VLC ជាកម្មវិធីចាក់វីដេអូដែលអាចចាក់បានគ្រប់ទម្រង់នៃវីដេអូទាំងអស់ ហើយ VLC ពេលនេះគឺកំពុងឈានដល់ដំណាក់កាលដ៏ធំមួយ។ គេហទំព័រ Variety ក៏បានប្រទះឃើញការដំឡើងរបស់ VideoLan នៅស្តង់ CES 2019 ដោយក្នុងនោះគឺជាការបង្ហាញចំនួននៃការទាញយក VLC ជិត ៣ពាន់លានដង។ ឆ្លើយតបនឹងការអបអរសាទរនេះតំណាងក្រុមហ៊ុនលោក Jean-Baptiste Kempf បាននិយាយថា VLC នឹងធ្វើការនាំយក AirPlay ទៅជា platform របស់ខ្លួននៅថ្ងៃអនាគត។ ការនាំយក Airplay មករួមជាដៃគូជាមួយ VLC ជាសមត្ថភាពមួយដែលនឹងអនុញ្ញាតឱ្យអ្នកប្រើប្រាស់ Android ប្រើប្រាស់វីដេអូទៅទូរទស្សន៍ Apple

ប្រទេសសិង្ហបុរី៖ ជំនួបកិច្ចប្រជុំកំពូលលើកទីពីររវាងលោកប្រធានាធិបតីសហរដ្ឋអាមេរិក ដូណា ដ្រាំ និងមេដឹកនាំកូរ៉េខាងជើង គីម ជុងអ៊ុន ប្រហែលជាអាចធ្វើឡើងក្នុងប្រទេសសិង្ហបុរី ឬវៀតណាម នេះបើយោងតាមប្រព័ន្ធផ្សព្វផ្សាយកូរ៉េខាងត្បូងបានរាយការណ៍ក្នុងព្រឹកថ្ងៃសុក្រ ទី១១ ខែមករានេះ។ មន្ត្រីក្រសួងការបរទេសកូរ៉េខាងត្បូងម្នាក់ដោយសុំមិនបញ្ចេញឈ្មោះបាននិយាយថា៖ «កន្លែងដែលសាសមនឹងត្រូវធ្វើជាម្ចាស់ផ្ទះក្នុងកិច្ចជំនួបអ្នកទាំង២ នេះគឺមានដូចជា៖ ប្រទេសវៀតណាម សិង្ហបុរី និងកោះហាវ៉ៃ»។ យ៉ាងណាមិញមន្ត្រីម្នាក់ទៀតបានឱ្យដឹងថា៖ «រដ្ឋហាវ៉ៃត្រូវបានគេនិយាយថា ជាទីតាំងមិនប្រាកដប៉ុន្មានទេ ព្រោះទីនោះមិនមានស្ថានទូតកូរ៉េខាងជើងនៅទីនោះឡើយ»។ ថ្វីបើរដ្ឋាភិបាលកូរ៉េខាងត្បូងធ្លាប់បានសង្ឃឹមថា ភូមិ Panmunjom ដែលស្ថិតនៅតំបន់គ្មានយោធារវាងកូរ៉េខាងជើង និងកូរ៉េខាងត្បូងនឹងអាចធ្វើជាម្ចាស់ផ្ទះកិច្ចប្រជុំកំពូលលើកទី២នេះក៏ដោយ ក៏វាមិនអាចទៅរួចដែរ។ មន្ត្រីម្នាក់ក្នុងចំណោមមន្ត្រីទាំងនោះបានប្រាប់សារព័ត៌មានថា៖ «យើងចង់រៀបចំកិច្ចប្រជុំនៅ Panmunjom ប៉ុន្តែលទ្ធភាពនៃការក្លាយជាការពិតហាក់ដូចជាមិនមាន»៕ អត្ថបទ៖ លីដា

តេឡេស្កុបអវកាស Kepler (Kepler Space Telescope) បានរកឃើញភពថ្មីមួយ ដែលមានទំហំធំជាងភពផែនដីពីរដង។ ភពដែលត្រូវបានគេឱ្យឈ្មោះថា K2-288Bb អាចជាថ្ម ឬសម្បូរទៅដោយឧស្ម័ន ដែលស្រដៀងនឹងភពណេបទូន (Neptune)។ ការរកឃើញនេះគឺពិតជាគួរឱ្យរំភើបជាទីបំផុត ដោយសារទំហំរបស់ភពនេះ (តូចជាងណេបទូនបន្តិច) គឺកម្រមានណាស់ក្នុងចំនោមភពដែលនៅក្រៅប្រព័ន្ធព្រះអាទិត្យរបស់យើងនេះ។ K2-288Bb មានទីតាំងស្ថិតនៅចម្ងាយ ២២៦ឆ្នាំពន្លឺ ស្ថិតនៅក្នុងតារានិករ Taurus និងជាផ្នែកមួយនៃប្រព័ន្ធផ្កាយដែលមានផ្កាយស្រអាប់ចំនួន ២ និងមានចំងាយឆ្ងាយពីគ្នាប្រហែល ៥.១ពាន់លានម៉ាយ។ ផ្កាយមួយក្នុងចំណោមផ្កាយទាំង២ គឺមានទំហំពាក់កណ្តាលព្រះអាទិត្យ ចំណែកឯផ្កាយមួយទៀតមានទំហំប្រមាណ ១ ភាគ ៣ នៃព្រះអាទិត្យ។ ក្រុមស្រាវជ្រាវបានរកឃើញថា

ស្រ្តីវៀតណាមម្នាក់នេះមានឈ្មោះ ង្វៀន វ៉ាន់អេញ បានចែករំលែកពីរបៀបដែលនាងបានជួបស្វាមីរបស់នាងតាមប្រព័ន្ធផ្សព្វផ្សាយសង្គម ហើយក្រោយមកបានរៀបការជាមួយគាត់បន្ទាប់ពីស្គាល់គ្នាអស់រយៈពេល ១០ខែ។ នាង វ៉ាន់អេញ ត្រូវបានគេឱ្យដឹងថា បានបញ្ចប់ការសិក្សានៅសាកលវិទ្យាល័យវិទ្យាសាស្រ្ត និងបច្ចេកវិទ្យាទីក្រុងហាណូយជាមួយនឹងលទ្ធផលដ៏ល្អប្រសើរក្នុង ឆ្នាំ២០១៥។ ក្រោយមកក្នុងខែឧសភា ឆ្នាំ២០១៦ ចៃដន្យនាងក៏ចាប់អារម្មណ៍ឃើញរូបថតបុរសម្នាក់ថតជាមួយនឹង idol របស់នាង ទើបនាងផ្ញើសារទៅកាន់បុរសនោះ។ ក្រោយមកបុរសដែលមានឈ្មោះថា Dang Tuan នេះក៏បានប្រាប់នាងវិញថា គាត់មិនស្គាល់ idol អ្វីរបស់នាងនោះទេ។ ដោយពួកគេមានអារម្មណ៍ល្អពេលផ្ញើសារឱ្យគ្នា ពួកគេក៏បន្តទាក់ទងគ្នារហូតមកដល់ ខែវិច្ឆិកា ឆ្នាំ២០១៦ ទើបពួកគេចាប់ផ្ដើមមានទំនាក់ទំនងស្នេហាជាផ្លូវការ។ បន្ទាប់ពីទាក់ទងគ្នាបាន ១០ខែ លើបណ្តាញសង្គមដោយមិនដែលបានជួបផ្ទាល់សោះ ពួកគេទាំងពីរក៏សម្រេចចិត្តចង់រៀបការជាមួយគ្នា

ការស្រាវជ្រាវបានរកឃើញថា ការបំបៅទារកដោយដបទឹកដោះគោ (ដោយមិនបំបៅដោះ) នឹងធ្វើឱ្យទារកនោះក្លាយជាមនុស្សដៃឆ្វេង។ មានការជជែកវែកញែកមួយថា តើការប្រើប្រាស់ដៃឆ្វេង ឬស្ដាំ ជារឿងកើតដោយធម្មជាតិ ឬយើងជាអ្នកកំណត់ ព្រោះសូម្បីតែកូនភ្លោះដែលមានកូដហ្សែនដូចគ្នាក៏នៅតែខុសគ្នាត្រង់រឿងដៃឆ្វេង ឬស្ដាំនេះ។ យ៉ាងណាមិញការស្រាវជ្រាវថ្មីបានរកឃើញថា របៀបនៃការចិញ្ចឹមបីបាច់ទារកដើរតួជាកត្តាដ៏សំខាន់ក្នុងការកំណត់នេះ។ ការសិក្សានេះបានផ្អែកលើការស្រាវជ្រាវនៅក្នុងប្រទេសចំនួនប្រាំរួមមាន៖ នៅសហរដ្ឋអាមេរិក ចក្រភពអង់គ្លេស និងអៀរឡង់… ដែលពាក់ព័ន្ធនឹងស្ត្រី និងទារកចំនួន ៦២,១២៩ គូ។ ក្នុងនោះអ្នកស្រាវជ្រាវបាននិយាយថា ការបំបៅកូនដោយទឹកដោះម្តាយលើសពី ៦ខែ អាចកាត់បន្ថយឪកាសដែលទារកនឹងត្រូវប្រើដៃឆ្វេង ១៣ ទៅ ១០ភាគរយ។ នេះមានន័យថា អ្នកដែលធម្មជាតិប្រើដៃឆ្វេងប្រហែលជា ២២ភាគរយ នឹងប្រែជាអ្នកប្រើដៃស្តាំវិញប្រសិនបើពួកគេត្រូវបានបំបៅដោយទឹកដោះម្តាយក្នុងរយៈពេលលើសពី ៦ខែ ។

រដ្ឋាភិបាលសុខភាពសាធារណៈអង់គ្លេសបានព្រមានថា ជំងឺថ្លើម និងអ្នកស្លាប់ដោយសារជំងឺនេះមានការកើនឡើងជាខ្លាំង។ ហើយវាគឺជាការព្រួយបារម្ភដ៏ធំមួយ ដោយសារតែមេរោគនេះវាបណ្តាលឱ្យមានជំងឺក្រិនថ្លើម និងជំងឺមហារីកតែម្តង។ តែយ៉ាងណាមិញអ្នកក៏អាចកែប្រែ ឬកាត់បន្ថយហានិភ័យរបស់វាដោយការកែសម្រួលរបបអាហាររបស់អ្នកផងញាដែរ (លើកលែងតែអ្នកមានមេរោគថ្លើមដោយសារការផឹកស្រា)។ ខាងក្រោមនេះគឺជាអាហារដែលអ្នកគួរតែប្រយ័ត្នដែលមានដូចជា៖ – ប៊ឺ, ម៉ាហ្គារីន, ខ្លាញ់ជ្រូក, ខ្លាញ់ស្រក់ពីការចំអិនសាច់, ម៉ាយ៉ាណែស – ទឹកដោះគោដែលសម្បូរគ្រីម – ឈីស – ប្រេងឆា រួមទាំង៖ ប្រេងអូលីវ ផ្កាឈូករ័ត្ន និងប្រេងបន្លែ – សាច់ដែលមានសាច់ច្រើនដូចជា៖ សាច់ទា និងពោះជ្រូក (សាច់ផ្នែកខាងពោះ) – សាច់កែច្នៃ រួមមាន៖

និស្សិតម្នាក់បានស្លាប់ក្រោយធ្លាក់ពីលើអគារបន្ទប់ជួលជាន់ទី ៩ របស់ខ្លួនមានឈ្មោះថា Arlington House ដែលជាប្លុកអគារដ៏ធំមួយនៅក្រុង Margate និងបានធ្លាក់ហើយទើរលើដំបូលចំណតរថយន្តមួយកន្លែងក្រោមអគារនោះ។ ជនរងគ្រោះដែលបានស្លាប់នេះមានឈ្មោះថា Franis Simon អាយុ ២៣ឆ្នាំ ត្រូវបានគេរកឃើញសាកសព បន្ទាប់ពីអ្នកដំណើរម្នាក់ដែលកំពុងថតរូបនៅជិតទីនោះបានឃើញសាកសពគាត់ចៃដន្យ។ ជនរងគ្រោះលោក Franis Simon គឺទើបតែចេញពីរ៉ូម៉ានីមករស់នៅអង់គ្លេសប៉ុន្មានខែមុននេះប៉ុណ្ណោះ ដើម្បីចំណាយពេលជាមួយម្តាយ និងឪពុកចុងរបស់គាត់។ លោក Anthony Pierce ដែលជាឪពុកចុងក៏បានប្រាប់ប៉ូលីសថា Simon ចូលចិត្តអង្គុយនៅលើមាត់បង្អួចផ្ទះជួលរបស់គាត់ពេលគាត់ជក់បារីណាស់ ទោះបីជាគាត់ត្រូវបានព្រមានជាច្រើនដងពីគ្រោះថ្នាក់នៃការធ្វើបែបនេះពីម្តាយនិងឪពុកចុងក៏ដោយ។ រាល់ពេលដែលពួកគាត់ប្រាប់កំុឱ្យធ្វើបែបនេះ Simon តែងតែសើចមកវិញ និងនិយាយតបថា៖ «គ្មានអ្វីកើតលើខ្ញុំទេ»។ តែជាអកុសលវាពិតជាដូចអ្វីដែលគ្រប់គ្នាភ័យខ្លាចពិតមែន។

ក្រុមហ៊ុន Nissan Motor Co., Ltd., បានក្លាយជាក្រុមហ៊ុនផលិតរថយន្តដំបូងគេ ដែលបានប្តេជ្ញាចិត្តក្នុងការផ្គត់ផ្គង់រថយន្តអគ្គិសនីមកឱ្យប្រទេសសិង្ហបុរី។ ក្រុមហ៊ុន Nissan Motor បានប្រកាសនៅក្នុងពិព័រណ៍ Motorshow កាលពីព្រឹកថ្ងៃព្រហស្បតិ៍ ទី១០ ខែមករាថា នៅត្រឹម ឆ្នាំ២០២២ គ្រប់ម៉ូដែលថ្មីរបស់ Nissan ដែលនាំចូលមកដល់សិង្ហបុរីនឹងសុទ្ធតែជារថយន្តប្រើថាមពលថ្ម ឬកាត់ (ប្រើបានទាំងប្រេងឥន្ធនៈ និងថាមពលថ្ម)។ លោក Ron Lim ប្រធានផ្នែកលក់ និងទីផ្សាររបស់ក្រុមហ៊ុន Nissan Tan Chong Motor បានប្រាប់កាសែត The

មានការភ្ញាក់ផ្អើលមួយបានកើតឡើងកាលពីថ្ងៃទី២៩ ខែធ្នូ ចុងឆ្នាំ២០១៨ នៅក្នុងមណ្ឌលថែរក្សារយៈពេលយូរមួយ ដោយស្ត្រីម្នាក់ដែលកំុពុងស្ថិតក្នុងស្ថានភាពសន្លប់ (coma) យ៉ាងហោចណាស់ ១០ឆ្នាំ បាមកហើយនោះ បានផ្តល់នូវកំណើតកូនប្រុសមួយ។ បើយោងតាមកាសែត The Guardian បានឱ្យដឹងថា ឧបទ្ទវហេតុនេះបានកើតឡើងនៅរដ្ឋ Arizona សហរដ្ឋអាមេរិក។ វាហាក់ដូចជាអ្នកថែទាំជំងឺមិនបានដឹងអំពីការមានផ្ទៃពោះរបស់ស្ត្រីនោះទេ រហូតដល់គាត់ចាប់ផ្តើមសំរាលកូន។ យ៉ាងណាមិញទារកដែលទើបនឹងកើតរបស់ស្ត្រីរងគ្រោះ ហាក់ដូចជាពិបាកដង្ហើមនៅពេលដែលមន្ត្រីប៉ូលីសបានទៅពិនិត្យក្នុងមន្ទីរពេទ្យ។ ហើយបើយោងតាមកាសែត Daily Mail បានឱ្យដឹងថា ទារកទើបនឹងកើតនេះស្ថិតក្នុងស្ថានភាពទន់ខ្សោយ និងជិតស្លាប់បន្ទាប់ពីកើតរួច។ ទោះជាយ៉ាងណាក៏ដោយទាំងម្តាយ និងកូនពេលនេះកំពុងសម្រាកព្យាបាលនៅមន្ទីរពេទ្យ។ ទន្ទឹមនឹងនេះដែរក្រុមគ្រួសាររបស់ស្ត្រីនេះបានសម្តែងការខឹងសម្បារចំពោះឧបទ្ទវហេតុនេះដោយនិយាយថា ម្តាយ និងកូនប្រុសគឺនឹងមានការតក់ស្លុតយ៉ាងខ្លាំងដោយសារការរំលោភបំពាននេះ ហើយវាគឺការធ្វេសប្រហែសដែលបានកើតឡើងនៅក្នុងមន្ទីរថែរក្សាមួយនេះ។ ចំពោះទារកដែលទើបនឹងកើតនេះ

ស្ត្រីម្នាក់ដែលជាសហស្ថាបនិកនៃគេហទំព័រអាសអាភាសដ៏ធំបំផុតមួយរបស់ប្រទេសកូរ៉េខាងត្បូង ត្រូវបានតុលាការក្រុងសេអ៊ូលដាក់ពន្ធនាគារ ៤ឆ្នាំ ដោយសារការប្រើប្រាស់វីដេអូថតដោយកាមេរ៉ាបង្កប់។ ស្រ្តីម្នាក់នោះមានឈ្មោះថា សុង អាយុ ៤៦ឆ្នាំ ដែលត្រូវបានគេរកឃើញថា មានពិរុទ្ធពីបទជួយ និងចែកចាយសម្ភារៈអាសអាភាសសម្រាប់តួនាទីរបស់នាងក្នុងការដំណើរការគេហទំព័ររបស់ខ្លួន។ សុង គឺជាមនុស្សម្នាក់ក្នុងចំនោមមនុស្សបួននាក់នៅពីក្រោយគេហទំព័រអាសអាភាស ដែលជាគេហទំព័រសិចដ៏ធំមួយរបស់កូរ៉េខាងត្បូង។ គេហទំព័រនេះ គឺចរាចរនូវវីដេអូសិចខុសច្បាប់រាប់ពាន់ ដែលបានថតពីបង្គន់ និងបន្ទប់ផ្លាស់ប្តូរសំលៀកបំពាក់។ គេហទំព័រអាសអាភាសនោះមានអ្នកប្រើប្រាស់ជាងមួយលាននាក់ ហើយក៏មានវីដេអូរាប់ពាន់នាក់ត្រូវបានលុបទៅវិញ ដោយសារការផលិត និងការផ្សព្វផ្សាយវីដេអូអាសអាភាស ឬសិច គឺជារឿងខុសច្បាប់នៅក្នុងប្រទេសកូរ៉េខាងត្បូង។ យ៉ាងណាមិញ សុង ត្រូវបានផាកពិន័យ ១.៤ពាន់លានវ៉ុន (ប្រហែល ១.២លានដុល្លារអាមេរិក) ហើយត្រូវបានបង្គាប់ឱ្យចូលរៀនអំពីការអប់រំទប់ស្កាត់អំពើហឹង្សាផ្លូវភេទរយៈពេល ៨០ ម៉ោង។ រូបភាព និងវីដេអូសិចតាមរយៈកាមេរ៉ាបង្កប់ខុសច្បាប់នៅក្នុងប្រទេសកូរ៉េខាងត្បូងបានក្លាយជាបញ្ហាដ៏សំខាន់