្រុឌទ្រោមយ៉ាងខ្លាំង ដោយគ្មានទ្វារ បង្អូចត្រឹមត្រូវ និងមានដំបូលធ្លុះធ្លាយគ្រប់បន្ទប់ថែមទៀត។ ម្ចាស់គណនីហ្វេសប៊ុកឈ្មោះ Houn Sokuntheary បានធ្វើការសំណូមពរនៅក្នុងបណ្តាញសង្គមថា៖ “សាលារៀន ពន្លឺថ្មី សិ្ថតនៅក្នុងភូមិជ្រាវ ស្រុកថ្ពង ខេត្ដកំពង់ស្ពឺ សាលារៀនមួយនេះ ជួបប្រទះនឹងការខ្វះខាតច្រើន ជាពិសេសស្ថានភាពសាលាមានភាពចាស់ទ្រុឌទ្រោម។ សព្វថ្ងៃសាលារៀននេះមានសិស្សសរុបចំនួន១៧១នាក់ និង៦កម្រិត បន្ទប់សិក្សាមានតែ ៣បន្ទប់តែប៉ុណ្ណោះ ។

ជាធម្មតាមុនពេលចូលគេង អ្នកតែងដាក់បញ្ចូលថ្មទូរស័ព្ទចោល ដើម្បីពេលភ្ញាក់ពីគេងឡើងទូរស័ព្ទអ្នកមានថ្មពេញអាចប្រើប្រាស់បាន។ ហើយការដាក់បញ្ចូលថ្មនោះទៀតសោធ គឺអ្នកគ្រាន់តែយកឌុយទៅដោតនឹងទូរស័ព្ទទៅគឺបានហើយ ដោយមិនចាំបាច់ចុចអ្វីនៅលើទូរស័ព្ទនោះទេ។ យ៉ាងណាក្តីចំពោះទូរស័ព្ទសេរីទំនើប iPhone XS និងiPhone XS Max ត្រូវបានគេរកឃើញភាពមិនប្រក្រតីមួយក្នុងពេលបញ្ចូលថ្មគឺថា ប្រសិនបើអ្នកដាក់បញ្ចូនថ្មដោយមិនបើក Screen ទូរស័ព្ទមិនអាចសាកថ្មបានល្អនោះទេ តែនៅពេលបើក Screen គឺវាអាចសាកថ្មបានល្អជាង។ ភាពមិនប្រក្រតីមួយនេះត្រូវបានគេសូមការពន្យល់ពីក្រុមហ៊ុន Apple ផងដែរ តែរហូតមកទល់នឹងពេលនេះគេនៅមិនទាន់ទទួលបានឆ្លើយតបមកវិញយ៉ាងណានោះទេ។ លោកអ្នកអាចទស្សនាភាពមិនប្រក្រតីមួយនេះក្នុងវីដេអូដូចខាងក្រោម៖ អត្ថបទ៖ ភក្តី ប្រភព៖ worldofbuzz