រាជធានីភ្នំពេញ៖ យោងតាមសេចក្ដីជូនដំណឹងរបស់ ក្រសួងសុខាភិបាល នៅថ្ងៃទី០៥ ខែវិច្ឆិកា ឆ្នាំ២០២១ បានសម្រេចអនុញ្ញាតឲ្យប្រើប្រាស់វ៉ាក់សាំងឈ្មោះ COVAXIN ក្នុងលក្ខខណ្ឌបន្ទាន់។ វ៉ាក់សាំង COVAXIN គុណភាពព្យាបាល ជាប្រភេទវ៉ាក់សាំងបង្ការជំងឺកូវីដ-១៩ ចំពោះមនុស្សដែលមានអាយុចាប់ពី ១៨ឆ្នាំឡើងទៅ។ សម្រាប់លក្ខខណ្ឌនៃការប្រើប្រាស់៖ ប្រើតែក្នុងអំឡុងពេលគ្រោះអាសន្នសុខភាពសាធារណៈនៃជំងឺកូវីដ-១៩ ដែលកំពុងកើតមាន និងប្រើក្រោមអាទិភាពរបស់រាជរដ្ឋាភិបាលដូចមានចែងក្នុងផែនការដាក់ពង្រាយវ៉ាក់សាំងជាតិបច្ចុប្បន្ន និងក្រុមមនុស្សអាទិភាព ៕

ខេត្តពោធិសាត់៖ យោងតាមការចុះផ្សាយរបស់ អគ្គ.ការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ បានឲ្យដឹងថា នៅព្រឹកថ្ងៃទី០៥ ខែវិច្ឆិកា ឆ្នាំ២០២១ មន្រ្តីអគ្គនាយកដ្ឋានក.ប.ប. ប្រចាំខេត្តពោធិ៍សាត់ បានរៀបចំពិធីកម្ទេចចោលទំនិញខូចគុណភាព និងហួសរយៈពេលប្រើប្រាស់ចំនួន ៧ ២០០ គីទ្បូក្រាម នៅក្នុងបរិវេណពហុកីទ្បាដ្ឋានខេត្តពោធិ៍សាត់ ស្ថិតក្នុងក្រុងពោធិ៍សាត់ ខេត្តពោធិ៍សាត់។ ពិធីនេះត្រូវបានរៀបចំឡើងក្រោមអធិបតីភាពលោកស្រី ម៉ែន ផល្លី អភិបាលរងខេត្ត និងជាដំណាងដ៏ខ្ពង់ខ្ពស់ ឯកឧត្ដម ជាវ តាយ អភិបាលនៃគណៈអភិបាលខេត្ត លោក ប៊ុង តាំងទី ព្រះរាជអាជ្ញារងអមសាលាដំបូងខេត្ត លោកស្រី ឈុន

ខេត្តសៀមរាប៖ យោងតាមការចុះផ្សាយរបស់ ក្រសួងព័ត៌មាន នៅថ្ងៃទី០៥ ខែវិច្ឆិកា ឆ្នាំ២០២១ បានឲ្យដឹងថា ក្នុងវិបត្ដិជំងឺកូវីដ-១៩ជាសកល ក៏ដូចជាប្រទេសកម្ពុជា ដែលជាមហន្តរាយធំធេង ដោយឡែកខេត្តសៀមរាប បានជួបប្រទះនូវបញ្ហារីករាលដាល នៃជំងឺកូវីដ-១៩ ឆ្លងចូលសហគមន៍ ក្នុងព្រឹត្តិការណ៍ ២០ កុម្ភ: បើគិតត្រឹមថ្ងៃទី៣១ ខែតុលា ឆ្នាំ២០២១នេះ មានអត្រាអ្នកឆ្លងជំងឺនេះ ក្នុងខេត្តសៀមរាបសរុបចំនួន ១៩,៩៥៤នាក់ ស្រី ១០,៥៨០នាក់ ព្យាបាលជាសះស្បើយ ចំនួន ១៩,១៥៧នាក់ កំពុងសម្រាកព្យាបាលចំនួន ៥៤២នាក់ និងមានករណីស្លាប់ដោយសារឆ្លងមេរោគកូវីដ-១៩ចំនួន ២៨១នាក់។ នេះបើតាមប្រសាសន៍ឱ្យដឹងពីលោក ពិន

រាជធានីភ្នំពេញ៖ យោងតាមការចុះផ្សាយរបស់ ស្នងការដ្ឋាននគរបាលរាជធានីភ្នំពេញ បានឲ្យដឹងថា នៅថ្ងៃទី០៤ ខែវិច្ឆិកា ឆ្នាំ២០២១ វេលាម៉ោង១៥៖៣០នាទីរសៀល កម្លាំងនៃអធិការដ្ឋាននគរបាល ខណ្ឌឬស្សីកែវ បានធ្វើការឃាត់ខ្លួនយុវជនចំនួន ០២នាក់ ករណីបើកម៉ូតូនាំមុខរថយន្តសង្រ្គោះបន្ទាន់ (ឡានពេទ្យ) ដែលធ្វើឲ្យបាត់បង់សណ្ដាប់ធ្នាប់សាធារណៈ និងបង្កហានិភ័យគ្រោះថ្នាក់ចរាចរណ៍ដល់អ្នកដទៃ នៅចំណុចមុខប៉ុស្តិ៍នគរបាលរដ្ឋបាលច្រាំងចំរេះ ២ ផ្លូវជាតិលេខ៥ ភូមិ ក សង្កាត់ច្រាំងចំរេះ២ ខណ្ឌឬស្សីកែវ រាជធានីភ្នំពេញ។ វត្ថុតាងចាប់យកម៉ូតូចំនួន ២គ្រឿងរួមមាន៖ ១- ម៉ូតូម៉ាក Honda Scoopy ពណ៌ ស សេ៊រីឆ្នាំ២០២០ ពាក់ផ្លាកលេខភ្នំពេញ

ឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានឱ្យដឹងថា ក្រសួងកំពុងរៀបចំគោលនយោបាយ និងការគាំទ្រសម្រាប់រថយន្តដើរដោយថាមពលអគ្គិសនីនៅកម្ពុជា ក្នុងគោលដៅរួមចំណែកដល់ការកាត់បន្ថយការ បញ្ចេញឧស្ម័នកាបូនទៅក្នុងបរិយាកាស ដែលធ្វើឱ្យប៉ះពាល់ដល់បរិស្ថាន ខណៈរថយន្តប្រភេទនេះមានលក់នៅកម្ពុជារួចទៅហើយ សម្រាប់ជាមធ្យោបាយធ្វើដំណើរ។ ថ្លែងក្នុងកម្មវិធីពិភាក្សាលើប្រធានបទស្តីពី«អគ្គិសនីភាវូបនីយកម្មនៃយានយន្តដើម្បីអនាគតបៃតងសម្រាប់កម្ពុជា» នារសៀលថ្ងៃទី៤ ខែវិច្ឆិកា ឯកឧត្តមទេសរដ្ឋមន្ត្រី បញ្ជាក់ថា ក្រសួងកំពុងរៀបចំគោលនយោបាយ ដែលធានាឱ្យមានហេដ្ឋារចនាសម្ព័ន្ធទាំងមូល សម្រាប់រថយន្តដើរដោយថាមពលអគ្គិសនីនៅកម្ពុជារួមមាន៖ ស្ថានីយ៍សាកអាគុយ កន្លែងផ្តល់សេវាគ្រឿងបន្លាស់ បុគ្គលិកទទួលការបណ្តុះបណ្តាល និងកន្លែងបោះចោលអាគុយ និងធានានាំចូលមកកាន់កម្ពុជានូវរថយន្ត ដើរដោយថាមពលអគ្គិសនី ដែលមានគុណភាពល្អ។ ឯកឧត្តមទេសរដ្ឋមន្ត្រី មានប្រសាសន៍ដូច្នេះថា «ក្រសួងសាធារណការ និងដឹកជញ្ជូន បាននិងកំពុងធ្វើការជាមួយក្រសួងពាក់ព័ន្ធ និងភាគីពាក់ព័ន្ធផ្សេងទៀត

នៅថ្ងៃទី05 ខែវិច្ឆិកា ឆ្នាំ2021នេះ ក្រសួងសុខាភិបាលកម្ពុជា បានចេញសេចក្តីជូនដំណឹងពី ការរកឃើញករណីវិជ្ជមានវីរុសកូវីដ១៩ថ្មី ចំនួន 78នាក់ (លទ្ធផលបញ្ជាក់ដោយ PCR) ខណៈអ្នកបានជាសះស្បើយថ្មីមានចំនួន 82នាក់ និងមានអ្នកបាត់បង់ជីវិតថ្មី 5នាក់ (មិនបានចាក់វ៉ាក់សាំង 3នាក់) គិតមកទល់ពេលនេះ ករណីឆ្លងកូវីដ១៩ សរុបនៅក្នុងប្រទេសកម្ពុជា មានចំនួន 118,948នាក់, ករណីជាសះស្បើយសរុប 115,289នាក់ និងស្លាប់សរុប 2,818នាក់៕

កន្លងទៅថ្មីៗនេះ តាមរយៈកិច្ចសំភាសន៍ជាមួយលោក អ៉ឹម ជីវ៉ា និងក្រុមគ្រួសារតារាកំប្លែងលោកតា សង់ស៊ីស បានឲ្យដឹងថា លោកតា និងក្រុមគ្រួសារបានជំពាក់បំណុលគេជាង១០ម៉ឺនដុល្លារ ដោយសារតែមួយរយៈមុននេះគឺខ្ចីគេទៅព្យាបាលជំងឺប្អូននៅប្រទេសវៀតណាមផង នៅប្រទេសថៃផង នៅខ្មែរផង រហូតវាកើនបំណុលច្រើនបែបនេះ។ លោកតា សង់ស៊ីស និងក្រុមគ្រួសារ បានដាច់ចិត្តលើកដៃសុំអោយបងប្អូនជួយ ប៉ុន្តែមិនមែនលើកដៃសុំអំណោយជាលុយកកាក់ឡើយ គឺគ្រាន់តែសុំអោយបងប្អូនដែលមានថវិការជួយទិញផ្ទះរបស់លោកតា ដើម្បីបានយកលុយសងបំណុលគេ។ ថ្មីៗនេះ អ្នកនាង នួន ស៊ុនណារី ហៅស្រីអូន ដែលជាម្ចាស់ផលិតផល ឃូស៊ី ដែលប្រិយមិត្តប្រាកដជាធ្លាប់ស្គាល់គាត់នៅលើបណ្តាញសង្គមហ្វេសប៊ុក ដោយគាត់ឧស្សាហ៍ធ្វើការបរិច្ចាគថវិកាផ្ទាល់ខ្លួនជាច្រើន ក្នុងកិច្ចការងារមនុស្សធម៌ និងសង្គម នោះ បានបរិច្ចាគថវិកា ចំនួន $1000 ដុល្លាររបស់ក្រុមគ្រួសាររបស់លោកតា

យោងតាមការចុះផ្សាយរបស់ អគ្គ.ការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ បានឲ្យដឹងថា ក្រោយពីបានចុះត្រួតពិនិត្យទំនិញតាមបណ្ដាផ្សារមួយចំនួនក្នុងខេត្តត្បូងឃ្មុំ ខេត្តស្វាយរៀង និងខេត្តបន្ទាយមានជ័យ មន្ត្រីក.ប.ប. បានរកឃើញនូវទំនិញដូចជា ភេសជ្ជៈកំប៉ុង នំនិងស្ករគ្រាប់ និងម្ហូបអាហារវេចខ្ចប់ស្រាប់សរុបចំនួន ១២១.២៧គីឡូក្រាម ព្រមទាំងអាល់កុលក្លែងក្លាយ (មេតាណុល) ចំនួន ៧៤.៥លីត្រផងដែរ។ ការចុះត្រួតពិនិត្យនេះ ត្រូវបានធ្វើឡើងនៅថ្ងៃទី០៤ ខែវិច្ឆិកា ឆ្នាំ២០២១នេះ។ ក្រោយពីបានរកឃើញទំនិញខាងលើ មន្ត្រីជំនាញបានដកហូតយកមករក្សាទុកដើម្បីធ្វើការកម្ទេចចោល។ រីឯម្ចាស់ទំនិញត្រូវបានមន្ត្រីមានសមត្ថកិច្ចធ្វើការពិន័យអន្តរការណ៍ និងណែនាំឱ្យបញ្ឈប់ការដាក់តាំងលក់ទំនិញមិនអនុលោមដែលធ្វើឱ្យប៉ះពាល់សុខភាពសាធារណៈ៕ ប្រភព៖ អគ្គ.ការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ CCF

រាជធានីភ្នំពេញ៖ យោងតាមសេចក្ដីជូនដំណឹងរបស់ រដ្ឋបាលរាជធានីភ្នំពេញ នៅថ្ងៃទី០៤ ខែវិច្ឆិកា ឆ្នាំ២០២១ ស្ដីពីការបញ្ចៀសចរាចរយានយន្តគ្រប់ប្រភេទជាបណ្ដោះអាសន្ន ក្នុងពិធីសម្ពោធដាក់ឱ្យប្រើប្រាស់ជាផ្លូវការអគារទីស្ដីការថ្មីនៃក្រសួងរៀបចំដែនដី នគរូបនីយកម្ម និងសំណង់ នៅថ្ងៃទី០៨ ខែវិច្ឆិកា ឆ្នាំ២០២១ ចាប់ពីម៉ោង ០៥៖០០នាទីព្រឹក រហូតដល់បញ្ចប់កម្មវិធី។ រដ្ឋបាលរាជធានី សូមជម្រាបជូនដំណឹងដល់បងប្អូនទាំងអស់ក្នុងរាជធានីភ្នំពេញ ឲ្យបានជ្រាបថា នៅថ្ងៃទី០៨ ខែវិច្ឆិកា ឆ្នាំ២០២១ វេលាម៉ោង០៦៖០០នាទីព្រឹក ក្រសួងរៀបចំដែនដី នគររូបនីយកម្ម​ និងសំណង់នឹងរៀបចំពិធីសម្ពោធដាក់ឲ្យប្រើប្រាស់ជាផ្លូវការអគារទីស្តីការថ្មីរបស់ក្រសួង ដែលស្ថិតនៅផ្លូវ ៣០ម៉ែត្រ ស្របប្រឡាយមេខាងជើង (ចន្លោះផ្លូវលេខ១០០៣ ដល់មហាវិថីឈ្នះឈ្នះ) ភូមិអន្លង់ក្ងាន សង្កាត់ឃ្មួញ ខណ្ឌសែនសុខ

យោងតាមការចុះផ្សាយរបស់ អគ្គ.ការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ បានឲ្យដឹងថា មន្ត្រីជំនាញ នៃអគ្គនាយកដ្ឋាន ក.ប.ប. បានបន្តចុះត្រួតពិនិត្យទំនិញក្នុងភូមិសាស្ត្រខេត្តរតនគិរី និងខេត្តស្វាយរៀង នៅថ្ងៃទី០៣ ខែវិច្ឆិកា ឆ្នាំ២០២១នេះ ក្នុងគោលបំណងទប់ស្កាត់ទំនិញដែលមិនអនុលោមដែលឈ្មួញមួយចំនួនដាក់ចរាចរនៅលើទីផ្សារ។ ក្នុងប្រតិបត្តិការចុះត្រួតពិនិត្យនេះ មន្ត្រី ក.ប.ប. បានរកឃើញទំនិញខូចគុណភាពចំនួន ៥២.៣១ គីឡូក្រាម រួមជាមួយអាល់កុលក្លែងក្លាយ (មេតាណុល) ចំនួន ៦៥លីត្រផងដែរ។ ទំនិញខូចគុណភាព និងក្លែងក្លាយខាងលើត្រូវបានមន្ត្រីជំនាញដកហូតយកមករក្សាទុកដើម្បីកម្ទេចចោលនៅពេលក្រោយ។ រីឯម្ចាស់ទំនិញត្រូវបានមន្ត្រី ក.ប.ប. ធ្វើការពិន័យអន្តរការណ៍ និងណែនាំឱ្យបញ្ឈប់ប្រព្រឹត្តល្មើសនឹងច្បាប់៕ ប្រភព៖ អគ្គ.ការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ